روبين 💕(منقوله )

3

#روبين 💓

الحلقة(٣) ،،،
_____________

٧:٠٠م
،،
( فِ حوش جد 👴🏻 ، الكبـار ف صالون يهدرزو ، والبنـات ف دار )
( فِ دار )
غيدة :: ( فتحت الباب وخشت ) ، اوو نسرينه ، بايته عندنا امالا اليوم 😅😒
نسرين :: هههـ مبردك 😅 ، لا نراجي ف عبدالمهيمن يجي يروح بيا لانه الوقت تأخر 😌
غيدة :: ( سمعت الاسم عيونها قلوب قلوب ) 😍
ملاگ :: ( شـاده فونـها وسرحانـه فيه ) 😣📲
أسماء :: ( وهيا شاده فونها ) ياابنات 😳 الحقوو
البنات :: ( شبحولـها )
غيدة :: ( نقزت جنبها طول وحشت راسها ف تلفون ) ،،، لااا 😲
الاء :: خيركم ؟؟ ( ومشت جنبهم )
اسماء :: رحمة منزله انها انخطبت 😑
الاء :: ترا ،،،،، حيي تبصرو 😯
اسماء :: هااا ،، اقسم بالله ، اهيا فضانيتها 🤦🏼‍♀️
غيدة :: عليك فالطه 🤭
روبين :: من رحمة !؟ 😅
اسماء :: ( قامت راسها لي روبين ) بنت جيرانه
روبين :: باه كانه انخطبت ! خيركم انخلعتو 😅
غيدة :: ي ستي هذي جوليت شارع 😎 ، هه تتفكرو ي بنات لما كنا نهربولها ف الهدايه والمسجات 🤦🏼‍♀️💔😂
اسماء :: ايامات البيبسي ههههههـ نشوبو فيه قبل مايوصل ، بنمشي نعترفلها وهدية عرسها ستيكه ان شاء الله 🤦🏼‍♀️😂
الاء :: عليك زمان اغبر ههههه ، حرام لازم نعترفو حتى لحميده 😂
نسرين :: من حميده ! احكولنا خلي نضحكو معاكم ! 😅
روبين :: ( كنت مستمعه جيده )
غيدة :: هذي حب احمد الموقر 😂
نسرين :: تبصري 😳
روبين :: ( لا احد يسألنـي عن شعوري ف ذاگ الحين ف تعبيري عنه گانه ،، الهروب )
غيدة :: اقسم بالله ،،، زعما احمد سمع 😯🤦🏼‍♀️
اسماء :: اكيد ياحبي حتى هيا الغاليه 😒
الاء :: مصح وجهه وكان تقوله ،، مبيخها 🤦🏼‍♀️
روبين :: هيا تصبحو ع خير انا بنروح نرقد 💔( ونضت انسحبت بدون اي تردد )
غيدة :: مزال الوقت روبينه خيرك من توا ؟ 😓
الاء :: لالا بري ارقدي روبينه بالك ترجعي تتعبي لاسمح الله 💔
اسماء :: بري بري ،، ( شبحت ل غيده ) تو تلحقيها انتي خليها ترتاح 💛
روبين :: ( فتحت الباب وطلعت من الخلف لي حوشنا باش مايشوفونيش خالاتي ) 💔
————-
ملاگ :: ( ناضت طلعت لي جنان الخلفي )
——-
( قدام حوش رويــده )
روبين :: ( كنت راكبـه من دروج )
أحمد :: روبين !
روبين :: ( تلفتت لقيته كيف نازل من سيارته وجاي ناحيتي ،، نزلت درجتين ) 💔
أحمد :: ( حطيت ايديا ف جيوبي وجو گان بارد بُكل ☔️ ، ومشيت وقفت قدامها )
روبين :: ( نشبحـله بي غير نظرة وغير شعور 💔)
أحمد :: شن بترقدي ؟
روبين :: اي
احمد :: بتتعودي ع نظام المدرسه من توا ولا شن ! هه😅
روبين :: لا
احمد :: خيرك ؟
روبين :: شي
احمد :: تعبانه ؟ ،،، رجعتي مرضتي 💔 ؟
روبين :: لا 💔😓
احمد :: ( سكت وقعدت نشبحلها ، حسيت ب عيونها يتهربو مني مش زي العاده ) 😕💔
روبين :: ( شعــوره ف وقتها گان مُعبر من نظرة عينه ، أنسحبت وكنت بنمشي ، حسيت بي أيد باردة من جو اول مامسكت ايدي حسيتها دافيه ♥️ شبحتله )
أحمد :: ( بدون وعي لقيت روحي شاد ايدها ومانبيهاش تمشي ، قـدمت خطوات وسألتها وانا مركز ف عيونها ) شن في ! ♥️
روبين :: ( نزلت راسي و رديت بصوت واطي ) شي 💔
احمد :: ( مديت ايدي رفعتلـها رأسها ) اشبحيلي وانتي تتكلمي ، نسألك ردي ،، شن في ! ♥️
روبين :: ( عيوني فيهم لمعة دمعه ، بس هالمره لي شي مُختلف انا نفسي مش فاهماته ) قتلگ شي 💔
احمد :: ( ملامـحي تغيرت واستغربت من دمعة عيونها ، وحسيت بي شي ماحسيتاش من ثلاثه سنين ) خيرك تبكي ! 💔
روبين :: ( ساكته )
احمد :: روبين ،، صارت حاجة وانا مش موجود ؟؟؟ تكلمي 💔
روبين :: ( نزلت راسي نبكي ) ياريت ماما هنا ، كتفها ح يكون ملجأي ف لحظة زي هذي كنت بكيت عليه وانت مرتاحه 💔😭
احمد :: بديتي تخوفي فيا عليك 💔
روبين :: مضايقه ، مانعرفش من شني ، بس نبي نبكي 💔😭
احمد :: ( شبحت لي جيهة تانيه متهرب من عيونها خوف من دمعتي تنزل 💔 ،، وبعدين شبحتلها لقيت روحي شادها من ايدها ورافعها معاي جيهة الحوض ) تعالي معاي ♥️
——————-
( ف جنان الخلـفي )
اوسامة :: انتي عندك علم انه ليااا ساعه مااد وجهي هنا وانتي ماتكلمتيش حرررف واحد 😒
ملاگ :: ( شبحتله وقاعده ساكته )
اوسامة :: بالله عليك فوتيني ( وكان بيمشي )
ملاگ :: ( شديته من ايده ) استنى 😓 ، ماتمشيش 😣
اوسامة :: ( جي قعمز تحت رجليا ) ملاك ! انا ليا ساعه هنا ،، تكلمي باه شن في ! 😒
ملاگ :: ( سكتت تاني )
اوسامة :: ملااااك 😠 ،، لو كلامي الي قلته امس ضايقك وجاب شي تاااافهه زي هذا يخش بناتنا ، حتى گـ بنت عيلتي مش قادر نتعامل معاااك ، ف ربي يلعني لانه قلتهولك ،، الله يلع( قصـيت عليه )
ملاگ :: لالا مش هكي 😔💔
اوسامة :: امالا شنوو !
ملاگ :: ( بِ كُل هدوء ) فِ مصيبه 😣
اوسامة :: ( بنفس الهدوء الي هيا فيه ) شن هيا ! 😯
ملاگ :: ( قدمت وجهها بطريقـة كيوت ولطافتها كانت محل حضورها 💛) انه انــا نحس بنفس احساسك اتجاهي ،، اتجاهك 🤦🏼‍♀️♥️
اوسامة :: ( بطريقة لطيفة ومحاول يقلدها بي ملامح مضحكة ورفعت حاجبيه ) لااا! 😯
ملاگ :: ( غمضت عيونها وهزت راسها بمعنى اي ) والله 🤦🏼‍♀️
اوسامة :: والله انتي الا مصيبه 😒
ملاگ :: وعلااش 😒
اوسامة :: ف حد يعترف لي شخص بمشاعره هكي ، رعشتيني الله يرعشك 🤦🏻‍♂️
ملاگ :: دووورت ومالقيتش 😒
اوسامة :: هههههـ مش مشكله ،،، ( شدها من ايديها و وقفها قدامه ) تو انا نعلمك ♥️
ملاگ :: ( گ البلهاء بحركاتها طفوليه ) ها ! 😳♥️
اوسامة :: اولا ً ، شخص يشد ايد الي يحبها هكي ( وشد ايدها ) ♥️ ،، ويخلي عينه ف عيونها 😍 ، ويقوللها بكُل رومانسيه وهدوء ،،، نحبِك ♥️
ملاگ :: ( تشبح ل عيونه ♥️)
اوسامة :: ( مبتسم وسرحان فيها ♥️)
ملاگ :: ( بصوت هادي وكيوت ) مش قادرة نتنفس ♥️😣
اوسامة :: ههه مش مهم ، ف الحب نفس يهرب عادي هه♥️
ملاگ :: نبي نروح 😭💔
اوسامة :: ههه لا مش بكيفك تجيبيني امتى ماتبي وتمشي امتى ماتبي ،،، انا قاعد ماكتفيتش منك اولاًوتانياً ماسمعتش الكلمه الي نبيها 😍♥️😌
ملاگ :: ولي هيا ؟
اوسامة :: نحبك ♥️
ملاگ :: ( نزلت راسها ع كتفه بطريقه مضحكه ) نبي نروووووح 💔😭
اوسامة :: هههههههـ لا ♥️😂
——————
( احمد & روبين )
،
احمد :: عارف انه امگ مش موجوده ، ومش ح تقدري تبكي ع كتفها ومش ح تقدري تتخطي مرحلة ضيقك وخوفك ، بس لو تقدري تكسري القاعده ( وخرت ورفعتلها ايديه ) ف كِــتْفِي موجود ♥️♥️
روبين :: ( لي المره الاف نشوف دمعته ف عينه ونشوف ف كسرته ع خاطري ونشوف ف خوفه عليا ، بس صدقني مش بأيدي مانعرفش علاش غيرت عليك ولا علاش وجود وحده زي رحمة حسيته عائق ، حسيت للحظه انه نبيك تكون ليا ، مِلكِي وخاصتـي♥️،، بدون تردد مشيت الخطوتين وحضنته )
احمد :: ( سمعت خوفها ف نبرتها وهيا تبكي ، حسيت بيه ف شدة ايدها وقوته ف حضني ، سمعت دقات قلبها ، حضنتها ♥️ بكُل قوتي احتويتها ب روحي ♥️ لي تاني مره ي روبين لي تاني مره تخلي فيا نحس بشعور مختلف وانا معاك وانا جنبك ، وقت طويل حاولت نفسره وماعرفتش ، علاش انتي ! علاش انتي كسرتي ضهري ب دمعتك ، وعلاش انا ممكن نتغير وندير حاجات مجنونه ع خاطرك ، علاش خوفي عليك اكبر من خوفي ع روحي ، ♥️ )
—-
{ لَمَا بِتْغِيب عَنْ وعيگْ وتعمُل شياء مش طبعَگْ♥️ لمَا ماتقدر تِفْهَم يعني #بِتْحِبْ ♥️}
____
{ بَعْد مُرور #شَهـر } 🗻
،،
( ف حوشنـا )
غيدة :: { فتحت البـاب وخشت } روبينه 💛
روبين :: ( رفعت رأسي من ع الاب وشبحتلها )
غيدة :: ( قعمزت قدامها ع سرير ) شن اديري ! 😅
روبين :: كُنت نكلم ف اسيل 😔💔
غيدة :: هذي مرت بوك !
روبين :: اي ،،، كيف عرفتي !
غيدة :: ماعلينا مش موضوعنا ،،، بتمشي معنا للعرس ولا !
روبين :: عرس منو !
غيدة :: مش امس جت جارتنا تعزم ع عرس بنتها ، رحمة الي حكيتلك عليها ،،
روبين :: اه 💔
غيدة :: تزوجت بسرعه ماشاء الله بتسافر ي كبدي منهو زيها 😭💔
روبين :: ههه سفر مش حلو راه
غيدة :: احكيلي 😍 ،، ( شدتلي ايدي ) احكيلي ع البلاد الي كُنتي عايشه فيها وجوو غادي ♥️♥️
روبين :: ( رتبت تقعميزتي وشبحتلها ) شوفي ، المكان بارد ، جاف ، ومافيش حد يحب حد ، كل حد همه نفسه ، مافيش لمة عيله ، مافيش صديق ممكن تقدري تحطي احمالك عليه.  مافيش حد يوقف جنبك ، لازم انتي تتحملي كل شي وتهتمي ب كل شي 💔 بلاد سوداء ومش حلوه بكل ،، وعيشتي فيها كانت كابوس دام سنين ي غيدة
غيدة :: ( دمعت ، وقربت حضنتني ) اسفه ماكـانش قصدي ،، خلاص مانبيش نعرف 💔😭
روبين :: انسي ،،، ولا يهمك معاش تتأسفي ♥️
غيدة :: باه شنو قلتي ؟ ،، ( تمسح ف دموعها ) بتمشي ولا !
روبين :: انتي !
غيدة :: اي اكيد كلهم ماشين ، امس جارتنا قالت ل خويله احلام مش ضروري يكبر شرك وخلي نرجعو احباب زي الاول ،، عندها الحق موضوع وفات عليه سنين ،، 😅
روبين :: هوا شن صار انا مش فاهمه كل شي ! 💔
غيدة :: احمد و رحمة كانو يحبو بعض من ايام دراسه لي جمعة لي تخرج ، اول بدايتها ف الخدمه وصلاته دوه انها تخون فيه مع صديقها ف شركه يعني تكلم فيه وهكي ، ف الاول احمد ماصدقش ، بعدين مشالها يوم بصدفه وشافهم مع بعض ولما كلمها مانكرتش . هكي سيبها ، وتغير بعدها وبدي هلبا عصبي 🤦🏼‍♀️😅
روبين :: حرام ماستاهلش 💔😣
غيدة :: اي والله ، حسيته قاعد متأثر بيها توا خالتي كانت تبيه يمشي معنا لانه رحمة مداير عشي رجاله ف صاله الي ف جنب صالتها ، ماباش يمشي 😏
روبين :: قصدك قاعد يحبها ! 💔
غيدة :: ( وقفت ) ي بنتي شن نبوو فيه حني يحبها ولا لا ،، انا بنمشي ندير دوووش وانتي نوضي ديري دوش حتى انتي باش لوكه تجي تجهزنا ميك اب ارتست 🙈♥️😍😂
روبين :: ( سكتت ، طُلعت غيدة ومشت لي دارها ، سمعت صوت المياه ، نزلت طول لبست ومشيت لي حوش حنينه ،، كنت نبي نلجأ لي اميمه نبي نحط رأسي ع كتفها ونرتاح من همومي وتفكيري زايد بشي مضايقني نفسياً )
———————-
( ف حُـوش الخـال فتحي )
،،
{ فِ دار مَلاگ }
{ مقعمزه ع سرير وتتكلم بتلفون }
،،
اوسامة :: ملاگ ماتهبلينيش وانزلي نبيك 😠
ملاگ :: مش نازلـه 😏
اوسامة :: ي بنتي شيبتي راااسي حرام عليك انزلي خلي نتكلمو 😣
ملاگ :: مش نازله ي اوسامة يعني مش نازله ومعاش تتصل بيا ، خليك مع ريحانه خااانم تو تنفعك 😔💔
اوسامة :: تي ريحاااانه من ي مريضه انتي ،،، انزلي توا والا اقسم بالله عليا العظيم نركبلك 😠
ملاگ :: مريضة !! 😳
اوسامة :: انا قلت هلبا كلام بعدها راه ! ولا سمعك وقف غادي 🤦🏻‍♂️
ملاگ :: ( سكتت ؛ )
اوسامة :: ملاگ الي انتي سمعتيه غلط ، خليني نوضحلك بس ،،
ملاگ :: شن هوا الي غلط ، وشن تبي توضح !! انك ماتكلمش فيها اوسامة ؟؟ وف بالك ح نصدقك 😭💔
اوسامة :: ( سكت شويه وصكر تلفون )
———————
( فِ حوش الجد 👴🏻 )
فوزيه :: ( مقعمزه ماده رجليها و انا راقده ف حجرها ) شنو بنتي خيرك ! ،، مريضه قاعده ؟ 💔
روبين :: لالا حنينه نبي نرقد ع رجليك شويه 💔
فوزيه :: ( تلعبلي ب شعري )  امگ كان عندها شعر كيف شعرك بضبط 💔 ، قداش ماكنت نحبه ونحب نسلتهولها ،،
روبين :: ( قعمزت وشبحتلها ) احكيلي ع ماما 💔
فوزيه :: اميمتك هه ، شن بنحكيلك عليها وانتي نسخه منها ف كل شي ، ضحكتك وتصرفاتك ، وشخصيتك وعيونك وشعرك وكل شي فيك رويده الله يرحمها 💔😭
روبين :: ( حضنت حنينه وانا نبكي ) الله يرحمها ، ياريتها قاعده خاطـري نحضنها ي حنينه 💔😭
فوزيه :: ي روح حنينه انتي 💔😭
احمد :: سلا( شفت حناي حاضنه روبين وخرت ولفيت وجهي التالي ) احم احم 🤦🏻‍♂️💔😅
فوزيه :: ( شبحت لي احمد ، عطتني وشاحي كان جنبها حطيته ع راسي ) تلفت ولدي 😅💔
احمد :: ( شبحتلهم وكيف كنت بنتسهوك لقيت روبين تمسح ف دموعها هيا وحناي ) خيركم ! 😳
فوزيه :: شي شي ، تفكرنا رويده الله يرحمها 💔
روبين :: ( جيت واقفه ) حنينه انا بنمشي اكيد غيده ادور فيا توا لانه ماقلتلهاش بنجيك 💔 ( وطلعت )
احمد :: ( شبحتلها ونبي نمشي وراها ومعاش عرفت شن نقول وماطلع معاي الا الكذبه هاذي ؛ ) حناي ندير تلفون ونجييييك خمسه بس 😅😅 ( وطلعت وراها )
فوزيه :: لحقت تخش انت باش ادير تلفون ،، بالله خلي نوض ع عمري ندير قهيوه لي الحاج تو يقولي وينها ومانسلموش من لسانه 🤦🏼‍♀️💔
——————-
( قدام الباب )
احمد :: روبين ♥️
روبين :: ( شبحتله )
احمد :: ( علاش طلعت وراها علاش ناديتها مانعرفش ، قعدت نشبحلها ) ♥️
روبين :: علاش ماتبيش تمشي للعرس.  💔! ( قلتها بسرعة البرق وكأنه خايفه تهرب مني الحروف )
احمد :: ( استغربت من سؤالها ) ، عادي احنى اصلا رجاله مانمشوش يوم حفله ، نوصلوكم وبنروحو ، ف مافيش داعي نمشي 😕
روبين :: بس ف عشاء للرجاله وعازمينك 😔
احمد :: عندي خدمه
روبين :: ( سكتت لي لحظة ) ،،، قاعده ف بالك !
احمد :: ( نشبحلها وانا مصدوم من كلامها ومنين تعرف )
روبين :: مش قادر تشوفها تتزوج حد غيرك ؟
احمد :: لا طبعاً ،،، انتي من قالك ؟
روبين :: مش مهم ، سمعت وخلاص ،،،
احمد :: معناها الي سمعتيه غلط ، انا البنت ماتهمنيش ولا ف بالي ولا مش قادر ولا سوو ، اخر همي هيا مانفكرش فيها
( +عصبيه لي احمد 🤦🏼‍♀️ )
روبين :: معناها علاش ماتبيش تمشي ؟ 💔
احمد :: لانه عندي خدمه ،،
روبين :: لما تحب حد مستحيل تحب حد تاني ،، قصدتها بكلامك صح ؟؟ ( تفكرت كلامه هذاكا اليوم )
احمد :: ( بعصبيه ) شننن ؟ يعني انتي هذا الي فهمتيه ف وقتها ؟؟ قاصدها هيا ! 😠💔
روبين :: يعني لو مش قصدها ، علاش ماتبيش تمشي 😣
احمد :: هيا هكي لانه انا مانبيش نمشي عادي علاش ادققي ف المواضيع 😠
روبين :: صح ،،، المفروض ماندققش ،، اسفه انا اصلا مادخليش المفروض ماتكلمتش ،، اسفه ( ومشيت 💔)
احمد :: روبين ،، روووبين راجي نكلم فيك 💔 ، اوووف شن هاليوم ال**** من اوله
——————-
ساعه ٨:٠٠م
،،
غيدة :: ت علاش باه ؟ 😕
روبين :: قتلك مش حاسه انه تقدر نخش بين ناس ، مزال بكري ، ومانبيش حد يقعد يسأل بنت منو وحق بنت رويده وحق وعلاش ،،
غيده :: ماحد ح يسأل ياروحي والله ، وبعدين هكي ولا هكي بتخشي بين ناس ، جت ف اليوم ،، مش بكري قتلك 😕💔
ملاگ :: ( خشت هيا واحلام خالتي ) باهي الي خليتي الباب مفتوح كانه هذا راه تجمدت وانا نشرين عليكم ،،، ( لقتهم يشبحولها ) خيركم !
غيده :: روبين ماتبيش تمشي ،، قالت تحس ف روحها مزال مش ح تقدر تتعود ع اجواء ناس هنا 💔
احلام :: لالا ماما هيا نوضي اهو لوكا تجهزكم وتمشي الامور ان شاء الله هي ،، اصلا مانخليكش بروحك انا هنا ،، حتى وكانه احمد قاعد نقولو ، اوني غير رايه وقال بيمشي مافيش من يقعد معاك 🤚
روبين :: اي معناها نمشي 😍
غيدة وملاگ :: ( شبحولي )
احلام :: ايواه ،، هي نوضي بنتي وجهزو روحكم وكلموني باهي ،، هي مع سلامه توا ♥️( وطلعت ؛ )
غيدة :: ( بنظرة خبث ) اي ؟؟ شن غير رأيك حبيبتي ! 😒
ملاگ :: لا غدوده ، سؤال يكون ، علاش لما سمعتي ب احمد ماشي قلتي بنمشي 😎🤦🏼‍♀️
روبين :: اولاً مافيش حد بيقعد معاي وهذا علاش بنمشي كنت نحساب ف حد بيقعد انا 🙄 ،،، وبعدين خلاااص مش وقت ،، هيا خلي نبدو 😍
غيدة :: حسابك معاي بعدين روبينه باهي 😒
———— 
( بعد ساعه تامه من تجهيز وتحظير ، وغيدة وملاگ كانو يستنو فيه تحت وانا لبست وكملت وانزلتلهم 💛)
،،
ملاگ :: اهي نزلت ( شبحتلها ) ،، الله 😍
غيدة :: ( لسانها نعقد ف لحظـة وحده من جنال روبين و من شبه الكبير الي بينها ويين والدتها ) 😍💔
روبين :: ( وقفت ) شنو ! 😐💛
غيدة :: ماشاء الله الله يبارك طالعه تُحفه ♥️😍
ملاگ :: روبينه بجديات الميك اب غيرك هلباااا 😍😍 القفطان حتى هوا سبحان الله كيف جي مقاسك بضبط ♥️😍
( القفطـان ، القفطان كان لي ماما ايام شبابها ، فصلاته ع غيدة لما كبرت ، اما غيدة ف مالبستاش وخلاتـه وكانت واثقه انه انا ح تشوفني يوم ونلبسه ♥️♥️ )
غيدة :: ماغلطـش لما قلت انك شبه ماما وهلبا 😍
ملاگ :: ( رن تلفونها ) الو !
———-
احلام :: بنتي حني ماشين مع يونس ، واحمد خلينا معاه انس باش يجيبك انتي و روبين و غيدة باهي ♥️
ملاگ :: تمام خويلتي ،، احني واتين هوا برا !
احلام :: اي سيارات اكل طلعو ،، احني توا كيف طلعنا واحمد يراجي فيكم ♥️
ملاگ :: تمام ،، ف امان الله
——
غيدة :: شن قتلك ؟
ملاگ :: احنى احمد بيرفعنا و انس معاه برا يراجو فينا ♥️
غيدة :: ع اساس انس محرم يعني هههه😂
ملاگ :: خوي كبر ي فرخه ايواه ♥️😂😂
روبين :: ( تفركست وقعدت نشبح يميني ويساري ) حي نسيت عبايتي فوق 🤦🏼‍♀️ ،، انتم لابسين خلاص اطلعو نركب نجيب العبايه ونجي 💛
ملاگ :: باه ماتعطليش ،، هي غيدودوه 💛
غيدة :: نجي معاك ؟ ♥️
روبين :: ( وانا راكبه ) لا ياروحي ثواني بس ونجي ♥️
——-
{بعد مرور ١٠ دقائق ،،}
،،
احمد :: ( تبص من روشن سياره ) وينها ؟
ملاگ :: عطلت اي ،، غيدة وين حاطه انتي العبايه بالك ادور فيها.  !
غيدة :: حيييي اي ،، عبايتها مش فوق انا حددته وخليتها ع العلاق تحت 🤦🏼‍♀️ ،، تو نزل نقوللها
احمد :: لالا خليك تو تلصقي الداخل حتى انتي الداخل 😒 ( ومشي )
———
( مشيت ومش عارفه كيف بنقوللها انا اصلا وهيا ماعندهاش حتى تلفون ،،، وقفت ع الباب وقعدت نطق قلت تو ترد ونقوللها ، وانا نطق الباب نفتح لقيتـه كان مردود ،، ناديت )
،
احمد :: روبين ! ،،،، روبين !
روبين :: ( كنت فوق وقالبه دنيا ع العبايه ، بعدين تفكرت انه غيده قتلي انها بتحددها واكيد تحت ،، ونزلت )
احمد :: ( قدمت خطوات ونادي ،، لين شوفت ) ♥️
روبين :: ( شوفته)  😳
احمد :: ( لي اولـ مره نشوف بنت من غير حجاب وعيني تتجمد فيها ومانعرفش انزلها لمدة ١٠ ثواني ) ♥️
روبين :: ( نظرتـه والموقف ، قابلتـه بصدمه خلاني نوقف ومانعرفش نتحرك لا درجة القدام ولا درجة الخلف ) ♥️
احمد :: ( نزلت عيني ، وكنت ف حالـه مش عارف نفسرها ) اسف ♥️،، ( وهذا بس الي قدرت نقوله وطلعت )
————
( نزلت من دروج طول وقفت ف اخر درجة )
( الي شوفتـه كان شنو ! ،،، كانت آيه ف الجـمال 😍 سبحان الخالق 💛 ماعرفتش نشيل عيني ولا نتحرك خطوه ،، عيونها ♥️ قفطانها وطلتها اميرة اللهم بارك 💛♥️ ،، ف لحظة تمنيتها ،، تعرفو شن يعني تمنيتها ؟ يعني تكون ليـا ،، اميرتي ، وتكون خـاصتـي ♥️ صغيرتي ،، وبنتي ،، ونقوللها هلبا كلام ، نقوللها انها حلوة ♥️ وح تكون قمر ليله ♥️ ونقوللها انه نغار من كل انسانه تحط عينها عليك ، هذا شنو ؟ وانا بشن نحس ؟ شن درتي فيا روبين ! )
——-
( لبست بسرعه من توتر وطلعت وصكرت البـاب ونازله رجل ترفع ورجل تانيه مش حاسه بيها 😣 ،، وف اخر درجة تفركشت وحصل الكعب ف القفطان وكنت بنطيح مد ايده وشدني ♥️)
،،
روبين :: ( اولـ ماشدني رفعت عيني فيه ووقفت بسرعه بس ايده كانت قاعده شاده ايدي ) ♥️
احمد :: ( سرحت ف عيونها وتكلمت ب مشاعري طول ) عيونك ♥️ ،،، هلبه حلوين ♥️
روبين :: ( ماقدرتش ناخد نفسي وسحبت ايدي ومشيت طول للباب وطلعت برا باش نركب سياره ،ركبت )
——
غيدة :: ت شن واحد يجي وتاني يمشي 😒
روبين :: ( ساكته ) ♥️🤚♥️
ملاگ :: وين احمد عطلنا ؟ ،،،
غيدة :: اهو جي ،،
احمد :: ( ركبت سياره ،، اول مارفعت عيني ف المرايا لقيتها مقعمزه ف الكرسي الي وراي ) ♥️
روبين :: ( نزلت عيني وشبحت لي روشن )
——
( حديث دار بين صبايـا واحمد حتى وصلـو ف نقطه معينه )
،،
ملاگ :: والله حق !
احمد :: اي شن مش سادكم للعشرة !
غيدة :: تي هيا توا قريب ال١٠ ،، لا سادنا 😒
ملاگ :: لالا مزال بكري شن ال١٠ عاد
احمد :: شن ضروري ناس يشوفكم هلبا يعني ، خلاص ال١٠ وتمت
ملاگ :: يشوفونا امالا لا 😅 ،، بالك تنخطب وحده منا ونتفكو منها
احمد :: ( رفعت عيني طول ف روبين ، ماعرفتش علاش خفت الكلمه تشملها 💔) شن يخطبكم هيا ؟
غيدة :: امالا شن ،، تعجبهم وحده يخطبوها طووول 😍😍♥️
ملاگ :: ولا روبينه خيرك ساكته ! شاركي 😅
روبين :: ( شبحتلها وابتسمت وقعدت ساكته ، رفعت عيني ولقيته يشبحلي ) ♥️
احمد :: ( تعصبت ! ،، باه علاش ؟ ) 😑💔
———————-
ساعه ١١:٠٠م
{قدام صالة }
( احمد مقعمز ع واجهة سيارة ويونس واقف قدامه )
يونس :: فكها احمد خيرك ياراجل ! 😒
احمد :: يونس اموري تمام بالله عليك طلعني من راسك وخي 😑
( رن تلفون احمد )
يونس :: رد
احمد :: رقم !
يونس :: ( قعد يشبحله واحمد فتح الخط )
،،
احمد :: الو !
رحمة :: احمد
احمد :: اي ان شاء الله وخيتي ،  من معاي !
رحمة :: ماعرفتش صوتي ؟
احمد :: هه لا والله ، من ؟
رحمة :: انا رحمة
احمد :: ( من صدمة وقفت وشبحت لي صالة وشبحت للعريس الي واقف برا وبيخشلها ونشبح لي يونس وشريط حياتي ف لحظة مر من قدامي )
رحمة :: احمد
احمد :: شن تبي ؟
رحمة :: احمد انا مانبيش نتزوج، لو انت قاعد تحبني قولي وانا والله ( قصـ عليها )
احمد :: ( بعدت من جنب يونس ) انتي شن تقولي ؟؟؟ اااه ؟ تي بتتزوجي انتي بعد شويه عريسك بيخش وبتمشي لي حوشه وانتي توا عرضه راااك ،، تي كيف ليك عين تتكلمي معاي وتقولي كلام زي هذا ف وقت زي هذا ؟
رحمة :: انا ( قص عليها )
احمد :: معاش تتصلي ،، وانسيني انا فاهمه ، انا توا ف حياتي انسانه الي تكفيني عن بنااات العالم كلهم ومانقدرش نخونها ونكلمك ♥️( هنا يونس جي جنبي ) صكري وابعدي شر ومعاش تكلميني 🤚🤚
يونس :: ف حياتك انسانه ؟ 🤔
احمد :: امالا شن تبي نقول ! باش معاش تتصل ،،
يونس :: توقعتها ح تتصل ،، شن قالت ؟
احمد :: مش موضوعنا ، عرض غيري فوتني مانيش متكلم فيه 🤚
يونس :: باه اهددء فوتها ، تعالى نرجعو عمي  مركز فيك من بكري 😅
احمد :: ( لفيت ورجعت وقفت جنب يونس وين ماكنت )
{ فِ صالة }
،،
( قعمزنا البنات كلنا ف طاوله وحده ، وخالاتـي كانو ف طاولـه الي ف جنبي ♥️ ،، وطبعاً زي ماتوقعت ، اسئله وراه اسئله ، بس الحمد لله خالتي احلام ماخلتنيش لحظة وماخلتش حد يسألني اسئله بايخه زي ( علاش رضيتي تقعدي بعيده ع امك لما كبرتي ) 🤚 )
،،،
روبين :: بنمشي للحمام ونجي ( نوضت )
غيده :: استني تو نجي معاك ( وناضت غيده معاي )
( واحنـى ماشيـن وقفتنا مراءة )
،،
هي :: غيدة !
غيدة :: اهلا خالتي كيف حالك 😅
هي :: تمام الحمد لله ف نعمه ،، ( شبحتلي ) هذي وخيتك ! 😕
غيدة :: ( شدتني من ايدي ) اي هيا ♥️
( وهنا خالتي احلام شافتها جتنا طول )
هي :: ماشاء الله نسخه من اميمتها ♥️ ،، الله يرحمها كانت تتمناه شوفتك مسكينه 🤦🏼‍♀️ ان(قصت عليها احلام )
احلام :: اهلين **** كيف حالك ، شن مدايره وحال لبنيات
هي :: تمام الحمد لله بخير
( وخشو ف مواضيع ولانه كانت توجه ف الكلام ليا ف علقت انا وغيده معاهم وقعدنا واقفين 🤦🏼‍♀️)
احلام :: ( رن تلفونها ) ايح مش حايبطل توا ،، ( تبسط ف وذني ) روبينه خودي تلفوني وبري كلمي احمد ويرد عطيهولي خلي نلهى فيها هيا اناا 😒😅
روبين :: ( تفركست ورديت بسرعه باش خالتي ماتحسش ) حاضر ،،
——
(وخرت خطوات واتصلت بيه ،، قلت عادي يعني كلها ع بعضها لو رد بنعطيها يعني مش ح نتكلم وصوت زمزمات خلاني نحط تلفون ف وذني باش نسمعه لما يرد )
،،
( قدام صاله )
احمد :: ( كنت ناكل ف روحي ماكله ومتعصب وف داخلي. نحمد ف ربي مليون مره لانه ماخديتهاش ، رن تلفوني ومن عصبيتي طلعته من جيبي ورديت طول من غير مانشوف رقم ) ، رحمة شن قتلك انا ، قتلك معاش تتصلي ولا ؟ 😠
يونس :: ( يشبحله وساكت )
.،
روبين :: ( ومن صوت زمزمات وكلام ناس ودوشه ، ف لحظتها اختفي كل شي وماسمعتش شي الا كلمته ،، دنيا وقفت لحظة ، وافكاري تلخبطت ، سكتت وبعدين قلت وبدون وعي وبحروف متقطعه ) انا روبين 💔
احمد :: ( حطيت تلفون قدامي ولقيته رقم امي خبطت راسي ب ايدي تانيه وبعدت من جنب يونس ) روبين ! 💔
احلام :: سندي انا ماما ، انت وين ؟
احمد :: ( بأستغراب ) من كلمني اول واحد ؟
احلام :: اه روبين ، قلتلها تكلمك لين ترد عليها وتعطيني كنت مشغوله ماه ،، وينك انت !
—
( انسحبت ومشيت انا وغيده للحمام ، وجهي تغير لونه وغيده سألتني ابتسمت وقلتلها انا تمام وانسحبت معاها ومشينا لي طاولتنا 💔 ،، اولـ ماقعمزنا طفو ضي والعروسه بتخش )
،،
ملاگ :: طيب فينا طلعت عطلت هلبا 🤦🏼‍♀️
( الكُل كان مركز وموجه عينه لي مدخل العروسه ،، انا بس كنت منزله عيني لوطا ومره مره نرفع فيها لما غيده كانت تكلمني ♥️)
—-
ملاگ :: محلاها تغيرت هلبا 😍
اسماء :: طبعاً اي وحده ماكنتش تحط ف ميك اب وحطت بتتغير ♥️♥️
ملاگ :: تعرفي ( وشبحتلي ) كانت يادوب تحط واقي شمس بيضاء زي شمعه وحلوه ماكانش لازم تحط ميك اب ♥️😍
غيدة :: ( ساكته وتشبحلي وكانت ملاحظة انه وجهي وجوي تغير فجأة )
الاء :: الله 😍 روبينه عيونها زي لون عيونك بضبط تصدقو هذا وين ركزت 🤦🏼‍♀️😂
اسماء :: عينك يادريه قلتلكم امس عيونهم زي بعض ههه😂😂
روبين :: ( هنا شبحتلها طول وتفكرت احمد لما قالي { عيونك ♥️ ،،، حلوين هلبااا ♥️♥️} حسيت وكأنه تفكرها فيا 💔💔 علاش نشوف فيك عائق ونكرهك يارحمة علاش ؟ ،، علاش نغار منك هلبا علاش ؟ ،، ممكن لانك كلمتيه ؟ باه اهو حتى انا كلمته ، لانه ،، معقوله لانه ، لانه حبك ! 💔)
———————-
٩:٠٠ص
،،
( ف حوش احلام )
،،
احلام :: كان يوم حلو ، ماشاء الله حفلتها جتها كامله 🤚
اسماعيل :: باه ربي يهنيها ،،
احلام :: نصبلك شاهي ؟
اسماعيل :: انا والله ماخاطري ، بس من ايدك مانمنعش ♥️
احلام :: هههه ♥️ ، حاضر تو نديرلك نصبلك 😂
احمد :: صباح خير
محمد :: صباح خير
احلام :: صباح الورادت عمار البيت ♥️😍
محمد :: نبي قهوه ، في ولا ندير ؟
احلام :: في ولدي برا سخنها بس
محمد :: ( شبح لي احمد ) تبي ؟
احمد :: لالا طالع انا ، تو نشرب ف الخدمه
محمد :: ميه ميه 💪
احلام :: اي وماكملتلكش ، تعرف هدوكا ناس عاد ولسانهم مبردهم مارتاحو لين مرضو البنت حتى يومها ماكملش مسكينه 💔🤚
اسماعيل :: من بنت ؟
احلام :: تي خيرك لحقت تنسى. ، تي روبين
احمد :: ( متبص نلبس ف سبيدروي ) خيرها ؟ 😳💔
احلام :: اه ماسمعتوش انتم ، امس من كتر مادرهو الكبد واسئله وكلام زي وجوهم وتلقيحات من علاش خليتي اميمتك وعلاش ماجيتيش لما كبرتي وامك كانت تبي تشوفك ، مسكينه يومها ماكملش تعبت بصدرها قريب ماتت دوخه وحاله 💔🤚🤦🏼‍♀️ توا كلمت غيده قتلي مانضتش من نومها تعبانه
احمد :: صدرها ؟ 💔
احلام :: اي فيها الازمه مسكينه
اسماعيل :: والله مسكينه مافيش شي الا وصابها ربي يهدي سرها والله توجع 🤚
احمد :: ( فتحت الباب وطلعت نجري )
احلام :: تي غير قول مع سلامه العفو 🤦🏼‍♀️
اسماعيل :: بصلته محروقه ، زي امه 😂 غير امه احلا عاد ♥️😂
احلام :: راك تتحشم ولدك تو يسمعك هههه
—————
( مـلاگ طُلعت وركبت سيارة وطلعت ونزلت صكرت البوابه وركبت سيارتي ومشيت )
،،
اوسامه :: ( طلع من الكرسي الخلفي ) لما نتصل تردي فاهمه 😒
ملاگ :: ااااااااااه ياااااربي ( قريب هربت مني سياره وشديته بسيف ) يااامهبول 😳😳
اوسامة :: وقفي سياره 😒
ملاگ :: (وقفت)
اوسامة :: ( نزل ركب من قدام ) امشي ♥️
ملاگ :: انت كنت بتقتلني مش ملاحظ 😒
اوسامة :: انتي قتلتيني خلاص ♥️ مخليتني نتصرف ف تصرفات متع مراهقين 😒
ملاگ :: انزل 😒
اوسامة :: تعرفي لو ماتمشيش اقسم بالله ننزل ونفضحك ف الحي كله 😠💔
ملاگ :: لالالا تمام تمام ، اهبل واديرها ،، مشيت 😳💪🤚
————-
( فِ حوش الجد )
فوزيه :: اهو بنتي خوديه مغليي واتي وخليها تشربه بعدين انا نخلي خالك فتحي يرفعها 💔
غيدة :: تمام حنينه ، شويه وتعالي مانبيش نخليها بروحها 💔
فوزيه :: باه بنتي انتي بري وانا جايه وراك
———
( حسيت بسكين ، سكين سخون وغز قلبي ، ماشي نجري وماحسبتش لي حد حساب ، مشيت طول لي حوشهم وقعدت نطق ع الباب ب قوه ♥️، )
—-
روبين :: ( نوضت من ع صالون لانه كنت راقده لوطا ، وماشيه ورجليا مش حامليني راسي دايخه ونحس ف تنفس صعب ،، بسيف فتحت الباب )
احمد :: ( شكلها ف لحظتها مانعرفش نوصفه تشبحلي بنص عين ومصكره ، ومش قادره توقف ) خيرك ؟؟؟؟؟ 💔😨
روبين :: ( سمعت الكلمه من هنا ومعاش نتفكر شن صار بعدها )
( ف لحظتها طاحت واحمد قعمز جنبها )
احمد :: رووووبين 💔💔 رووووبين ردي عليا رووووبين ،،، ( قمتها وقعدت نلف يمين ويسار مافهمتش كيف نتصرف ) ياااااالله 💔💔
( رفعتها طوول لي صالون وحطيتها عليه )
احمد :: روبين !! ، روبين ردي عليا ،،،
غيده :: ( خشت وشافت.روبين دايخه واحمد جنبها ) روبين 😳😳😳😨 ،، اختي خيرهاااا احمد 😳😳😳
احمد :: امشي بسرررعه كلمي امي وجيبي مفاااتيح سياااااره بسررررعه 💔💔💔
غيدة :: ( مشت تجررري وهيا تبكي لي احلام ؛ )
—
احمد :: روبين ، نوضي ، بالله عليك ماتخلينيش روبين ،، سامحيني بالله عليك نوضي 💔💔
( ولي مليون مره تنزل دمعتي فوقگ ، انتي شني ؟ 💔)
——
١١:٠٠ص
( ف المُستشفى )
#يتبع
#سلمى