روبين 💕(منقوله )

6

#روبيـن 💓

الحلقـة الـ(٦)
———————
( بعد كُل الي صار وحكاية محمد ، الكل كانو معاه الا مصطفى و ايمن قعدو ف الحوش مع العيلة ، هموم العيله تكاترو ، احلام تعبت واغمى عليها وسعاد فوق راسها تحاول تفيقها وتهدي فيها ، فوزية وعلي خشو دارهم ومعاش عرفو كيف يواسو صغارهم ، اما البنات ف كانو مجتمعات ف زاوية صالون وساكتين )
—
اسماء :: ( ناضت طلعت لي جنان )
ملاگ :: ( بصوت واطي ) صبايا شوي ونجي
البنات :: تمام
——
( فِ جنان )
ملاگ :: سومة ! ،، خيرك طلعتي ؟
اسماء :: ( تلفتتلها ) ملاگ 😭 ، ( حضنتها )
ملاگ :: روحها ،، خيرك ي عمري شن في ؟؟ لو ع محمد ماتخافيش كلنا عارفين انه مروح مش ح يخلوه كلهم معاه ♥️
اسماء :: ( شبحتلها ونبكي ) كله مني ، كله من وراي 💔😭
ملاگ :: بسم الله ،، خيرك ي بنتي هبلتي ؟! كيف يعني كله منك 😳
اسماء :: وليد 😭
ملاگ :: اااي !
اسماء :: ( حكيتلها كل شي )
ملاگ :: اي ياروحي ، بس مش ذنبك ، يعني لو محمد او غيره اكيد هكي ح يتصرفو معاه ، انسان حقير شن تبيه يديرله يحضنه ؟
اسماء :: بس لو ماتكلمتش معاه بطريقة وقحة راه مادار شي 😭
ملاگ :: تمام تمام ، خلاص اهدي وبلاش كلام مش منطقي ،، محمد اموره تمام ان شاء الله ، ومش ههاايروحو الا بيه
{ رن تلفون اسماء 📲}
ملاگ :: ( استنيتها اطلع فونها وسألتها ) ، من ؟!
اسماء :: ( نمسح ف دموعي ) مش عارفه ،،، الو !
—-
وليد :: عمره ماكانت نيتي ندخل ولد ف عمر الورده للحبس يعني مش حقير لي درجة ندفنه وهوا حي 😈
اسماء :: حققير ،، من وووين جبت رقمي ؟؟ انت واحد ***** وتاافه ومريض اقسم بالله مااا ح يخلووك تنفد ب ريشك
وليد :: لالالا ،، بتسبي تاني بنصكر ، وانا الي قلت نتصل نحلووها باش نطلع ولد عمتك ، الله قداش ما انا مظلوم ديما
اسماء :: شن تقصد ! 😒
وليد :: اتفاق ،، يعني لو نتفقو ، اكيد مش ح نطر نكذب ونزيد ونألف ونقول انها كانت محاولة قتل مش ضرب بس ،، شهوود وفي ، ادلة وع وجهي وجسمي ،، صح ولا ؟! 😈
اسماء :: نش الاتفاق !
ملاك :: انتي شن تقوولي ؟! من هذا ؟؟؟
اسماء :: تكككلم
وليد :: انتي ،،
اسماء :: تحلم ،، انت اكيد انسان مريض مستحيل طبيعي 💔
وليد :: تمام ، مريض ، يالله معناها انا الي عليا قلته ، انتي حره ، يعني محاميه مستقبليه اكيد تعرف مدة سجن متهم بمحاولة قتل قداش ،، ولا غايب ع درس لما عطوها ؟
اسماء :: انت حقير 💔💔
وليد :: اااه شن قلنا عاد ؟ سب لا ،، يالله انا تعبان وبنرقد ، انتي ياروحي بري طيبي غدي وعشي وكم حلويات يمتع روحه بيهم ال٨ ولا ٩ سنين جايات
اسماء :: انت ف اما مستشفى !
ملاك :: لااااا ؟! انتي اكيد تخرفي ؟؟ 😨
وليد :: انتي شطورة ، بس الي ف جنبك وجعتلي راسي ، سكتيها ،،، انا ف ***** نراجي فيك
اسماء :: ( صكرت ) ( شبحت لي ملاك ونبكي ) عمره ماتوقعت نعيش لحظة زي هذ،، علاش دنيا هكي ولت ؟ الابتزاز ف دم ناس ، وكل شي بدي يتاخد غصب ،، علاش انا ؟! ياريتني ف جهنم قاعده ارحم 😭💔
ملاگ :: ااااستغفري ربك بنتي ،، هذا هوا ؟! شن يبي ؟! شن قالك ؟! اسمااء احكي
اسماء :: عندنا مشواار لازم نديرو ،، ونحكيلك ف طريق
ملاك :: طريق شن الي بتحكي فيهااا ؟! تحسابيهم بيخلونا نطلعو ؟
اسماء :: نفكروو ملاك نفكروو باش محمد يرقد بين عيلته وف حوشه نفكروو ، لازم نطلع
ملاك :: لا مستحيل ؟ ماعرفتكش !! انتي فيوزك اكيد ضرب 🤦🏼‍♀️
———-
١:٣٠ص
( ف طريق )
( فون ملاگ يرن )
—
ملاگ :: ياااسلام كملت ، هذا اوسامة ياربي خليتيني نكذب ع العيله و اوساامة ،، سماح ياربي سمااح 💔😭 ،،،،، الو !
اوسامة :: انتم ناوين ع شن بضبط ؟! جلطة ! سكر ؟ ضغط !  😠
ملاگ :: استغفر الله حبيبي ،، اكيد لا هذا ولا هذا ، يعني بس خدمه شن يعني الانسانيه نقطعها 😒
اوسامة :: قولي ان شاء الله ملاك ، قولي ان شاء الله
ملاگ :: ( بأستغراب ) ان شاء الله !!
اوسامة :: ناااخدك ونقعمزك ف الحوش لا خدمة عقاب ليل ولا انسانيه صباحيه 😒
ملاگ :: ياربي استغفرررر الله ،، تمام تمام اوسامة ، انت اعصاابك مضروبه وانا ماااشاء الله مش رايقه ، صكر حبيبي وخليك ف الي انت فيه ، انا مش ناقصني🤚🤚😒 ( وشبحت لي اسماء )
اسماء :: ( كنت ف عالم تـاني ،، اسئلة و اسئلة ومافيش جواب ،، شن الي صاير ؟! محمد ياربي ، اكيد توا ف زنزانه ، باردة ؟ دافيه ؟؟ جيعان ؟ شبعان ؟ بيروح ؟ بيبات فيها ؟؟ الحقير الي انا ماشيتله ب رجليه ،، شن يبي ؟ ح يطلع محمد ؟ نرفض ؟ نوافق ؟ ،، تابعت مره فيلم اجنبي البطله فيه نحطت ف نفس موقفي ، بس وافقت ع اي طلب يطلبه ،، لكن البطله تحب البطل ، باه انا ؟ شن يكون محمد بالنسبه ليا ؟؟ من انا ومن هوا ؟ ياربي انا محتاااجة محتاجة رحمتك يالله 💔)
———————————
\{هُناگ عِند ماتتراوح التفكير والعبارات بين الكُل ، گان هُناگ مُرافق ، نغمات ، لمحت وضحت شرحت تفصيل بعض الأحزان ، تِلگ التي تملئ بيتاً من الداخل ولا يعلم مصائبه الا ناسه لا جيران ولا الاحباب ، أعانهم الله 💔
/{نغمات اغنية تركية oy domanlar }
( فِ حوش ريم ،، صبايا كُلهم باتو عندها ، احلام روحت لي حوشها ورقدت من تعب لبكي و سعاد كانت جنبها هيا وسالمة ، ابتهال اصلا ماطلعتش من حوشها وماهمها الا نفسها وصغارها ، فوزية وعلي حاطين الايد ع الخد ومش عارفين كيف يتصرفو وماليهم غير دعاء ) 💔
( فِ غير مكان ،، مكان اسمه # مخفر ،، شي شبيه ب غرفة حيوطها سود، بمجرد حد يسمع اسمه يكون ف خوف ورهبه ف العيون ، اما محمد ف كان رافض يقول كلمه لي المحقق الي هوا هيثم ولد عمة احمد وساكت ومايبيش يذكر اسماء ف الموضوع ، حطوه ف زنزانه لين يشوفو افادة وليد ، احمد يونس فتحي اسماعيل هيثم كلهم واقفين برا وحاطين هموم دنيا عليهم ،، )
( وفِ مكان  اسوء من الاثنين ،،، بنت تركب درجة وتتردد ف تانيه ، خشت لي دار قلوب نااسها مش صافيه ، وقفت شامخه وسمعت شن يبي 👈
—-
اسماء :: ( نشبحله )
وليد :: ماشاء الله قريبتك سريعه وصلاتك بكري ماخلتنيش نستاحشك 😅
اسماء :: تكلم شن تبي وبلا دوووه زايدة
وليد :: فخوور انا انه حبيبتي تكون قوية وشامخه هكي
اسماء :: نموت ولانكون حبيبتك 😠
وليد :: لا ؟ معقوله جااايه هذي كلها وف الاخير بترفضي طلبي ؟
اسماء :: ( بأستغراب ) انت شن تخرف ؟ 😳
وليد :: حبيبتي ،، يعني ليا ،، هذا طلبي ،
اسماء :: مستحيل ، احلم
وليد :: قصتك مع الاحلام نحلوها بعدين ، انا مش فاضي باش نضيع وقت يعني وراي مليون حاجة وافاادة وقصة راه 😪
اسماء :: ( قعدت نشبحله والاسئلة الي كانت ف بالي كلها اجابتها وحده # محمد ،، مافيش غيره ، مانعرفش بس خفت ، خفت لو نرفض لو نقبل اوو شن ندير ياربي ، حسيت روحي ف لعبة لعبة وفي حد يتحكم بيا زي مايبي ،، جاوبت.  جاوبت وانا مانعرفش نتيجة فعلتي شن بتكون )
وليد :: مطوولة ؟
اسماء :: بشرط
وليد :: انتي تأمري
اسماء :: مده معينه بس ،، وماتحلمش بأكتر
وليد :: اكيد ياروحي انتي شن تحسابي ؟ هيا هكي اصلا ،، لعبة ،، كااان همي انتي ، لكن توا همي وااحد نبي نحط خشمه ف البز لما يسمع انه الي ضربني ع خاطرها ع علاقة انا وياها 😪
اسماء :: تااافهه ، مريض
وليد :: تمام ، ح نعتبرها انحبك ،، يالله ياروحي روحي انتي ونكلمك بعدين
اسماء :: لا والله ؟! مش بسرعه هاذي ؟؟ مش قتلي محاميه مستقبليه ،، يالله تكلم معاهم قدامي وسحب شكوى نبي محمد يكون ف الحوش قبل ما انا نروح
وليد :: قلت حتى انا ،، ذكية حبيبتي 😅
اسماء :: ( متعصبه )
—————————
تانــ يوم :::
١١:٠٠ص
،،
فوزية :: الحمد لله يارب ،، زال الباس وليدي.  قلت حتى انا ف غلط مستحيله يكون حميده مداير حاجة
علي :: شن صار ياسندي شن القصة ؟! ( يشبح لي احمد )
احمد :: والله ياجدي(يشبح لي محمد ) حتى انا مش فاهم ،، لكن اكيد ف غلط تو نفهمو
احلام :: بعدين هدرزو بعدين ،، يالله وليدي نوض روح خود دوش وارتاح بعدين يحلها ربك الف حلان ♥️
محمد :: ( ناض وطلع مع امه )
-
احمد :: يالله سلام عليكم انا امالا ،، ( وناض طلع)
سعاد :: انا امالا خلي نوض البنات وريم باش نحطو لفطور ،،
فوزية :: كلهم ف حوش ريم ي سعاد تلقيهم
سعاد :: تمام امي ( وطلعت )
————
( احمد طالع لقي ملاگ كيف خاشه )
،،
احمد :: او كنتنا ♥️😂
ملاگ :: ( ساكته ومتوتره )
احمد :: خيرك ؟!
ملاگ :: احمد لازم نحكيلك تعالى معاي شويه جيهة المربوعه
احمد :: خير ان شاء الله ،،، امشي
—-
( ف المربوعه )
،
احمد :: نعمممم ؟! شن درتو ؟
ملاگ :: مانعرفش كيف طاوعتها ورفعتها بس هيا كانت ح تمشي حتى لو انا مارفعتهاش ، ماشفتش منظرها كيف مداير 💔😭
احمد :: اااستغفر الله ، استغفررر الله ( وقف ) الواحد بيكفرررر من وراكم ،،
ملاگ :: سندي انا حكيتلك لانك الوحيد الي تحلها 💔
احمد :: وينها الهانم توا ؟!
ملاگ :: مارقدتش اصلا ، الحقير بعتلها مسج صبح قالها يبي يشوفها ، وبعتلها عنوان كافي ،، قالت انه ح تخطم غادي قبل جامعه ،
احمد :: ابعتي العنوان ف مسج ( وجي طالع ) وماتقوليش انك حكيتي ،، اقسم بالله ما ح ترتاحو لين تيبسونا كلنا ف سجن
ملاگ :: يارب سترك 💔😭
——-
( بعد نِصف ساعة اجتمعو الكُل وفطرو مع بعض ،، وكُل واحد توجه لي مكان شغله ،،، الاء طلعت مع ريم ولبنات لانه ماعندهاش جامعه ، وريم رفعتهم ياخدو حاجات المدرسة ، احلام وسعاد يجهزو ف الغدي ، ابتهال مقعمز تلت وتعجن ف الكلام مع فوزية وتلقح ع سالمة وسالمة ترد اجواء حمي و كنة وسلفة ، 🤦🏼‍♀️💔😂 ،، شباب ،، محمد راقد ف الحوش وايمن مشي لي جامعه و اوسامة وملاك ،،،.،،
،،،،،،
( فِ تلفون )
،،
اوسامة :؛ خيره صوتك ؟!
ملاگ :: تعبانه
اوسامة :: خيرك ؟!
ملاگ :: بنموت اوسامة 😒
اوسامة :: توبة يااربي ،، تزحزحي من مكانك غبيه.  
ملاگ :: ههههه 🤦🏼‍♀️
اوسامة :: شن الي يضحك ؟؟
ملاگ :: حنين ف عصبيته ، احدى مواصفات زوجي المستقبلي 😂
اوسامة :: يارب تبت علينا العقل ودين ، مره تعبانه ومره تستزرف 😪
ملاگ :: خلاص تو نتبكش بالك ترتاح 😒
اوسامة :: ي بنتي اضحكي والله نفرح لما نشوفك هكي ♥️ ،، بس فهميني خيره مزااجك متقلب مش المفروض انك مدسيش عليا حاجة ؟
ملاگ :: اوسامة ، انا مش ح نحكيلك كلم انت احمد وهوا يقولك ،،
اوسامة :: شن دخل احمد ؟
ملاگ :: خلاص كلمه تو تفهم ،، انا تو بنصكر ماما من بكري تنادي ، بعدين نشوفك ♥️
اوسامة :: باه ، ردي بالك ع روحك ع خاطري باهي ؟ ♥️
ملاگ :: ههه حاضر ياروحي ، مع سلامة
—————
( فِ سيارة )
،،
احمد :: الو ! ،، وين ي ولد عيلتي !
هيثم :: ف الحوش ،، خير ؟
احمد :: جاااك رزق ان شاء الله ،،
هيثم :: كيف يعني !! ،،، وينك انت صوت سيارات
احمد :: والله ولد خالك ناوي يقتل راس اليوم ، وانت استرزق فيا ، وقول معكوك بعدين
هيثم :: ايواااه بنبدو ف كلام المهبول الي مانحباش ،،، شن تهبب انت ؟
احمد :: ولد الحرام الي دخل محمد امس لي للحبس ، يبتز ف اسماء ، وتوا ماشيله ، والله ف بالي موضوع كان تبي تفضل كانه هذا وليمة وجت لي عندي مش ح نرد نعمة ربي ياغالي 🤚
هيثم :: انا خمسة ونكون عندك ، اببعت العنوان ، ماااتلبز شي ، نجيك وفهمني
احمد :: يالله نراجي فيك
————
( فِ سوق )
،،
ريم :: ( لاهيه  ف الباضعه وتتفرج )
روبين :: ماشفتش احمد اليوم ،، طلع بكري شكله 💔🙄
غيدة :: لا ياراجل ،، داه ع اساس انه وجهه شمس الي مفروض تتصبحي واليوم يمشي ملخبط من غيره ؟ 💔♥️😅
روبين :: فسري بدماغك الي يبي كسره ،، 😒
الاء :: ولا يهمك ياجميل اتصلي ،، شن يعني 🙄
روبين :: والله ؟! ،، ونتصل شن نقول !
غيدة :: الو 🙄
روبين :: لاااا ؟! 😒
الاء :: غير اتصلي لكلام يجي بروحه ،، وبعدين متفركسه علاش مش عادي ومش عارفه شنو ، يالله اتصلي عادي 😅♥️
ريم :: تؤ تؤ تؤ شن توااتوتوو ، اه ؟! قولي منك ليها
روبين :: شي 😳💔
غيدة:: لا مش شي ،، والله ياريم ف ريحة عااشق ف حوشنا♥️😂
ريم :: اوووووووه ،، ( وتشبحلي )
روبين :: شنو ؟! 🙈
الاء :: ههههه حرام احمر الوجنتين 😂😂
ريم :: اي ،، ف اختراع اسمه الو رن رن ، تلفون يعني ،، والاطمئنان واجب ،، بين الاخوه اصلا 🙄
روبين :: بس خالي ،، انتي تعرفي شن قال ي ريم 💔
ريم :: اممم ،، يالله يالله حرام مانبيش نهاية عمري حبس خدوها من قدامي لانفجر دماغها ودماغ خالها سمح ،، يالله 😒
غيدة :: هبله 🤦🏼‍♀️
———————
( بعد مدة من الوقت )
( قِدام الكافي )
،،
احمد :: فهمت عليا ؟!
هيثم :: اي فهمت ،، ح نترقى ان شاء الله بفضل هبالك
احمد :: قول شكراً حتى بالكذب 💪 ( فتح الباب ونزل )
هيثم :: يارب صبرك 🤦🏻‍♂️
——
( نزل احمد ونزل وراه هيثم ، خش احمد للكافي و لقي اسماء و وليد مقعمزين ف طاوله ع اليمين ،، هيثم قعد واقف قدام الباب ،، اسماء رفعت عينها لقت احمد جاي ،، )
،،
احمد :: ( وقف وليد من ايده ،، حط سلاح ف ظهره ) من غير حتى حرف تطلع قدامي توا والا وربي نبتعك لي مكان ارحم من ايديه توا ،، هيا
اسماء :: (معاش فهمت ولا استوعبت شوفت احمد ، بس اطمنت او حسيت انه انه ،، مش عارفه بس اطمنت )
احمد :: تعالي انتي ( وشبحلها )
——
احمد :: يالله ي ولد عيلتي ارفعه ،، خمسة ونجيك
هيثم :: تم ( شده ) ااامشي
وليد :: تمام ي اسمااء ،، تمام
احمد :: صكرررره فمك والا ورحمة الغاليه نبعتك ليها 💪🔫
——
( فِ سيارة )
،،
اسماء :: ( تبكي )
احمد :: من امتى انا ادسي عليااا ؟! ،، ومن امتى الحركات هيا تصير ؟؟ ،
اسماء :: ان(قص عليها )
احمد :: يعني بنت خااالي ماشيه لي واحد مانعرفش قرررعة بوه من وين وتحل ف مشااكل شباب العيله ، شن معاش ف تررريس اسماء ؟ ،، شن خلاص كملت هكي دنيا ؟ نطلعو منها احنى ولا كيف
اسماء :: مش بقصدي ( تبكي ) ماعرفتش خفت ، خفت منه ي احمد ، كنت نبي نحكيلك اليوم صبح ، بس خفت يدير حاجة لي محمد والي صار اصلا كله مني
احمد :: الي صاااار بعد مامشيتي هوا الي غلط ف غلط ،،، الكلب طلب كافي اليوم ، غدواااا ابصر شن يطلللب ( خبط ايده ع ستيرسو ) تحررررقي في امي *** زفت
اسماء :: اسفه ( تبكي )
احمد :: ( متعصب ،،، شبحلها )
اسماء :: اسفه والله خفت ع محمد والله خفت عليه 💔😭
احمد :: ( حط ايده ع راسها ) خلاااص اهدي ،، خلاص انسي ،، انسي امه**** الموضوع من جدوره ، مافيش حد تاني يعرف ، فاهمه ؟
اسماء :: تمام ،، حاضر 💔
احمد :: خلاص ياروحي ،، تم ،، وصل عندي تو نحلها
اسماء :: تمام ♥️
——
( امان ، حياة ، راحة ، سعادة ، دنيا ، هدوء ، هگذا هيا الحياة ب وجود #أحمـ د♥️؛ )
——-
( وصله مسج وهوا يسوق )
{ من ريم :: والله ياجبلي الحياة ماشيه عكس ماتبي وانت مش داري ،، خالك مصطفى امس كلم روبين وقاللها انه معاش تكلمك والواضح انه المستاحشه الي معاي تبي تكلمك بس الله غالب فات فيها وقالت ع راسي وعيني ي خالي ،، ليك الموضوع ياجبلي ♥️🤚 }
احمد :: كملت ،، ( هذا الي قلته بعد ماحدفت تلفون ف درج سياره ،، خبط استيرسو ) هموووم ال^*** مش ناويه تفوتني زفت
اسماء :: ( ساكته )
————-
( فِ سوق)
ريم :: شن رايكم نتغدو ونروحو ،، تتغدو برا يعني ،
الاء :: عن نفسي البطن قبل الوطن عاادي جداً 😍
( تلفونها رن )
غيدة :: يالله ياروووحي اهو الوطن يناادي 😂😂
الاء :: خويله سووري بنرد ،،،
ريم :: انتم خليتو فيها سوري 😂 ، حبي ياروحي حبي قصدي ردي ،،،
الاء :: ( بعدت عليهم شويه وتتكلم )
( وصل مسج لي ريم )
{ احمد :: ابعتيلي مكانكم ،، }
،،
ريم :: ( شافت المسج وشبحتلهم.) ها شنو ؟! ،، تمشو ؟
روبين :: انا عادي ، ع راحتكم 💔😣
( وجهي كان واضح عليـه تعب ،، )
{ شوق ، كنت مستاحشه ريحته ، شكله ، كلامه ، صوته وهوا يقولي # بنتي ،، كنت محتاجة ومستاحشه ، كنت انموت ،، نموت ومستاحشه ، مستاحشه #احمد ،، #جبلي♥️♥️ }
—————-
٣:٠٠م
{ فِ المطعم }
،،
غيدة :: اناا ؟!
ريم :: لا انا ،،، يعني معقوله مافيش حاجة هكي ولا هكي 🙄😂
غيدة :: الحب للاغباء ي روحي 😎
ريم :: ياسلام ع ذكاااء ياسلام ♥️🤚😂
الاء :: احلا غباء معناها ♥️😍
غيدة :: ( خبطتها ع رااسها ) اتعدلي يابهيمه 😂
ريم :: اممم ، شن يونسي رومانسي امالا ♥️😂
الاء :: والله لو مش خالتي ومتحشمه منك راه حكيتلك تفاصيل ♥️♥️😂
غيدة :: ( حطت راسها ع طاوله ) لا متحشمه واااضح 😂
ريم :: هههههههه والله فرحتي انتم الله ♥️♥️ ،، روبينتي ، خيرك بنتي ساكته ؟!
روبين :: ( شبحتلها بعد ماكنت نشبح لي روشن ) انـ ،، ( شبحت احمد خاش للمطعم ) ،، احمد 😳
( شبحو كلهم )
احمد :: سلام عليكم وعليكم سلام ( شديتها من ايدها ) نووضي معاي ♥️
روبين :: وين ! ،،، ( ونشبح ل خالتي ريم )
ريم :: سندي تلاقنا هنا ،، باش نروحو مع بعض ماتعطلوش 😴
روبين :: ( مستغربه )
احمد :: ( طالع بيها ) شكلني بنلف ع المطاعم والكافيهات هلبا اليوم 😪
روبين :: احمد وين ماشين ؟!
احمد :: اركبي ( فتحت باب سيارة )
روبين :: ( قربت منه ) احمد انت شوفت خالي شن قال بالله عليك ماتخليناش نديرو حاجة غلط وتحصل عليها انت الكلام 💔
احمد :: ( قدمت منها ،، عيني ف عينها ) روبين انا من ربي مستاحشك كان بتقعدي واقفه مني قريبه هكي بنحضنك وبنخلي خالك يجينا مش غير يتكلم ♥️♥️
روبين :: ( وخرت بسرعه وركبت وصكرت الباب ؛ )
احمد :: ( مبتسم ماشي ويتمتم ) الله الله وصلت لي مرحلة الاقناع 🤚♥️
—————-
( طـريق ،، وصلو لي كرنيش درس سيارة ،، نزلت روبين )
،،
روبين :: احمد شن فيه ،، انا مافهمتش اصلا علاش هذا كله
احمد :: انتي شن تحساابي روحك مدايره ؟!
روبين :: شن درت 😳
احمد :: شننن قالك مصطفى ؟!
روبين :: احمد 💔
احمد :: روووبين ،، شن تحساابي انتي ؟؟ شن انتي عندي ؟ شن يعني يقووولك وخري ومعاش تكلمي وكلااام فاضي توخري ؟ احني مادرنا شي غلط ومانحبش تكبير المواضيع
روبين :: انااا درت الي قاله ولانه صح واققت علليه
احمد :: والله ؟!!  وفوقهااا تقوليله ع عيني وراااسي يعني يمووت احمد مش مهم
روبين :: توووبة استغفر الله ،،، شنننن الكلام هذا انا مش قصدي هكي ،، باش ماحدش يتكلم عليك انا هكي درت
احمد :: يتكلمو يتكلمو انتي شن دخلك ،، شن ليك علاقه ف الاخير بيتكلمووو عليا 😠😠
روبين :: معاااش تصيح انا مادرتش حاجة كبيره تستاهل تكشيخ هذا كله
احمد :: تبعدي عليااا وتقولي مادرتش حاجة كبيره 💔😠
روبين :: ماكنتش قريبه باش نبعد ،، شي فات ونحل وخلاص
احمد :: شننن تقووولي انتي ؟
روبين :: ماقلتش حاجة غلط ،، وبعدت شن كفرت ؟علاش معصب روحك اصلا 💔😭
احمد :: ( شديتها من ايديها وقربت منها ) انحبك ياغبية انحبك ♥️
//
/{ لي نتسارع ف خطوات نغم ولحن لي نجمعها ب لحظة حارقة شغف ، قوة ، حب ، احساس ، صدم ، حياة ♥️♥️
/{ أُغنية روبين&احمد الاُغنية التُركية #خذ عمري لگ ♥️
//
اُحبك ولگن لا أحني رقبتي للُحب ♥️
أتجنب عشقي لگن لاخفيه ♥️
بينما كُل خلية من خلاياي تناديگ ♥️
لا يمكنني ان اهرب من الحُب و ان اعيش بعيد ع العيون ♥️
//
#يتبع
#سلمى