الفهد والطبيبة ( مكتملة )

الفصل١٥

ذهب الجميع الى غرفهم ليرتاحوا بينما جلس والد مى واخوه فى المكتب للحديث وجلست والدة مى مرفت مع والدة ندى ولاء فى غرفة الصالون..
مرفت: وحشتينى اوى
ولاء: انت اكتر والله بس اعمل ايه فى الشغل واية كنت بستحايل عليها تيجى معايا او تسنيم مبيردوش بالعافية على ان وافقت ندى علشان متسبنيش لوحدى خايفة اكون ظلمتهما
مرفت: متخافيش وكمان هما الاثنين مع مى ومصطفى وانت دائما تنزلى وكمان هما بيروحوا فى الاجازات يعنى هى بمزاجها محدش غصبها على حاجة... وكمان البنات كبرت وهما عارفين مصلحتهم ومين يسدق ان جواز مى بعد كام اسبوع.
ولاء: عندك حق يلا خلينا نعمل الغداء
مرفت: ارتاحى انت وهما جوا هيعملوا كل حاجة اطلعى انت ارتاحى.
ولاء: حاضر
صعدت والدة اية الى غرفتها لترتاح بينما دخلت اية الى غرفة مى واغلقت الباب بعنف
اية: اوووووف.. هى مش هتهدى الا لما تقتلنى
مى: فى ايه وقفتى قلبى اهدى
اية: الاستاذة ندى قاعدة بذاكر تقوم تطفى النور علشان عاوزة تنام.
مى: بدئدوا.. اهدى يا اية هى عاوزة تنام سبيها هى جاية من سفر وتعالى ذاكرى معايا مفيش مشاكل
اية: اووووف انا مش عارفة ليه تقعد معايا متقعد مع تسنيم اشمعنى انا ...رخامة
مى : خلاص يا اية تعالى ذاكرى وطنشى وكمان دى اختك التوأم انا مش عارفة انت ازاى تبعدى عنها...
وكمان انت عارفة اوضتك اكبر من اوضة تسنيم.
اية: ماشى هجيب كتبى وهذاكر معاكى.. انا مش عارفة هى هتقعد معايا ازاى لحد اخر السنة.
مى بلهفة: بجد!!
اية: ايوة .. الدكتورة حصلت على اذن انها تحضر المحاضرات هنا وتمتحن هناك... احسن حاجة ان ماما مش هتسافر تانى.
مى: بس دى اخبار حلوة بدل ما بنشوفها فى الاجازة هتفضل هنا للابد
اية: غلط بابا قال اننا هنتنقل بعد يومين الى البيت اللى جمبنا بتاع المحامى عدلى ..بابا اشتراه وهنقعد فيه بدل ما كل واحد فى حته
مى: بس برده دى اخبار حلوة انكم هتفضلوا مع بعض وكمان انا عارفة انت زعلانة ليه علشان هتسبينى بس انت قولتى انك جمبى وهفضلى معايا يعنى مش هاتسفرى ...خلاص بقا خلينا نذاكر
اية: حاضر هجيب الكتب واجى.
جلبت اية كتبها وبدئوا فى المذاكرة معا وبعد ذلك ذهبوا جميعا الى تناول الغداء والعيلة كلها اجتمعت بعد فراق طويل...
داخل غرفة الطعام......
محمود: انا سعيد جدا علشان كلنا مع بعض.
اسامة: عندك حق احسن حاجة العائلة علشان كدا انا اشترات بيت المحامى عدلى اللى جمبك وهعيش فيه مع عيلتى.
محمود: ده احلى خبر يعنى مفيش سفر
مصطفى: يعنى تسن.. اقصد يعنى مش هتعيشوا هنا.
ندى: لأ احنا هنعيش فى البيت اللى جمبكم يعنى مش هنبعد هى دقيقة وتكون عندنا متخفشى
مصطفى: وانا هخاف من ايه مبارك يا عمى.
اسامة: ربنا يخليك يا مصطفى وافرح ببيتك مع عروستك.
مصطفى: يارب
انهى الجميع الطعام وذهبوا لاستكمال مذاكرتهم ..
فى غرفة تسنيم.....
مصطفى: انت ليه مقولتيش انك هتسيبى البيت
تسنيم: والله ماكنت اعرف انا لسه عارفة زيك تحت وكمان انا مش هسافر انا فى البيت اللى جمبك.
مصطفى: طب ذاكرى علشان الامتحانات وانا رايح اذاكر سلام.
فى غرفة مى......
كانت مى بتذاكر مع اية وكذلك روفيدا التى انضمت اليهم منذ قليل وكملوا مذاكرة واستمروا ساعات حتى جاء احمد لاخذ روفيدا بعد ان تناول القهوة مع والد مى وعمها وتعرف عليهم
احمد: فرصة سعيدة انى تعرفت عليكم ولكن انا بعتذر لاننى يجب الانصراف .
اسامة: ربنا يكون فى العون حضرة الرائد
محمود: ربنا يعينك يا ابنى ..تعرف يا اسامة احمد خيرة شباب البلد ومن رجولته واجتهاده وانه قوى وسريع البديهة اصدقاؤه لقبوه بفهد المخابرات
احمد: دى وسام على صدرى ياعمى بعد اذنك روفيدا نزلت.. مع السلامة
غادر احمد مع روفيدا الى منزله.. ثم دخل المكتب مع والده لاتمام بعض العمل وكذلك محمد الذى كان حاضرا فى المكتب واكملوا العمل
عبد الله: خلاص يا ولاد اطلعوا ارتاحوا الوقت اتاخر اكيد تعبتوا اوى يلا
ذهب احمد ومحمد الى غرفتهما واثناء الصعود
محمد: كنت مع مى
احمد: اه شفتها فى المطار الصبح وشربت القهوة مع والدها وعمها
محمد: عمها!!
احمد: اه رجع النهاردة وهيفضل معاهم
محمد: طب نقول لاسر يطلب يد اية
احمد: ماشى قوله انت علشان انا هموت وانام سلام.
صعد احمد الى غرفته واخد شاور بارد ونام

فى غرفة محمد......
اتصل محمد باسر و..
محمد: مساء الخير
اسر: مساء النور يا محمد خير
محمد: عندى ليك خبر جنان
اسر: اتفضل
محمد: والد اية رجع واخدوا البيت اللى جمبهم بتاع واحد محامى اسمه عدلى احمد لسه قايلى هاه هتروح تطلب ايدها امتى.
اسر: اخر يوم فى الامتحانات علشان متنشغلشى
محمد: يعينى ..خلاص ماشى ربنا معاك سلام
اسر: سلام
فى منزل اسر.....
اتجه اسر الى غرفة والده لاعطائه الدواء الخاص به .طرق الباب ودخل وعندما دلف الى داخل الغرفة انصدم.....