#زمن العجائب
البارت السابع
ل وردالعامري
رجعنه للبيت وكملت شغلي وصعدت لغرفتي بعد لازم احاجي احضر نفسي ع كليه
صعدت لكيته كاعد ده يباوع فلم اجنبي
ايهاب اريد احاجيك
ايهاب: اي اي كولي لالاحيضربه انتبه يثول
ريهام: ايهاب احجي وياك وانت منتبه ع فلم شلون
ايهاب: لالااوكفي بس اشوف هذا
ريهام: ايهاب ركز ويايه عفيه
ايهاب: اييي ياريهام شنو شبيج
ريهام: ايهاب ع موضوع الكليه
ايهاب: اي شبي
ريهام: صار هواي عايفه لكليه لازم ارجع اداوم
ايهاب: اي وشنو يعني
ريهام: ايهاب عوف الفلم شبيك ده اكولك لازم ارجع لكليتي يادوب الحك
ايهاب: اي وشسوي يعني اني اوديج لكليتج لوشنو ماعدج خط
ريهام: لا لا اروح ويه بابا ع دربه ايذبني
ايهاب: اي خوش
ريهام: يعني باجر اباشر ان شاءالله بدوام ارجع
ايهاب: اي شنو لازمج اني مترحين بس حطي ابالج كعده من الصبح مااكعد اني
ريهام: ههه لالا مااكعدك اني ابدل واروح لبابا نطلع سوه هسه ادك عليه
ايهاب: ماشي ماشي خل اشوف هسه شحيصير بالفلم
ريهام: اتصلت ب بابا وكتله ينتضرني نطلع سوه بدربه ايذبني حضرت نفسي ع باجر حته اكون مستعده بس ابدل واطلع
كعدت الصبح بدلت وكملت ونزلت كلها نايمه بس عمي كاعد بالمطبخ هوه حامي لروحه جاي وده يشرب مثل كل يوم هوه يخدم نفسه الصبح
صباح الخير عمو
-هلاعمو صباح النور هاا وين من الصبح
-عمو اروح للكليه اليوم
-ها ها اي بابا الله وياج ايهاب وينه
-نايم عمو
-لعد شلون حترحين بابا لاحول الله امشي اوصلج اني
-لالاعمو بابا بدربه ايوديني
-هااا بس ميصير يابنتي لو مكعده رجلج ايوديج
-هههه عمو موتدري باايهاب ميكعد الصبح
-لاحول الله امشي بابا امشي نطلع سوه
ريهام: طلعت ويه عمي خطيه هوه عده محل مواد احتياطيه واصباغ
وجان هوه اصلايشتغل صباغ بس من كبر بطل هل شغله فتحله محل
وصلني لباب بيت اهلي وراح
دخلت بابا وماما ده يتريكون كعدت اكلت لفه وياهم غصبني بابا اكل وطلعنه سوه
أنت تقرأ
زمن العجائب
General Fictionدنيا كبيره ممثليها كثر ومسرحها اكبر نعيش فيها مالانتوقع حدوثه حياتنه مسرحيه ولانعرف اذا كنا الابطال فيها ام الكومبرس
