البارت العاشر
عشك ابن الهور
#طائربلاتغريد#
مساء الورد عليكم
💎💎💎💎💎💎💎💎💎💎💎💎💎
دخلنه الشقه كلش حلوه مرتبه بيهه تلفزيون
وكراسي
وطبله
وثلاجه.
أشكال بيهه
تلكانه صديج حميد محمد
هلو عليوي شلونك اخبارك
الحمد لله تسالم وياي
جا وين حسام
طالع هسه يجي
تعال اكعود يا اهلا وسهلا والله من حسابنه حميد كيفنه
تسلم يخوي والله حميد شو خلاهه بالي وانا كلت خليني اجرب
أي والله احسلك كول الناس هسه هيج تسوي الحصار كلش إذ الناس
أي يخوي الله يفك الحصار علينه
أي والله
يلله عليوي هاي حجرتك انت ومحمد وهاي حجرتي أني وحسام
خوش اروح امدد كلش تعبان
أي روح تمدد شويه لمن يجهز الغده
طبيت للحجره كلش حلوه بيهه ثنين جرابي وكنتور بيه طلاكتين
فتحت اول واحد جان بيه هدوم محمد فتحت الثاني جان فارغ خليت بيه هدومي
تمددت عل جربايه ماعرف شكد وعيت عل صوت حميد يكعدني للغده
لكيت حسام جاي سلمت عليه وكعدنه نتغده
بعد الغده
حميد اكلك عليوي باجر اخذك نزور ابو الجوادين عليه السلام
أي والله يخوي ألف رحمه عل هلك
أني هم اروح تره كال محمد
واني هم حجه حسام
طبعا غير انتو لزكه هههه
صدك ثاني يوم رحنه للكاظميه
بقيت صافن عل ناس
البنيات شلابسات
وصلنه يم الكاظم عليه السلام صارت عيني عل الكبه
عيوني خرن دموعهن
ولساني نعكد حته ما عرف ادعي بعد
بس كتله انا اجيتك وانت بكيفك بعد الي اريده سويه بيه
انت تعرف البيه وتعرف شنهو طلبتي
لو تريح كلبي وتنسينياهه لو تاخذ امانت ربك
طبينه للحظره العطر والمكان خلوني انسى كلبي
لزمت الشباج وانا اشهك بلبواجي
جان شباج الامام ما مفصول مثل هسه الرجال وحد والنساء وحد
لا كله سوى
الي يزور يطوف علشباج
طفت وانا لازم الشباج وعيني عل كبر الامام احجي ويا واني فاصل عن الدنيه
ماعرف شكد بقيت بس كلش نفسيتي ارتاحت
صليت ركعتين الزياره وطلعت
لكيت الولد متانيني
ها عليوي وين صرت عبالنه تيهت
