Bloody Crimes (Completed)

Kabanata Siyam

Ng makaalis si Tiffany ay agad na kinuhang muli ni Andrea ang sd card at isinaksak ito sa kanyang desktop para mapanood ang video file na sinasabi ng babaeng estudyante.

Naka time lapse ito kaya pinalitan niya muna ang speed ng video para mapanood ito ng mas maayos. 

Hindi pa gaanong madilim ng sinimulang kuhanin ang video, kita sa video ang pag lubog ng araw, ang mismong silid kung saan natagpuan ang katawan ni Sumalang at ang mismong parking lot ng eskwelahan.

"Kaya naman pala hindi nila nagamit, ang pangit ng angle, dala lahat, dapit kasi pag mga ganyang shot naka focus lang 'dun sa mismong araw para mas maganda."

"Ang ingay mo, manood ka na lang, pasalamat nga tayo na pangit yung pagkakakuha nila ng para sa project nila at sakop ang buong eskwelahan, malay mo ito na pala yung jackpot na hinihintay natin."

Kalmang sagot ni Andrea kay Jasper habang seryosong sinusuri ang video.

"Kita mo, agree ka rin na pangit pagkakakuha."

Sabi ni Jasper habang tumatawa-tawa pa saka nilapit ang upuan kay Andrea para mas klarong makita ang video.

Ipinakita nito ang pagpasok ni Abby at Rave sa silid at si Tiffany na nasa labas sa may katabing room na hinihintay ang kaibigan. Pinabilis ni Andrea ang video at pinabagal ulit ng makitang umalis si Tiffany at pumunta sa malayo.

Pagkatapos ng ilang minuto ay dumating si Sumalang at kagaya ng sabi ni Tiffany ay sinamahan siya nito at pinauwi, pinasakay niya muna ang estudyante bago tuluyang naglakad.

Maya-maya pa ay naging mabilis ang paglalakad ng guro at pumasok sa silid kung nasaan si Abby at ang kasintahang si Rave.

Matapos ang ilang minuto pa ay makikitang lumabas si Abby sa silid at naiwan naman si Rave at ang gurong biktima, magulo ang buhok ng dalagang biktima at mabilis na tumatakbo paalis ng eskwelahan.

Pinabilis muli ng dalaga ang video at nakitang may sasakyan na dumating, may lumabas na babae doon at nagmamadaling naglalakad, halos tumatakbo na sa silid na kinaroonan ng biktima at ni Rave.

Paglabas ng dalaga ay kasama niya na ang binatang magulo ang buhok, hawak niya ito sa kamay at hinihila pa papunta sa sasakyan.

"Oh, sandali, ibalik mo!"

Biglang sigaw ni Jasper sa kasama dahilan ng pag tingin ng ibang ka trabaho sa gawi nila.

"Pause!"

Bahagyang pasigaw na sabi ni Jasper kay Andrea na agad naman nitong sinunod. Mas lumapit pa ang binatang detective sa tabi ni Andrea at tinuro ang screen.

Agad namang napatingin si Andrea doon para mas klarong makita ang tinuturo ni Jasper. Si Rave ito na nakabukas pa ang sinturon at zipper ng pantalon.