البارت الرابع عشر
عشك ابن الهور
#طائربلا تغريد#
مساء الخير اسفه والله جنت مريظه واليوم صرت شويه زينه وكتبت بارت
حبايبي اذا شفتكم صوتو للقصه راح ابدي من باجر انزل
ابو مصطفى بويه انت تعرف تشيل سلاح
أي عمي أني خدمت بلجيش ثلث سنين
خوش جا امشينه بويه خلي نستلم الك سلاح وان شاء الله ما تحتاجه بس لازم يكون عندك سلاح
أي عمي جا شلون احرس بلايه سلاح
رحنه الرئيس الحرس جان رجال متشدد حيل
وميت سؤال سئلني
بعدهه سوالي تجربه بحمل السلاح
اخذني المكان وره الجامعه وخله كبالي كم بطل مال ببسي وكلي صوب عليهن
ابتعدت مسافة اربع أمتار واني جنت احب الكنص من جنت بلهور
وجنت اطلع ويه ابوي اكنص عل طيور
مديت ايدي ونيشنت وصوبت
طيرت اربع بطاله
والخامس رديت عليه طيرته
افتركت شفت ابو مصطفى والمسؤال حيل عاجبهم التكنيص مالتي
ها عمي شتكول
ظربني عل جتفي وكلي شوق لقراءتها
سبع والله تنيشن فيت
الله يخليك عمي
هسه اخذ المسدس وتعال نوقع عل العقد
رجعنه للمكتب طلع ورقه وكلي اقراهه
قريت العقد العمل حارس
المرتب ١٠٠دينار
هنا تخبلت ميت دينار جان بوكتهه كلش هواي اصلا اني لو اشتغل ليل نهار ماحصل عشرين دينار
وافقت رئسن وقعت واني مبتسم
سلم عليه المسؤل وكلي من باجر تستلم شغلك تجي الساعه بلسبعه
رجعت للبيت واني طاير من الفرح
ربي ألف شكر الك ما قصرت وياي يارب كمليهه و خليني انسه وعيش حياتي
طبيت للبيت بدلت لبست تراك لون خاكي ورحت للمطبخ اسوي غده خطيه اخر يوم الي بلبيت خلي اسويلهم اكل
طلعت لحم كطعته وخليته عل نار
وطلعت البصل ثرمته والبتيته كلت اسويلهم تبسي
دورت عل فلفل اخظر ماكو واني من غيره ما اكل التبسي
طفيت الجدر وطلعت اجيب مخظر
خذت فلوس من المجر مخليه فلوس للمسواك
ونزلت
حبيت اتفيك شفت نظارات حسام عل كرويته لبستهن وطلعت
صارت بوجهي بنيه صغيره هيه ومره جبيره لابسه جبه لون سماكي وربطه وعيونه سود كلش مثل الليل همزين لابس النظارات بقيت اباوعلهه بعدين انتبهت عل روحي دنكت واستغفرت ربي وكفت يم المصعد جان جوه
وكفت يمهه دست عل دكمت المصعد هيه مدنكه ادنت عني صارت وره المره
