#زمن العجائب
البارت الرابع
ل وردالعامري
كلامه جان بي عصبيه ونار كلام طلع حسيته شعل كلبي بنار
اني نفسي مااتحمل احد يكولي موابوج
حسيت اكو حركه بداخله
امي مطلع صوتها بعد
وهوه ماانتضر حته امي يكون عدها رد عافها وطلع نزلت اركض بابا
بابا مندار ولادارلي بال طلع بسرعه سيارته بالباب شغله وطلع بسرعه
رجعت امي كاعده وحاطه ايدها ع راسها
ليش هيج كلتيله
ام ريام: ريهام ماما ولاكلام مناقصتج اني
ريهام: ماما ليش هيج حجيتي يعني هوه يستاهل هيج. تكوليله
ام ريام: ريهام روحي وعوفيني
ريهام: ماروح ماروح هذا ابويه ليش هيج سويتي شفتي شلون انقهر هسه اذا صاربي ش… .
ام ريام: ريهام لاتدخلين ومالج حجايه اني امج واني اعرف مصلحتج مناكره انه رباجن بس كافي تعبت مالي رئي ومالي حجايه تمشي عليجن
هوه مو احن مني عليجن ولا يعرف مصلحتجن اكثر مني
اني اريد اطمن عليج
بريام هم حار شسوه وشطلع حجج
وهاي اختج مرتاحه ويه رجلها والله رزقها اطفال منه ومايوم شكت منه بشي
موهذا نفسه الي جان رافضه هوه
كافي عاد تحملت هواي وانتن ماشيات بكلامه اذا كالجن موتن تموتن
واني مالي اي اهميه عدجن
كافي عاد ربه اي تعب اي وصلجن اي
بس مومن حقه يلغي وجودي اني المسؤله عنجن فتهمتي لولا
ريهام: بس هوه…
ام ريام: رررررييييهام كتلج بس ولاكلمه اسمع منج روحي من كدامي تره مطايقه نفسي
ريهام: عفتها وصعدت وبداخلي غضب امنيتي اصرخ بيها كل قوتي حسيت اني ابويه عندي اهم من كلشي حته اهم من امي
كااني نسيت اصلا ان زوج امي موابويه
وهيه ذكرتني بهل شي
رغم اسمي الي ينذكر بدوامي ممربط بااسمه بس محاطه اهتمام ولامنتبه ع موضوع
محسسني بيوم اني يتيمه ومالي،سند وضهر
لان هوه سند وضهر الي
صعدت اتصلت بريام ردت وكتلها كل الي،صار جان حركتها اقوه مني سدته مني وهيه تكولي هسه اجي
وبالفعل جتي وتعاركت ويه امي وامي مقصرت بكلامها الي ولريام وزعلت من عدنه
ابويه يومين منعرف عنه شي تلفونه مغلق وميروح للمحل الى ان عرفنه انه ابيت عمتي اخت بابا خالد
أنت تقرأ
زمن العجائب
قصص عامةدنيا كبيره ممثليها كثر ومسرحها اكبر نعيش فيها مالانتوقع حدوثه حياتنه مسرحيه ولانعرف اذا كنا الابطال فيها ام الكومبرس
