روبين 💕(منقوله )

4

#روبيـن 💓

الحلقـة ال(٤)،،،،
———————
احمد :: روبين ، نوضي ، بالله عليك ماتخلينيش روبين ،، سامحيني بالله عليك نوضي 💔💔
( ولي مليون مره تنزل دمعتي فوقگ ، انتي شني ؟ 💔)
—
( ١١:٠٠ص ،،، #المستشفى )
،،
أحلام :: ( تتكلم بتلفـون ) ي سعااد مش ضروري كلكم تجوو ، بالله عليكم ريحوني الي فيا مكفيني ، نطمنو ع البنت مش وقت كلام هذا توا راه 💔
اسماعيل :: ( واقف جنبها وشادها من كتافها وتبكي )
،،
( ع الكُرسـي ريم مقعمزة وغيدة حاطه رأسه ع كتف خالتـها وتبكي 💔)
غيدة :: كُل عيلتي قعمزت ع خاطرهم ف الكرسي هذا ، انا كرهت المُستشفى خااايفه تاخد مني اختي حتى هيا ، 😭💔
ريم :: تعوذي من شيطان ي بنتي ، وخيتك مافيها الا كُل طيب تو يطلعو يطمنونا 💔💔
،،
( قدام باب العنـاية ف الممر التاني ،،)
يونس :: اي اي تمام تو نكلمكم انا اول بأول ،، هي مع سلامه ، ( صكر تلفونه وشبح لي احمد مقعمز ع الارض )
احمد :: ( معـاش حست بـشي ، ومعاش سمعت شي ، حتى نسمـة الهواء فقدتها ، حتى نفسي متقطع ومش قادر ناخده او مانبيش ناخده ، حسيـت بالدنيا كلها لفت بيا ، حاجة ! ، حاجة غالية جوهرة نادرة حاجة بريئة حاجة هادية #روبين ، حسيت وكأنه انا شخص الوحيد الي كتشفت روحها ، ومانبيش حد يعرفها غيره ولا حد ،، #خاصتي الي حتويتها ♥️ ،، نبيها ترجع ، ترجع جنبي ومعاي ، مانبيش نفقدها ، مانبيش نخسرها ، حسيت بي حد يطلع ف قلبي من مكانه ، موتت ! ، موتت الف موته ف شوفتها طايحه ع الارض قدامي 💔 )
،،
يونس :: احمد ! ،، احمد !
احمد :: ( رفعت عيني فيه ) ها
يونس :: نوض نمشو جنب العيله ، دكتور قال تبي وقت باش تفيق هي نوض
احمد :: مانبيـهاش تنوض وتلقى روحها بروحها ، بنكون جنبها 💔
يونس :: ( سكت وشبحلـه )
احمد :: امشي انت ،، انا بنقعد هنا
يونس :: احمد نوض معاي تو العيله تقعد تسأل ،، هي نوض شويه وارجع
احمد :: خلاااص ي يونس ( وقفتله ) امشي انت قتلك مش ح نمشي خلاص ( ومشي وقف ع روشن متع باب العنايه 💔)
—-
( ١٢:٠٠ )
،
ريم :: ( جت لي احمد ولقاته واقف ع الباب ومتكي راسه ؛ ) أحمـد !
احمد :: ( وقف باهي وشبحلها ) اي خالتي ، نعم في حاجة !
ريم :: ( ابتسامة لطيفة ) لا سندي ،، برا حبيبي ارقد ف دار شويه
احمد :: لالا مانبيش ،، انا هكي مرتاح 💔🤚
ريم :: باه تعالى نقعمزو شويه ( ومشت هيا و احمد قعمزو ع الكُرسي ف الممر )
احمد :: وين امي !
ريم :: روحت هيا و بوك قلتلهم يجو غغدوا ماروحت الا بشياط ريق المستشفى كلها تفرجت ع عارنا ههه ،
احمد :: ( من غير ضحكه ) وغيدة !
ريم :: يونس خدالها غرفة ترقد فيها شويه وهوا واقف غادي ،،
احمد :: ( سكـت )
ريم :: قـداش ليا ماشوفتكش خايف ع شخص بطريقة هاذي 💔
احمد :: حتى انا قداش ليا ماسحتش بي الي نحس بيه توا 💔
ريم :: ( شافت دمعتـه سكتت وخلاتـه يتكلم )
احمد :: علاش هيا ! ،، علاش مش متحمل فيها شي ،، لا متحمل نشوفها تتوجع ولا تبكي ،، مش متحمل نحس بيها مضايقه لحظة
،،
::( لايبْكِي الرجُل الا فِ حالتين :: الاولـه ان احب بِصدق ،، وتانيه :: ان فقد من احب ) ::
::( واحمد بكي لانه حس ب الحالتيـن ) ::
،،
احمد :: انا نتوجع ي ريم ،،، بنموووت ، مانبيش نشوفها هكي ،، مانبيش 💔 ، نبيها ترجعلي ، ترجع ، تاني ،،، ( شبحلها وعيونـه حمر ) فاهمه عليا ولا !
ريم :: ( تبكي ) هلبا 💔
احمد :: مانبيش نخسرها 💔
ريم :: ( حطت ايدها ع كتفه ) ماتخافيش حبيبي بأذن الله روبين مافيها الا كل خير ماتخافش 💔
،،
::( أَنَا ماقْدرشْ أبعِد ثانيـة ، أَنَا بَعدگْ ماليِش في دُنيا يآأولـ حب عَاش قلبِيّ معاه ♥️)::
،،
( بعد نُصف ساعه ،، )
( فِ مكتب الدكتور ؛ )
احمد :: يعني كيف عادي ؟؟ ليها ثلاثة ساعات توا فاقده الوعي ؟ هذا طبيعي
دكتور :: احمد اهدى انا نعرف شغلي وكويس ، الواضح انه روبين الازمه الي عندها ف المرحلة الاخيره وف حالة نوبات الي تجيها ماكنتش تستخدم ف البخاخ گ دواء دائم ، غير انه لما وصلت اليوم صبح ماتقبلش جسمه الاوكسجين للكم دقيقة الاوله ، وحالياً هيا ف حالة مستقرة ،، الخطر زال كلياً وكم دقيقة تفيق ،، كم اسباب لازم تتبعد عليهم احتياط باش مايصيبهاش نفس الحالة تاني ،،، ماتخافش روبين مريضتي وانا عارف هيا ف شن تمر ، لو كان فقدان الوعي لي مدة ٣ ساعات خطر عليها ماكنتش ح نستناك تجي تقولي احمد
ريم :: سمعت ! ،، خلاص اطمن
احمد :: ع الاساس كلمه يطمن ( ناض فتح الباب وطلع وصكره ب القوة )
،،
( يعني ع اساس انا الي اطمنت اصلا 😂)
،،
( ١:٠٠م)
( طلعو روبين من العنايه ونقلوها لي غرفتها ، ماكنتش فايقه ، ريم و غيدة رقدو ف دار ويونس مقعمز جنب باب دارهم ، اما بالنسبه لي أحمـد فَـ ،،،
،،(فِ غُرفة روبين ) 💓
—-
أحمد :: ( أولـ ماطلع دكتور من العناية وقالي انها بدت كويسه وبتفيق بعد مده من الوقت قصيرة ومعاش في داعي للعنايه وبنطلعوها لي غُرفتها لقيت روحي ماشي معاهم وقعمزت جنبـها ف دار ، نسيت ريم وغيدة وماقلتلهمش ، قعمزت جنبـها شديت ف ايدها وكُنت نستنى فيها تفتح عيونها ، تكلمني وتقول اسمي ، كنت مستني نشوف ضحكتها و نقولها شن تحسي وتقولي تمام ، كنت نستنى بِساعه ودقيقه ونشوف عيونها لون جوهرة 🌸 نستنى ف #خَاصَتِي ترجعلي ♥️ )
روبين :: ( بدت تمتم وحده وحده وتتحرك وتحاول تفتح ف عيونها 🙈،،،، و أولـ مافتحت عيوني #شفته ♥️ ، وكأني طفلة الي فتحت عيونها بين ايدين والدها وكُنت حاسه براحة مااتسعش العالم 🌸 اكتفيت ب نظرة قصيرة نصف عين مفتوحه ونشبحله ونحاول نركز لانه نظرتي كانت مُضببه 😣 ، لين سمعته )
أحمد :: ( شديت ع ايدها وقربت رأسي ) روبين ! ♥️ ، شن تحسي بنتي !
روبين :: (آه بنتي 💔 ،، آه قداش ليها من معنى وليها احساس وشعور ينتابني بطريقة غريبه لما تكون منه وبصوته 💓 ، الله ع نبضات قلبي الي زادو وحسيت بصوتهم بيفضحني 🤚 اكتفيت برد مش مفهوم وتمتمت لانه كان لساني رزين وصعبت عليه نطلع كلمه 💔)
أحمد :: خلاص ماتعبيش روحك 💔 ( لقيت روحي متقربة منها ونمسح ع شعرها ونهدي فيها وانا من داخلي بنطقع ع حالتها وع صوتها ، صوتها الي لو نسمعه نبيع دنيا بالي فيها ♥️)
روبين :: أحمد ! ( وأول گلمة تنقاـل ♥️ ، هيا اسمگ ، وها أنا دا أقول إـسمُگ وكأني تِلگ طفلة التي تنطق والدها لي أول مره في العالم ♥️)
أحمد :: فداگ ♥️
( رد ! ، رد وأسلوبه ، رد وحنيته ، رد وروحه وصوت انفاسه ، مش قادره نتحمل لحظة قربه وبعده ووجوده ف نفس اللحظة 💔 ، )
روبين :: ( فتحت عيوني وأبتسمت ،، ولقيته يبادل فيا بِنفس الأبتسامه ♥️)
أحمد :: الحمد لله ع سلامتگ صغيرتي ♥️
روبين :: الله يسلمك ♥️
أحمد :: شن تحسي توا !
روبين :: تعبانه شويه حاسه روحي مهتكه وكأنه كُنت نجري 💔
أحمد :: هذا طبيعي ماتخافيش شويه ويمشي المهم انك تتنفسي ♥️
روبين :: ( مُبتسمه ) 😍
أحمد :: نمشي أناديهم ونجيگ ، مش ح نعطل ♥️
روبين :: تمام ♥️
——————-
( ١٠:٠٠م )
،،
غيدة :: يالله مع بعض ياروحي ماتعانديش 😣
احلام :: يالله روبينتي يالله بنتي حاولي ترفعيهم هي 💔
روبين :: مش قادرة خويله رجليا رزاان هلبا 💔
احلام :: استندي عليا يابنتي وتو تقدري 💔
ملاگ :: ( فتحت الباب وخشت ) هاا كيف مرضتنا توا !
غيدة :: حاولت انه نخليها توقف نبيها تمشي بس مش قادره تحرك رجليها 💔😣
ملاگ :: ماتخافيش غيدو هذا طبيعي ،،، تو تحركهم خلوها توا ترتاح وحده وحده تو توقف 💔
أحلام :: باه خلاص بنتي ارتاحي تو تتمشي بعدين ارتاحي توا
روبين :: ( شديت ف ايد خالتي ) خويله نبي نرقد ع كتفك 💔 ،، نبي نحس بي ماما، نبي نحس ب حُظن ماما ،، معليش !
احلام :: ( خنقتها العبره ) اااكيد ياروح ماما انتي ،،( رفعتها فوق شويه وقعمزت جنبها وحضنتها ) ارقدي ياروحي هي 💔
ملاگ :: ( ماقدرتش نوقف ونشوف غيدة الي كانت تبكي ف الحمام ، وروبين الي حاااضنه احلام وكأنه تشم ف ريحة امها و خالتي احلام الي ماوقفتلهاش دمعه ،، طلعت بسرعه ،، نزلت لوطا ومشيت لي جنينة المستشفى )
————-
#جنينــة_المستشفى
( ملاگ تتكلم بتلفون )
،،
اوسامة :: ايواه !
ملاگ :: تقدر تجي.  !
اوسامة :: انتي وين ؟ فوق !
ملاگ :: لا ف جنينة 💔
اوسامة :: باه تمام نقول لولاد ونجيك ،،
—-
اوسامة :: تو نجي ( وقام دخانه ومفاتيحه من ع طاوله )
يونس :: وين ؟
اوسامة :: شويه بس عندي تلفون وبندخن ونجي
يونس :: باه انت قاعد اليوم ؟
اوسامة :: اي ،، روح انت ب غيدة و امي خلي يرتبو امورهم وتعالو غدوا
يونس :: تمام ،،
احمد :: ( وقف )
يونس :: وين انت تاااني ؟
احمد :: ( يتكلم وماشي ) بنشوف روبين ♥️
اوسامة :: ( طلع )
يونس :: ي قعادگ انت تهش ف ذبان 🤦🏻‍♂️
( رن تلفونه ______ شافه لقاه الاء )
يونس :: الو ! ♥️
الاء :: انتم ف المستشفى قاعدين 🙄!
يونس :: وعليكم سلام ورحمة الله 🤦🏻‍♂️ حالي باهي اي
الاء :: اه ! هههه اسفه بس كنت نبي نكلم روبين نطمن عليها وماحدش رد عليا الا انت 😅
يونس :: ياريتني انا لمريض
الاء :: بعييييد سووو العفو 😒
يونس :: باش تطمني عليا ♥️
الاء :: يااااسر بلا خفة دم بايخه بعيد سوو فال الله ولا فالك 🤦🏼‍♀️♥️
يونس :: ايح هذا كله خوف ! 😍
الاء :: ( سكتت ) ،،،، غير وين روبين
يونس :: هيا فوق وانا لوطا ،،،
الاء :: وانت شن ادير لوطااا ؟ 🙄
يونس :: لاهي مع المُمرضاات 😅🤣
الاء :: هاهاها ،، خففففة 😒
يونس :: مانبصرش ،، بنضرب ع ممرضه من هنا باش يووومين ونخطبها 😉
الاء :: يونس 😒
يونس :: باه خلاص اسف ،، معاش تغاري 💛
الاء :: اناااا ؟؟؟ وعلاش بنغار 😒
يونس :: تحبيني ♥️
الاء :: ( سكتت )
يونس :: نكلم فيك ،،
الاء :: ( ساكته )
يونس :: بنصكر راه 😒
الاء :: امم ! (هنا ،،، هنا كانت نُقطة بدايتي ، بداية تركيز يونس عليا ،، بداية انه يشوف البنت المولوعه بيه من صغرها ♥️ بداية القلب انه ينبض ،، بداية لي كُل نهاية حزينه ،، بداية روح و خوف و قصة ،، بس ماعرفتش نرد ،،، ماعرفتش نحدد موقفه ، يبصر ! ،، يتكلم بجديات ؟ ، يسأل ؟ ،، ولا فعلاً ،، لاحظ وجودي ♥️)
—-
( بعد سكوت دام دقائق )
يونس :: نكلم فيك !
الاء :: ( ب رجفة ف صوت ) معاك
يونس :: سألتك ولا ؟
الاء :: ع شنو ؟
يونس :: تحبيني ! ♥️
الاء :: ( سكتت )
يونس :: ايح عاااد،، بنصكر راه
الاء :: ( ساكته )
يونس :: الاء ♥️
الاء :: نعم !
يونس :: نحبك ♥️
الاء :: ( صكرت تلفون وحدفته ع طول ايدي وجيت واقفه ع سرير ) لااااا 😳😳😳 لا نحلم ( نقزت وجيت قدام لمرايا ) ففففيقي ي فرخه 😱 ت شن،، ش ،،، شن،، ن ، نح ،، نحبك😨 ،، يااااربي علاش مااااعنديش اخت ،، علاش ماااافيش ياربي ، بس شن دخل الاخت توا ؟ 🙄 ( خطت راسي ) التسبت وووووه 😳 ( لبست جاكيتي وطلعت نجري مشيت لي حوش خالي مصطفى )
—————
#جنينة_المستشفى.
،
اوسامة :: ياروحي خلاص معاش تبكي ♥️
ملاگ :: تقطع القلب ، والله ماعارفه شن ندير باش نشوف هالبنت تضحك و ماتدرفش ولا دمعه💔😭
اوسامة :: ( يشبحلها )
ملاگ :: قوولي انت اوسامة ،، كيف نقدر نساعدها باه ؟؟ ، مزال المدرسة بتبداء ، والمسكينه مش ح تتحمل اسئلة البنات وانتي علاش عشتي برا ؟ باه علاش ماجيتيش لي اختك ؟ باه علاش وعلاش وعلاش ياااااربي صبرها يارب 💔💔💔😭
اوسامة :: ( حضنها ) فداه روحي الي عطاني وحده زيك ♥️♥️ ،، صدقيني هالبنت طالما عايشه ف عيلة زي هذي وجنب شخص زيك عيني مش ح تدرف دمعه وح تقوه مع الوقت وتعيش حياتها انتي بس ارفعي ايديك وقولي يارب ♥️
ملاگ :: كيف متحمله تعيش وهيا تفقد ع كل مره شخص غالي عليها ، امها وبعدين بوها ،، ( شبحت لي اوسامة وشديت في ايده ) مش ح تخليني صح ؟؟ مش ح نكون قوية زي روبين مش ح نعيش جبل ح ننهد لو خسرتك يوم 💔😭
اوسامة :: ( يهز ب راسي ينفي )
ملاگ :: اسفه ، اسفه ع كل شي ، اسفه مش ح نزعل منك تاني. ان ،، انت ،، انت بس مانخلينيش ،، مش ح. نتحمل 💔💔😭
اوسامة :: ( حضنها) ورحمة الغالين تحت تراب مانوخر لحظة ♥️♥️ ،، نحبك ياغبية ،،
ملاگ :: ( حضنته ونبكي )
————-
( فِ دار روبين ؛ )
،،
احمد :: ماتعانديش ،، خلاااص انزلي مع امي وتعالي غدوا 😒
غيدة :: مش ح نخلللي اختي يعني مش ح نخللي اختي 😠
احمد :: ( بصوت عالي شويه ) غييييده 😠
احلام :: ااااااش ،، شن هذا ؟؟ مارقدت الا بستين حكمه عاد 😒 اركح منك ليها 😠
احمد :: ( شبح لي روبين بعدين شبح لي غيدة ) انزلي 😠
احلام :: خلاص غيدة بلا عناد بتروحي اختك مع ملاك وشباب قاعدين ،، غدوا طالعه هيا،، انا اول وحده لو شايفه انها مش تمام مانرقدش لحظة بعيده عليها ،، يالله امس كله نومتك معوجه ارقدي اليوم جنبي ونجوها بكري ♥️
———————
( ف حوش الخـال مُصطفى )
،،
اسماء :: بتتكلمي ولا نحدفك ب المزهرية توااا ، خير جدك نفسك هارب 😑
الاء :: قالي نحبك 😳
اسماء :: ( سكتت شويه وبعدين ) هههههههههههههههههههههههههههههههه
الاء :: ( شبحتلها وركزت انه بلطت كلمة احرف من راسي )
اسماء :: شن مرض وصاااب العيله هوا ولا كيف 😅
الاء :: ( تحشمت وسكتت ) 😣💔
اسماء :: ومن تعيس الحظ افندي 😂
الاء :: your brother 😅
اسماء :: ( بأستغراب ؛ ) يعني اي ! 😳
الاء :: يعني عمك 😒 ،،، مش ناااقصه تخلف عقاب ليل هيااااا 😠
اسماء :: يووووووونس 😳😳♥️
الاء :: اااااش ،، ايوه ايوه نوضي عيطي ف نص المملكه وخلي الحراس يجووو يعلقو مشنقتي 🤦🏼‍♀️🤦🏼‍♀️
اسماء :: يعني انتي بتولي كنتنا 😍😍😍 حييي ع ام جووو 😍😍😍
الاء :: اسماء 😳
اسماء :: شنو ؟
الاء :: ( حطيت ايدي ع خدها ) ياروحي انتي ، غدوا لازم تمشي تعايني ع عيونك ،، لانه الباين سمعك ضعيف
اسماء :: كيف عيوني وسمعي ضعيف 🙄
الاء :: ( خبطها ع راسها ) مدددام حضرت جنابك تسمعي باااهي ، معناها اكيد سمعتي انه انا قلت قال نحبك مش تزوجيني باش نولي كنتكم 😠😠
اسماء :: مبرررد فيتك 😒
الاء :: Yes , I now merci 😄
اسماء :: باه انتي شن رديتي 😍
الاء :: هيييييييي موببااااايلي 😳😳😳😨😨😱😱
اسماء :: خيييره 😱
الاء :: كسرته 🤦🏼‍♀️
اسماء :: نعم ؟ ،، كسرتيه!! 😅
الاء :: ( بي لطافة ) اي ،، ماه انا لما قالي نحبك ردة الفعل كانت حدفت الموبايل 😅
اسماء :: ها ! 😨
————————
( تـاني يوم ،، ٧:٠٠م )
( كُل العيلة مجتمعه عند حوش الجد ، وروبين كانت راقده بينهم ومتغطيه والكُل يروف عليها ♥️ ، فرحانين برجعتها وغيدة كانت حاضنتها وجنبها توري فيها ف حاجات ع تلفون ♥️ ،، سعاد كانت لاهيه مع سند وانس ولاد خوها تقري فيهم دروس جامع ف تركينه ،، سالمه كانت تهدرز هيا و احلام و ملاگ ع مواضيع صيانه الاستراحة متع العيله ،، اسماء و الاء كانوو يهدرزو ع موضوع يونس وتحاول اسماء تفهم من الاء مشاعرها ♥️ ،الاء طوول اليوم تتهرب من يونس ويونس بيهبل يبي يحصل عليها باش يكلمها، اوسامة مشي لي صحراء من صبح ويهدرز مع ملاك مسجات ♥️ احمد واقف برا مع شباب وباله عن روبين وبيهبل يبي يكلمها♥️ ، )
——
بعد عدة آيام 💓
( طالعة الاء من حوشهم وماشيه لي حوش جدها لقت يونس و ايمن طالعين من الباب رجعت تجري ع اساس انه قبل مايشوفوها،، اول ما حسيت انهم بعدو مشت وهيا راكبة من دروج ،،،،
—-
يونس :: ( شدها من ايدها ؛ )
الاء :: هييي 😱
يونس :: اشش ، تعالي نبيك ( رفعها لي وراء الحوش )
الاء :: يونس ،، حنينه تستنى فيااا تبي نعطي(قص عليها )
يونس :: لوووو حناك تراجي فيك اليوم انااا ليا ايامااات 😠 ،،، وين تلفونك؟
الاء :: كسرته 🤦🏼‍♀️
يونس :: نعم ؟؟؟
الاء :: تكسر 🙄
يونس :: وهذا من امتى ان شاء الله ؟
الاء :: ( صكرت شواربي ع بعض بخوف ، ونزلت راسي )
يونس :: من يوم المستشفى ؟
الاء :: ( هزيت بي معنى نعم) 😭
يونس :: ( حط صبعه ع راسي ) هنا شن في ؟؟
الاء :: ( شبحتله ) عقل 🙄
يونس :: اي العقل شن في ؟؟؟ 😒 ولا فاضي
الاء :: انت فيه 😣
يونس :: ( سكت )
الاء :: اااي ،، من يوم المستشفى ماطلعتش منه ،، كل كلمة نفسر فيها،،، كل شوي يخطر حااااجة ،، افكااار وافكاااار ،،، يعني هكي؟؟ فجأة ؟؟؟ باه زعما يبصر ؟ باه لا ؟ باه حق ؟؟؟ باه شنوو ؟ ،، ااااسئله وااااسئله تفجرر. رااسي💔😭😭😭
( تبكي ببرائة طفل أحب شيئا ً وقد حصل عليه اخيراً 💓🌸 )
يونس :: هذا كله ف راسگ وماتجيش تكلميني ؟؟؟
الاء :: مااااعرفتش كيف ،، ومافهمتش كيف نبداء ،،، انت تحسابها ساهله زيكم تقدرو تقولوها لي اي وحده تشوفوووها قدامكم 😭💔
( اسلوبها زي زززفت 🤦🏼‍♀️🤦🏼‍♀️ مش بي ايدها تنعدم رومانسيه 😂)
يونس :: ( مُبتسم ) انا ماقلتهاش لي اي وحده ، انا قلتها ليك  ♥️،،، لانه حسيتها،،، نبيك ،، الاء نبيك فاهمه ولااا لا ؟؟؟ انا نبيك انتي نحبك ♥️♥️ و عز جلال الله لا نحبك ي بنت الهبله ♥️😂
الاء :: اااامي مش هبله انت الاهبل 😭💔
يونس :: تعالي تعالي ( حضنها ) اقسم بالله مصيبتي الحلوه انتي ♥️♥️ نحبك
الاء :: انا لا 💔
يونس :: رااضي تقعدي هكي انا مانبيكش تحبيني ♥️
الاء :: ( حضناته بقوة الحدث ؛ )
يونس :: اااه واخيراً، ♥️
الاء :: ( أطالت صمت قليلاً ثم ). يونس !
يونس :: عيونه ♥️
الاء :: نحبك
يونس :: ههه نعرف ♥️♥️
————————————-
( فِ الجامعـة )
،،
سميرة :: مش ولد عمتك هنا ؟ ، بري حرشيه ، درهلي كبدي هذا راه 😒
اسماء :: قصدك محمد ؟
سميرة :: اي بري كلميه تو يتفاهم معاه 🤦🏼‍♀️
( هنا كان ف واحد بليد مش مخليني ف حالي انا وصاحبتي سميره ، وين مانمشي وراي وكلامه زي وجهه ويبي مني رقمي بسيف ، نوضت من ع طاوله ومشيت لي محمد الداخل ولقيته واقف ف الممر مع ولاد،،، اشرت بي ايدي شافني ، وماجاش ؟ ، اشرت تاني ،، شافني ،. وبرضو ماجاش ! ،،كيف بنرفع ايدي تاني بنأشر لقيته جااي ف اتجاهي )
—-
محمد :: شن قتلك انا؟؟؟ مش قتلك ردي بالك تكلميني قدام صحابي
اسماء :: ان(قص عليها )
محمد :: بري توا وهذي اخر مره معاش نبيك تجي وتوقفي قدام صحابي وتكلميني
اسماء :: انا بس كنت نبي نكلمك ع شخص ال(قص عليها)
محمد :: شن دخلني فيك انا ،، بري حلي مواضيعك بروحك ماتكلميني ع حد
(فض ،،، هذا كان اسلوب محمد مع اسماء ،، فض 🤚 صد ، و اهانه 🤚 ، ماسمعش حرف منها ،، وصدها فوراً،، بس مافيش شي يقعد زي ماهوا ، كله يرجع ويندم صاحبه ،، 🤚)
( مشت اسماء وخدت شنطتها من جنب صاحبتها وكذبت عليها ب انه محمد قاللها روحي ،، سلمت عليها سميره وتفاهمو يتكلمو بعدين ،، طلعت اسماء للبركيدجو وذاك شاب سخيف كان يراجي فيها ب سيارة ، قعد واقف فترة يحاول يكلمها ويستفز فيها ب اسلوب زفت ، ولما اسماء ماعطتاش وجه وقدمت باش تمشي لي سيارتها دعس بنزينه وخبطها ع رجليها ) 💔
——————————
////
( فِ غير مكان وغير جوو )
( حُوش رويـدة 💓) ( بيت الازهار اللطيفة 🌸)
،،
(مِن ايام بس نسيت كل شي ، نسيت مُكالمته ولفظ اسم غير اسمي ، خلاص تعصبت ف لحظتها ؟ بس ماتغيرتش نظرتي اتجاه رحمة گعائق ، حاول احمد الايام الماضيه انه يكلمني بس انا كنت ديما جنب حنينه وراقده من تعب ،، اما ف عقلي نسي كُل شي ومش متفكر الا فتحت عيوني ع صورته ف المستشفى ♥️)
،،
روبين ::( فتحت الباب ) ،، احمد 😍 ( بي ابتسامة عريض ونُطق اسمه استقبلت مجيـئه ) ♥️
احمد :: فداگ ♥️ ،،
روبين :: ( لم تختفي الابتسامة بلـ اصبحت عريضه ) 😍
احمد :: ( لاحظت كمية الغباء الي كنت فيها ) احم 😪 ،، انا جيت بنعطيك هذا 📱
روبين :: هييي 😍😍 تلفووون 😍🙈 واخيراً ،
احمد :: ( ماقدرتش نمنع روحي ومانبتسمش بعد شوفت ضحكتها 😍)
روبين :: شكراااً💓
احمد :: ( نفيـق بين اللحظة وتانيه ) ،، امي جباته بس انا قلت نعطيهولك ،،
روبين :: علاش هيا وين ؟؟ ( سؤال كان بسيط )
احمد :: قاعده ، لكن انا استحشت نشوفك ♥️ ( والاجابه كانت الطف ♥️)
روبين :: ( سرحت ! ،،، سرحت في عيونه ، وخدتني لي عالم تاني ،، نتمنى نكون عايشه فيه ♥️)
احمد :: ( سرحت ! ، سرحت فيها ، وتمنيت توقف دنيا لحظة ة والوقت مايجريش ) ♥️
روبين :: احم ! ،، ( وكأنه كنت نفيـق بين اللحظة وتانيه 💓)
💓( لاتقلقي عزيزتي ف گلاكما لديكُم شعور المُتبادل ) 💓
احمد :: هي ماشي، تبي حاجة ؟
روبين :: سلامتك ♥️
احمد :: ( ابتسمت لي عيونها ♥️ والف روح فداه لمعتهم ،، ومشيت ) ♥️
روبين :: ( صكرت الباب وخشيت نجري لي غيدة بنوريها تلفون ) 
—————————-
( فِ مُستشفى ،، )
،،
محمد :: ( مقعمز قدام غرفة اسماء )
مهاب :: ( يكلم ف سميره بعيد شويه ومحمد كان يسمع فيهم ) كيف صار هكي ؟؟
سميرة :: هذا واحد حيوان ،، ليه يومين شادها ف جرة اسماء يضايق فيها واسلوبه مش حلو بكل 😒 ،، لما حكت لي محمد وقاللها روحي مشت لل(قص عليها محمد )
محمد :: ( ناض وجي جنبها) ،، شن قلتي ؟؟؟
سميرة :: ( شبحتله متفاجأة )
محمد :: قلتلها روحي ؟؟
سميرة ::اي ،، لما قلتلها تمشي وتحكيلك باش تشوفلك صرفه معاه ، جتني قاتلي قالي روحي وتو نحل الموضوع وطلعت للبركيدجو وصار الي صار ،،
محمد :: وحده وحده واحكيلي من الاول من هذا وشن يكون وشن يبي من اسماء 😠💔
(حكت سميرة لي محمد كل شي ،،، طلع محمد هوا ومهاب متحلف في الولد و وصى سميرة تروح بي اسماء لانه الحمد لله ضرر كان بسيط شوية دمدمات ع رجلها )
( ومشي محمد لي #وليد صاحب شخصيه جديدة لي روايتنا ،، وتكلف ف الامر واصبح وليد راابش 🤚😂،، وروح محمد للحوش )
—————————
( ١٢:٠٠م )
،،،
( وراء حوش الجِد )
( مُلتقى العُشاق )
،،
محمد :: كيف حال رجلك توا ؟
اسماء :: يعني ناديتني ع خاطر هكي ؟
محمد :: سألوك عيلتك !
اسماء :: انت مادخلكش
محمد :: شن قلتيلهم؟
اسماء :: ماليكش علاقه
محمد :: انا اسف 💔
( الحديث بينهم كان عبارة عن سرعة ف ردود وقلوب تحمل الكتير ،،💓)
،،
اسماء :: ،،،،،،،
#يتبع
#سلمى