روبين 💕(منقوله )

11

——
#روبيــن 💓
،
،
الحلقـة الـ١١ ،، الاخيرة 📙
،،
{ بعد مُرور شهرين }
،،
{ فِ دُكان }
غيدة :: ماه گان بتقعدي متوتره هكي مافيش مرواح خلاص اهدي يحلو الموضوع ويكلمونا
روبين :: انا خايفه مش متوتره ي غيده ، بابا مش ح يوافق وبذات بعد رفضي لي طارق انا نعرفه
اسماء :: ي بنتي تفائلي خير ، مدام بابا وجدي يكلمو فيه معناها تو يقتنع
غيدة :: كلمتي لبنات سوما ؟!
اسماء :: اي خويله قالت مش ح تقدر تجي ،، و ملاگ مع خالتي احلام يجهزو ف امور العرس ، والاء ف الحوش قالت اليوم يونس جايب حاجات يبي يكلم خالتي عمتي ف موضوع
روبين :: ( وقفت ) لالالا انا مش ح نقدر نتحمل ،، لازم نمشي للحوش 💔😑
غيدة :: ياروبين بالله عليك قعمززي عاد ،، اصبري شويه تانيه بس ويكلمك احمد
—————
{ فِ حوش الجد }
{ فِ المربوعه }
عبدرؤوف :: انا الي عندي قلته ،، بنتي مانعطيهااش لي ولدكم وماننكرش غلطي الي فاتت
مصطفى :: حسن اسلوبك ي عبدرؤوف لي عند توا مانتكلموش الا بالحسنه ماتخليش المواضيع تكبر
فتحي :: حسبناك راجل وجبناك نكلمو فيك وانت حتى اسلوب ومنطق ماعندكش 😒
عبدرؤوف :: انا كلامي مع بوكم انتم ماليش كلام معاكم 🤚
{ احمد و يونس وشباب واقفين قدام الباب }
علي :: شووف ي عبدرؤوف ،، لما خديت البنت كان عمرها سنة ، لاتقدر تتكلم ولا تقدر تاخد رآي ،، اما توا ف البنت كبيرة وعمرها ماشاء الله ١٨ واعية وتفهم ، ولما جبتك هنا انا بنقولك انه ولدنا رايد بنتنا ب لحلال ، واحنى عطينا باش تتفضل ، مش نكلمو فيك ناخدو ف رايك ، البنت راضيه ومش مغصوب عليها ، تبي تحظر عرس بنتك تفضل ، ماتبيش سلامتك ،، ولو بنجو نشوفو المنطق انت حتى بنتك صغيره لي عند توا ماحاولتش حتى تسلم عليها ،،
فتحي :: شن ماااتحسش انت ولا شن ؟ ت شن صاار ف دنيا باش بناتك واحده تحبك بالخوف وتانيه تكرهك وشايفه فيك شيطان ،،
مصطفى :: ت بدل مانكسب بنات انا نجي نشردهم هكي ؟؟ ت خيرك ياراجل وين عقلك زفت
علي :: القرار عندك توا ،، ي تحظر ، ي لا 🤚
———
{ احياناً اللوم واسقاط حروف وكلامات اهانه ، تجعل من فقدان الاحساس توليد شعور قوي او رجوع للعقل سليم ،، يعني ممكن عبدرؤوف عاش حياته ظالم مرعب مخيف عصبي و واعر ، بس هذه كان سبب غلطات حياته المتكرره ممكن يكون بالنسبه ليه زواج من رويدة غلطه ، وهذا خلاه يولد دكتاتوريه خاصه لي نفسه ، ف لحظتها عبدرؤوف تفكر شي الي ضاع عن باله وماخطرش ف باله انه هايحس بيه يوم ،، ولي هوا ، #غيدة }
——
عبدرؤوف :: نبي نشوف بنتي ، نبي نتكلم معاها 💔
فتحي :: ( شبح لي خوه وبوه )
علي :: ي اااحمد ،، ااااحمد
احمد :: ( خش ) خير !
علي :: ارفع عمك عبدرؤوف لي روبين ،، واقعد جنبها مانعرفوش طالح من صالح احنى 🤚
احمد :: ( شبحت لي خوالي مصدوم )
فتحي :: ارفعه ولدي يبي يكلم بنته
احمد :: هي نوض ( شبحلي عبدرؤوف لانه حس بطريقة كلامي ) قصدي هيا 😒
———-
{ فِ دُگان }
،،
اسماء :: ( حطت شاهي ع طاوله ) هيا درتلكم شاهي ،، ♥️
غيدة :: هيا روبينتي نشربو و وعد بعدها تروح بينا اسماء باهي !؟
روبين :: ( ساكته ونشبح ل روشن ،،، وصلني مسج طلعت تلفوني من جيبي وفتحته )
{ المسج ،، #احمد :: انا جاي ومعاي بوك ، ماتخافيش حبيبتي تمام ♥️، نحبك ♥️ }
—
غيدة :: منو ؟!
روبين :: بابا جاي مع احمد ،، علاش هكي صار مافهمتش ؟ 😭
غيدة :: ماتبكيش ي غبيه خلاص ،، معاه احمد ماعنده مايدير ،، بالك بيتكلم معاك اهدي
اسماء :: نكلم بابا نسأله ؟!
غيدة :: باه كلميه ( وشدت روبين وقعمزو جنب بعض)
—
( كلمت اسماء خالي وقاللها انه بيكلمني وبس ، اطمنت ، ولي طمني اكتر انه احمد معاه ♥️)
—
{ بعد دقائق  معدوده  }
{ الدُگان }
،،
( خش بابا و احمد وقعدنا واقفين بابا كان ملامحه متغيره مش واضحه او مش مفهومه ، بس حاولت انه نستوعب وماقدرتش اما احمد ف كان واضح عليه خوف ويستنى ف بابا يتكلم )
،،
عبدرؤوف :: ( شبحلهم ) معليشي تخلوني نتكلم مع بنتي بروحنا !؟
( اسماء واحمد عشبحولي و بعد ثواني وخرو وطلعو قدام الباب وغيدة كانت بتطلع معاهم )
عبدرؤوف :: انا قلت بنتي ! 💔 ( قالها لي غيده )
غيده :: ( شبحتلـه )
روبين :: ( كنت نشبح لي بابا ولي غيده وعيوني بدو يدمعو )
عبدرؤوف :: ماتطلعيش انا قلت نبي نتكلم معاك 💔
غيدة :: ا( وتسكت ،، حرف وتقطع ، حرف وتهرب باقي الكلمة ،، حرف برجفة يطلع والباقي من الخوف تندفن 💔 ) ، انا !
عبدرؤوف :: ( قدم جنبها ) اي ،، مش بنتي انتي ولا؟
روبين :: ( لاارادياً لقيت روحي نبكي وحاطه ايدي ع فمي ومبتسمه ) 💔😍😭
غيدة :: ( رجفة الفم الي زي الاطفال ،، ودمعة العين ونظرة شووق الاب الي عمرها ماحضناته ، كلمة #بنتي ، ودمعة بوها ف عينه ونظرتها ليه )
عبدرؤوف :: ( قدم منها ) انا ي بنتي غلطت ، ف حقك ،، وحق اختك ( وشبحلي ) وحق ،، ( سكت شويه بعدين ) ،، حق امكم 💔 ،، انا خسرت هلبا ، ف اخر فترة انا حتى نومي مش متريح فيه ،. انا غلطت ف حقكم وعذبتكم بما فيه الكفايه ، انا نبي اخر اياماتي معاكم ، نرقد وانا جنبي بناتي ،، تعرفو ( شبحلهم وهوا يدمع ) ، تعرفو امكم شن كانت تقول عليكم ! ،، كانت تقول بناتي ، زي شمس والقمر ♥️ وحده ح ضوي حياة ناس ف نص عتمتهم وتعطيهم امان بعد خوف ظلام ♥️ و وحدة ح دفي ناس ف بردهم وح تعطيهم شعور راحة بعد شقي ♥️ حبتكم واستناتك تجي بفارغ صبر ، بس خليتك ف بطنها ويلعن المشاكل الي فرقتني عليكم 💔 ،، ( شبحلهم بحسرة الاب المخنوق ، وخوف رفض كان قاتل ) سامحوني ،، سامحوني ماصنتكمش كيف مالازم 💔
غيدة :: ( تبكي ) 💔😭
روبين :: ( تبكي ) 💔😭
عبدرؤوف :: تسامحوني ؟؟؟ ،، 💔
غيدة :: ( رد غيدة كان سريع وكأنها كانت تحلم بلحظة زي هذي وجاهزتلها وعارفه شن ح يكون ردها ،،، هزت براسها بمعنى اي ♥️ )
عبدروؤف ::( شبح لي روبين ولقي نفس رد )
——
( گان رد معروف سواء ان كان عند روبين وغيدة او غيرها ،، شي هذا ح يكون هكي رده حتى لو تعامل كان اسوء من هكي ، ف الاخير اب ، اتنازل ، تأسف ، وبكي ونسكر قدامهم ،، الموت ولا كسرت الاب ف عين بنته 💔)
( حضنهم وكان اول حضن لي غيدة وحساته ♥️ واول حضن لي روبين تحس بيه حقيقي ♥️ )
—
( نهايات سعيدة تختصر خيالنا دائم ،، ام اذاً عشنا ف روايات بنهاية تعيسة ف ستكون اختصار لي واقعنا الخائب 💙🦋 )
—-
{ بعد مُرور ٥ سنيـن ، گانو اكتر سنين معبيااااات اخبار و احداث ♥️ ،، ملاگ تزوجت اوسامة 💙 جابو بنت حلوة زي امها وسموها #توليب 😍 ،، يونس والاء تزوجو و اسماء و محمد تزوجو ف نفس اليوم وكان عرس كبير ، اسماء حامل ف شهر ٤ و الاء حامل ف شهر ١ ♥️♥️ غيدة و ايمن نخطبو ومشاكلهم كترت اكتر من افراحهم 😂😂 ، كبرت العيلة ورجع عبدرؤوف يعيش مع بناته ف حوش واحد ، والختام كان انه راسيل جت من امريكيا وعاشت مع عبدرؤوف و روبين و غيدة ف حوش واحد ♥️😍 ،، اما سنة هذي ، ف نهايتها زواج روبين و احمد ،،، خلونا نشوف احداثهم لي اخر سنة ♥️ }
——-
{ فِ دُگان }
،
روبين :: انااا مافهمتش كيف نحرقوو ، كيف بنديرو توا وزباين قريب يوصلو 🤦🏼‍♀️
اسماء :: عاادي قولي انه صعب وماقدرناش نجهزو غيرهم كلميهم من توا ، يعني البني ادم يغلط
ريم :: لالا ، خلونا نجهزو مجموعه جديده مع بعضنا بالك نديرو راي 👇🏻
روبين :: ترااا بالله عليك ي سوما شوفي ملاك وغيده و الاء وينهم 😒
اسماء :: حاضر هي ،،
———
{ فِ سيارة }
ملاگ:: ي حبيبي ي روحي ،، خلاص اقعد انت معاها شن فيها يعني مدام هيا تبيك انت 😅
اوسامة :: ملاك روووحي توا ،، انا تعرفيني مانقدرش نفوت الخدمه ،،، اقسم بالله نحطها ع اول جامع راه 😒
ملاگ :: واااالله مشكلتك ، مش انت الي تبي صغاار ولا اهم جوووك يالله تحمل المسؤوليه شويه ،، وريحني حتى انا تاعبه ايوووه 😒😒
اوسامة :: ماشي باه ،، غير تروحي بس ،
ملاگ :: باه 😑
( وصكرت )
الاء :: هههههههه خيركم هذا كله من وراء توليب 😂
ملاگ :: بطلقنا عقاب عمرنا هالفرخه 😂
غيدة :: هيا وقت راه روبين تتصل هيا واسماء ومارديتش عليهم
ملاگ :: نطيرر غيده ؟ ماتشوفيش ف زحمة 😒
الاء :: خلااص صلو ع نبي توو نوصلو بكري ان شاء الله ، ردي انتي ي غيده وقولي زحمة
غيدة :: باهي باه
———-
( صار معانا تأخير وتصعب علينا انه نكملو ونجهزو مجموعة تانيه ، جو لبنات وتكلمنا مع زباين وماردوش علينا ،، اطريت انا و ملاك نستنو لين يجو باش بعدين تروح بينا ونروحو ، )
،،
{ فِ حوش رويــدة 💓}
،،
عبدرؤوف :: ي بنتي زيدي كلميها نمشي نجيبها انا شن لي توا عاد !
راسيل :: غير استنى شويه وبعدين قتلك معاها ملاگ تو يكملو شغلهم ويروحو ( وشبحت لي غيده )
غيدة :: اصلا ي بابا انا قلتلها نراجي معاك قتلي مش ضروري كله كله نكلمو زباين ونروحو ، تو شويه وتلقاها خشت ♥️
راسيل :: اي ان شاء الله ،، نوضي معاي غيدة نديرو شاهي 😉
غيدة :: اي هي ♥️
{ واخيراً عيلتي تكونت ♥️}
————
{ فِ حوش أحـلام }
،،
احلام :: تي خلاص وانت ترحي من صبح ،، البنت واكلتها ورقدت شن توا غير تغلي ع البنت تو تروح والله تكلمها حاارم عليك لكلام معاي 😒
اسامة :: انااا معاااش نخليكم راسكم ف راس بعض انتي وبنت خوك ،، غدوا بنمشي نشوف حووش نسكن فيه 🤚
احلام :: لولولولولولي داه يوم المنى ياخويا هههه😍♥️😂 ،، وبالك تحساب لو عشت بعيد ملاك لما بتشكيلي مش ح نهزبك 😒
محمد :: ( يتفرج ) البببس يامعلم 😂😂😂😂
اسماء :: ( جت من المطبخ مدايره شاهي ، حطاته ع طاولة وقعمزت جنب محمد )
اسامة :: ( جي وقف ع روشن )
احمد :: سلااام عليكم 🤚
احلام :: سندي نا سندي نا 😍 ي مرحب بالغالي ♥️ تعالي حداي زوود ♥️
احمد :: ( مبتسم،، جي قعمز جنبها )
محمد :: خاطري نسمعك ي حلومه تلحنيلي وانا خاش للحوش 😒
احلام :: و واخدتلك مراءه علاش انا 😂😂
اسماء :: ( تحشمت )
محمد :: اهوو درتيلها احمر خدود طبيعي عاجبك هكي ♥️😂😂
اسماء :: ( ضربته ع ايده ) تحشم 😓
احمد :: ههههـ ،،، ( شبحت لي اسامه ) خيره هذا !؟
احلام :: بتنبت فيه نخله ياوليدي 😂
اسامة :: ( شبح لي احمد ؛) بدل ماتقعمز تضحكك جنب امك شووف خطيبتك ومرتي لي توا ف دكان ماروحوش 😒
احمد :: باه خيرك حارق دمك ، كلمت روبين مبكري وقتلي عندهم شغل بيكملو وجاين ، وانا جيت باش نشوفكم وماشيلهم 😒
احلام :: سلملي عقله ♥️♥️ ،، امالا زي هذا العار الي داره بنته قريب تكلمت اليوم ♥️😂😂
محمد :: اقسم بالله كان تشوفه كيف شادها ويقوللها غير تجي امك بس ههههه قريب قتله من كتر ماحرقتلي دمي انا بنكشخ عليها مش انت 😂😂😂😂
احمد :: هههههههـ ( وقف ) هي امالا نمشي نشوفهم ونجيبهم معاي ونجي ،،، تبو حاجة ♥️
احلام :: سلامتك غزالي ♥️
——————
{ فِ دُگان }
،
ملاگ :: مساكين وجعوني 💔
روبين :: كويس انهم متفهمين ، خفت تعرفي ، غلطت الاء الغبيه هاذي 🤦🏼‍♀️
ملاگ :: مش منها ياكبدي هههه😂
( ف الوقت الي انا و ملاگ كنا نرتبو ف امورنا وطالعين ، )
ملاگ :: بوبي ،، خليك شوية نمشي نجيب سيارة مدرستها ف زنقة تانيه ونجيك
روبين :: اوووك ♥️
—
( طلعت ملاك ، وقعدت واقفه ع الكاسه نرتب ف حساباتي ،، بعد لحظات خش شاب ، انا كنت لاهيه ف الحسابات وسمعت صوت رجلين رفعت راسي )
،،
روبين :: تفضل !
شاب :: ( الواضح انه شاب ماكانش طبيعي ، شبحاته غريبه و مش واقف متزن وكلامه مش مفهوم )
روبين :: احنى صكرنا ، بس تبي حاجة من العرض ؟ ( انا بديت نخاف ونشبح للباب ونوخر ونراجي ف ملاك تخش )
شاب :: نبي نقعمز انا
روبين :: انا اسفه ،، بس احنى بنصكرو 😥
شاب :: علاش اقعدي معاي انتي ، وبعدين صكري
روبين :: لو سمحت خليك ف مكاانك ،
شاب :: ( يقدم ويتكلم ف كلام مخل للادب )
روبين :: ملااااااك ،، ( قعدت نادي ع ملاك ، دفيته وقعدت يشد فيا من ايدي )
———
( ف نفس لحظة احمد وملاك درسو قدام بعض )
،،
احمد :: اوو كوكا ، وين ي زين مروحين امالا ♥️
ملاك :: اي ههه ، كيف جبت سيارة ، امالا خلي نروح بسيارتي وانت اخطف حبيبتك 😂
احمد :: هههههه باه ي(قص ع كلامي صوت تكسسير جاي من داخل ) ،، شن هذااا ؟ ( خشيت نجري للمحل ؛ )
ملاك :: ( مشت تجري ورااء احمد )
——-
روبين :: حووووول ساااااعدووووني ياااربي اهييي ملاااااك 😭😭😭😭😭
احمد :: يلع********* ( شده من ضهره ودفه ع الحيط وقعد يضرب فيه )
ملاگ :: ( من صدمتي بشوف روبين ف حاله مايعلم بيها الا ربي شبحت يميني وخديت جاكيت روبين وحطيته عليها وجبدتلها وشاحها وحضنتها وهيا ف حاله تانيه )
،،
احمد :: ( طيحه ع الارض وبدي يضرب فيه ) ي فررررخ الحرام يااااااولد ال ******* اللله يلعن ال******* ( ويضرب فيه ) ،، طلللعيها ملااااك
،،
ملاك :: ( طلعت روبين بسرعه وركبتها سياره ،، ومشيت لي مواد الغدائية الي ف جنبنا ناديتهم )
( خشو مجموعه شباب لي احمد وانا طلعت نجري بي روبين للمستشفى باش نشوفها )
——-
احمد :: ( خشو شباب دفوني من عليه وطلعوه وانا طلعت نجري برا لقيت ملاك مهناش ،، ركبت سيارتي وطلعت تلفوني وكلمتها وانا نسوق )
،،،
{ ف سيارة }
احمد :: ( عيونه دمعو ) وووينك ؟!
ملاك :: تعالي للمستشفى الي نخدم فيها انا ماشيه غادي
احمد :: ( يخبط ع ستيرسو ) خيررررها ،، شن صاااارلها ملاااك تكلمي 💔
ملاك :: ( تبكي ) ماتخافش ي احمد هيا دااايخه لازم نرفعها للمستشفى ضروري ،، غير تعالى تو نتكلمو 😭
احمد :: ( صكر تلفون وحدفه ع الكرسي ف جنبه وقعد يخبط ع ستيرسو )
—————
( بعد ساعـة ،، )
،،
احمد :: ( ف الممر )
ملاگ :: ( واقفه جنبه )
،،
وفاء :: ( طلعت من الغرفه )
ملاگ :: شننن صار وفاء ؟!
احمد :: ،،
وفاء :: الواضح انه كانت محاولة اعتداء ، يعني الحمد لله ستر الله انكم وصلتو ف وقت المناسب ، بس المشكلة انه محاولة الاعتداء تأتر نفسياً عليها اكتر ، لانه ح تكون خوافه اكتر ف الوقت الجاي ، وكل مايحاول يقرب منها راجل ح تكون شرسة اكتر ومش ح تتحمل لي وجود الجنس الاخر ف حياتها ،، بس ف الكشف لاحظت انه ف ايدها دبلة هيا  مخطوبه ؟
احمد :: ( تلفت حط ايده ع الحيط ونزل راسه )
ملاك :: اي هذا خطيبها ،،، وفاء كيف يصير توا !؟
وفاء :: شن اسمه ؟
ملاگ :: احمد
وفاء :: ( قدمت جنبه ) شوف ي احمد ،، روبين انا مانعرفش عليها شي لا شخصيتها ولا قوتها ولا كمية تحمل عندها.  انت خطيبها وتعرف عليها كل شي ، لو تعرف انها لما تشوفك ح ترتاح ،، انت خشلها توا ،، ولو تعرف انه روبين ماتتحملش وح تخاف منك وتتوقع منها تصرف تاني ، ف حاول تبعد عليها طول فترة علاجها ،، القرار ليك
احمد :: ( وقف ومنزل راسه ،، )
ملاگ :: احمد ،، حبيبي ،، استهدى بالله وبأذن الله روبين ح تكون قوي وتتخطى مشاكلتها هاذي ،، بس لازمها وجودك جنبها ، 💔
احمد :: ( حط ايده ع عيونها مسحها وشبحلها ) بنخشلها ،،
وفاء :: اوك ،، بس لازم تعرف انك ح تتحمل ردة الفعل ،، 🤚
احمد :: 💔
——————
{ لحظات الخوف ، وارتباگ.دقات القلب وعدم اتصالها بأنتظام ،، رعب ، وتشويش عقلي ،، كنت خايف ف كل خطوه 💔، خايف من ردة فعلها ومن شوفتها بالحاله هاذي ، خايف تخاف مني 💔 مش ح نتحمل نشوف عيونها فيها الخوف الي موجود بسبب عديم الاخلاااق هداكا ، مش قااادر نتحمل وجعها حااسه موس يمزق ف قلبي 💔 خشيت ولي اول مره رجليا وحده ترفع وتانيه ترد 💔 ،، وصلت ولقيتها مقعمزه ع سرير ومنزله راسها وتبكي بدون صوت ،، نتكلم ؟ نسكت؟ نقدم ؟ ،، تجرأت وقلت اسمها بصوت خااايف من رد 💔💔💔 )
،،
أحمد :: روبين 💔
روبين :: ( ف لحظة حسيت بشي تااني حسيت بحاجة مختلفه ، شعور مش نفس شعوري زي مانسمع في صوته زمان ، شعووور اقوى ،، شعور محتاجة ومتمنيه وطااالبه ف وقت زي هذا.   )
( رفعت راسها وشبحتله وهيا تبكي )
احمد :: ( نقدم ونتكلم ؛) حبيبي 💔 ،،
روبين :: ( وقفت وبدت توخر ف خطواتها ، حست بخوف لما بدي يقدم )
احمد :: ( وقفت ف مكاني ) خلاص خلاص ،، لو تبي نطلع نطلع حبيبتي 💔
روبين :: لا 😭 ،،
احمد :: اطلبي شن تبي ي روحي ،، انا جنبك قوليلي يابنتي 💔
روبين :: ( طاحت ع رجليها وتبكي ) اااااه 💔💔💔😭
احمد :: ( قدمت طول قعمزت قدامها وحضنتها ) اششششش ي عمري تم خلاص ،، معاش في شي خلاص ،، وربي العظيم ايده نحرقها الي يقرب منك نحرررقه ،، خلاص ياروحي انتي معاي ماتخافيش انا جنبك 💔💔💔
روبين :: ( حضناته ) اااحمد 😭💔
احمد :: فداگ 💔
—————————
{ روحت وحكينا للعيله وبابا من خوفه معاش خلاني نمشي للمحل ، اما احمد ف شد هوا الكاسا وماباش يصكر المحل لانها فكرتي وحلمي ونجاحي انا ولبنات ♥️ ، وبابا بعد مده وافق وصعوبتي ف انه نخش للدكان تاني كانت احقر لحظة ف حياتي بس اتفاجأت بأنه احمد غير ديكور المحل كله وزواق وكسر حاجات ورتبهم وخلاه شي تاني ♥️😍 ، وقعد احمد معاي طول الوقت وخدمته نقلها ع لاب توب ،،، ومر الوقت مثل لمح البصل ♥️😍 ومرو ٦ شهور وجابت سوما ولد حلوو وسماته اياد 😍💙 والاء صارت ف شهر ال٧ ومسكينه تجهز ف روحها لي عرسي 💙 ،، اي هههه عرسي ،، اليوم هوا يوم عرسي 😍 12/12/2019 يوم ميلادي 💙♥️ ويوم فرحي واحلا يوم ف دنيتي 😍 ،، }
———————
12/12/2019 💙
‎9:00ص
—-
{ فِ الفندق }
،،
روبين :: ( راقده تمكيجلي العروسه )
،،
٨:٠٠م
،،
روبين :: ( كملت 😍 ، حبيت الميك اب البسيط ، وفكرت شعري درتها زي يوم ماما ف عرسها 😍 ، ولبست فيلو 🙊🦋 ، وقعدت واقفه نشبح للمرايا وخويله ريم تلبسلي ف تاكم وتاج👑 ، )
——
البنات :: ( فتحو الباب وطبسو ) نخشوووو 😍😂
روبين :: هههههه ووينكم مبردكم هذا غير بتجوني بكري
غيدة :: ياربي 😍 بوبتي محلااااها ياناس خيتي تهبل 😍😍 اااه قمري ( حضنتها و دمعت ) تهبلي
روبين :: ياروحي انتي 😍 ،،
اسماء :: ماتبكيهاااش ي هبله ♥️😂
الاء :: حي ي حي مشي المكياج وانا الي عابيه بنتوحم عليك ♥️😂
ملاك :: راك ف ساابع ي بقره 😂😂
احلام :: ( خشت ) ان شاء الله انتم هنا 😒 ،، يالله يالله انزلو لوطا للمعازيم حااسبين روحهم صبايا قاعدين وانتم كل وحده بعيلها يااالله 😒 ،،
ملاگ :: عزوزتي الواعره محلاها ♥️😂
احلام :: هههه يالله انزلو خلو بوها بيخشلها لي بنيته يالله 😍♥️😂
راسيل :: ( حطت الحاجات من ايدها ) احلام تعالي معاي امالا نشوفو الكوجينه شن صاير ف تحضيرات ♥️💙
احلام :: اي هي تعالي ريم معانا 😍

——
(خش بابا بوست ايده وراسه عطاني هديته ♥️ ومسكت في ايده وطلعنا ، خشينا ع زفة حسين الجسمي ♥️ ، واولـ ماوصلنا للكوشة تفاجأت بشوفت احمد واقف جنب الكرسي 😍(   قبل مايخش بابا طلبت صاحبة المنظومة انه الكل يلبسو وخش احمد و وقف جنب الكرسي متعي وقعد يراجي الواضح انهم اتفقو انه بابا يسلمني قدام الكل لي احمد واحمد كان يبي يرقص معاي وبعدين يطلع وانا ماكنتش نعرف انه هوا مخططها مفاجأة 😍🙊)
—-
( سلم بابا ع احمد وباس راسي وطلع )
احمد :: ( شبحلي وشدلي ايديا  ) استحشتك ♥️
روبين :: (.طبست راسي نضحك وشبحتله تاني )
احمد :: يعني واخيراً 😍♥️
روبين :: ( سرحت ف عيونه )وعدني انه نكون اسعد انسانه ف دنيا وانا معاك ♥️
احمد :: وعد انه نحطك في عيوني ومانخليكش ف يوم تزعلي ، ولا تحتاجي حاجة ، انتي خاصتي وملكي ومستحيل نجرحك ف يوم ولا نفكر حتى ♥️
روبين :: وعدني انه لما نتعاركو تشدني من ايدي وطلعني من الحوش ترفعني لي حوش هيثم وتقوى ونتصالحو ♥️
احمد :: ههههه وعد مانخليكش تزعلي وتوصلي لي درجة هاذي اصلاً ♥️
روبين :: ( طبست راسها وهيا دمع  ) اوك هههه 😍♥️
المنشطه :: ناوين ترقصو مع بعض ولا بتهدرزو ، نطلعو ي جماعه نخلوهم ع راحتهم هههههه😍😂
المعازيم :: 😂😂
،،
احمد :: ( ركع ع ركبته ) بنتي ♥️ ، نحبك ، ونموت فيك ، تقبلي ترقصي مع هذا العبد المسكين لي بضع دقائق ي خاصتي 😍♥️😂
روبين :: ههههههه اقبل ♥️😂😂
{ وطلب احمد انهم يرقصو ع الاغنية الي كانت شبه قصتهم ♥️😍 ،،}
{#اغنية التركــية #خذ_عمري_لگ 💓}
{ اكتفينا بسمع اللحن وبنقل نظرات العيون وسحر وجمال ولطاافة وجودهم ♥️♥️ الاحساس وشعور وحبهم كان شبيه بنار احرقتهم مع بعض واحبها كلاهما ♥️ كلاهما عاشو ومرو بظروف صعبة غيرت مجرى الحياة الي اكتر من هدف ولكن داخلهما لم يتغير اي هدف ♥️😍 }  {، الكُل كان سعيد بنجاح العلاقه الي مرت بصعوبات هلبا بس نجحت 😍♥️ تمكنت ، وصلت لي نقطة الفوز ♥️♥️ سلم حياتهم كان كل درجة فيه #وجع واخر درجة هيا #فرح وزوز تحدو وركبو كل درجات وتحمل كل انواع الاوجاع ومافكروش ايديهم تتفارق لحظة و فعلاً وصلو لي قمة سلم ♥️🤚💓 ،، }
{ الاوجـاع المخاوف الضيق والفراق كُل تِلگ هيا درجات ف سلالم حياتنا ليس من المهم ان نعرف كم درجة وجع سوف نصعد ، المهم هوا ان نتمكن من كسر درجات المخاوف للوصول الي تِلگ الدرجة القمة المليئة بأحلامنا نحقق مانريد ونسعى لي مانريد ♥️ ، الاعتراف والمخاوف من اقتراب شخص لي من يحب ، تنتهي ف حالتين ، اما ان رأى الذي يحبه ف احضان غيره 💔 او ان توفى غيره امام عينيه 💔 ، ولكن عبرتي ف هذه رواية انه لا مخاوف توقفت امام الاعتراف.  والاعتراف بهواء العشق كان قائد القدمين عند صعود سلالم مسيرة حياتهما 🦋💙 }
#النهايـة 🎼
،،،،
گانت لكم رواية قصيرة مليئة بأحداث مختلفه ومشاعر لامستني ف كتابتها احببت كتيراً كوبلز الرواية حتى اني تعايشت معاهم ف كل لحظة ان كانت حزن ام فرح 💙
ننتهي من روبين وأمل ان لا تنسو ابطالنا {روبين♥️أحمد }
لي نذهب لي رواية جديدة بمختلف احداثها وطبيعتها ومجرى سردها 📙🖤
،،،
من يريد رواية جديدة ♠️❄️
#سلمى