Bloody Crimes (Completed)

Kabanata Pito

Mabilis ang mga yapak ng isang binata papunta kay Andrea na siyang nakaupo sa upuan nito at abala sa pag aayos ng mga dokumento, "Dre, pwede ba tayong mag usap?"

"Oo naman, bakit?"

"Kanina kase habang nagliligpit ako ng mga record tapes sa interrogation room hindi sinasadyang mapakinggan yung kay Taylor para sa kaso sana ni Lacsamana at may sinabi siya tungkol sa posibleng gumawa nito sa biktima."

Mabilis namang tumayo mula sa kanyang upuan si Andrea at dumiretso sa interrogation room para pakinggan ang sinasabing record tape ni Chris.

Ilang beses niya rin itong pinakinggan bago narinig ang sinabi ni Rave Ashton na naging karelasyon ni Abigail.

"Alex Kent Lopez, iyan ang pangalan niya."

-#-

"Sa'n ka pupunta?"

Tanong ni Jasper sa dalaga nang mapansin ang pagmamadali nito, "malalaman mo rin pag andoon na tayo," sagot ng dalaga habang naglalakad palabas ng istasyon.

Naintindihan naman kaagad ni Jasper ang ibig sabihin ng dalaga at mabilis na tumayo mula sa kinakaupuan.

Seryoso ang mukha at diretso ang tingin sa daan ng dalaga habang nagmamaneho, walang kibo at maraming iniisip.

Pagkatapos ng ilang minuto ay nakarating sila sa ospital na siyang pinagtatrabahuhan ng suspek.

Walang paligoy-ligoy na inilabas ni Andrea ang patunay na isa siyang detective ng makapasok sa opisina ng sinasabing doktor.

Nalilitong tumuon ang kanyang tingin sa name plate nito na naka patong sa maliit na lamesa.

Alex Kent Lopez, MD.

Psychiatrist 

Nagugulohan na hindi niya alam ang sasabihin ng maalala ang sinabi ng binatang si Rave na Leukemia ang sakit ng dalagang biktima at ang doktor na ito ang posibleng may kagagawan ng nasabing krimen.

Mabilis naman na natauhan sa saglit na pagkatulala si Andrea ng maramdaman ang bahagyang pagsiko ni Jasper sa kanya.

"Anong maitutulong ko?"

Naguguluhang tanong ng doktor sa dalwang detective, "maaari po ba namin kayong makausap tungkol sa isang kaso?" Tanong ni Jasper ng mapansin na hindi pa rin gaanong kumikibo ang dalaga.

Mabilis namang pumayag ang doktor at walang pag-aalangang sumama sa dalawa matapos ikansela ang natitirang schedule.

-#-

"Kanina ka pa wala sa sarili mo ah, ano bang iniisip mo?"

Tanong ni Jasper kay Andrea habang pinagmamasdan ang ngayong nakaupong doktor sa loob ng Interrogation Room.

Bumuntong hininga naman ang dalaga at humarap kay Jasper para kausapin ito.

"Naalala mo yung sabi ni Rave na leukemia ang sakit ni Lacsamana at ang siyang doktor nito ang naging karelasyon rin ng dalaga?"

"Oh, bakit?"

"Psychiatrist si Doctor Lopez, hindi pwedeng siya yung doktor ni Lacsamana"

Bigla namang lumaki ang mata ni Jasper na parang nagulat sa sinabi ni Andrea at kinuha na lang ang kakailanganin para masimulan na ang pagtatanong sa doktor na kasama nila ngayon.