روبين 💕(منقوله )

9

#روبيــن 💓

الحلقـه الـ(٩)،،،،
———————-
{ واحنـى طالعين كُنت نشبحـله }
أحمد :: تكشخي ف سيارة ياوردتي ، هيا توا بس خلي نطلعك من هنا ♥️
،،
———-
{ ف سيارة }
روبين :: ( ساكته ونشبح لي روشن )
احمد :: شن نسميه هذا ! 🙄
روبين :: ( مابيتش نشبحله )
احمد :: هدوء ماقبل العاصفة ! باش نفهم بس نوتي روحي ولا لا 😂
روبين :: ( مابيتش نرد )
احمد :: ( بعصبيه ؛ ) نكلم فيك
روبين :: ( نلوي ف عيوني ونتنفخ )
احمد :: ( شبحتلها ، بعدين لفيت سياارة بالقوة ورجعت من طريق )
روبين :: ( من قوة لفة شديت ف ف الباب ) وين ماااشي !
احمد :: ( مابيتش نرد )
روبين :: اااحمد نكلم فيك انا
احمد :: ( شبحتلها بعصبيه ) اماااالا انا شن ليا ساااعه نحرث 😠
روبين :: ( سكتت )
احمد :: خليك سااكته ايواه ( شبحت قدامي ) اهو ماشين لي مكان نعرف كيف نتفاهم معاك
روبين :: ( شبحت لي روشن متكنطيه ومابيتش نرد )
———————
{ فِ دُگان 💐}
غيدة :: ( حطت فونها وهيا مهبيه ) ماتردش 😞
أسماء :: خلاص خلوهم تو يحلوها ويكلمكم ، اصلا مدام احمد معاها انا مطمنه 🤚
ريم :: ( رن تلفونها ،، شداته ) ي حي والله حي 😱 خااالكم مصطفى
اسماء :: بابا غبببرت  😱
الاء :: ااه وين يامطمنه 😒
ملاگ :: ماااترديش (شبحولها ) لا قصدي ردي وماتتكلميش ،، ولا قصدي ماتقوليش ،، لا تي خلاص ديري اي حاااجة تخترفت 🤦🏼‍♀️
الاء :: لا استني ماترديش ،، ابعتي مسج لي احمد قوليله شن صار معاك خالك يتصل ، يرد عليك بعدين نعرفو كيف بنفلمو 👌🏻
ريم :: باه اصبري ،،،،،،،،، ( كتبت المسج لي احمد وبعتتهوله )
————-
{ف سيارة }
احمد :: ( وصل المسج ،،، فتحت تلفوني وشفته ) الله يلعــن ال******
روبين :: معاش تسب ،، ( شبحتله )
احمد :: والله شن تبييني ندير ي ودرتي نعزززف 😒
روبين :: معااااش تقولي وردتي ،، ( شبحت ل روشن ) انا ماوردة حد 😪
احمد :: ( شاد فوني ونكتب لي خالتي ) اي غير نوصلو بس بعدين نشوفووو قصتها وردتي
————-
{ الدُگان 💐}
غيدة :: ماشاء الله خالي باله واسع ٢٠ مكالمه لعند توا 🤦🏼‍♀️
الاء :: رد ؟
ريم :: لا ،،،، ( بعد دقيقه ) ،،،، اهو رد
ملاگ :: شن قال ؟!
ريم :: نهار اسوود 😱
اسماء :: شن فيه اقريهااا بصوت عالي خويله
ريم :: —————-(حكتلهم)
الاء :: ووووه كفووو سندي هههه♥️😂 ، اخ قداش مامسح ع قلبي
غيدة :: ولي مايتسمى قعد واقف ؟ ( القصد بوها )
اسماء :: كيف خديتيها من فمي ،،، معقوله مادرا شي ؟
ملاگ :: كلم عمي ولبز شن مزال تبووه يدير🤦🏼‍♀️
الاء :: ( رتبت تقعميزتها ) هي توااا ردي ع عمي ، قوليله انه انتي كنتي مع احمد ف سيارة اصلا ، وانه روبين تبكي ف الحمام ع خاطر بوها كان ياخد منها ف تلفونها ويشك فيها ويكشخ عليها وبهدلها ، اما احمد ف مش موجود حطكم ومشي لي شغله ، طبعاً هوا بيسألك مدامك ف سيارة علاش مش انتي الي انزلتي ، قوليله انه راجل عمتها اسلوبه مان مش كويس احمد ماباش يخليني واقفه وقعمزت في سيارة وانت تعرف عصبيه احمد ، ولو قالك تطلع روبين وتكلمني ، نبعتو مسج لي احمد نقولوله ويفهم روبين وتتصل بيا روبين بعد شويه من تلفونها وتقول نفس الكلام ،، وتمت 🙋🏻‍♀️
البنات :: ( فاتحين عيونهم ويصفقوو ) 👏🏻😳
ريم :: ماشاء الله ، لا حولا ولا قوة الا بالله ،، تبارك الرحمن ، بنات العيله كذباات 🤦🏼‍♀️😂
البنات :: ههههههـ😂😂
الاء :: غير هيا بسرعه كلميه قبل ما حتى الكذبه مدتها تم 😎
ملاگ :: باه كانه قالك خيرك مارديتيش من الاول !
الاء :: ساهله ،، تلفوتي صامت ف شنطة وصلنا للمحل لهيت مع البنات يركبو ف ديكورات وتوا شفته  🙋🏻‍♀️
اسماء :: عطوني لحظة ،، او لا ثانيه ، او فسووه عادي ونصدق كلامها الحيوانه هيا 😂🤚
ملاگ :: انا ماتعطوني شي صدقت خلاص 😂😂
ريم :: هيا خلي نتوكل ونبلي بلوتي وخلاص ،، ( واتصلت )
{ الي صار انه ريم دارت الي قالت عليه الاء ، وخالي مشت معاه الامور وصدق وفعلا طلب نكلمه ، واحنى ف طريق حكالي احمد شن نقول ، وانا نفدت ،،وتمت  الامور ومشت ع خير وبالي قعد عند بابا الي انا خايفه منه ،،، وصلنا للمكان }
——
{ نزل احمد من سيارة وجي فتحلي الباب }
احمد :: انزلي
روبين :: ( شبحت للعماره الي يسكن فيها هيثم وتقوى ) علاش جينا هنا ؟! 🙄
أحمد :: هنا بس نعرف ناخد راحتي ،، انزلي
روبين :: ( عقدت حواجبي ) راحتك في شن ؟! 😠
احمد :؛ توبة ،، استغفر الله 🤦🏻‍♂️ انزلي بنتي انزلي عليك تفكير
روبين :: اوووف ماقصديش الي خطر ف بالك ، الله يسامحك 😒
احمد :: تو تنزلي ولا انزلك انا 😒
روبين :: ننزل بروحي مش عيله ... ( ونزلت تتنفخ )
احمد :: ليا انا انفااخ هذا كله 😒
روبين :: ( شبحتله وانا رافعه حواجبي ) اي ،، ومازال ماريت شي
احمد :: ( قربت منها خطوات ) اصلا انا جبتگ هنا باش نشوف 😉♥️
روبين :: ( وخرت ) خليك بعيد ،، اصلا انا جايتني منك قوز قوز😪( ومشيت )
احمد :: ( أبتسمت وصكرت الباب وانا نتمتم ) ماتخافيش تو تروقي 😉
——————-
{ فِ العمارة }
{ قدام المصعد ، انا فوته وكنت ماشيه للدروج }
احمد :: وين ماااشيه تعالي اركبي
روبين :: لا ،، نبي دروج
احمد :: مش تكلمنا فيها القصة هيا ؟
روبين :: انا نبي نتعب ، حره 😒 ( وكيف جيت بنركب )
احمد :: ( شدها من ايدها ) لما اناااا نموت اتعبي زي ماتبي ، زودي اركبي من هنا يالله 🤚😠
روبين :: ( سحبت ايدي وفنصت فيه) اووزن كلامك
احمد :: غيررر اوزنيه انتي قبل ،، اركبي
روبين :: ( تافففت وركبت للاصنصير معاه )
———-
{ فِ حوش مُصطفى }
..
ابتهال :: غريبه شن قعدك ف الحوش اليوم ؟
يونس :: مافيش خدمه هلبا
ابتهال :: حتى بوگ روح بكري ،، اوني حاضن حناگ وحناگ حاضناته 😪
يونس :: حتى انا شويه وبنمشي نشوفها وبعدين بنطلع
ابتهال :: وين ي مهون ؟! ،، العفوو ماتستاحشنيش بكل 😪
ييونس :: لا ايح يام كيف عاد ،، لكن غير موصيني اوسامة ع المحل اليوم بنقعد مع البنات 👌🏻
ابتهال :: ( وهيا تصب ف شاهي ) ماجانه منه كان الهم هادكان 😪 ،، عليك تفكير اجنبي 😒 ( تقصد روبين )
يونس :: ايوااه اهو بنبدو ف الكلام الي مانحبااش هي ،، قصرري دوه يااام 😒
ابتهال :: باه ... اسمع وليدي ،،،، نبيك ف موضوع
يونس :: خير ان شاء الله
ابتهال :: لقيتلك عرووسه تفتح العين لمغمضه ، اقسم بالله جمال واخلاق ونسب وعيله 👌🏻
يونس :: ايواه ومن قالك عيوني مغمضات باش هيا تفتحهملي !
ابتهال ::  ف وحده ف بالك !
يونس :: ( يشبح ل تلفزيون وخطرت ف باله الاء ،بأبتسامه ) اي ♥️
ابتهال :: الله ايبارك غزالي بيفرحني ، من هيا ؟! بنت منو ؟
يونس :: تعرفيها ♥️
ابتهال :: منو. ؟ ،، بنت جيرانه ؟
يونس :: ( حط ريموت وشبحلها ) علاش ماتكونش من العيله مثلا 😒
ابتهال :: لا ورااااس اميمتك احلم حلم بعدين 😒
يونس :: علاش شن قتلك نبي عروسة دزني انا 😒
ابتهال :: انساااه الموضوع ايواه ، اسسمع انا العيله هذي مش حااا ناسبها 😒
يونس :: انتي حره ،، اما انا ف بناسب ، والي ف بالي هيا بناخدها تو تبي ماتبيش موضوعك 🤚
ابتهال :: مصح وجههك قلة ربايه 😠. ومن هيا هالمغضووبه الي خلت ولدي يكلمني هكي  😒
يونس :: اامي خلينا ف صحيح ومانبدووش ف كلام الغلط ، ماهياش مغضوبة ، وماخلتنيش نكلمك هكي ، انا من يومي هكي
ابتهال :: بنت منن فيهم 😠
يونس :: ( وقف ) شن تبي فيها ؟ ، باش تمشي تضربي يبرة لي عيلتها وو ،، لا مانقولكش لما بنتم فيها تو نرفعك معاي حاضر 😂
ابتهال :: تعاااالى هنا ندوي معاك انا
يونس :: ( ماشي ويتكلم ) نسمع فيك ، بنخليك تفكري بينهم من فيهم ،  غيدة ولا روبين ولا الاء ،، ولا ملاااك غير اكبر مني،،  ومرااااات انسام بنت ريم
( وصكر الباب وطلع )
———
٨:٠٠م
{ دُگان 💐}
،،
( ريم وملاگ لاهين تحت ف تنظيف المطبخ بعد الدهن بدي يبي حطان الحاجات فيه 👌🏻 ،، الاء وغيدة كانو مقعمزين ف غرفة يمسحو ف الاثاث الانتيكة الي بيحطوه ف المحل 💓 ،، اسماء ومحمد كانو يحطو ف الكراسي ويرتبو ف طاولات )
،،
اسماء :: ( حطيت الي في ايدي ومشيت جنبه ) محمد !
محمد :: ( شبحلها بتنهيده ) عارف شن بتقولي ،، انا تمام خلاص انسي ♥️
اسماء :: محمد واضح عليك انك متعفلق ، حبيبي لو سمحت انساه الموضوع وماتخلينيش نندم انه حكيتلك 😓
محمد :: ( قرب منها شدلها ايدها ) ماتخافيش خلاص ، انتي معاش ادسي عليا شي ، اكره حاجة عندي ي اسماء حد يدس عليا ولا يكذب ، فاهمه ؟ 🤚
اسماء :: تمام ،،
( وتفكرت لما حكتله اليوم صبح ف الكورنيش كل شي وكيف مشت لي وليد ف المستشفى )
،
اسماء :: باه وين ضحكتك ! معاش نبيه الموضوع ياخد عقلك هكي 😓
محمد :: ( بحنيـه ) والله مش هوا الي واخد عقلي ♥️😉
اسماء :: ( ابتسـامه بكياته ) انا 🙈
محمد :: لا ،، ( بأستفزاز ؛ ) ( شبح للمحل ) ع المحل الي يبي ترتيبات هلبا للافتتاح 😪
اسماء :: ( بنفس الابتسامه ) حبيبي عديم رومانسيه 😅♥️
محمد :: وصحاب المحل واخدين عقلي حتى هما ♥️😉
اسماء :: ( ابتسامه ) كلهم 🙃🙈
محمد :: لا ، وحده بس ♥️
اسماء :: انا 🙈♥️
محمد :: لا ،، ريم الي مسيبه خدمتها مسكينه ولاهيه معاكم هنا 😅
اسماء :: والله ؟! ،، اي حاضر توا نمشي انادي عليها وهون عليها 😒
محمد :: ( مسكها من ايدها ،. حضنها ) تعالي ي مهبوله تعالي ♥️♥️😂ماعنديش اغلا منك انا
اسماء :: ماك بارد 💔
—————
٩:٠٠م
،،
( تقوى و روبين مقعمزين ف دار ، و احمد وهيثم ف صاله )
،،
تقوى :: ( بلطافه ). حبيبتي روبين ،، ليك ساعه مقعمزه قدامي ،،، و وماشاء الله ( شبحت ل صحن سمينسه ) مافيش وحده ماازازتيهاش 😅 قوليلي لو ناويه نكملو تقعمزينا بزر ، تو نزيد ♥️🤚😂
روبين :: ( بعصبيه ) بنموت انا بنموووت ، يووووم من الااااايام الي برااااا هذاااا بيبهللللني ، بيهبللللني 😠
( عليت صوتي باش يسمعني )
——-
احمد :: ( يمسح ع لحيته بعصبيه ) بنوضلها ،، كان ماتسكتش
هيثم :: اهددى هي ي ولد عيلتي خيرك ، البنت عندها الحق تتعفلق شن هذا عاد حتى انت خديتها عاده 😒
احمد :: ( شبحله شبحه مضحكه ) مش ح نرد ، لانه لو رديت بنسب ، بنسبك وفرق العمر ليه دوور حتى هوا 😒
هيثم :: تو سننة ي حيوان بدي ليها دوور 😒
—-
تقوى :: تمام تمام ، صح حمار وثور ، انتي اهدي ماتعصبيش روحك 😅
روبين :: ( بصوت عالي ) اااي اكبر ثوور ،، 😠😠
..
احمد :: الااااا ( وناضلها )
——-
احمد :: طلعت ثوور ست روبين
روبين :: ( وقفتله ) اي ثور وستين ثوور ،، انت شايف الي درته عادي ؟؟؟ قدام بابا وراجل عمتي وعمتي ،، كويس انه ولد عمتي وبنت عمتي ماكانوش موجودين كااان اكتمل الفريق 💔
احمد :: ماااااشاء الله وعندككك ولد عمممه فوقها ؟ ومزاال تبيني نخليك تباتي غادي ، ( حط ايده ع قلبه ) كاااان يوقف هذا مااعاد ماشيه بايته ياروبين 🤚
روبين :: اي اي ،، هذا الي انت تفكر فيه ، بس العيله الي قبل شويه كدبنا عليها عادي ، وبوي الي بنروحله بعد شويه وبيعطيني طريحه عااادي 💔💔
احمد :: نكسرررها ايده فاهمه ،، نكسرها بوك ايده كان يرفعها عليك ،، وانتي شن قاعده تقولي مروحتله ،، ماافيش مرواح الا لي حوشنا والا قعمزي هنا ومافيش طلوع 🤚
( هيثم غمز لي تقوى وطلعو وخلونا )
( حطيت ايدي ع راسي وغمضت عيوني قعدت نبكي من غير صوت ، شبحتله )
روبين :: تحسابها ساهله ولا ؟ 💔
احمد :: ( عقد حواجبه استغراب )
روبين :: ( رفعت كم ايدي ) شوووف ،، شوف احمد ، تعرف هذا شنو ؟ ،، لما كنت صغيرة كنت يدوب نتكلم ونفهم ، بدون قصد طيحت مزهرية حناي المتوفيه هدتها لي بابا ، ف الاب هذا قرر يعاقبني ، زعمك ترا كيف ؟!
احمد :: ( فتح عيونه بصدمه ويشبح لي ايدها )
روبين :: ( تبكي ) قال لي اسيلل باش تتعلم وتخاف وتبداء تحسب ف خطواتها كويس وين ماشيه و وين جايه ،، خدي قطعة من لمكسرات وجرحني بيها ،،، ويجرح فيا بكل هددوء وسلاسه باش انا نبكي ونتعذب ونحسها ،، دمي كان يسيل قدااامه وكان عنده عادي ،، ولين كبرت وجرح هذا معلم ع ايدي ،، وجروح لكبيرة بس تعلم ي احمد 💔😭
احمد :: ( عيونه دمعو ، ويضغط ع قبضة ايده )
روبين :: انا مانبيش جرح جاااي يكون حرماني منك 💔 ،، انا عشت وتعذبت وبكيت ، شوووفت انسان بجميع حالاته ، اب حنون واب عصبي واب غجري واب مريض يجرح ف بنته ومش هاااامه شي ، عشت ع انغاااام توازنه وتعلمت نتعامل معاهم ، وطريت نتحملهم ،، كل العيله يحساابوني كنت عايشه مرتاحه ،، بس لا ، انا كنت غير ع اي حاجة فكرتووو فيها ،، حوشنا القفص الذهبي من برا ، ف الحقيقه هوا ظلام كاحل من داخل ومافيشي حياة
احمد :: ( نزل راسه يمسح ف دمعه بصبعه )
روبين :: ( حطيت ايدي ع وجهي وقعدت نبكي )
—//
{الاغنية الهنديـة .، #Zaroorat_haI }
-//
احمد :: ( قربت حضنتها ) اسف 💔
روبين :: ( حضناته ) انا تعبت 😭💔 ، مااانبيش ننجبر ع فراقك احمد ،، بالله عليك حاول تسيطر ع اعصابك 💔
احمد :: ( مارديتش عليها؛)  ؛ 💔
————
( بعدها احمد كلم ملاك وجت هيا مع خالتي ريم وروحو بيا لي حوش عمتي  ،، وصلت وكنت تعبانه وراسي بيتفجر وكنت خايفه من بابا خالتي دخلتني وقعمزت شوية لين تأكدت انه الامور تمام وطلعت ، ماكلمنيش واستغربت فيه وخش لي داره ورقد وانا خشيت مع بنت عمتي ورقدت ؛ )
——
{ اما حوش جديده الي انا استحشته ، كل واحد كان هايم ف همه وعيلته ،، مرو يومين تانين وانا بعيده عليهم واحمد ماكلمنيش ولا حاول انه يشوفني ، حتى بعد ما ملاك قدرت تقنع بابا انه يخليني نمشي للدكان و وافق لانه خالي مصطفى كلمه ، ماشفتاش ، 💔 ،،جي يوم المطار وصلت بابا وقعد يحدر فيا او يهدد انه مانقربش من احمد وانه كل نهاية اسبوع نمشي لي حوش عمتي ، وطلب من طارق ولد عمتي ونور اخته يوصلوني لي قدام البوابه ،،، اول مااحنى درسنا ، درسو ف نفس اللحظة يونس واحمد }
—-
{ في سيارة احمد }
احمد :: ( حاط اايديه ع ستيرسو ونشبحلهم )
يونس :: انزل وماتتكلمش معاها هنا ، تخش داخل وكلمها
احمد :: انزل انت ،، تو نجي
يونس :: احمد وراس خوي تنزل معاي هيا عاد
احمد :: انزل خووي انزل ماهوش صاير شي شويه ونلحقك
يونس :: اكيد !
احمد :: تي ارحمنااااا يا يونس انزل خلاص
يونس :: ( انزل وفتح البوابه وخش )
——-
طارق :: ( يشبح لي يونس ) هذا احمد ؟
روبين :: لا هذا يونس ولد خالي 💔
طارق :: ولي ف سيارة ؟
روبين :: وانت علاش تسأل ! 😒
طارق :: ف الاخير بوك وصاني عليك يعنيى اكيد نبي نطمن
روبين :: اي معناها تنساه الي قاله عمك 😒
نور :: وااااضحه طارق اكيد مش ناوي تخنق البنت زي ماكان عمي مداير ، انزلي روبينه حبيبي انزلي ربي يعينك 😒
روبين :: ( جيت بننزل )
——-
{ سيارة احمد }
احمد :: تي هاذي شن قاااعده ادير ف سيارته 💔
—
طارق :: استني ماتنزليش سيارات ،، ( انزل افتحلها الباب )
—
احمد :: ( قرنة حواجب ) ت هذااا شن يدير زفت ( جيت بننزل تمالكت اعصابي وخبط ايدي ع ستيرسو وبعدين حطيتها ع ذقني وشبحتلهم ) 💔
—-
روبين :: ماكانش ف داعي ننزل بروحي 😒
طارق :: جيهتك كانت من جيهة سيارات هذا علاش فتحتلك الباب
روبين :: ( شبحت لي احمد ،،، ومشيت للبوابه خشيت )
—-
( اول مالفو ومشو نزلت من سيارتي وخشيتلها طول ؛ )
( كنت كيف راكبه من دروج حوش جدي حسيت ب حد شد ايدي )
—
احمد :: ( شديتها من ايدها ) تعالي نبيك 💔
روبين :: وووين انا كيف وصلت !
احمد :: ( مارديتش عليها ؛ )
( طلعني وركبنا سيارة ومشينا ،، لي وين ؟ مانعرفش ، بس كل الي نعرفه انه انا جنبه ♥️ معاه ♥️ وسمعت صوته.  عيونه وعروق رقبته ف عصبيته ♥️ ماشبعتش من شبح ليه طول طريق ♥️)
——————
( وصلنا للميناء و وقفنا ف ااخر الممر متع الاحجار وكان منظر البحر حلوو وهادي ؛ )
،،
احمد :: ( بعصبيه ) من هذا ؟!
روبين :: منو ؟
احمد :: مانحباااش الاستعباط روبين ،، هذا ولد عمتك ؟ وجايبك للحوش ، وفاتحلك الباب ؟؟ وسااعه باش تنزلي ،، شنو ؟؟ مش ع اساس احنى بنجيبوك !
روبين :: اولا انا ماطلبتش منه يفتحلي الباب وبابا هوا الي قالي مش ضروري نكلموهم. وبعدين كانت معانا نور اخته مش بروحنا 💔
احمد :: انااا مش فاضي باش نشوف اخته ، كنت لاهيه فيه كيف ينزل ف البرنسس من سيارةة😠
روبين :: قتللك مااطلبتش منه ، هوا شاف جيهتي من جيهة سيارتي نزل فتحلي الباب 💔
احمد :: اااه يعني كان خايف عليك الباشا 😠
روبين :: ( سكتت )
احمد :: ( تنفخت وشبحت للبحر )
روبين :: وبعدين ،، ( شبحلي ) انت اخررر واحد يلومني ، انت وين كنت ها ! 💔
احمد :: ( شبحتلها ؛ )
روبين :: يومين ماحاولتش تتصل بيا ولا فكرت تسأل عليا ، وحتى لما بابا وافق وبديت نمشي للخدمه انت ماجيتش وماشوفتنيش ( مديت ايدي ) وحتى ايدي الي طاااح عليها رف شباك ، صح ماصارلهاش شي ، بس محاولتش حتى تقولي لاباس 💔
احمد :: ( بحنيه ، لهفة ، خوف ، شوق ، شعور #حُب ، شد ايــدها #باسـها )
روبين :: ( معاش حسيت برجليا وكنت طايره ♥️ ، غمضت عيوني وفتحتهم ف ثانيه كانو مدمعات سرحت فيه ، وف حنيته ونظراته ليا ♥️)
أحمد :: ( حضنت ايدها بين ايديه ، وكلمتها وانا مخنوق وعالم بيا ربي هموم دنيا كلها فوق راسي وهيا بعيده 💔 ) لانه هكي كنت بندير ، مش ح نطمن عليك ولا قدرت نجي نشوفك ، وف كل مره فكرت نحدف رشاده ع دارك ، كان ضي مطفي ومايهونش عليا نوضك 💔 نستناك لين تفيقي وتطلعي تمشي للمدرسة وبعدين للمحل ، نشوف فيهم كلهم يضحكو الا انتي ، سرحانه ، ولا حاطه ايدك وتشبحي لي روشن 💔 ، نشوف فيه كيف يروح بيك ويجي خاطري نجيه ونزله وناخدك منه ♥️ ، ماقدرتش نقدم ولا قدرت نبعد ،، نحاول نبعد ع قد مانقدر باش مانشوفش نظرتك ليا هداكا اليوم ولا نسمعك تقولي تعبت تاني 💔
روبين :: ( خانقتني العبره ) تبعد ؟! 💔
احمد :: ( عيونه دمعو ) اي 💔
روبين :: وقدرت ! 💔
احمد :: (بأبتسامه وخنقة عبرة وتنهيده ؛) معقولـه انا نقدر نبعد ع روحي ♥️ ، بس اجباري 💔
روبين :: يعني احنى بنقعدو هكي ؟ 💔
احمد :: ( ملامح تعبر ع #اي )
روبين :: ولما نستاحشك 💔😭
احمد :: انا جنبك 💔
روبين :: هذا كله ع خاطر بابا ؟
احمد :: مش ع خاطره ، ع خاطرك ♥️ لين تكوني قدرتي تتجاوزي خوفك
روبين :: مش قتلي نتجاوزوه مع بعض 💔😭
احمد :: مش هذا روبين ، مش انا الي نخليك تخسري حتى بوك ع خاطري 💔
روبين :: قصدك معاش تجي ونفتحلك الباب زي قبل 💔😭
احمد :: ( ملامح تعبر ع نفس رد ، ومش قادر نقول حرف زياده )
روبين :: باه تقدر تحضني توا؟  💔😭
احمد :: تعالي ياروحي💔 ،، ( حضنتها )
—//
( لم نكتفي احياناً بشعور سعاده حتى تأتي تِلگ الايـام حامله معها قسوة ومر وتعاسه ولحظات فُراق ، دامت سعادتنا بيننا وبين ابتساماتنا ، ولكن هل ستفرق ان بكينا ف داخلنا ام بصوت عالي ، ؟ هل ستفرق ! 💔
#{الاغنية التركـيه ،، #هل_ستفرق }
—//
{ ف طريق كلها واحنى ساكتين ،، انا كنت متوجهه لي روشن ونبكي ،، وماقدرتش نحط عيني فيه تاني }
{ عارف انه بعدت عليك ياوردتي ، عارف انك محروقه زيني ، بس ورحمة الغاليه ماقادر نشوفك هكي مش قادر نخليك تبكي وف عيوني تقولي انا تعبت ، لو مش قادر نفرحك مش ح نبكيك مستحيل 💔 ،، لو بأيدي راه تزوجتك اليوم ياخاصتي بس انتي مش ح توافقي لو بوك وقف ف وجهك ماعندكش غير حتى لو هوا وحش طفوله بالنسبه ليك ،، بس انا مانتحملش نشوفك يتيمه وانتي من برا قويه بس ف دخلك طفله لو نحضنها دوب ♥️💔🤚،. نحبك ياروحي نموت فيك ، سامحيني بالله عليك ، سامحيني مش قادر ناخدك ف حضني ونمسحلك دموعك )
—————
#يتبع
#سلمى