#زمن العجائب
البارت التاسع والعشرون
ل ورد العامري
ريهام :قررت اني ابتعد ومالي شغله لان مستحيل تكون عندي جرئه اكول ل امها وبنفس الوقت انكسر خاطري ع ام هبه
ام هبه ماعدها احد وملجئها لوحيد بيت مروان يمكن اذا حجيت ادمرها للمره
والي خلاني اسكت كلامها صار سنين ومروان مداير بال الها ممعقوله يكون ممنتبه ع حركاتها ممكن يكون ممنتبه انها تراقبه بس ممعقوله ممنتبه ع اسلوبها من يحجي وشلون تحاول تجذب نضره
هبه صارت تشوفني عدوه الها اي مكان افوتله بالبيت وهيه بي تطلع منه وتباوعني نضرات ماعرف شلونها مرات الصلافه عد البشر تخليك تفكر ان الابتعاد عنه افضل
مروان مازال ع تصرفه ويمكن ازيد صار يطب للبيت بنص الليالي والصوت والهوسه كمت ماانام غير بدايه الليل وبقيه الليل سهرايه كمت اخاف اطلع واشوف هبه واخاف انزل محبوسه بالغرفه
اليوم دخلت ام هبه عود تكعدني لكتني كاعده
ام هبه: صباح الخير
ريهام: صباح النور
ام هبه: ليش كاعده من الصبح عود جيت اشوف روان واذا حسيتي اكولج نتريك سوه معبالي كاعده
ريهام: منايمه ام هبه اصلا
ام هبه: اي البارحه اني هم حسيت اغاني عاليه واصواتهم
ريهام: تؤتو ركبتي وراسي
ام هبه: نامي هسه فد ساعه
ريهام: لاشنام هذا هوه حته نومه عيني طارت
ام هبه: هاي لطفله شلون دتنام
ريهام: والله ده تشلع كلبي تنام وتفز اله تتعب كلش يله تنام وده اخلي البطانيه ع اذنها كل متنكلب ارجعها صفح انيمها ومن احسها تريد تكعد اطبطب الها وعله هل حطه
ام هبه: اني ادري شبي مايوم سواها هيج صوته بالبيت ودك وركص جان صح يجيب وياه وحده بس محد يحس بيهم
ريهام: اممممم
ام هبه: والله اليوم احاجيه اكوله مده ينامون
ريهام: لالاام هبه ديري بالج عفيه
ام هبه: زين اكوله ع طفله بس
ريهام: ام هبه رجاء لاتجيبين سيرتي ولاسيره روان اترجاج
ام هبه: ماشي براحتج يله عود نزلي نتريك سوه اليوم هبه متقبل تكعد
ريهام: ماشي
جنت حاسه ان مروان ديسوي عناد او ماعرف شنو بتفكيره بهل تصرفات واكدتلي ام هبه واني اصلا متاكده من الموضوع من صعدته للغرفه الفوك بعد مجانت غرفته جوه
غسلت وجهي حاولت اصحصح مونعسانه بس راسي حينفجر
طلعت من الغرفه خطوتين صرت يم باب غرفته انفتحت الباب طلع هوه يحك بشعره ويكح تعديته
أنت تقرأ
زمن العجائب
General Fictionدنيا كبيره ممثليها كثر ومسرحها اكبر نعيش فيها مالانتوقع حدوثه حياتنه مسرحيه ولانعرف اذا كنا الابطال فيها ام الكومبرس
