#زمن العجائب
البارت الواحد والعشرون
ل ورد العامري
ريهام :وصلت لمرحله تعبت بيها من كلشي
تعامل ايهاب وغصبه الي
يكولون ان حرام المرأه تمنع نفسها عن زوجها
بس ياترى موحرام الرجل يغصب زوجته
حياتي كانت كلها مغتصبه ل ايهاب حته النفس الي اخذه جنت احس اني مغصوبه اتنفس اني مااريد هل حياة ولااريد هل عيشه
بيوم كرهت كلشي حته بنتي كرهت جسمي وكلشي بيه بين ساعه غضب او انفجار ماعرف شنو الي كنت افكر بيه اوشلون اوصف الي احسه
تعب والم ميتحمله حته الحجر صعب تكره نفسك واني كرهت نفسي
الليل كله ماكدرت انام جنت مثل الحاسوب عقلي يشتغل بالف فكره والف شلون اذن الفجر 🌆 اطيت ممه لروان حسيت راسي حينفجر من التفكير
طبيت سبحت عسه وعل اهدء شويه لكن مرتاحيت
جان اكو صدى براسي يكولي خلص طلعي منا عوفي كلشي كافي حسيت نفسي غضبت عليه مستنكره الي ديصير بيها
لبست البيت هدوء عمتي نايمه وايهاب ميدري بروحه روان اخذت ممه ورجعت نامت
جنت افتر بالبيت بين الخايف والمستعجل ع تنفيذ
لبست جبه ع جتفي واشارب شمرته هيج شمر
رحت ع سرير روان لمست خدها حسيت داخلي انشطر نصين نص ايريدها ميكدر ونص ينتفض لكل ذره بيه
غمضت عيني كل قوتي كأني استجمع القوه الي عندي جان حته نفسي يرجف
طلعت من الغرفه اتلفت ورايه نزلت الدرج وحسيت روحي فوك ماكدر
ردت اصعد صوت بداخلي صرخ لا
كملي ترجعلج
واذا مرجعت شلون
لا ع كولت مرت اخو رائد يكبرون ويدورون امهم
كملت طريقي فتحت الباب وطلعت الدنيه بعدها بدايه الصبح هستوه يطلع الضوه
طلعت بشارع سنطه ماكو بشر مشيت كل قوتي جنت امسح دموعي بقوه وازيد بالمشي تعديت البيت ووصلت لركن ومكدرت حسيت ايد اربطت ع ركبتي وخنكتني سهل الحجي بس التنفيذ صعب شلون اتحمل تبعد عني
شنو ادورني شلون اكدر افاركها اني اصلا
رجعت رجوع بسرعه الباب ع فتحتها
دخلت للبيت وصعدت للغرفه بعدهم ع نومتهم تقربت لسرير بنتي
شلتها حطيتها ع صدري بقوه للحضه تمنيت ينفتح صدري وتدخل تنحبس بداخلي
اخذتها ورجعت طلعت
خلص ويايه يالموت سوه يانعيش سوه محد يكدر ياخذها مني
كنه ببدايه 2007الامور كلها موزينه والاوضاع تخوف الشارع فارغ مشيت روان ع جتفي نايمه كل شويه اوكف اجر نفس اريد سياره ماكو وصلت للشارع العام كان بعيد علينه بمسافه طويله شويه يعني بدت الشمس تطلع والعالم طلعت من بيوتها بدت حركه بشارع
فاتت تكسي اشرتله وصعدت
أنت تقرأ
زمن العجائب
Ficção Geralدنيا كبيره ممثليها كثر ومسرحها اكبر نعيش فيها مالانتوقع حدوثه حياتنه مسرحيه ولانعرف اذا كنا الابطال فيها ام الكومبرس
