#زمن العجائب
البارت الاول
ل وردالعامري
زمن العجائب……
سميتها للقصه بهل اسم لان بالفعل صرنه بزمن نشوف بي العجب
صرنه نسمع الي بحياتنه مانتوقعه
ويمكن نوكف بينه وبين نفسنه نكول
معقوله…… .
لامولهل درجه…..
صرنه نشكك بعقولنه
نشكك بسمعنه اخاف سمعنه غلط
زمن عجيب غريب
يكولون الي يعيش ياما يشوف
بس الي يعيش بهل حياة
ده يشوف قسوتها
ويتحمل مرها
والي يشوف حال الناس
يهون عليه حاله
قصتنه اليوم جتني بعد قصه
طفله فصليه
لمعاناة امرأه بشكل مختلف لكن بنفس الطعم
معاناتها مع رجل مثل ماكلت مع الاسف حته لقب الذكر الي بالجنسيه هواي عليه
مرات اكول اخاف تكون قصه بااحداث مشابهه ماريدها
لكن اتفاجئ بحدث اقوه يجبرني اني… .
اتأكد الف مره من صاحبه القصه
توصل لدرجه ان تقسم ع كلامها للتأكيد
عرفت ان بهل زمن موجود امثال قيصر وليث وصادق وامير(رحمه الله عليه)
الابطال الي حبيناهم الي اثبتو انهم رجال بمعنى الكلمه وبتحمل مسؤليتها
واكو مع كل احترامي لذويهم اولااولادهم
اكو امثال محمد واشباها
الي كانو اشباه رجال وليس رجال
وابو المثل يكول اصابعك مو كلها سوه
قصتنه اليوم واقعيه حقيقيه
بطله القصه حبت تشاركم قصتها
حبت تنشرها بعد قصه طفله فصليه
لنقل معاناة اخرى بنكهه رجل
كما عودتكم القصص من الواقع
بطله القصه متابعه ويانه
الاسماء الي حتذكر حقيقيه
بعض الاماكن حيكون ذكرها برموز للخصوصيه
اتمنه انها تنال اعجابكم
وترضي ذوقكم الرفيع
تحياتي لكم ورد العامري 😘
متابعه ممتعه………..
أنت تقرأ
زمن العجائب
Ficción Generalدنيا كبيره ممثليها كثر ومسرحها اكبر نعيش فيها مالانتوقع حدوثه حياتنه مسرحيه ولانعرف اذا كنا الابطال فيها ام الكومبرس
