#زمن العجائب
البارت الحادي عشر
ل ورد العامري
ريهام: استئذنت وطلعت كلام عمي عدم ثقه ايهاب بنفسه دفعوني ارفض
اول مطلعت من الصاله امي وريام واكفين
ام ريهام: استعجلتي ريهام موكلشي ينحل بالاستعجال
ريام: عوفيها امي هيه حره معليج بيها
ام ريهام: لاموحره ابطنها طفل و لازم تفكر بيه
ريهام: جان صوتهم بعده بالاستقبال سمعت كلام عمي وهوه يكول لاابويه احنه ماريد هل شي يصير ولولد رايدها وراح يصير عدهم طفل وميصير نوصل لهل مرحله من اول مشكله
احنه اروح وكم يوم وانمر بلكن اتكون فكرت بالموضوع
ابوريهام: الي بي خير يقدمه الله
ريهام: سمعتهم طلعو وامي مراضيه ع تصرفي ريام كاعده يمي ولازمه ايدي
دخل بابا وهوه مبتسم ابتسامه الرضا ع الي صار
ابوريهام: شوفي بابا ماكو اب يريد الطلاك لبنته ولااكو اب يريد هجم بيت بنته وخصوصا اذا اكو روح ثالثه بالموضوع
بس يابابا الاب ينجبر ع اشياء للحفاظ ع بنته
واني هسه مااريد احافظ عليج فقط اريد احافظ عليج وعله الروح الي جواج
الاب عمج ابوايهاب ذهب بس ماله سلطه ع بيته
ورجلج يابنتي اني من البدايه كلت شخص مهزوز امره موبيده
والخلاص يابابا احسلج وانتي ابيت ابوج الج عين غطه وعين فراش
ام ريهام: خالد انت تشجعها تطلك شنو هل حجي
ابوريهام: ميفيدها بابا ميفيدها
ام ريهام: وهذا الطفل يجي ع دنيه ابوه بصفحه وامه بصفحه
ابوريهام: هذا الطفل ايعيش تحت رعايتي وابن بنتي وبنتي واحافظ عليه مثل عيوني احسن مايفتح عينه وكل يوم مشاكل بين امه وابوه
ام ريهام: هذا موحجي هذا موحجي
ريهام: اعصابي ممتحمله اي مشكله عفتهم وصعدت كل الاصوات الي حواليك تنسمع اله الصوت الي بداخلك يدخلك بمتاهات ويهزك يخليك تحس صداه يبث نار تشعلك
ريام: رهومه ادري اعصابج تعبانه بس انتي صاحبه القرار ومثل مكال بابا الي تقرريه ايصير
ريهام: ريام ثقي من دخلت جنت مقرره عفا الله عما سلف وهذا الطفل يمحي الاول والتالي حته اقتنعت بكلامج كله من دخلت شفت نفسه ايهاب متغير مهزوز من يحجي ميبث للي كدامه انه قادر عله هل شي
ومن سئلت عمي لف ودار
ريام: ريهام مثل مكتلج القرار الج بس راح اكولج شغله لازعلين مني
أنت تقرأ
زمن العجائب
Ficção Geralدنيا كبيره ممثليها كثر ومسرحها اكبر نعيش فيها مالانتوقع حدوثه حياتنه مسرحيه ولانعرف اذا كنا الابطال فيها ام الكومبرس
