روبين 💕(منقوله )

8

نفس تفاعل فااانز ، منشن +كومنت+شير ♥️♥️
Love U Guys ♥️💓
#روبيـن 💓

الحلقــة الـ(٨)...
——————-
١٠:٠٠م
،،
( فِ حوش أحلام )
{مقعمزين يتعشــو }
أسماعيل :: وشن يبي ! 😒
احلام :: قال يبيها تزورهم ع الاقل مره ف الاسبوع ، يعني ع اساس حتى هما عيلتها ومن حقهم يشوفوها وتخاريف هذي 😪
اوسامة :: انا في حياتي كلها ماريتش اوقح من هكي 🤚 ، شن هذا كانه عنده كرامه راه معاش رجع هنا تاني بعد الي صار اخر مره
محمد :: { مقعمز وساكت }
اسماعيل :: هوا قاعد زي ماهوا ماتغيرش ، من زمان هكي ماعنداش حدود ف الوقاحه 😒 وهيا شن قالت ؟
احمد :: سلام عليكم 🤚{ خش عليهم }
العيلة :: وعليكم سلام 🧡
احمد :: ( مد ايده بياكل ) خير ان شاء الله! ،، من الي ماعنداش حدود ف الوقاحه ومن هيا الي شن قالت !
اوسامة :: شكلك كنت مقعمز ف سقيفه هه😂
احمد :: اكييد ، امالا نخليكم تقرمو من وراي حتى عيب عاد 🤚😂
احلام :: قعمز كول زي ناس ، ديما نخرفو فيه الموضوع هذا يااحمد 🤦🏼‍♀️
احمد :: مستعجل بنطلع يونس يراجي فيا
اوسامة :: ماشيــن للارض ؟
احمد :: گان سخر ربي 💪
اسماعيل :: ردو بالكم ع روحكم ، وماتتعافروش معاهم ديرو الي طلبه خالك و روحو
احمد :: ان شاء الله ،، ( شبح لي امه ) غير من هوا الوقح ؟ 😅
اسماعيل :: تصدق انا نسيت وانت قاعد مانسيتش ههههه😂
احمد :: مستحيل هاشي 😂
احلام :: هذا عبدرؤوف جي اليوم
احمد :: ( تغيرت ملامح الوجهه ) شن يبي !
احلام :: قال انه لما عمتها جت بترفعها كان بيسافر تاني يوم بعدين اجل سفرته وبسبب اشغال زاد ايامات ، وتوا مسافر بعد غدوا ، يبي روبين تمشي تبات جنبه ف حوش عمتها ولما يسافر نمشو نجبوها ، وخش كلمها وروح
احمد :: ( بعصبيه ) شن قالت ! 😠
احلام :: قالت باهي مسكينه شن بتقول ،، جي وقف قدامها بوها ويتحنن عليها ، بتقول باهي ماعندها ماتقول 🤦🏼‍♀️💔
احمد :: تقول لا كان ماتبيش شن اجباري هيا ، يجي يوم الي بيسافر ويسلم عليها هنا ، وبعدين انتم كيف تخلوها تكلمه 😠
اوسامة :: بوها شن كيف نخلوه يكلمها ؟
احمد :: بالله بوها ؟! ، وينه هالاب العظيم المده الي فاتت ااه ؟! وينه لما بنته خشت ف غيبوبه حالتها كانت بين الحياة والموت ؟! ترا وينه ؟! كلمها بتلفون وقاللها عندي شغل هالكلب ومش قادر يزور بنته
احلام :: نقص صوتك احمد ،، خيرك ؟ ، بعدين احني مانخلوهاش اول مايسافر نجبوها ، شن بيخطفها هوا ؟!
احمد :: مرات وين تندري انتي ، شن مقعمزه ف عقله 💪😠
اوسامة :: ااحمد تكلم باهي لانهفك
اسماعيل :: ( خبط ايده ع طاوله ) خلاااص يالله ، كلكم تناقشو ف موضوع مايخصكمش ، ولو بتجو تحكو ف كلام احمد صح ، يالله ياسر بلا نقاشاات وعناد تافهه 😠 ، انت امشي يالله مش مستعجل. ؟
احمد :: لا اصلا ماااشي { ماشي ويتكلم } وماتفكروش يصير اااالي تقولو عليه هوا 😠
————
( طلعت قدام الباب واتصلت ب يونس )
يونس :: اه ولد حناي ، شويه ونوصل عالق ف شيل ماه
احمد :: مطول انا ، امشي انت نكمل شغلي ونجيك
يونس :: شغل شن خيرك ؟!
احمد :: شكله ف حد يبي يتهزب اليوم خلي نلهى بيه ،، ونلحقك
يونس :: اه هههه ، تم ، غير راك تهبل اهدى 😂
احمد :: هيا هيا مع سلامه ( صكر )
——-
{ فِ حوش زهرات ،،، 🌸🌸}
{ حوش رويــدة }
،،
روبين :: يالله صبايا انا بنخش نرقد ،، تصبحو ع خير
اسماء :: ( سرحانه ف تلفزيون.)
غيدة :: ( شاده تلفونها وتشبح لي ايمن فاتح نت ومش قادره ترد ع مسجاته ولا تكلمه )
الاء :: ( حاطه سماعات ف وذانها وتلعب )
——
{ ركبت ،، فتحت باب داري وانا كيف صكرته وجيت جيهة سريري نسمع ف حاجة تنحدف ع شباگ ، }
،
روبين :: ( فتحتـه ) ( بأبتسامه وعلامات استغراب ) أحمد 😍
احمد :: ايي !! ، خيرك مستغربه من بدير هكي مثلاً ؟ 😒
روبين :: لا مش هكي ، بس انت فاجأتني 😍😅
احمد :: من شن تفاجأتي يعني ؟ ،، شن متعود حد تاني يدير فيها وانا اليوم درتها 😠
روبين :: تووبة استغفر الله 😠 ، شووف الولد شن يقول ؟ ،، هبلت !
احمد :: انتي هبلتيني ،، اانتي 😠 انزلي يالله وريني عرض كتافك 😒
روبين :: كيف ؟!
احمد :: هيا بنتي انزلي نبيك
روبين :: شن صايرلك ياولد ، ساعه ١١ شن بنزلني توا !
احمد :: تو تنزلي ولا انزلك بطريقتي 😒
روبين :: لا ، تمام تمام ،، نازله اصبر
——
{ وراء حوش ريم }
،
روبين :: { جيت وهوا كان واقف عاطي بظهر } ، احمد ! ♥️
احمد :: ( تلفتلها ) هذا شن الي انتي مدايرتيه !
روبين :: بسم الله ، انا تمام احمد ، انت كيف حالك !
احمد :: مش محتاجة ظرافة ،، احكي ، شن هذا الي مدايرتيه 😠
روبين :: خير شن مدايره انا !
احمد :: يعني نغيب عليك كم ساعه نجي نلقاك قالبه دنيا فوق راسك 😠
روبين :: معاش تصيح
احمد :: انا قاااعد ماصيحتش روبين
روبين :: ( سكتت )
احمد :: انسي ___ مافيش مشي
روبين :: وين ! 😥
احمد :: ماتستعبطيش مافيش مشي لي حوش عمتك وتم نقاش
روبين :: نقاش شن الي تم وانت بس الي تكلمت فيه اصلا ، وبعدين موضوع حوش عمتي ع خاطر بابا انا ماشيه شن بنتفسح مثلا
احمد :: يابنتي من قالك انك بتتفسحي ، انا عارف انك ماشيه على خاطر ال ،،، ( وسكت ) ، استغفر الله 😒 ، شوفي الموضوع انك تباتي ولا تمشي هذا لا ،، فاهمه
روبين :: احمد ،، ممكن تهدى ! بعدين بابا يبيني جنبه
احمد :: وانا ! 💔
روبين :: ( سكت وقعدت نشبح لي عيونه )
احمد :: انا من بيقعد جنبي ♥️
روبين :: { عِندمَا يُبْسطْ المَسْمَع عنْدَ الگلِمات الجميـلة تبتسم العينين لا شفاتيـن ♥️}
أحمد :: تبي تفهميني انه ف هاليومين كل مابنروح مش ح نفتح بابگ ونلقاگ تراجي فيا 💔
روبين :: { ابتسامة خفيفة بنظرات عين نصف مفتوحه ونصف مغلقه } ♥️
احمد :: تبيني يبداء يومي من غيرگ !
روبين :: أحمد ، ماديريش فيا هكي بالله عليك الموضوع مش مستاهل 🤚💔
احمد :: بالنسبه ليك ، بالنسبه ليا ماتغمضليش عين وانتي مش جنبي ♥️
روبين :: { سكتت }
احمد :: مانرتاحش ،، ماتقدريش تكوني بعيده هكي ، مش بمزاجگ 🤚
روبين :: { لم أكتفي لم أتكلم لم أحاول أسكاته ، فقط اكتفيت بسمع بِ تلگ الدقائق وحُروف الهوى ، لم أحاول قط إيقافه عن الگلام وكأنني عطشت عشقاً فَ سقانـي هواه ♥️}
،،
{ لن نتشارگ الا بِ گلمات توصف نظراتهم وهم ف حالة صمت العشق ،، اُغنيتهم ،، #خذ_عمري_لگ}♥️
،،
روبين :: (حضنته )
احمد :: ( حضنتها )
،
{ لمْ نكُن نعلم أننـه على طريق العِشق الانهايـة مستمريـن ♥️}
،
{بعد مرور دقائق }
{ قعمزو ، روبيـن گانت حاطه رأسها ع كتفـه }
أحمد :: { ساكت وسرحان ف جو قدامي }
روبين :: { رفعت راسي شبحتـله } احمد ! ♥️
احمد :: ( من غير مانشبحلها ) فاهم ، وعارف ، نعرف علاش تبي تمشي ، عارف انه بوك ومايجيش انقولك فوتيه وانسيه وماتسمعيش منه ، هذا بوك وماننكرش انه نخاف عليگ ، منه ، وهلبا ، لكن مانقدرش نكون اناني { شبحتلها } ونقولك ماتمشيش وخليك معاي ♥️
روبين :: ( مبتسمه ابتسامه خفيفه ) ♥️
احمد :: ( شبحت تاني للقدام ) ماننكرش ،، جنيت وتعصبت وكشخت ، بس كله ف وقته ( شبحتلها ؛ ) لما حضنتگ كله مشي ♥️ ، عيونگ يهدو فيه ♥️
روبين :: ( كنت مبتسمه ، وف لحظة اختفت الابتسامه وحل محلها ملامح تانيه خطرت ع بالي ذكريات يوم عرس رحمه ، لما قالولي انه عيوني يشبهُ عيونها )
احمد :: ( لاحظت تغير ملامح وجهه ) خيرك !
روبين :: ( رتبت تقعميزتي ونتكلم وبين الكلمه والكلمه مسافة تردد )  نبي نحكيلك حاجة
احمد :: اكيد
روبين :: تتفكر ،،. أولـ مره قتلي فيها انه عيونك حلوات ♥️
احمد :: ( ابتسامة لطيفة ) كانه انا مانتفكرش من الي بيتفكر ! ♥️
روبين :: يومها ، كان عرس بنت جيرانكم ،، نقصد رحمة
احمد :: ( تنهيده ) اي تفكرت
روبين :: ف صالة ،، لما خشت هيا ، ف وقتها انا شوفتها ، وشفت عيونها ، فهم( قص عليها )
احمد :: ( برفعة الحاجبين ) ردي بالگ تگملي 🤚 ( شديتلها ايديها ) ، انتي ماتفكريش فيا بيها بكل 🤚 ،، ولا حتى شويه ، العمق الي شوفته ف عيونك لاول مره ، وقت قعمزت جنبك جيت الحوض وكنتي تبكي ف نهاية كلامك سرحت ف عيونك ، لانهم سحروني ♥️ ، عشت معاهم شعور ماحسيتاش ف حياتي كلها ، الي نعيش فيه معاك توا ماعشتاش معاها ولا نبي نعيشه مع غيرك ، فهمتي ! ♥️
روبين :: بس انت ف وقتها ، لما اتصلت بيك(قص عليها )
احمد :: اي نعرف ، وتفكرتها ، وعارف انه الي صابگ بعدها انا مشارگ في همگ حتى لو ١٪؜ ، بس اقسم بالله ماكنت قاصد 💔
روبين :: باه علاش قلت اسمها ف وقتها ! 💔
احمد :: ( سكت )
روبين :: لو ماتبيش تقول ان(قص عليها )
احمد :: اتصلت بيا ،، ( شبحتلها ) قبل ما انتي تتصلي هيا كانت تكلم فيا
روبين :: كيف ؟!
احمد :: ( تنهدت وقربت منها حطيت ايديه ع خدودها ) روبين ، هذا شي فات ومات ، ولا قبل ولا توا انا نتحمل انه نجرحك ، وانتي ماتقارنيهاش فيك ، لانك مش زيها ، انتي حاجة خاصه شي منقرض وانا الوحيد الي اكتشفت وجوودك وكنتي اخر شي وليا وخاصتي ♥️ ، ناس عندهم الحق يحسدوني عليك ، بس مايخدوكش مني ♥️
روبين :: ( مبتسمه بحب ) ♥️
احمد :: لا هيا ولا مليون وحده غيرها ممكن تكافي خاصتي ♥️
روبين :: ( ضحكة مرسومة بعفوية ♥️)
احمد :: انحبك ♥️
روبين :: ( حضنته ) نموت فيك ♥️
——————
{ بعـد يوم }
،،
٨:٠٠ص
_______
( اسماء كانت واقفه جنب سيارتها )
اسماء :: اوووف مش وقتك توا بكل ،، هيا اشتغلي ( وتخبط فيها برجلها )
محمد :: ( كان جاي وشافها )
اسماء :: هياااا اخدمي ،، ياااربي من بنكلم توا 🤦🏼‍♀️💔
محمد :: صباح الخير
اسماء :: ( شبحتله )
محمد :: ( شبح لي سيارة ) طريقي من طريق الجامعة ، ونفس الكليه ، انا عارف انه القوانين المفروض مانقولش صباح الخير بس نتعامل معاك ع انك بنت عيلتي ومانقدرش نخليك هكي 💔
اسماء :: ( تشبحله وساكته )
//
{ فِ كُل قلب منهما ، جُرح ، ولم يتعافى ، 💔 في كُل قلب بينهما مسافة ، امتلأت ف الاواني الاخيره ، بِمشاعر كِليهما لم يفهم محتواها ♥️ ، يعلمون ، يشتاقون ، يحتاجون ، يتألمون ، يتعاذبون ، ولكن لم ينطق احداهم للاخر بحرف واحد ♥️،، }
{ الاغنية التركية ،، #اصبت_بجرح_ما }
//
—————
( ف سيارة )
{ لم تتنافس موسيقة والحان وكلمات تِلگ النغمات مع تلگ اللحظة مع مشاعر كليهما ابداً 💓}
محمد :: ( ماكنتش فاهم شي ، بس كنت نبيها جنبي انا هكي مرتاح ، هكي هكي وهيا جنبي ولما نوجه راسي يمين نشوفها ف انا هكي مرتاح ، انا هكي حاس بي حاجة حلوه هلبا ومانبيهاش تكمل 💓)
اسماء :: ( ياربي شن الي انا عايشاته ؟! ، مش محمد ولا ؟ ، مش حـ يكون محمد هوا جرحي هوا دواي مستحيل 💔 ، علاش انا مرتاحه هلبا توا ؟! علاش لما نكون جنبه ولا عيني ف عينه ننسى ف كل جرح صار بسببه 💔 علاش محمد ؟ مستحيل بنكون ،،، )
محمد :: ( شن الي انا نحس بيه ياربي ؟! لما نكون معاها ننسى ف دنيتي كلها ، اسماء ؟؟ معقول اسماء تعيشني هذا كله ؟ ، معقوله الي مش طايقه شوفت وجهي وحتى خير ربي ماتبيهاش مني انا مش قادر نحيها من راسي ♥️)
اسماء :: وقف ( وحطيت ايدي ع درج سيارة الي قدامي )
محمد :: كيف ؟!
اسماء :: وووقف مخنوقه مش قادره نتحمل قتلك وقف 💔😭
محمد :: اسماء خيرك ؟
اسماء :: وووقف ، قتلك وقف
محمد :: ( وقفت سياره ، )
اسماء :: ( فتحت الباب ونزلت ، ومشيت بي نهاية الكرنيش وقعدت نشبح للبحر )
محمد :: ( نزلت وراها ، مشتلها طول شديتلها ايدها ولفتها ليا ) ، لي درجة هااادي مش قادره تتحملي تقعدي معاي ؟! انخنقتي لانه كنت جنبك ؟ 💔
اسماء :: ( نشبحله ونبكي )
محمد :: لدرجة هاذي مش طايقه شوفتي ؟ شن احساسك اااه ! قوليلي ؟؟؟ تضايقي . ولا تتقززي ، ولا لا حقا ،، انتي قلتيها اصلا ، تنخنقي 💔
اسماء :: ( دفيته وقعدت نبكي ونتكلم بأعصابي ) غبي ،،، غبي ،، انا لانه حااابه وجودك هلبا هذا علاش نبكي ،، لانه وانت معااااي نحس ب احساس حلووو انا انخنقت ،، لانه انا مانبيش نحس ب هاشي قتلك توووقف سيارة 💔💔😭
محمد :: ( سرحت في عيونها ومش مستوعب ولا حرف من كلامها )
اسماء :: ( حطت ايدها ع راسها ) انا معاش حاسه بروحي ولا فاهمه شن ندير ،، انا شنو ياربي ؟ ( شبحتله ) ، انا مجروحه منك ولا لا ؟ ، انا تعبانه لانك بعيد ولا لانك قريب ؟ انا شن هذا الي عايشاته 💔 ، ( شديته من كبوطه ) انت من وين طلعتلي ،، من وين طلعتلي محمد من وين 😭💔
محمد :: ( حضنـها ♥️ ، بكل مافي العشق من سرعه وقوة ♥️)
-/
{لقد أُصبت بجرح ما 💔}
-/
محمد :: { بعد صمت طال دقيقه } وحياتگ نفس شي الي عايشه 💔
أسماء :: ( لم تكُن لي تشعر حينها ، ولكن غرقت ف بحر حُضنه الدافء قد عاشته ولامسته قد التجأت اليه ♥️)
محمد :: وحياتگ مانبيك تقعدي بعيده اكتر من هكي ،، انا امتى حسيت بيگ مانعرفش ، امتى حبيتگ لدرجة هاذي واقسم بالله مانعرف ♥️
اسماء :: ( رفعت رأسها ببطء ، بعينين مفتحتين ، بصدمة مسمعها ، ووجهت نظراتها له ) ♥️
محمد :: ( رُفعت اليدين بقوة عشق واصرار عقل ♥️ وُضعت ع الخدين ) اقسم بالله نحبك ♥️ الي انا عايشه حب ،، وقتلتي ي اسماء قتلتي
اسماء :: ( تنهيده ، عدم تنفس ،صدمة ، بكاء)
محمد :: ارحميني ،، بالله عليك ارحميني ، معاش قادر نتحمله العقاب هذا انا تعبت 💔
اسماء :: ( تبكي )
محمد :: نبيك ،، فاهمه ؟ انا نبيك ،، اسماء نبيك ،، ورحممممة الغالين الا نحبك ( دمع ) خلاص ، ماتعبتيش ؟ 💔
اسماء :: ( جعل من سؤاله قوتها ف البكاء اكبر ، حتى دفعها الي الالتجأ مجدداً بحضنه ولگن بطعم تاني ) ،،،،،،،، انحبك ♥️ ،، اسفه 💔
محمد :: ( من وسط القلب تنهيده عمر ) ااااااوخ واااخيراً  ( حضنها قائلاً ب ابتسامة وعينين و دمعتين ) تعبتيني يابنت ♥️
————————
٣:٠٠م
{ الدُكان }
ملاگ :: باه اسماء والاء وجاين ف طريق ، انتم علاش جيتو بروحكم ، وين روبين ؟
غيدة :: (مقعمزه وساكته )  💔
ريم :: عبدرؤوف جي خداها من المدرسه للحوش طول وماباش يخليها تجي معنا ، بدي يلبز 😪
غيدة :: امس اكتر واحده كانت متحمسه ، لما تكلم فيا كانت تحكيلي ع اساس اليوم شن بنديرو، حرمها الله يرحمه من(قصت عليها )
ملاگ :: ماتدعيش غيده اسكتي ،، الله يسامحه ، ومبرده زوز 😪
( خش احمد ويونس )
احمد :: سلام عليكم 🤚
( ردو الكُل )
احمد :: ( شبحت يمين ويسار وماريتش روبين ) وين روبين ؟! ،،
( شبحوله )
احمد :: ( شبحت لي ملاك ) مش قلتو انتم مع بعض لقيتو المحل وبتجو تشوفوه اليوم
غيدة :: ( حكتـله )
احمد :: ( خبط رجله ) الله يعلن شيطاااان ، كنت عارفه بيلعب زفت هذا 💪
يونس :: اهداا انت تاني ،، خلاص فيها اخيره هيا مروحه غدوا تو نجيبوها احنى
غيدة :: امس كانت متحمسه لليوم اكتر وخده وتخطط وتحلم ، واول ماطلعنا اليوم لقاته قدامها زي شيطان 💔
( صعبة انگ تتكلم ع برگ بصيغة الكُره وانت في قلبگ شوق كبير لي سماع كلمة # بنتي منه ♥️}
،،./
احمد :: ملاك كلميهالي بتلفونك ،، اتصلي بيها
ملاگ :: باه حاضر ،، ( جبت فوني من شنطة واتصلت ؛ )
—————
{ فِ حوش عمتي }
،،،
( تلفوني يرن وخشيت لي دار بنجيبه ، ناض بابا وراي )
،،
عبدرؤوف :: هاتي تو نرد انا
( خدي مني تلفون ورد )
—-
عبدرؤوف :: الو !
ملاگ :: الو ، عمي كيف حالك ، انا ملاگ
عبدرؤوف :: كويس بخير ،،
ملاگ :: عمي ممكن نكلم روبين ؟
عبدرؤوف :: روبين مش فاضيه توا ، تو تكلمك هيا بعدين
ملاگ :: اه ،، ( وشبحتلهم ) تمام نراجي فيها 🤦🏼‍♀️
——
احمد :: خيرك صكرتي. !
ملاگ :: قالي مش فاضيه 😒
يونس :: محقره هوا خيره يرد ع تلفونها 😠
غيدة :: بصراحة ،، روبين اليوم ف المدرسة ، حكتلي انه امس لما جي خداها من حوشنا مشي صله ف جامع لقي مجموعه رجاله من ضمنهم راجل نوريه شياطين وحكاله ع ،، ( شبحت لي احمد ) عليك لما طلعتها من ايدها. ، وقتلي خدي منها تلفون وهوا يرد 💔
احمد :: ( متعصب )
ريم :: وهذا منين سمع نهار احرف 😱
ملاگ :: انتي ماسمعتيش راجل نوريه شياطين ولا حضرتك حوله 😒
ريم :: ضمي فمك انتي 😒 ،،، نهاري ياروحي اكيد كشخ عليها
احمد :: صار سمع ،،
يونس :: ( يشبحله ؛ )
احمد :: انا اصلا مانخليشي يسمع ،، مدام انا حي ، نخليه يشوووف بعيوونه 💪 ( وطلع )
ريم :: الحقه يووونس ماتخليشي ،، مهبول هذا راه
ملاگ :: خلي يمشيله يربيه ،، كلب اصلا 😒
غيدة :: ( ساكته ) 💔
————————-
٥:٠٠م
—-
{ حــوش العمـه }
،،
( فتح الباب راجل عمة روبين )
،،
راجل :: تفضل !
احمد :: ( دفه وخش ) يزيد فضلك ،،
( خشيت لي جنان وتلفتله )
احمد :: البيت لي حرمته مش ح نخشله امتر من هكي ،، يالله امشي نادي روبين والا لا حرمته ولا البيت بيهموني ونخش ناخدها بروحي
راجل :: من انت اصلا ،، وكيف تخش لي حوشي هكي وتتكلم معاي بأسلوب شوارعي زي هذا
احمد :: من انا ؟ انااا احمد ،، وكيف نخش ، ف هذي مشكلتك انت قتلي تفضل وانا نوعي نوع ، نسمع ف الكلام ،، واسلوب شوارعي ف مرات تصرفاتي تقلب حتى هكي الله لا يوريك 😎💪
( هنا طلعت انا وبابا وعمتي بعد ماسمعنا صواتهم )
راجل :: اااطلع من حوشي يالله ، وتكلم زي العالم وناس.  كان اهلك ماعرفوش يربوك انا نربيك ،، امشي يالله اطلع
احمد :: ( شبحت لي دروج )
روبين :: ( نشبحله ومصدومه )
عبدرؤوف :: انت شن جاااابك هنا وشن دخلك للحوش اصلا 😠
احمد :: عيلة تحب تسأل ، توبة وخلاص ( مشيت لي روبين )
روبين :: ( جي جنبي شد ايدي وطلعني )
احمد :: ( شديتها من ايدها وطالع ونتكلم ) قالولي انك سمعت بيها ،،، قلت نخليك تشوف افضل ،، بنتك ف الحفظ وصون مااتخافش ،، لكن راجل اختك دوته هلبا♥️😅 ( وطلعنا )
روبين :: ،،،،،،
———————
#يتبع
#سلمى