البارت الثاني
عشك ابن الهور
#طائربلاتغريد#
شنو لا بلله انصدت يعليوي بس كون الطيره تسوة
بويه شني تسوه اكله تسودنت بعيونهه
واخيرا عشكت يعليوي ههههه
اي عشكت يحميد بس خايف من هلعشك
ليش
ماعرف ليش بس خايف
ونت ماعرفتهه من يا عمام
هو أني شفته واني منحدر بلهور
دك عل متني وكلي
خويه شقاسمه ربك تشوفه امشنه هسه خلنه نسوي هلسمجات ونتغده وربك يخلصهه
أي والله خيي امشنه
شمعه........
أني شمعه بت شيخ عزيز
ابوي شيخ ابن شيوخ
أني الوحيده لهلي بنيه
وعندي خمس خوان
أني من جيت لهلدنيه واني الكل تخاف عليه والكل مهتم من انولدت كلش حلوه الحبوبه( الجده الي تولد )
كالت لبوي جتك بنيه شمعه وظاويه
صدك ابوي سماني شمعه
جنت كلش مرتاحه عد هلي بس حيل خانكيني
لا تطلعين لا تمشين
ومن اكل لمي
يمه ليش ما اطلع للهور ويه الحديثات
تكلي يمه انتي شمعه بت الشيخ عزيز انتي شيخة النسوان
انتي تامرين وهنه يخدمنج
حيل اظوج من اشوفن الحديثات يطلعن للهور هاي التنكل ماي
وهاي التحش
وهاي التصيد ويه اخوته
واني كاعده بهلبيت وتحصر
وبيوم اجت يمي رفيجتي صبحه
شلونج يشيخه شمعه
هله هله بصبوحه شلونج
الحمد لله بخير
عساج دوم بخير
أي تعالي سولفيلي شنهي ماشنهي
والله يخيتي مامش شي
بس يكولون بيت مجاوش راح يعرسون ابنهم
ها ومنين المره
خيه وحده من بيت ال فليح
يا يا ولج خايبه ذوله موش من الصوالح
أي همه
جا شعجب اطوهم مره هم مايطون بس لعمامهم
والله خيتي السمعته الولد عاشجه وهيه هم
دكيت عل صدري يمه عاشجته ولج شلون فشله هاي
وليش فشله يخيه مابيهه شي
ولج شلون مابيه شي موش عيب وحرام
لا موش حرام ولاهو عيب العشج
اني هسه اتمنه اعشك وتزوج واحد عاشكته
هي ولج اسكتي لا تسمعج امي وعلي بعد ماتخليج تلفين ليه ابد
ههههه اي هم صدج يلله خيه أني ماشيه مسلمه عليج
وين تردين بعد وكت
