اسرنى عشقها(الجزء الثانى من سلسلة اسيرها)

الفصل العاشر

حبيبتى انا لست ابدا كما ترين
قلبى مختلف تماما عن هيئتى
ولكن ليس للكل الحق ان يرى مابقلبى
ولكن انتى الوحيدة التى يحق لها فانتى الوحيدة التى تسكن قلبى

افاقت على صوت حسام يهتف برجاء قائلا

ها يا ايلين موافقة ؟؟وافقى بليييز وانا هسعدك فوق ماتتصورى

اومئت براسها بشرود بينما وقف هو يهتف
وافقت اخيرا وافقت ياهوووووو حلم حياتى اتحقق الحمد للة كدة انا عندى كل حاجة جاهزة يبقى هنتجوز

نظرت لة بخجل من مجرد كلمة زواجهم ببنما هتف صوت من الخلف قائلا
بس بشرط

نظرو لة فوجدوة ابراهيم نظر لة حسام باستغراب وقال

اية هو الشرط ياخالى

نظر لة ابراهيم وتحدث بصوت قاطع
جوازكم بعد آسر مايتجوز

نظرت لة ايلين بذهول بينما هتف حسام بغيظ وقال
اية الكلام دة يا خالى اية اللى حضرتك بتقولة دة

نظر لة ابراهيم بصرامة قائلا
هو دة اللى عندى مش هجوز الصغيرة قبل الكبير

نزل آسر الدرج وعلى وجهة ابتسامة واسعة وقال
ايوة كدة حلاوتك يا ابو خليل حلاوتك وانت مظبطنى كدة

حركت فريدة راسها بيأس فقد جن ابنها على الاخير بينما قال حسام باعتراض

على فكرة يا خالى انا اكبر من ابنك وب اربع سنين كمان

نظر لة ابراهيم وقال
بس هو الكبير فى وسط ولادى وما صدقت افرح بية بعد مازهقنى لا آسر الاول وبعدين ايلين وتكون انت خلصت شغلك فى بيتك

سحب حسام الهواء داخل رئتية محاولا تهدئة نفسة فيبدو ان خالة مصر جدا على مايريد بينما امال آسر رأسة على اذنة محاولا مشاكستة قائلا

سمعت قالك اية آسر اولا التايجر اولا يليهم البشر سمعت احس

صرخ بة حسام من ضيقة قائلا
آسر!!!!!
ركض آسر بينما ضحك جميعهم فاخيرا دخلت الضحكة منزلهم
____________________________________________

كانت تتحرك ذهابا وايابا بتوتر جلى بينما بنظرون لها باستغراب هتفت مى قائلة
فية اية يا ناردين مالك يابنتى متوترة كدة لية

نظرت لها ناردين نظرة خاطفة متوترة ثم تحركت بعدها ثانية نظرت لها مارينا بنفاذ صبر وقالت

يابنتى اهدى واقعدى بقى انا دخت من حركتك دى فية اية

نظرت لها ناردين بخوف وتوتر بائن فى حدقتيها قائلة
انا خايفة

استهجنت مى اجابتها الغير منطقية بالمرة وقالت
خايفة!!! خايفة لية ان شاء اللة

ناردين: نعم ياختى ان ماكنتيش جربتى الاحساس دة يعنى لما كريمجاى يقابلك ماكنتيش خايفة