روبين 💕(منقوله )

10

وين تفاعل الاول 💔 اخر حلقه نزلتها ماكانش في عليها تفاعل لولا ايدي راه نزلت بعدها 💔🤚 يالله فانز 💓 منشن +لايك+تعليق ( كونت اهم شي😌💓😅)
،،
#روبيــن 💓

الحلقـة الـ(١٠)،،،،،،
————————-
٤:٠٠م
،،
{فِ دُكان 💐}
أسماء :: مافهمتش علاش انتي توا ماتبيش !؟
ملاگ :: مانعرفش ، نحس فيه مزال بكري ،،
اسماء :: ت شن هوا الي مزال بكري ي ملاك ؟ ، انتي راك تخدمي ومتخرجة و أسامة ماشاء الله يخدم ، يعني وين المشكله باش تأجلي ؟
الاء :: انا صراحه مانحبش تأجيل ، قصدي ياسركم علاقه ليكم فوق شهرين ،، ولا ناويه تكمليها هكي 😒
ريم :: ( طُلعت من المطبخ ) صبايا انا بنروح عندي مشوار بصغار ،، انتم كملو طلبيه ناسها بيجو ياخدوها ، 🙋🏻‍♀️
اسماء :: تمام خويله توصلي كلمينا ♥️
ريم :: يالله ف امان الله { كانت طالعه غيده و روبين خشو }
—
ريم :: وينكم ، خيركم عطلتو ؟
غيدة :: ( شبحت ل روبين )
روبين :: ( شبحت لي غيده ) شي خويله طريق زحمه ،، 💔
ريم :: روبينه خيرك بنتي انا وضعك مش عاجبني ،، شن في ؟ ،، المده الي فاتت بنكلم احمد ماحصلتاش الوقت كله بايت عند هيثم ماروحش شهر كامل ،، شن صاير !
روبين :: ( انا معاش حسيت ب نفسي وبديت نبكي )
غيدة :: ( معاش عرفت نواسيها ولا نبكي معاها) خلاص ي روحي 💔
ريم :: تي شننن صاير احكي انتي وياها ، ( شبحت لي غيدة ) شن في !!
غيدة :: تعالي خشي نهدرزو لداخل ،، هيا
ريم :: عندي مشوار انا هذا علاش طلعت. ،
غيدة :: باه معناها نهدرزو بعدين ،،
ريم :: تي وين بعدين ،، خشو خشو تو نتأخر شويه هيا خوشو
———-
{ خشيت انا و غيدة و ريم وقعمزنا وحكيتلهم الي صار قبل شهر وانه احمد متبعد ع الحوش ومايجيشي ليه شهر ع خاطر الموضوع هذا يجي يشوف ف امه وحناه وجده لما انا نكون ف المدرسه وبعدين يطلع ، }
—————-
{ الحـوش 💓}
{ فِ جنان }
،،
فوزية :: باه خودي مجموعه لينا و تو نقيم منهم عندي ف دولاب 🤚
احلام :: اي هذا الي بيصير اصلا ،، معقوله اكتر من مناسبه ماعندناش مفارش كويساات 😒
سالمة :: حتى فناجين نصهم تكسرو ونص تاني صوانيهم مهناش گان ناخدو مجموعه هنا
احلام :: اي اي حطيتهم ف بالي
اسامة :: ( خش عليهم ) سلام عليكم
العيلة :: ( وعليكم سلام )
اسامة :: شن الاخبار !
فوزية :: غير من هذا الي جاي يسأل علينا اه ! والله وعرفت طريق حوش جدك 😒
اسامة :: اااه كيف هكي ، فوفو زعلانه ، لا والله مانرقدها انا بعدين ♥️😂
فوزيه :: الساااانه ياكبادي وخلاص 🤚💔🤦🏼‍♀️
اسامة :: هههه ،
سالمة :: هي انا بنوض باش نشوف لغدي سعاد شوي وتجي ♥️
فوزية :: اي سلمها كنينتي الغاليه نوضي بنتي هي ♥️
اسامة :: امي،، تعالي شوي نبيك
احلام :: شن في تكلم هنا 😳
اسامة :: لا نبيك تشوفيلي حاجة ف الحوش بنحددها ،، هي نوضي
احلام :: اي هي ( و وقفت ؛ ) شويه ونجيك ي امي
فوزية ؛؛ زينة 🤚
——————-
{ فِ دُكان }
،،
ريم :: مصح وجهه 😳
اسماء :: لا ي خالتي ، احمد معاه الحق المره هيا ، هوا عارف انه روبين مش ح توافق عليه الا لو بوها راضي ،، وهوا خايف لانه بوها مافيش نية يحبه بكل
الاء :: اصلا هوا مايحب حد من عيلتنا شن جاي جديد 😒
اسماء :: ولو ي الو ، راه مش ح يتحمل فراق روبينه ع بوها حتى المره هيا 💔
روبين :: ( حاطه راسي ع كتف غيدة )
ملاگ :: لالا مهما يكون ي سومه ، ف الاخير مايجيش يخليها هكي ،، معقوله ؟ شوفي روبينه كيف موليه ليها شهر متغيره وكله منه ، شن معقوله ع خاطر واحد مافيش منه امل يبعد عليها 😒
غيدة :: خلاص صبايا ( فنصت فيهم ) مش وقته
ريم :: ( ساكته ومتموصه مش عارفه تقول الي ف خاطرها ولا تضايق ع حالة روبين ولا تفقش سر الي عيلة كامله ساكتين عليه )
ملاگ :: اي اي ،، غير توا بنوض نديرلكم قهيوه و نحطو من كيكة خالتي ♥️ ( جت بتنوض رن تلفونها )
اسماء :: لوكه فونك ،،، ( ومدتهولها )
ملاگ :: ( لقاته اسامة )
——
ملاگ :: الو حبيبي ♥️
احلام :: لا انا ام حبيبك ♥️😂
—
ملاگ :: ( شبحت للبنات وقعدت تنفص )
الاء :: خيرها ؟!
اسماء :: ( تشبحلها )
ملاگ :: ( سكتت ؛،)
—-
احلام :: ملوكة !
ملاگ :: ( بخوف ) خويله 😳♥️
البنات :: كيييف ؟! 😳
،،
احلام :: خيرك بنتي وين مشيتي هههه ،
ملاگ :: مامشيتيش ،، ماه انا ، رديت ،، نحساب ( سكتت ؛ )
احلام :: اي اي فاهمه عليك ملوكة ،، تحسابيه حبيبك ♥️😂
اسامة :: هههههههـ ♥️😂
ملاگ :: اه ، اي ،، لالا قصدي ( وسكتت تلاكمست )
اسامة :: حشمتيها 🤚😂
احلام :: مادوري شي بنتي ♥️♥️😂 ،
اسامة :: (يضحك) ،،
احلام :: كيف حالك بنتي ؟. شن جو دكان معاكم ♥️
ملاگ :: تمام خويله الحمد لله ♥️ ( كانت متحشمه و وجهه مايتفسرش حاطه ايديها ع رقبتها )
احلام :: باه باش مانطولـش عليك بنتي ، كلمي امگ اليوم قولها خالتي احلام يوم الخميس بتجينا زيارة كانه فاضين ♥️
ملاگ :: علاااش ؟! 😳 ،، قصدي يعني ،، قصدي علاش نقوللها تتفضلو ف اي وقت مش برانيه ♥️😅
اسامة :: ( شاد الفون ف ايده وفاتح المايك ، يتمتم ) حماره 🤦🏻‍♂️
احلام :: ( تضحك ) ي بنتي انتي قوليلها معليش المره هيا باهي ♥️😂
ملاگ :: ( بتوتر ) حاضر خويله 😣
—————
غيدة :: اكيد مش ناويين يجو يظفرولك شيب ، واضحه زيارة شن معناها 😒
الاء :: مرات نحس انه العقل عندنا اكبر من عقلك برغم من كل سنين الي بيناتنا 😂
اسماء :: اصلا الكُبر بالعقل مش بجثة 🤦🏼‍♀️
ريم :: ههههه طلع رومانسي هالاوسامة وعرف كيف يجيبها ♥️😂
ملاگ :: قصدك عرف كيف يجلط ،. حطني ف الامر الواقع ،، لكن تو نوريه يحلم مش يجي يخطب 😒
(وخلتهم ومشت للمطبخ )
———
٣:٠٠ص
،،
( قِدام المَسبَحْ )
،،
ايمن :: يعني كانه ماقتلكش الاء انه هيا الي تبيك راه ماشفتكش اليوم 😒
غيدة :: ( متوترة وساكته )
ايمن :: غيدة خيرك ؟! شن صاير ! شن هذا كله معقوله مش قادر ناخد راحتي ونكلمك شهر كامل وانتي تتهربي ! شن في
غيدة :: ( تفكرت صفاء وساكته ) 💔
ايمن :: ( قرب خطوات ) انا نعرف راه ،، نعرف انها تزوجت.  ولي خلاني نقولك كلميها كنت نبي تتأكدي ولما انتي من بعدها بديتي تتهربي ومعاش قدرت نوصلك عرفتك انك تأكدتي
غيدة :: ( بديت نبكي ) انا ماقدرتش نقولك ،، ماعرفتش كيف نقولها كانه انا و وجعتني امالا انت شنو 💔😭
ايمن :: ياروحي انا تمام ، مش ح نتوحع ع خاطر وحده ماتستاهلش.   موضوع فشوش مشت لي حال سبيلها ، بيني وبينها ربي 🤚
غيدة :: حتى ولو ، ف وقتها ماعرفتش كيف نقولها ، وكل مابنحاول نخاف ونتردد 😭💔
ايمن :: ( قدم مسگ ايديها ) غيدة ،، اشبحيلي
غيدة :: ( رفعت راسي وحطيت عيني ف عينه )
ايمن :: مش هيا الي تخلي روحي تبعد عليا هكي ♥️ ، غيدة انتي اهم منها ومش موضوع باش انا شهر كامل نحاول نقرب نكلمك وانتي تتهربي ،، صفاء ماتهمنيش فاهمه ! انا لا متوجع ولا مضايق
غيدة :: كيف هكي ،، ! مش تحبها ! 💔
ايمن :: كنت نحساب روحي نحبها ،، مانعرفش علاش استمريت معاها بس انا مانحبهاش ،، كنت نهرب من شي وطحت ف شي تاني 💔
غيدة :: من شن تهرب ؟ وف شن تحط ؟ مافهمتش 😣
ايمن :: نهرب منك ♥️ ، وطحت ف مشاكلها ، فهمتي توا ♥️
غيدة :: تهربي مني ! ،،، علاش 😣💔
ايمن :: ( سكت شويه بعدين مسح بي ايده ع لحيته وشدلها ايدها ) نبسطهالك ونحاول نعطيك مثال
غيدة :: ( ساكته وسرحانه فيه وكأنها طفل بعقل يستوعب نصف الكلام او ثلثه امام جماله ♥️)
ايمن :: مش احمد صار معاه نفس شي ، وتزوجت رحمة ! 💔
غيدة :: ( هزت بي راسها بمعنى #اي )
ايمن :: وبعدين ،،، تصلحت حياته ونمسحت الغلطة وبدي دنيا جديدة مع شخص يحس بيه ويفهمه وحبه ♥️ ولي هيا روبين
غيدة :: ( ساكته )
ايمن :: انا نبي ندير زيه ،، بس ف فرق صغير ،،
غيدة :: ( لاتعليق)
ايمن :: انه حبيت شخص هذا قبل غلطي وبعد غلطت تأكدت من حبه ♥️
غيدة :: شخص !! ،، معقوله ف شخص ف حياتك قبل صفاء وتحبه وتكلم ف صفاء ؟
ايمن :: انتي ♥️
———-
{ ماحدث في هذه المملگة ، گان شبيه بي ورود سقاها هواء العِشق ف توردت وأصبحت مِلگ الهواء ، ♥️ حتى أصبح بين گُل زهرة وساقي عِشق مولود حديثاً، كبر مع الوقت بِسُرعة ، حتى تمكن من غرس أحشائه ف كُل زواية المملگة ♥️
، هُناگ من دخلت ف حياته زهرة فجأة وأصبح كُل منهم عشق الامحدود لي تاني 💙 {روبين&احمد}
، هُناگ من أحب من قلبه وأعترف بشجاعه وبرومانسيـة لي شخص بادلهُ الحب بالكتمان 💙{الاء&يونس}
، هُناگ من لم يتوقع وقوع الحدث ولكن عنده وقوع انجرفت المشاعر بنهر العشق لي تتسرب داخل القلبين بهدوء 💙{ملاگ&اسامةـ}
، هُناگ من اختارهم القدر لي يلعب لُعبة خوف الخسارة ، حتى اخاف كليهما ان يخسر الاخر لي يظهر حبـ بنار تأكُل جوار قوية وصامده 💙{محمد&اسماء}
، وهُناگ من ركض هارباً من عشقه اعتقد انه كان وهماً حتى تأكد انه الحياة التي تلون مجرى خطواته واستسلم اخيراً 💙{ايمن&غيدة}
،،،
الاُغنية تركـية  ...{إحكي ياقلبي.  ماهو همك ! }💙
——-
غيدة :: ( صدمة ، ورُعب ورجفة.  كُل تلگ المُصطلحات تعبر ملامحها وحالتها ف حينها ♥️)
ايمن :: ( بأبتسامه ) مانعرفش علاش توا ، بس توا تأكدت من شي كنت خايف يكبر او نجرحگ بيه او ممكن كنت خايف نكون مش قدها ونظلمك معاي ، مليون سبب اقسم بالله ماعارف شن هوا صح فيهم بس الي نعرفه صح ، انه نبيك ♥️
غيدة :: ( بدت تبكي )
ايمن :: ( قرب يمسحلها ف دموعها ، رفعلها رأسها ) لو كُنت نعرف انك بتبكي وبتتوجعي ماكنتش قتلك انه انحبك ♥️
غيدة :: ( العيون لهم حديث ايضاً ولكن لا احد يتمكن من قرائتهم الا المُقرب من القلب اكتر ♥️)
ايمن :: تحملت المده الي فاتت كُلها وف وقت مرض امك كُنت متحمل انه مانقربش ونحضنك 💔 نطمنك نريحك ، كنت واخد زاوية ونشوف فيك من بعيد ،، وهذا كله باش مايجيش يوم نشوف دموعگ هاذم 💔
غيدة :: ( تبكي )
ايمن :: انا عارف انك تعتبري فيا اقرب صديق ليك ف العيله ♥️،، بس انا مانحسش بي هكي ي غيدة ، ولو توا تبي نريحك وتريحيني ،، ف القرار ف ايدك 💔
غيدة :: انا نبيك 💔 ( بين كميـة انجراف دموع وحسرة )
ايمن :: شن بضبط ، صديق ! 💔
غيدة :: مانعرفش ،، ( تبكي ) انا ،، نضايق لما ماتكونش جنبي ، وتكون تكلم ف صفاء هديكا ، نتعب لما نطلبك ونلقى تلفونك انتظار ونحس ف روحي نبي نقتلها ، نستاحش فيك ومانرقدش لين نسمع صوت سيارتك ونشوفك من روشن ونطمن ، لما تبداء تتكلم وتضحك نسرح فيك من زاوية بعيده ونستمتع وانا نتفرج عليك ، نغار ،، وهلبا ومانتحملش ف روحي لما تبداء تتكلمي ع بنت قدامي ،، مانملش منك ، وديما نبيك جنبي ، ومانحسش بالوقت لما نكلمك او لما نكون معاك ، ( شبحتلــه بعمق اكبر بدمع وبتعبير صغير من عينها لي عين استرسل ♥️) ، هذا شن ! ،، صداقة ؟
ايمن :؛ ( دمع ، سرح فيها ♥️)
غيدة ::اما لو كل الي نحس بيه هذا حب ،، ف انا نحبك 💔
ايمن :: ( الاارديه ، الاوعي ، الاسيطرةً، تجعل ملامح الوجهه تسبق الكلمات احيانا ♥️، ابتسامة عريضة بدمعتين رجل عاشق ،، )
غيدة :: ( تبكي )
ايمن :: ( بِكل هدوء وبدون سابق أنذار أعطى قلبه مجال انه يحضن عاشقته لي تسمع دقات كم سرعتهم واصله لي اعصاب عقله ♥️) {حضنها}
غيدة :: ( استغرقت وقتاً حتى اسمح لي نفسي ان تغرق بين احضان احداهُم ، ولم اتوقع انه ماشعرت بيه كان حقيقاً الا عند استسلامي بين يديه وسماع صوت دقاته ♥️)
————-
{ تانـي يوم گان يوم عطله ف مدرستنا لي أحدى المناسبات ،، واستغلينا الفرصه ومشينا للمحل بكري ، بس روبين قعدت مع حناي لانه ملاگ كانت بتخطم عليها من المستشفى طول ،، 🙋🏻‍♀️}
،،،
( بعد دقائق وصل طارق ولد عمتي لي حوش جدي ولانه خالتي احلام كانت موجوده ف خشت قعمزت معنا ف المربوعه )
،،
طارق :: بصراحه ماتوقعتش انه شباب العيله مش موجودين جيت وقلت بالك نلقاهم
احلام :: عندهم اشغالهم مايقعدوش ف الحوش 😒
روبين :: ( شبحت لي خالتي وغيرت الموضوع ) خير طارق ماقتليش علاش جاي اليوم ، ع حد علمي مش خميس !
طارق :: بصراحه جاي بنتكلم معاك ، ومدام خالتك موجوده معناها زيادة الخير خيرين 😅🖤
روبين :: ف شنو ؟
طارق :: ( شبح لي احلام ) انا بصراحه روبين خشت خاطري وليا مده نفكر ف الموضوع بجديه ( ملامح روبين فجأة نقلبت ) وناوي لحلال وجيت باش ناخد رآيها وبعدين بنطلبها رسمي ، ( شبح لي روبين ) انا كلمت عمي وخديت رايه وهوا فرح ووافق وقالي نعطيك علم
احلام :: والله بجديات!! ، تعطيها علم ؟ مش هيا الي بتنخطب كيف تاخد راي بوها وتجي تعطيها علم 😠
روبين :: ( انا معاش حسيت بروحي رجليا بدو يرعشو ونضغط بس ايده ع صالون ونفسي بدي تدريجياً يهرب 💔)
احلام :: شوف ياولدي تمشي لي عمك وتقوله انه خوالها وخالاتها مش موافقين ومش راضين وماعندهمش بنت اسمها روبين لي زواج ، وصله هالكلام كويس وانت افهمه كويس 🤚😒
طارق :: علاش ياخالتي ، انا من شن ننعاب !
احلام :؛ مافيش حد ماينعابش ، ومافيش حد نية صافيه حليب بكل ،، كلنا فينا الحلو والحامض وفينا لقبيح ولمليح ،، شوف ي ولدي بنتنا صغيره ومانبهاش تطلع من العيله ، وانساه الموضوع وشوف حياتك وان شاء الله تلقى نصيب عند غيرنا
طارق :: ( يشبحلي ومش عارف علاش ساكته )
احلام :: وبصراحه بعد الي سمعته انا معاش نقدر نبعت روبين تبات عندكم ،،
طارق :: لا ياخالتي انا ماعنديش نية سوداء اتجاهه انا لو عندي ماكنتش تقدمت بلحلال وكلمتكم
احلام :: معليشي انا مش ح نرتاح ،، تقعد جنبنا هنا.  ولو عمك يبي يقول حاجة قوله يكلمنا مايبعتهاش معاك ،،
طارق :: ( وقف ) ان شاء الله ،، ( شبح لي روبين ) نستأذن
احلام :؛ مع سلامه ،،، اااانس ،، ي اننس
انس :: نعم ! ( ولد سالمة صغير )
احلام :: وصل راجل لي فم الباب 😒
( طلع انس وطارق )
احلام :: نوضي بنتي نوضي ،، هذ مامزال يجي يخطبك لي واحد من غير رضاك 😒
روبين :: ( حاطه ايدي ع قلبي ووجهي عرق ) خالتي ،، م ،، مش قادرة نتنفس ،،
احلام :؛ وووك علينا روبينتي خيرك ،، اوقفي معاي اوقفي تعالي
روبين :: ( دوب مانتكلم ) مانبيش اوكسجين ،، مانبيش خالتي خوديني نرتاح 💔
احلام :: باه باه ،، هوا مافيش حد ف الحوش تو ناخدك لي حوشي هي تعالي 💔
——————-
{ فِ دُكان }
اسماء :: ياروحي وجعني 💔 ،، وكيف مات زعما !
ريم :: مسكين كبير والله الواحد مش عارف كيف رتاح ، بس الله غالب عليه تحمل بما فيه الكفايه 💔
ملاگ :: حتى امي مشيت ؟
ريم :: اي احلام بس قعدت لانه روبين تعبت وراقده ف حوشها ،، قالت يولي حالها باهي ويروحو هما تمشي هيا للعزي (حشاكم)
غيدة :: خويله نبي نمشي لي روبين ماردتش عليا ساعه نتصل بيها نبي نشوفها كيف حالها 💔😭
اسماء :: اهدي ي غيدة مش قتلك خويله راقده وحالها احسن خلاص اهدي شوية ونروحو تشوفيها 💔
غيدة :: شن الي خلاها تتعب فجأة هكي ،، روبين كانت كويسه لما طلعنا صبح 💔
ملاگ :: اي حتى لما كلمتها قلتلها شويه ونجيك كانت تمام 💔
الاء :: ( طلعت من المطبخ ) تي نوضو طلبيه شويه وبيجو ياخدوها هيااا 😠
( ناضو لبنات وغيدة مشت وقفت ع روشن وتتصل بي روبين )
————————
{ رجاله واقفين قدام الباب }
احمد :: سلام عليكم 🤚
مصطفى :: خير سندي وعليكم سلام ،،
احمد :: ( يشبح للخيمه ) ماتقولش خليفة توفى !
مصطفى :: اي والله ، رحمة الله عليه
احمد :: لاحولا ولاقوة الا بالله ، ان لله وان اليه راجعون 💔، شن مش قالو تعالج. !
فتحي :: الورم نتشر ووقف الكيماوي قداش ليه ، الله يرحمه كان جار كويس مافيشي ماينعاب
احمد :؛ رحمة الله عليه ،، ( شبحت للحوش )كلهم مشو ؟
فتحي :؛ اي امك بس الداخل ،
احمد :: ( بنسأل ع لبنات ماعرفتش كيف ) حتى حناي ؟
فتحي :: تي اي كلهم ،، لبنات بس مشو لي دكان صبح مع ريم ،، وشباب اسامة ف صحراء مشي امس و ايمن ومحمد اوني يديرو ف الخيمه مع ولاد شارع ،
احمد :: ( اطمنت ) تمام انا بنخش نشوف امي وطالع نشوف شباب بالك يبو حاجة ،،
———————
{فِ حوش أحلام }
{ فِ المطبخ مقعمز احمد واحلام واقف قدامه }
احلام :: وجعني ياروحي ف قلبي مسكين قداش ماتحمل ، وبنته ليها شهر بس مطلقه وتوا بوها توفى راه اختلت 💔😭
احمد :: ( وقف ) الله يرحمه ويوسع عليه ، انا بنركب ناخد حوايج وبنبدل وطالع 🤚
احلام :: اااه استنى ،، روبين راقده ف دارك ، دار اسامة رايحه مزبلة تاريخ ،، ومحمد تعرفه مصكر داره ،، 🤚
احمد ::{ حسيت ، حسيت بيها قريبه مني هلبا وكأنه كانت حواليا بس مالحظتش وجودها 💔، شميت ريحتها وخطواتها حسيتهم ف حوشنا ♥️ ، معاش عرفت شن نقول ، وماطلع مني الا اسمها )} روبين ؟
—-
{ لااعلم ولكِن أختيار لحناً مع كتابتــي ومع قرائتـكُم يجعل الوضـع مُمتع تقريبياً ♥️،، أُغنية الهندية مع الحانها المطوله ♥️ Zaroorat HaI}
—-
احلام :: اي تعبت شويه ماقدرتش تمشي للدكان والحوش فاضي جبتها رقدت جنبي هنا
احمد :: تعبت ؟ ،، خيرها ؟ مرضت زي المره الي فاتت ؟ مش شنو ؟ 💔
احلام :: لالا مش زي المره الي فاتت ،، تعبت شويه بس ، موضوع تو نحكيلك بعدين ، المهم خود حوايجك من دار الملابس وبدل ف دار اسامة ولدي باهي ♥️
احمد :: ( مشيت بخطوات سريعه ) باه 💔
—————
{ فِ غُرفة أحمد }
( من لما دخلتني خالتي ماقدرتش نرقد ، ريحته ف كُل مكان ♥️ ، مخدته ، بطانيته ، داره كُلها وكأنها مبخره بيه ♥️، كُنت متكيه ع سرير ونبشح لي روشن وسرحانه ♥️)
——
احمد :: ( مشي بخطوات سريعه وفتح الباب )
روبين :: ( تلفتت يساري للباب وجيت واقفه نشبحله ) ♥️
احمد :: ( كُنت نشبحلها ، حاط عيني ف عينها وماعرفتش كيف نتصرف لي اول مره بي تردد ، خاصتي قدامي وماعرفتش نقدم ولا نوخر ، غاليتي تعبانه وماعرفتش كيف ناخدها ف حضني ونسألها خيرك ، ماقدرتش نشد ايدها حتى ،، صكرت الباب وقدمت نشبحلها ، مانعرفش ف لحظتها كان ضعف ولا شوق ، بس دمعت عيني من شوفتها هكي ، وجهه اصفر ومش قادره تسند طولها 💔)
روبين :: ( شوفته 💔 ، واخيراً شوفته ، شهر كامل وانا نتوجع من ضيقتي ومن كتر ماستحشته ، حسيت بي روحي مخنوقه بين حيطان غرفته وريحته وهوا مش موجود ، لا صوته ولا شكله ولا عيونه ولا ايده انحرمت من كل شي فيه 💔)
::/
#{اُغنية بأختيار مُفضل ، اغنية {لاتذهب وتتركني}
::/
احمد :: ( كنت نتكلم وخطواتي تقدم ف كل حرف وكُل كلمة كانت ريحتها تجدب فيا ليها وعيونها الي استحشتهم من غير مقاومه قربت منهم ♥️) بنتي !
روبين :: ( ياربي ع شعور وع الاحساس وع القلب الي فاض فجأة بدقات سريعه بقوة وبنفس اضعف ، وكأنه دنيا سكتت فجأة ضباب ، ضباب الحياة للحظة مانشوفش ف غيره ومانسمعش ف غيره 💔،، غمضت عيوني ونزلو دموعي وقعمزت ع سرير بقوة ، شديت ف غطاء سرير ونزلت راسي نبكي )
احمد :: ( قربت وقعمزت تحت ركبيها ) روبين !
روبين :: صوتگ 💔 ،،، ياااربي انا نسمع ف صوتك 💔💔 ،، ( نبكي ونتكلم بدون وعي )
احمد :: ( مسحت كل شي ف لحظة نسيت كل شي وشدتلها ايدها وحضنت ايدها بيت ايديه بقوة ) غاليتي ♥️ ،، خيرك ؟ شن هذا كله شن فيك ؟
روبين :: ( نبكي ومنزلـه راسي )
احمد :: روبين شن وجعك قوليلي 💔
روبين :: ( شبحتله ونبكي ) انت 💔 ،، انت وجعي ، وانت جرحي ودموعي ومرضي ،، انت الي وصلتني للحاله الي تشوف فيها توا 💔💔
احمد :: ( دمع ) روبين نفديگ ماتقوليش هكي 💔 ، انا والله مامتحمل الي صاير ، ماعنديش طاقه نتحمل شوفتك هكي 💔
روبين :: ( نبكي ونشبحله )
احمد :: صدقيني مش بأيدي انا مانبيش نبعد عليك شن تحسابيني فرحان ،، انا مش ح نفرح لما نشوفك تعبان ومش قادره توقفي زي توا ،، ولا ح نفرح لماا نشوفك تخسري ف بوك ع خاطري مش ح تتحملي هذا بعدين روبين 💔
روبين :: ( نبكي )
احمد :: لو قتلك تعالي نتزوجو توا وبوك مش لازم يرضى توافقي !
روبين :: ( نزلت راسي ونبكي بقوة اكبر 💔)
احمد :: عارف ، ورحمة خالتي ف ترابها الا عارف.   وانا مش ناوي نتعبك اكتر ولا ناوي نضاااايقك ولا ناوي نقعد بعيد ، هيا فترة وحياتك لما تمر وترجعيلي زي قبل غاليتي اقسم بالله 💔
روبين :: انا تعبت ، اقسم بالله تعبت ، 💔😭
احمد :: والله ماقاااصد نتعبك ، اقسم بالله ماقدر نعيش من غيرك ،💔
روبين :: ( شبحتله ،، حطيت ايدي ف خده ) استحشتك 💔
احمد :: ( نزلت راسي ع رجلها ) وانا بنموت 💔
————-
{ يَكتفي إحداهم بِعذاب دائم لي نفسـه حتى لا يجعل من هذا العذاب مصير أحبته🖤♠️
{ #خذ_عمري_لگ 🖤🎧🎼}
————
( مرو يومين وجي يوم الأربعاء ، وگانت ايامي شبه بعض ، معاش شفت احمد وگان يكلم ف غيده يسأل عليا 💔 ، ف هاليومين صار الي ماحد توقعه ، لما محمد سمع بي أُسامة بيخطب ملاگ حس بخوف الفقدان 😅 وخاف حد يجي ويخطب اسماء مشي كلم امه باش تعطي فيها كلمة ع الاقل عندنا ف ليبيا معناها حجز 😒 ،، برغم من كره احلام لي ابتهال بس هيا تحب اسماء هلبا ف وافقت وكلمت مصطفى ع اسماء ،، ف نفس اللحظة يونس كان مداير عركة كبيرة ف حوشهم لانه يبي الاء ويبي يخطبها ،، ابتهال سببت مليون مشكله ف مشكله بس كلمة الاوله والاخيره كانت لمصطفى ووضحلها انه ماعنديش خير من اختي باش ناسبها والاء بنت خوي ونبيها وكيد ابتهال يرتفع يوم ع يوم ،، نتشرو الاخبار انه الاء واسماء معطين فيهم كلمة ، وملاگ تجهز لي خطوبتها متع لخميس واسامة هرب منها وقعد ف صحراء باش ماتعاركاش ♥️😂 ،، اما خالتي ريم واحلام ،، ف اليوم صبح كانو مقعمزين يهدرزو ف جنان }
————
ريم :: اشييي ع صحة الوجهه ،، وحكيتي لي مصطفى ؟ 😒
احلام :: حكيتله امس وقالي تو نتفاهم معاه ،، مصح وجهه وين حااسب روحه ف اما سنة هجريه عايش بيغصب البنت ولا كيف 😒
ريم :: تي خليه يخترف لين يعيه هذا الي ناقص لهبال زايد🤦🏼‍♀️
احلام :: وبيني وبينك ، نبي روبين لي احمد ،عاجبيني مع بعض وخاشه خاطري هالبنت ومدام صغارنا بياخدو بعض مش ح تطلعي هيا من العيله يعني
ريم :: لاااا ؟!! ،، بحق الله تقولي نتكلم جديات 😍🤚
احلام :: اي علاش لا ، اصلا ماقعدو الا هما ،، معقوله بنخليها تمشي من عيلتي والله ماصارت ♥️
ريم :: هوا ، ف موضوع صراحه بنحكيهولكً، مدامك رايده روبين معناها كويس 😅
احلام :: موضوع شنو؟ ،، خيرها البنت مرتبطه ؟ 🤦🏼‍♀️
ريم :: اي 😂 ، لكن بي ولدك ،، 😂
احلام :: لالا 😳 ،،، وانتي تعرفي ماشاء الله ؟ وخيره العفووو ماقاليش ؟ وماقلتيليش انتي ؟
ريم :: شن بيقولك مثلا ، امي انا نحب روبين ، تيي شن ماتعرفيش سندك ماهووو ماطلعت منه وقالهالها الا بطلوع روح 😒
احلام :: غيرررر احكيلي توا كيف وامتى وشن صار ♥️
ريم :: ( حكتلها كُل شي بأختصار وحكتلها شن صار اخر شي وانه احنى مانتكلموش )
احلام :: ريتي هالمسحوووق ولا ،، واول امس قريب طلعت روحه لما قتله البنت تعبانه ومريضه 😒 ومدايرلي فيها الحساس الي يحب ومخلي البنت هكي ع خاطر فرخ شيطان بوها حشاه اسمه 😒
ريم :: حتى انا قايمه عليه ومانكلمش فيه يتصل بيا بيطمن عليها مانقولاش في شي ، خليه يتربى 😒
احلام :: انا شكلني ماعرفتش نربي هذا غير سندي وراجلي ونحسابها قدها ،، لكن تو كان ماطلعتها من عينه اليوم ماتنسماش احلام 😒
ريم :: لا قااااادرة ونعرفك هذا علاش سلمتك المهمه ولدك و بنت اختك وعليكي بهم انااا معاش متحمله صراحه 🤚😂
احلام :: خليه ،، من اول، ماكنتش بنحكي ع موضوع طارق ولد عمتها ، لكن تو نهاره الي يدور فيه 😒
——————
{ فِ ليل ،، فِ حوش احلام }
( اتصلت بي احمد وقتله يجي بوه يبي يشوفه ، جي احمد وخش لي حوشهم طول،، مقعمزين يشربو ف شاهي ويهدرزو  )
،،
اسماعيل :: ماشاء الله ع مصطفى بياخد وبيعطي ♥️😂
احلام :: اي والله ، لو يجي شخص قبل هاليومين يقولي بتاخدو من بعض نكذبه ♥️😂
اسامة :: ( خبط محمد ع ظهره ) ايوووه احميده الغالي كبر وبنديروله دولاب ، غير راك تطلع وتصكر دارك لما تتزوج بس تقعد اسماء مقعمزه تراجي فيك لين تروح 😂😂😂
احلام :: غير تعلم انت ترتب دارك قبل ماتطلع بنت ناس جايبتها كنة مش شغالة ليك ضمهالك ايواه 😒
اسماعيل :: اووووه ماشاء الله حب الكناين احنى ف اما عصر ياربي ♥️😂
محمد :: هههههه خديتها من فمي ،، وانت اعقل راك كبير راك 😒
اسامة :: ( يرن تلفونه ويشوف يلقى فيها ملاك يدير فيه صامت ويحط فيه ف جيبه )
احمد :: ( ساكت يشبح لي تلفزيون )
احلام :: اوني حتى خالتكم ريم عاجبتها غيدة ، قالت سنة هكي وبنخطبها لي ايمن ♥️♥️😂
اسامة :: ت شنو مافيش برانيه بكل يخشو للعيله خلي نتعرفو ونغيرو سولاله شويه 😂
محمد :: وغيرتها انت 😒
احلام :: ( شبحت لي احمد ) علاش شن كان خطبت انت من العيله معناها كلهم زيك ، اوني ماشاء الله روبين ولد عمتها تقدملها 😒
احمد :: ( انا سمعت ومعاش قدرت نشبحلهم قعدت مبحلق ف تلفزيون )
اسامة :: لالا ؟ ( شبح لي احمد )
محمد :: امتى صار هذا ؟ 🤦🏻‍♂️
احلام :: ليه يومين متكلم ، تو بترد عليهم هيا قتله خليني نفكر 😌
احمد :: ( شبحتلها ) ف شن بتفكر ؟! ،، قاااعده صغيره لا تفكر لا ،،،
اسامة ؛: باه الي سمعنا صوتك 😒
احمد :: شن ردها ؟!
احلام :: قتلك تفكر شن بيكون ردها ، الولد ماشاء الله مافيه ماينعاب ،، شن بترده ! مستحيل
احمد :؛ ( وقفت وخديت تجاكتي من ع صالون وطلعت )
اسماعيل :؛ والله عيب عليكم الي ديرو فيه 😒
احلام :: خليه المدعي باش يتربى 😒 ويجي يطلبها البنت زيه زي خوته بلاش هبال زايد يفكرلي ف المسحوق بوها 😒
اسامة :: خليه صح ي بوي مش صغير هذا الي نقولو عليه عقله كبير وشوف شن طلع منه 😒
———————
{حوش #رويدة 💓}
،،
غيدة :: باااااهي صبر 😒
(الباب يطقطق )؛
،،
غيدة :: اهلا 😅( فتحت )
احمد :: وين روبين ؟
غيدة :: فوق ف دارها 🙄 شن في ؟؟
احمد :: ( ركبتلها طول ؛ )
————-
{ فِ داري 💓 }
( كنت مقعمزه ع صالون وشاده كتاب نقرا )
،،
احمد :: ( فتحت الباب وخشيت وصكرته وراي )
روبين :: احمد ؟ 😳 ( وقفتله )
احمد :: شن قصة طارق ولد عمتك هذا ؟ 😠
روبين :: نعم ! ( معاش عرفت نرد توقعت انه يكون سمع من يومين ونحسابه ختى مهماش الموضوع )
احمد :: ف شن يفكر ال**** لما يجي وتقدملك اه ؟
روبين :: معاش تسب 😠
احمد :: شنننن هامك ل درجة هيا بااااش معاش نسبه 😒
روبين :: شن تخرف انت ،، احمد من وين لي وين طارق بيهمني ،، لو يهمني راه  غدوا ماشيه بايته عندهم 😠
احمد :: ( قدمت شديتها من ايدها وقربتها ) اسمعي ،، ف الوقت الي بوك يخطط باش يزوجك من ولد اخته ،، انا ميت باش نشم ريحة شعرك 💔
روبين :: ( سرحانه ف عيونه ) ♥️
احمد :: ميتتت باش نحضنك 💔
روبين :: ( عيوني دمعو )
احمد :: ميييييت ع سمع صوتك 💔 ،،، ماااايحلمش يحط ايدك في ايد غيرررري لانه نقتله ♥️
روبين :: ( ابتسمت لاارادياً )
احمد :: انسي ،، انسي الي قلته قبل شهررر كله ،، اما انتي ف ليا انااا ، ليا انا فاهمه ♥️
روبين :: ( حطيت ايديه ع لحيته ) نحبك ♥️
احمد ::،،،،
|\\
( احياناً نحتاج دفعة صغيرة من ايادي قريبه لي تجبرنا ع الاستسلام لي الواقع وعدم الهروب منه ♥️ تجبرنا ع الاعتراف بمشاعر اختبئت داخلنا بدافع المكابرة ♥️ تجبرنا ع تحقيق حلماً لطالما تراجعت خطواتنا له ♥️ تجبرنا ع الاستيقاظ وعدم وضع الاخطاء ♥️♥️ وهذه دفعه نجحت لي تُجبر عاشقين من العوده الي نفس قفص الهواء مجدداً ♥️ )
#يتبع
#سلمى