البارت الاول
عشك ابن الهور
#طائربلاتغريد#
السلام عليكم
قصتي اليوم قصه حلوه بيهه الالم والحزن والحب والفرح
راح اكتبهه بلهجت اهلنه اهل الجنوب وراح احاول اوضح الكلمات
والي اريده منكم تقرون بل لهجه الي اكتبهه حته تحسون بألم الأبطال وفرحهم وحزنهم
ان شاء الله التنزيل راح يكون شوكت مكتبت يعني ماكو موعد محدد
واني ان شاء الله مراح اقصر وياكم بلتنزيل وهسه راح اخليكم تستمتعون ويه القصه
💎💎💎💎💎💎💎💎💎💎💎💎💎
بويه عليوي عليوي
جاعد بويه
جا وينك موش وذن الوذان ماتكوم تصلي
اي بويه كايم اصلي
يلله بويه صلي وامشنه نطرك الشبج الناصبينه من امس
تامر بويه
كمت توضيت وصليت ولبست سترتي ولفيت شماغي عل خشمي وطلعت لحجرت ابوي دكيت الباب
ها بويه كملت
أي كملت
يلله امشنه نتوكل
طلعنه من بيتنه وهو من الكصب والطين بس دافي وكله حنيه
الدنيه جانت بشهر الواحد تكص كص من البرد
بويه لف شماغك زين عل راسك تره الدنيه كلش بارده
أي بويه لفيته لا تخاف علي
بويه جا لا عليك ماخاف عليمن اخاف
الله يحفظك الي بويه
ويخليك يعليوي
دفك المشحوف( هو البلم ) وخله يطر الهور
اصعد بويه واني افك الحبل
صعد ابوي بدايت المشحوف واني بديت ادفع بلماي
بد ابوي يقره الفاتحه لم البنين تسهيل أمر واني أقره ورى
بعده قره الفاتحه الشيعت امير المؤمنين
ولزم سبحت وبدء يصلي عل محمد وال محمد
لحد ما وصلنه للشبج مالنه
تلاكينه ويه عمي محمد ويلاده
صباح الخير ابو عليوي
صباح الخير عليوي
صباح الخير ابو حسين
صباح الخير عمي
وصلنه لمنطقتنه احنه كل واحد وله منطقه يصيد بيهه
من العصر ننصب الشبج ونخلي الطعم(هو الاكل الي يخلونهه للطير حته ينزل ياكل ويجلب بلشبج )
اللهم صل على محمدوآل محمد اليوم خوش رزق
أي بويه شوف الشبج يروش طير ( يروش يعني متروس)
تحزمت ونزلت جريت الشبج اني اطلع طير واطي لبوي وهو يربط كل طيرين سوى
ويذب بلمشحوف
بعده سحلنه الشبج وخلينها بلمشحوف وردينه للبيت
يلله بويه نزلني بلبيت ونته توكل للسوك هم يالله تلحك عل تجارك
