البارت السادس
عشر ابن الهور
#طائربلاتغريد#
شمعه
رجعني اخوي يسحل بيه سحل
وطول الطريج بس يغلط ويشتم
ويتوعدولج اليوم اسكطج والله
طلعين من الحوش مو
تخلينه نطلع وتطلعين
عبالج احنه ثولتن غمان مو
اليوم الدنيه اكلبهه
بس الصوج موش بيج لا الصوج بامج المخليتج عل حل شعرجبس خل نوصل للحوش واني اعلمج
الطريق صار طريق إعدامي
اعثر ويكومني
اطيح ويسحلني
غير الظرب وغيرالشتم وغير الاهانهوصلنه للبيت
واني دمي نشف
ريجي نشف
دفر الباب برجله وصاح صوت خلاني انكث من راسي لرجليهيمهههههههه
يا ولك شنهي الصاير ولك ليش ويه اخيتك
اني هدني واني ركظت الحجرتي
طبيت وقفلتهه علي
وطبيت حدر اللحافبس عيوني تجري
وكلبي يدك
وجسمي يرجف
اخوتي صح حنان بس من توصل الشغلت الشرف لا والله
ماكو اقسه منهماسمع صوت اخوي يصيح
أي يمه هاي الامانه نطلع من الحوش ومأمنين عل بيتنه وعل نسوانه نكول عدنه بلبيت زلمه ماينخاف عليه
تاليهه تخلين بتج تفتر بلهور وتيههيمه هاي اول مره تطلع بيهه
وآخر مره سمعتي لولا
أي يمه تدلل بس لا تحرك كلبك
شويه سمعت باب الغرفه ينفتح
بقه يدفع بيه ماكدر يفتحه
دكه حيل بثنين اديه وصاح
اسمعيني ولج وحق الحمزه ابو منصور
اذا شفتج طلعتي من الحوش
اكسر رجليج تكسر
سمعتيييييييييبعد شويه سمعت باب الحوش انسد
ظليت بحجرتي بس اون
للعصر رجع ابوي واخوتي
اسمعهم ينشدون امي وهي تجاوبهم بس ماهيس شنهو حجيهم جي همه جاعدين بحجرت الخطار
لشوي واسمع باب للحجره اندكتصحت ياهو
أنا ابوج يشمعه فجي الباب
يمه لحجيني شلون أواجه ابوي
ابوي عندي مثل السيد حجايته ماتثنه
كمت واني وانا اختظ فجيت الباب
وكفت مدنجه راسي لحدر الكاعدخل ابوي وسد الباب كعد عل كرسي السره(السره هي من عيدان النخيل جانو يسوون منهه كراسي وجربايات)
خل ايده عل فخاذه ومدنج راسه وكلي
بويه شمعه انتي موش بس بتي لا
انت ظوه عيوني الي اشوف بيه
من كون ينطفي بعد ماهيس كلشياسمعه واني مدنجه راسي ودموعي يجرن عل خدي اسمعه وانا كلبي يتكطع عل كل حسره ياخذه
اني عكلي وين جان من عشكت
بس الله شاهد ما سويت شي الموزين