الفهد والطبيبة ( مكتملة )

الفصل١٨

يا شباب اللى زعلانين انى بتاخر والله غصب عنى بسبب المدرسة والدروس انا اسفة

💔رواية الفهد والطبيبة💔
💓مى محمود💓

فى صباح يوم جديد احمد بيجهز حقيبة صغيرة معه للسفر ودخلت غرفته الدكتور فريدة.......
فريدة بحزن: صباح الخير يا حبيبى
احمد: صباح النور يا قلبى ممكن اعرف زعلانة ليه
فريدة: مش زعلانة
احمد: بس انا عارف انك زعلانة... يا ماما يا حبيبتى مش كل سفرية تزعلى وتعيطى حرام عليكى ابنك راجل متخافيش عليه وكمان انا مسافر الاسكندرية يعنى هنا فى مصر مش مهاجر وان شاء الله يومين وارجع تمام يا روحى.
فريدة: ماشى بس خلى بالك من نفسك ومن محمد
احمد: حاضر اى اوامر تانية
فريدة: لأ يا روحى اهم حاجة ترجعلى بالف سلامة
احمد: ان شاء الله يلا علشان محمد زمانه نايم وعاوز ياكل والا هيفضحنا طول الطريق
فريدة: ههههه ماشى يلا روح صحيه وانا اعمل احلى فطار لاحلى رائد فى مصر كلها.
نزلت فريدة وذهب احمد الى محمد

فى غرفة محمد
كان محمد نايم عندما دخل احمد
احمد: استغفر الله العظيم الاستاذ لسه نايم ...
محمد... محمد .... اصحى يا زفت
محمد بنوم: نعم
احمد: نعم الله عليك قوم يا غبى هنتاخر
محمد: هنتاخر على ايه الساعة لسه ٦
احمد: انجز يا محمد علشان المأمورية يا متخلف
محمد: استغفر الله العظيم فى حد يغلط على الصبح وكمان واحنا رايحين مهمة زى دى حرام عليك
احمد: خلص الفطار جاهز قوم نفطر ونمشى
محمد: فطار.... ثوانى وهكون جاهز
احمد: هههه والله نهايتى على ايدك
خرج احمد وذهب الى غرفة روفيدا

غرفة روفيدا..
روفيدا جالسة على المكتب بتذاكر ودخل احمد...
احمد: صباح الخير يا روفى.
روفيدا: صباح النور حبيبى اتفضل
احمد: بتذاكرى .. خلاص مش عاوز اشغلك
روفيدا: ابدا حبيبى مفيش اى مشاغل عاوز ايه.
احمد: عاوزك تنزلى تفطرى معايا تحت علشان مسافر
روفيدا: حاضر حبيبى خمس دقايق وهتلاقينى تحت
احمد: ربنا معاكى
محمد: يارب وتخلص امتحانات
روفيدا: ملكشى دعوة وكمان انت ازاى تدخل بدون اذن منى ممكن اعرف
محمد: الباب مفتوح وانت واحمد بتكلموا فعادى
احمد: لأ مش عادى متتكررشى ويلا علشان الفطار

نزلوا الثلاثة الى غرفة الطعام لتناول الافطار معا
وبعد الانتهاء خرج احمد اول شخص ليتصل بمى
احمد: صباح الخير
مى بسعادة: صباح النور
احمد: ممكن اعرف سر السعادة على الصح كدا
مى : اصل انا كنت فى المعمل والتحاليل كلها ايجابية يعنى مفعول الدواء بدأ يشتغل .
احمد: بجد مبارك الف يا قلبى وان شاء الله هتكونى امهر طبيبة فى العالم
مى: فى العالم طب قول فى مصر
احمد: لأ فى العالم علشان انت تستاهلى وكمان لازم تثقى فى قدراتك اكتر من كدا
مى: حاضر وكمان انت صاحى بدرى ليه
احمد: انا قولتلك انى مسافر الاسكندرية فى مهمة وهرجع بسرعة
مى: ترجع بالسلامة وخلى بالك من نفسك يا فهدى.
واغلقت مى الاتصال قبل ان تسمع رده واكملت مذاكرتها....