#زمن العجائب
البارت الثامن عشرر
ل ورد العامري
ريهام :مضل حته امل عندي حته اكول كلي خيبه امل اني انسانه مدمره محطمه بلحضتها كرهت نفسي وكرهت كلشي بحياتي تندمت ع رجوعي ياريتني كاعده وساكته جان هسه خلصانه منه وبنتي بحضني عله القليل بنتي جان متعرضت لهيج موقف ياريت وياريت بس خلص القرار الي ناخذه وانفذه بعد مستحيل نكدر نرجع ونغيره تضل كلمه ياريت وبس
وهل كلمه شكد تحرك بروح وشكد تحسسك بندم
دخلت وكعدت ع نفس الكرسي الي هسه كعدت وكتبت بي تعهد ع نفسي دموعي جانت تنزل بسرعه وبحرقه لكن متبرد الي بداخلي دقايق انتضار جانت اشبه بموت بطئ يمر عليه نص ساعه عدت وسمعت صوت سيارته طلعت اركض فتحت باب الشارع بعده مموكف السياره ده يصعدها ع رصيف ركضت فتحت الباب بنتي نايمه ع كشن نايمه بس تشهنك بنومها تعلن انها بجت بكثره اخذتها وحطيتها عله صدري كل قوتي حبستها بين ايدي طببتها جوه ابوس بيها وهيه تبرطم وتبجي وتشهنك دموعي ودموعها انمزجن سوه
ايهاب: هاا ارتاحيتي وهاي بنتج بحضنج شتردين بعد كافي شكو هل بجي
ريهام: كنت اتمنه بداخلي يختفي موبس صوته لاكله للحضه اغمض وافتح وماالكاه كدامي ولا بكل حياتي
ايهاب: كااافي عاد شكو هل ونين جيبيها
ريهام: لاااا
ايهاب: وجع شبيج كبيتي بوجهي جيبيها كومي بدلي دشداشتج شكلت اني
ريهام: كلمه جيبيها مثل نار شعلتني عطت لا
عوفها بحضني
ايهاب: لج هدومج بيهن دم خطيه تشم ريحه زفر الدم شبيج بابا اطينياها وروحي بدلي
ريهام: لالا راح اخذها ويايه فوك ابدل وابدللها خليها ويايه
ايهاب: بكيفج يله
ريهام: اخذتها بدلتلها وبدلت غسلت وحاولت ارتاح حته ارضعها بس موبيدي ارضعها. ودموعي تنزل جانت سوده عليه تشهنك حته بنومها نيمتها بفراشها والمس وجهه
الناعم
يروح امج انتي لو اموت ماعوفج ولااخليج بيوم بيد ايهاب النذل
ايهاب: حتكابليها وتكعدين عوفيها مونامت ريهام احاجيج شبيج متردين
ريهام: ايهاب الله يخليك عوفني بحالي
ايهاب: ريهام كافي يعني اني يهون عليه هيج حالتج بس انتي جبرتيني
اي لاتباوعين هيج انتي جبرتيني الي صار انسد وانتهه
وكتلج بطلت خلص يعني ماكو انسان ميغلط غلطت وندمان وبطلت واتوبه اوصل لهل درب بعد
ريهام اني اريدج ومستحيل بيوم اعيش بدونج الي صار انسيه وخل نبدي من جديد واني كتلج عايف هل ددرب والله
أنت تقرأ
زمن العجائب
Aktuelle Literaturدنيا كبيره ممثليها كثر ومسرحها اكبر نعيش فيها مالانتوقع حدوثه حياتنه مسرحيه ولانعرف اذا كنا الابطال فيها ام الكومبرس
