Tula Para sa mga Brokenhearted

Masakit Pero Masarap

"Masakit pero masarap", salita yan para sa pag-ibig

Pag-ibig na laging usapan ng ating bibig

Pag-ibig na parang nakasulat lang din sa tubig

Pag-ibig na kayang paluhain ang mata ng daigdig

Yung pag-ibig, masakit sa puntong ito ang naghari

Masakit, sobra sa  puntong di ko na mawari

Na para bang nabasag na nag puso kong pagmamay-ari

Na para bang nawala na ang saya ng bahag-hari

Pero aaminin ko, masara, oo masarap

Kasi ikaw ang nagsabi kung pano mangarap

Kasi pinaramdam mo sakin ang pag-ibig sa iyong yakap

Kasi ikaw ang nagparamdam sakin kahit mahirap

Kahit na sobra-sobra na ang sakit, mahal kita

Mahal kita, mahal kita oo, sobrang mahal kita

Kahit na tayo lang ang nakaka-alam sa ating dalwa

Dahil natatakot tayong mahusgahan pero mahal kita

Mahal kita na kahit ang mundo nati'y parang hawla

Kung saan masikip, madilim at  puno ng babala

Mahal kita kahit para tayong nasa malayong isla

Kahit tayong dalwa ay nasa malungkot na nobela

Mahal kita, oo mahal na mahal kitang talaga

Kahit sa atin ay ayaw makisama ng tadhana

Mahal kita, tangina, mahal na talaga kita

Kahit na alam na sa dulo nito'y wala tayong magagawa

Gusto natin na sa bawat tanghal ko ng kanta

nandoon ka at yayakapin kita aking sinta

Gusto sana natin na sa bawat pasok mo ng bola

Mangunguna ako sa hiyawan na sinasabing "mahal kita!"

Pero kasi, hindi talaga natin kayang magawa

Kasi natatakot tayong mapag-usapan tayong dalwa

Kaya pareho tayong talunan kasi wala tayong magawa

Kaya kahit nakangiti tayo, hindi tayo masaya

At iyon ang masakit, oo masakit, sobrang sakit

Hindi ko ma-intindihan ang nararamdaman kong sakit

Kasi tagusan na talaga sa puso yung sakit

Dahil ang sakit na ito'y lampasan pa sa salitang sobrang sakit

Pero pagkatapos ng tilian ng mga tao

Ako at ako parin ang tatawagan mo

Tatanungin mo sakin kung kamusta ba yung concert ko

At tatanungin mo din kung napanood ko ang bawat shoot mo

At yung parte  na yun, yun yung masarap

Para na akong baliw, para na akong tanga noon

Tawagan mo  lang ako'y para na akong lumulutang sa hangin

Boses mo palang parang langit ang nararamdaman

Masarap, oo masarap pero sobrang hirap

Pero kahit ganon, kahit nakakulong tayo sa kadiliman

Masaya naman, nagtatawanan at naghaharutan

Pero bakit paglabas doon, hindi na tayo pwedeng magpansinan?

Ang lungkot-lungkot naman, ang sakit-sakit naman

Na parang mas malaya pa tayo sa mundo ng kadiliman

Parang aswang, nagtatago at ayaw magpakita sa sino man

Parang mga kriminal na sobrang laki ng kasalanan

Ano bang kasalanan ko? Ano bang kasalanan natin?

At isang araw, nagkasundong itigil na ang laban

Dahil pagod na pagod na tayo at ayaw na natin

Kaya nag-usap na ito'y i-suko na lang natin

At sa mga oras na tayo'y nag-uusap tungkol doon

Para akong sasabog sa pinaghalo-halong emosyon 

Hindi ko alam kung anong magiging reaksyon

Yung puso ko, parang unti-unting pinupunit at tinatapon

Pero masarap, sobrang sarap sa pakiramdam 

Kasi hanggang sa huli'y magkahawak ang kamay natin

Yung parang ayaw maghiwalay at napipilitan lang din

Pero walang magawa dahil tayo'y sumuko na din

At dumating na ang araw na sabay tayong hahatulan

At ang pinataw sa ating dalwa ay ating kalayaan 

Kailangan kitang palayain, kailangan mo akong palayain

Kailangang maghiwalay ng daan, deretso lang, bawal lumingon

Ang sakit-sakit, ang saklap-saklap, sobrang saklap talaga

Pero ang sarap, ang saya, ang saya-saya

Dahil kahit sa dulo, alam kong ako parin ang iyong sinta

Na hanggang sa dulo, mahal parin natin ang isa't-isa

________________________________________________________________________________

A/N: Hello guys!  Musta buhay? Hahahaha

Sana po magustuhan nyo ang new chapter

Ang hirap palang magsulat ng umiiyak :'(

Para po ito sa mga taong nasa isang relasyon na hindi maka-amin

Please dont forget to

VOTE 

AND

COMMENT