*وجاء صباح اليوم الثاني......وفي الحرم الجامعي*
:صباح الخير حضرتك انسة هند؟
هند:ايوة انا خير مين حضرتك؟؟
:أنا بيان.
هند:اه اهلا خير.؟
بيان:كنت حابة اسئلك عن المكان بتاع المحضرات ؟
هند:اه هو الحقيقة انا كمان معرفوش انا مستنية اخويا هو كان هنا قبلنا هو بيجيب جدول المحاضرات وجاي علي طول اتفضلي اقعدى معايا نستناه.
بيان:لا شكرا مش عاوزة ارخم عليكي.
هند:لا لا اتفضلي مفيش حاجة.
*جلست بيان ولاحظت ان هند تنظر لها بأستغراب*
بيان:مالك بتبوصيلي كدة لية؟.
هند:اصل حساكي مش اسكندرانية.
بيان:فعلاً انا من القاهرة.
هند:طيب وجاية تدرسي هنا عادى؟
بيان:لا انا جيت هنا مع قريبنا .انا كنت شايفة ان هنا احسن من الدراسة في مصر.
هند:اها ربنا يعينك انك تبعدي عن اهلك ...عالعموم هتبقي تعرفيني علي قريبك صح؟.
بيان:نعم..اه اه اكيد طب اية اخوكي هيتاخر ولا اية؟
هند:يارتنا كنا جبنا فسيرة ربع جنية... تعالي يا عم اتأخرت كدة لية؟
مهند:قابلت صحابي وسلمت عليهم وبعدين اا...مش تعرفينا؟
هند:سورى.....بيان صاحبتي ....مهند اخويا.
مهند:اتشرفت بمعرفتك بيان.
بيان:وانا كمان بس مش عايزة حد يقولي بيان انا اسمي بيبو .
هند:خلاص تمام مهند جبت جدول المحاضرات؟؟
مهند:اه يا حببتي واول محاضرة ليكي بعد ساعة.
هند:طيب بعد آذنكوا هجيب حاجة نشربها.
.
*وقامت هند لتذهب لأحضار المشاريب ....وفكرت بيان بالاعتذار والقيام حتي تأتي هند حتي لا تجلس مع مهند وحدها*
بيان:طيب بعد آذنك انا هقوم بقي .
مهند:لية كدة؟ لو انتي مكسوفة تقعدي معايا انا ممكن اقوم.
بيان:لا طبعا خليك قاعد .
مهند:يبقي تقعدي معايا.
بيان:ماشي تمام.
مهند:ماشي يا ستي ..انا مهند 26سنة خريج هندسة وشغال في شركة والدي بس انا اللي معتمد علي نفسي فيها هي شركة والدي اسماً بس ..وانتي؟
بيان "بأستعباط":انا انا اية؟
مهند:يعني عرفيني علي نفسك.
بيان:انا بيبو قد آختك هتخرج من هندسة ولسة مرسمتش طريقي
*كانت هي تتحدث ومهند ينظر الي عيوانها بسرحان.......حتي لاحظت ذلك بيان واحدثت ضجة بيدها علي الطاولة{ضربت بأيديها علي التربيزة يعني..}*
بيان:ياريت تركز معايا انا.
أنت تقرأ
ياليتها ما كانت معي
Romanceالرواية رومنسية❤❤ ووممكن نقول جزء بسيط غموض ....... يارب تعجبكوا . **طبعا ممنوع النقل بدون آذن** ﴿﴿ملحوظة\اول رواية اكتبها﴾﴾ بداية النشر:23/1/2019 نهاية النشر:11/3/2019
