روبين 💕(منقوله )

1

#روبيـــن ,,, 💟

الحلقـــة ,, {1}
...
’’’’’’
( فِـــ كُــل جُزء من حياتكـ سَوفَ تحتاجين الي تِلكَـ التي تكُون جانبكـ تطلُبين منها كُل ماهوا جائز دون شعُور بي أي خجل كونكــي مثلها اُنثى .. تحتاجينها فِــ لبسكـ و أكلكِـ و شُربكـ ’’ هيا فقط الذي يُمكنها أن تكُون معكـ دون أي تردد ,, هل عرفتُهم عن من أتحدث ؟! ,, عن تلكـ التي لا تغمُض عيناها إلا بعد الاطمئنان عنكِـ ,, عن تلكـ التي لا تسرح بي مُخيلتها وأنتي تتحدثي مَعها عن يومكـ ’ تلكـ التي لا ترا أحد أجملـ منكـ , ولا يُمكنها أن ترا دمعتكـ ’’ هيا تلكـ الي أنجبتكـ ’ وأنتي لم تَرينها يوماً ,,
عن اُمي أتحدث ,,,

( روبيــن,,, هذا أسمي و عندي 17 سنه .. والسنه الجاية بنقرا ثالثة ثانوي .. من لما كان عُمري سنتين بابا وماما أطلقو .. خداني بابا وسافرنا .. وماشفتش ماما ولا سمعت صوتها من يومها .. بابا كان يحكيلي على (غيــدة ) اُختي الي اُمي كانت حامل بيها وقت أطلقو .. ولِ لي توا نتمنى نشوفها ونحضنها ونقوللها ي اُختي .. عشت طول عمري مع الاجانب , تعلمت لُغتهم .. لكن لبسي وأكلي و شُربي .. كُلهم عن طريق الاسلام وماغيرت شئ والحمد لله .. من عمري 10 سنين وانا لابسة الحِجاب .. الي خلاني نحبه ونلبسه هيا مرت بوي الي بابا تزوجها ف ميلانو ... مرت بوي ليبية زينا كانت عايشة غادي ف أحدى زوايا ميلانو تعرف عليها بابا ولانه كُنت بنت صغيرة ف كان لازم يتزوج باش تعانيني .. وفعلاً أختيار موفق لانها كانت جنبي ديما وماسيبتنيش لين صار عمري 17 سنة .. بس مش زي الاُم الي مستحيل تخليك ولا تبيعك ولا تجاملك ولا تجبرك ع اي شئ .. يااالله قداش محتاجتك ي اُمي .... )
/////////////////////////////
...
عبد رؤوف :: روبين .... روبيـن!! ,,, بنتي وينك ؟!
..
( جــاني صوت من برا ف وقت كُنت مقعمزة ف داري ونكتب ف مشااعر عبت قلببي لين فاض من القهرة وشوق ) ..
..
غــزل :: اي هيا هي بابا جاايــة ..
..
( روبيـن بنت بسيطة .. جميلة لي حد لا يوصف .. بِ حجابها و أنقتها وأسلوبها الراقي ... عمرها 17 سنة .. بس عقلها أكبــر من هكي )
..
(طلعت من داري ونزلت من دروج لي صالة حوشنا ... حوشنا ف ميلانو حوش كبير وجميــل ... بس عمره ماكان جُزء من حياتي أو من جمـــاله بي خليني ننسى الماضي متعي زي ما بابا كان متوقع )
,,
روبيـن :: ( وقفت قدامهم وهما مقعمزين ع صالون ’’ ) نعم!
,,
( بابا و راسيل مرته كانو مقعمزين وعلامات وجههم لا توحي بي الفرح ابداً ,, عيون ترجُف خوف واضح ف ملامح الوجهه)
,,
روبيـن :: خيركــم ,, ( رجعت تكلمت ع أملـ ان يرد عليا واحد منهم ومايخوفنيش )
راسيل :: ( وقفت وجت جنبي ’’ شدتني من كتفي ) حبيبتي أحني بنقولولك حاجة لكن لازم تهدي تمام ..
روبيـن :: ( أُوردي .. لما شخص بيقولك جملة زي هاذي بديري عكســها بتتوتري بتخافي وأحتمال حتى تبكي قبــل ماتسمعي الي بيقولوه ) .,,, أحكي ؟!
عبد رؤوف :: ( منــزل رأسه ويشبح للأرض وحاطـ أيديه فوقه)
روبيـن :: ( بي عصبية أكبر ) بابا .. أأأحكي شن فيــه ؟! ’’ ( قربت وقعمزت جنبه ) بابا انت مريض ؟؟ .. فيك حاجة .. راسيل فيها حاجة ؟؟؟ .. أحكولي .. ( و وجهت أخر كلمة ف عيون راسيل )
راسيل :: خالك أتصل من ليبيا وقال أنـه لازم نرجعو لي ليبيا توا ,,,
روبيـن :: من خالـــي ؟! ,,, ( طُلعت مني بِدون أي أنذار ,, سألت وكـــأنه أول مره نسمع إنه عندي خااال ,, أولـ مره من من 16 سنة حد يقولي ويوجهلي ليا انا كلمة خالك .. )
عبد رؤوف :: ( شبحلي طول وشدلي أيده ) حبيبتي أمك مريضة ولازم نرجعو لانها تبكي وتبي تشوفك .. للأسف رويدة فِ أخر أيامها .. ( ونفجر بابا بي البكي وكأنـــه حبه ليها متع سنين الي فااتو كُلها رجع وقتي .. رجع في ثانية .. رجع بس وقت حس أنه بيفقدها .. . )
....
( لم أجد تعبير مُناسب لي حالتي لي صدمتي لي قهري وتعبي وحتى خيبة أملي فِ أبي الذي حرمني رُأيت اُمي و رائحتها أبي الذي ضلمني وضلمها بي تفريق بين أبنة عمرها سنة واُم أشتاقت حتى تعبت مرضت وهاا ذا سوف يأخُدها الموت مني .. لمااذا ؟؟ .. لماذا انا ي أبي ... لماذا لم أكن كاغيدة .. ف بطنها ولم تتمكن من إخراجي من أحشائيها وأخدي بعيداً عنها .. أحتجتوها .. بكيتُ لي أجلها .. يالله كم تمنيت ف كُل ساعة وثانية ودقيقه ف 16 سنة الماضية ان أحضُنكِ ي اُمي ..  لم أجد إالا هذه الأغنية الذي شاركتني طفولتي وبُكائي وخساارة اُمي .. أغنيتي المفضلة ف فقدانها ..
" #أغنية .. #التركية .. عندما كُنت تروين لي قصص الزمان القديم "
,,,
روبيـن :: ( شبحتله ,, وبدت حواجبي تتشابك ف بعضها من شدة العجب الي صاير .. ودموعي تنزل سخونه ومانحسش بيها .. تي هذي اُمي يا ناس وقاعده مانديتهاش اُمي .. رااه .. حراام تبعدوني عنها طول هاسنين وتجي توا تقولي نوضي نرفعك ليها لانها بتموت خلاص ... وبدي يتعلى صوتي ف البكي اكثر واكثر .... ومع كل لحن ومع كل كلمة ترن ف وذني يزيد قلبي يتشقق ويتبعد اكثر واكثر ) .. مُستحيل ...
( كلمة وحده بس باادرة بيها وتكلمت )
راسيل :: ( جت وقعمزت جنبي وحضنتني ) يااااقلبي انتي ... اششش خلاص ...
روبيـن :: لالالا .... باللهِ عليك ي راسيل ... باللهِ عليك ماتخليهمش ياخدوها مني انا والله والله والله ماشوفتها ... ( شبحتلها وانا شاده ايديها ب قوة ) مااانبيهاش تموت باللهِ عليك نبي نحضنها زي كل بنت لي امها نبي نبوسها ونتسهوك عليها .. نبياه تكشخ عليا وتضربني .. نبيها تناديني نضُم معاها زي اي ام ,, نبيهااااا والله نبيهاااا ..
راسيل :: ( حاضنتني بي كُل قوتها وتشبح لي بابا بي غضب تاام وكأنـــه خاطرها تنوض تقتله ,, أكثر أنسان دكتاتوري حتى و لو عيشني كيف مانبي بس هوا حرمني من اكثر شئ كنت نبيه ف حياتي كلها ... )
عبد رؤوف :: ( بابا ناض .. حس بي كُل كلمــة وكل دمعة طُلعو مني .. حس بي غلطه حس بي كُل شئ بس ف الوقت الغلط )
راسيل :: يالله حبيبتي نوضي معاي ... خلينا نجهزو حجااتك يالله ...
..........
#المســـاء ..