زمن العجائب

البارت الثالث

#زمن العجائب

البارت الثالث

ل ورد العامري

كل يوم مخصص ع امي التركيب والعشه واني وريام نتقاسم بشغل البيت

الضهر نرجع من مدارسنه يادوب ناكل ونام ونكعد ندرس بس جنه كل يوم قبل العشه نجتمع

امي هيه تحضر العشه احنه نكعد نراجع اومرات نحتاج شرح من بابا(خالد)

بابا(خالد) خريج زراعه بس جان يفيدنه مرات يشرح النه الي مانفهمه

كل يوم بليل جان من امي تروح تحضر العشه يحاجينه

-سمعني بابا هاي امجن ماعدها عقل عقلها بايعته بسوك

بابا اهتمن بدراستجن تلحكن ع شلعان الكلب ولزواج والجهال ولعيال ووو
كلها تلحكن عليها اهم شي هسه عيشن طفولتجن بابا هاي امجن وزعو عقلها بتخصيص الجديد خصصو وباعوه ههههه شايفتجن نسوان صرتن كل مااحاجيها وكالتلي كبرن غارها طولجن عبالها الكبر بطول هذا هوه طولن يعني كبرن بابا تره بعدجن انتن اطفال والله اطفال شتعرفن من الدنيه

لاتاخذن بحجيها بناتي سنايدي انتن اريد تركزن بدراستجن مالجن شغله باامجن

ماشي بابا
-ان شاءالله بابا

-الله لايضيعلجن تعب بابا الله يسهل كل امورجن

-بحياتي منضرت اله باانه زوج ام كلامه جان بي حنيه يمكن اكثر من حنيه امي

يكولون فاقد الشي لايعطيه

بالعكس فاقد الشي اكثر عطاء فقد ان يكون اب من صلبه

بس كان اب النه بعطاء وحب

صارعمر ريام 18سنه واجتي زوجه اخو  بابا خالد تخطب ريام لاابنها
تفاجئنه برفض بابا خالد ودخلو بحاله عناد ومشاكل هوه وامي امي جان كلامها ابن اخوك وولد مؤدب ليش ترفض
وهوه رده يامره عوفي لبنيه مبقالها شي خل توصل بدراستها

بس امي كانت عنيده وبمخيلتها ان لازم تزوج ريام يادراسه شتاخذ من الدراسه والكتب

وابن اخو لبابا خالد جان متمسك بريام ورايدها هوه جان يشتغل خريج معهد تمريض واهل بابا خالد كلهم متمكنين يملكون بيوت ومحلات فممحتاجين شي

بابا استسلم ان ايوافق ع زواج بس بشرط

كان الشرط هوه يااما بنفس البيت بس يعزل يعني يسوي مشتمل مستقل عن اهله او يطلع وحد

طبعا امه الولد الي هوه سعيد ابن اخو بابا خالد رفضت

هذا ابنها الجبير وحته اذا يريد يعزل هم يعديلهم فد سنه يله

بس بابا جان قافل ع كلامه وشرطه

امي ادخلت وصارت مشكله كان تصورها ان بابا سوه هذا حته تخرب السالفه لان ايريد لبنيه تبور وتكعد يريد يكسر بختها ومن هل كلام