البارت الرابع
عشك ابن الهور
#طائربلاتغريد#
حسيت واحد وراي
التفتت هذا فيصل
ها يخوي عاشك لو محتام
جاشنهو الفرق
لا الفرق جبير وانا اخوك
شلون بلله
تدنه كعد حدري وكلي
شوف العاشك هذا بعده ممجرب يعني ما متزوج وضايك طعم العسل
والمحتام
المحتام هو الي عايش بلعسل وبعد عنه وحتامله
ههههه خوش تشبيه
هسه انت عاشك لو محتام
كتله أني ثنينهن
ها شلون بلله ثنينهن متزوج وعاشك
هههههه لا
لعد شنو فهمني
أني محتام لبوي وامي عبن ذوله عشرتهم عسل
وعاشك المحبوبتي عبن مايوم وشتهيتهه شهوه دنيه والله يعلم حالي
ههههه صح كلامك والله يخوي الاهل هم بس الي يستاهلون الذكر لا المره ولا العشيكه ولا حته الحبيبهه
دنجت وخذت حسره وكتله
انت لو عندك مثل العندي جا ماحجيت هيج
ليش انت شنو عندك نفس الشي تروح مره تجي مره
عاينتله شفت بعيونه قهر غير الحجي الحجا
سولفلي يخوي شنهو الصاير بيك ومخليك حاقد علنسوان كلهه
دنج بلكاع وتحسر اقسم سمعت تنهيده شكت صدره ويمكن حته دمعت عينه وعافني وكام
بقيت ساكت واني اسمع خطواته الردن للمقر
اووووف شكد مقهور
مرت الايام نكعد الساعه بلاربعه
نتدرب لحد الساعه بلعشره
بعدهه نكعد نتريك ونرتاح نكوم الساعه 11
لحد الساعه ب 6العصر نرجع للثكنات نسبح ونبدل ونرتاح
الي يخسل هدومه والي يطبخ عشه
بليل نتعشه ونشعل نار ونجعد نتسامر خمستنه
القوري علنار واحنه داير ماداير النار جاعدين
بيوم جان تدريبنه صعب وتعبنه بيه كل الولد راحت نامت ظليت بس انا وفيصل
تمددت عل ظهري وبقيت اباوع للنجوم واغني غنية
رضا الخياط
,,,,,,,,,,,,,,بالله ياطير الحمام اللي تسافر ودي للاحبابي السلام
واحمل بجنحك رسايل من تهاجر للي حرموني المنام
بالله ياطير الحمام
,,,,,,,,,,,,,,
بالله ياطير البراري اللي تغني فرح الدنيا بغناك
