روبين 💕(منقوله )

5

#روبيـن 💓

الحلقة الـ(٥)،،،،
————
( ملاحظة :: لم يتغير شي ولاتزال رواياتي ف غاية الخيال خارج مجتمعنا وان لامسته ف بي القليل لا اكتر ولا اقل ، ♥️)
( منشن+ شير + تعليق ،،كانه مش ح يكون ف تفاعل هلبا مش ح يكون ف تحفيز لي تنزيل تاني 🤚💔😭)
—-
محمد :: انا اسف 💔
اسماء :: اسف ! ،، والله ؟!
محمد :: ( سكت ؛ ) ❌
اسماء :: وتقدر تقولي ع شن بضبط !؟ ،، هااا !
محمد :: ( هروب صمت منفع احياناً ) ❌
اسماء :: ع اهانتگ ليا قدام صحابگ ؟! ولا ع تصرفاتگ الانانية وتكبرگ وقيمة خشمگ عليا ؟! ولا گانه انا وحده من عيلتگ ،،، انا مش هكي ؟!
،،
/{ عِندمَا تُجبرنـا تَصرُفاتنا ع فعل الخطأ ، هُنا يُلزمنا صمت ، البُعد والأختباء ، حتى تنتهي فعلتنا ، أم تموتْ 💔❌}\
،،
اسماء :: انا بس ،، ( ولم تستطيع اسماء ان تتكلم دون درف دموع ) ،، بس كنت نبي نحكيلك عليـه ، كنت نبي نحتمي بيك 💔 ،، شووف الغبيه هه😏 شووف بي من تحتمي ،، بشخص الي يهمه منظرة الخارجي قدام ناس وهوا في الحقيقه كاراكتيررر مصنوع من خُفاف بنفخه مني يطير 💔🤚
محمد :: ( شبحلها )
اسماء :: فكرت انه ممكن هاا ، لو لي مره ياسيدي ، ادافع عليا ونحس انه انا بأمان ،، تاااااري الخوووف انت وانا مش عارفه 💔💔
|{ عصبية اسماء ماكانش ليـها حدود ، اختيار شخصيته كان من دور المهم والممتع بالنسبه ليا ، شخصيتها محبوبه ، بس قوتها مُختلفه عن الكُل ، عصبيتهااا بحنيتها وبطيبتها هيا خليـط مُميز يُجذب الملاين ليها ، جمالها مملح وعادي بس جذابه ومُختلفه ، البنت الوحيده بين امها وبوها وخوها وتعامل فيهم بكبر عقل وحنيه غريبه ،، ممكن هذا سر الي جااي ♥️♥️}|
محمد :: ( عيون الرجُل تحمر. وتحمل عصبيه ومعاها الف سبب ع تمسكها بعدم نزولها )
اسماء :: ( قدمت خطوات وحطيت عيونـي ف عيونه ) معاش نبي نشوف وجهگ نهائي ،، بيني وبينك حتى خير ربي لا 🤚 ومش ح نوصيك قدام العيله لانه اصلا مانتقابلوش ،،
( لفيت وجيت ماشيه )
محمد :: ( شدها من ايدها )
/{ أختيار شخصية محمد كانت من اكتر المرااحل صعوبة ف رواية ،، شخصية غريبة ، مش مفهومه شن تبي وشن تتمنى ، شخصية خسرت هلبا وماكسبتش ، خسرت ماضي حلو كانت تتمنى حاضر مميز ، خسرت صديق سووء كانت تعتقده شي مقدس ، خسرت حب ، خسرت ثقة ،،، شخصية تحمل العديد من المشاعر المكموته ،، ولا ظاهرة 💔❌🤚}|
محمد :: ( شدها من ايدها وقرب من عيونه ) اختاري عقاب غير هذا وانا حاضر ، الا هذا ،، 💔
،،
( شن الي كان المانع ف انه يبطل يكلمها ؟ ماهوا اصلا ماكانش يكلم فيها ؟ علاش الخوف ضيف شرف ف مكان و وقت و موقف صدفة ويحسسني بِ مليون احساس يلخبط كيان شخص ف ثانيه ♥️)
اسماء :: ( قمت ايدي بضحكه استهزاء ونحيت ايده ) الي يعاقب حد معناها يحس بأتجاهه ف بشعور ويبي يشوفه يتعذب ،، اما انا ف حتى شعور الكرهه اتجاهك مانبيش نحس بيه ❌ يعني ماتخافيش عيش هذا مش عقاب ، هذا شي كان موجود من قبل انا بس تكلمت فيه ،،
محمد :: اسماء ! 💔
اسماء :: خير محمد خيرر ؟ ،، كلنا شايفنه هكي ، كلنا تحس اتجاهنا بنفس الاحساس ،، بس انا مش مذنبه ، ربي اتفكر امانته لا اكتر ولا اقل. ، معاش تعفس ع ناس وكانها ماضيك ، وفاة حبيبتك شي صاار وفات ماتحاسبنيش وكانه مافيش انسانه غيرها ف دنيا 💔❌
...
( هنا استغربت من نفسي ،، استغربت من اسماء الي كيف كانت وكيف ولت ف لحظة ،، جرحت شخص الي كانت ناويه أداويه 💔)
،،،
{ تـاني يوم }
،،
٩:٠٠ص
{ كافي &&&& } 🌸
اوسامة :: ( مقعمز شاد تلفونه ومولع دخان )
ملاگ :: انت جايبني باش ناس تشوفني ونروحو !
اوسامة :: ( شبح وراه وقدامه ) من شبحلك ؟؟ 😠
ملاگ :: لا مش قصدي الي فهمته ،، يعني من لما قعمزنا وانت شاااد فونك ، وبعدين دخان عمالي عيوني 😒
اوسامة :: بعيد سوو عليها مرتي ( طف دخان ) وهذا دخااان ♥️ ،، كله الا عيونك 😍
ملاگ :: اممم اي ، سحرني توا بكلامك لي معسل 😒
اوسامة :: تنكري ؟! 😉
ملاگ :: ( تفكرت اعترافه ليا ) ،، ( شبحت لي روشن ) خلاااص معاش تشبحلي هكي نتحشم راه 😑💔
اوسامة :: يوووه ، تتحشمي ، ملاك ف وحده تتحشم من راجلها 🙄 !
ملاگ :: خيييير ان شاء الله اوسامة افندي ،، وين وووصلت ، مره مرتي ومره راجلها ؟؟ كان مايطلع حطينا ولادنا ف المدرسه وجينا وانا مانعرفش 🤦🏼‍♀️
اوسامة :: من غيري بتكوني مرته ان شاء الله ؟!
ملاگ :: ربي لا اله الا انت ،، شن قلت توا انا ؟
اوسامة :: ااايواه خلينا ف صح وماتخشيش ف شي يهبلني ايواه 😒😒
ملاگ :: يعني زواجي من غيرك يهبلك 😍
اوسامة :: ملاااك 😠
ملاگ :: خلاااص اها تبكشت هههه😂
اوسامة :: الواحد يشد تلفونه خيرله ،،، ريحينا يالله عاد 😒
ملاگ :: خلاص حاضر مش قصد ،، ♥️
اوسامة :: تمام ،،
ملاگ :: اوسامة ،، 🙈
اوسامة :: عيونه
ملاگ :: خاطري ف حاجة بس خايفه نقولك 😣
اوسامة :: حااااجه بتهبلني اسكتي افضل ،، غير هكي قولي
ملاگ :: خلاص معناها نسكت 🙄
اوسامة :: احكي شن
ملاگ :: ( قدمت راسها بطريقه كيوت ،، وقدم اوسامة راسه ليها ) خاطري ناخد معاگ سلفي 🙄♥️
اوسامة :: ( ابتسامه عريضة ) 😍
ملاگ :: علاش تبتسم 😒
اوسامة :: احلا سيلفي لي احلا روح ف دنيا ♥️ فداها انا الي بتاخد سلفي مع راجلها ♥️
( ناض جي جنبها )
ملاگ :: ههههههههه مهبول 💔🤦🏼‍♀️😂
اوسامة :: ويحبك ♥️
———————
{ ف المملكه }
{ فِ الحُوش رويـدة } 💓
،،
ريم :: طلبت يعادلو موادك ، بس ماوافقوش ،، انتي ح تقري تاني ثالثة ثانوي من الاول مع غيدة وكأنكم تؤم ، بس الاختلاف انك بتعاودي سنه ، فهمتي عليا صح 💓
روبين :: خويله انا عندي عاادي نعاود مش موضوع المهم نقرا ، مليت من الحوش 😣
غيدة :: اي خلاص معناها ميه ميه ، اصلا لقرايه بعد ثلاثه ايام اليوم اربعاء والاحد قرايه 💓
روبين :: ☺️
ريم :: اي ان شاءالله ،، يالله انا خلي نمشي لي حوش جدك حناك تبيني نضملها داارها هرتني ضمان 😂
غيدة :: الله يرررجع عمووو توفيق الي كان مايتحمل فيك شي 💓♥️😂
ريم :: اااه توفيق اهه ♥️😂
البنات :: هههههه♥️😂
{ ريم و توفيق قصة الحب الخرافية صارت بينهم وكبرت ♥️ اعمرهم صغيرة مش كبيره وريم اقرب لي صغار العيله لانه تفهمهم وتستوعب تفكير جيلهم ♥️ وتوفيق حنون وطيب ويحب احمد اكتر واحد لانه ديما معاه ف الخدمه ع الحلوه والمره ♥️}
—-
{ فِ جامعـة }
،،
( ع الفون )
الاء :: معاگ ♥️
يونس :: شفتهم شن يبو وجيتك ،، عطلت عليك ؟
الاء :: لا ،،، امتى مروح اليوم ؟
يونس :: مع ٩ علاش ؟
الاء :: نبي نشوفك قبل مانرقد ♥️
يونس :: حاضر ياروحي تو نحاول نروح بكري ♥️،، شني فطرتي ؟
الاء :: اي فطرت ،،
يونس :: الاااء !
الاء :: خلاص تمام تمام ، مش هلبا بس خديت شوكلاته 🙄
يونس :: يالله ياروحي خليك ع تلفون ونوضي للكفتيريا وخودي حاجة ، لانبعتلك ايمن ومحمد توا يعرفو كيف يفطروك 😒
الاء :: حاضر هه ، خليك معاي ♥️
يونس :: معاك ياقلبـي ♥️
الاء :: هههه بايخ 😂
يونس :: هه♥️
{ ف الكفتيريا }
الاء :: شن ناخد باه ماخاطري ف شي 🤦🏼‍♀️💔
يونس :: خودي بريوش بشكلاته ،،
الاء :: باه ،، نبي بريوش
العامـل :: تبيه كامل ولا لا ! 
الاء :: لا مانبيش عسل ، والباقي عادي
يونس :: اصلا مافيش عسل زيك ♥️
الاء :: ههههه ،، تمام !
العامل :: تمام
يونس :: حسدت العامل عندك علم !
الاء :: علاش؟
يونس :: شاف ضحكتك ♥️
الاء :: ههههه تغار مش تحسد ي اهبل 🤦🏼‍♀️😂
يونس :: لو بنخلي غيرتي تتكلم ي اما بتحرق الجامعه ي اما بنحطك ف زاوية نشوفك منها انا بس ♥️
الاء :: خخخير  اوسامة باشا ، من امتى الحب هذا كله ،، وو انا الي كنت عايشه دوووورر ليلى ومجنونها الي متعذبه ليل نهار ف حب صااامت 🤦🏼‍♀️💔
يونس :: من لما طُحتي من دراجتي ونجرحتي وامي كشخت عليك وخدتها منك لانها تكسرت وانا تاني يوم جبتلك وحده تانيه من غير مانقولو لي حد وملاگ قالت انها شرتهالك بمصروفها ♥️♥️
الاء :: ( سكتت ؛ )
يونس :: من لما خشيت لي حوشنا وسألت اسماء قلتلها الاء كانت عندنا وقتلي اي كيف عرفت ،، ف وقتها سكتت وخشيت داري وقعدت مستغرب كيف بديت نميز ف ريحتك من بين الكُل ♥️
الاء :: ( بصوت هادي خجول ) يونس
يونس :: عيون يونس ، روحه ، ♥️
الاء :: خلاص معاش تتكلم 🙈
يونس :: ياريتك قدامي ،، راه انتي تحشمتي وانا حضنتك ♥️
الاء :: اتلم 😒 
يونس :: ههههه ، حاضر ي ست الكل ،، يالله امشي افطري وبعدين نشوفك توا خلي نلهى ف خدمتي 💓
الاء :: تمام حبيبي ف حفظ الله ♥️
يونس :: نحبك ♥️
الاء :: نموت فيك ♥️
،،
/{ نهاية مُكالمات الحُب نوعين ؛؛ نوع للمحظوظ والي نهايتها اعتراف يزيد نبض القلب ف كل مره وكانه اول مره ♥️ ونوع للمشؤوم الي نهايته دمعة شك او دمعة فراق }|
،،
٥:٠٠م
{ فِ حوش الجد }
،،
سالمة :: اهلين نوريه تفضلي 😏
,
( نورية ام زكي الحي ،، شهدورية شاارع ، وظيفتها تلم كلام الحياش وترفعه من حوش لي حوش ،، وساعه ٥ هيا موعدها ،، فتانه ومتع دووة بس الله غالب طبع وعادات تمنع ناس تطرد ضيفها واستقبالها ديمه فوق نفس 🤚)
——
٦:٣٠م
{ فِ حوش الجد}
( بعد جلسة تهدريزة مع نورية ،، نورية و احلام وسالمة و الاء و اسماء و غيدة و روبين و فوزية موجودين ف الوقت الي وصلت فيه شخصية جديدة لي روايتنا 👈
،
نادية :: انا مش جاايه باش نكتر كلام ي احلام ، انا جايه ناخد بنت خوي زيارة ونردها غدوا ، شي محرم وانا مانعرفش ؟!
اسماء :: الي محرم وانتي ماتعرفيشي هوا الاغصاب ، الغصب ع شي البنت ماتبيشي ، هيا مش طفلة باش تمشي نهاية الاسبوع زيااارة لي حوش امالي بوها 😒
روبين :: انا قتلك الي عندي مانبيش نمشي ، انا هنا مرتاحه ولو تبي تزوريني انا موجوده 💔
( صارمه ، قوية ، شامخه ، لا تتهز وكأنه تشابهة روحها بِروح حبيبها الجبل ♥️)
نادية :: بوك و عمك يبو يشوفك ،، معقوله لي درجة هاااذي خايفه منه وماتبيش تمشي معاي
روبين :: انا مانخاف من حد ، انا رجلي من الباب هذا ماتعتبش ، والي يبي يشوفني اهلا وسهلاً بيه هنا ،، غير هكي مافيش 🤚
فوزية :: البنت وقررت ياناديه كلامك ع الفاضي 😒
احلام :: وين ناديه ! معاش سمعت صوتك
نادية :: ،،
—————
يونس :: { فِ شغل وصله مسج من الاء ؛؛ يونس كلم احمد وقوله انه عمة روبين هنا وتبيها تمشي معاها وروبين ماتبيش وصار شوشره } يوووه علينا عااد
( يونس كلم احمد )
،،
احمد :: سلام عليكم
يونس :: وعليكم سلااام ،، صار موضوع ياولد عيلتي
احمد :: خير بسم الله 😒
يونس :: ،،، ( حكالـه كُل شي ) شكله مش ح يفوتو البنت هاااذم راه ،،
احمد :: ( وقف وخدي مفاتيحه وفتح الدرج وخدي سلاحه حطه ف ظهره ) معناها خلينا نقولو بسم الله ياولد عيلتي ،،، 🚶🏻‍♂️
،،
|{ احمد ،، شخصيه المجنونه للعيله ، شخصيه محبوبه بين الكل ، بي أختتلاف  عمره صغير الا انه كلامه وشخصيته واسلوبه وقلبه فااارض كل شي ع العيله وع جيران وع ناسه وحبابه والكل معروف عندهم ب اسماء ( سند وجبل ) مجنون ♥️}|
،،
٦:٥٠م
{ فِ حوش الجد }
نادية :: حتى لو قتلك انه بوك يبي يشوفك لانه مسافر غدوا ؟!
روبين :: ( سكتت ،، وعقلي تشوش ف ثانيه وكأنه حنيت ! )
نادية :: ولا زي ماخليتي امك بروحها زمان بتخلي حتى بوك توا
روبين :: اناااا ماخليتش ماما ، هوا الي خداني غصب علياااا من هنا وانتي تعرفي
غيدة :: انااا قاعده شاده روحي بي سيف ، اختي وماتبيش تمشي شن بسيف هوااااا ، واقسم بالله كلمة زيادة تجرحهه ح تشوفي شي مش ح يعجبك
اسماء :: (  استغليت الفرصه ) خيير ان شاء الله ،،، شن مايعرفش طريق حوشنا ولا نسااه ! مدام نادية اعتقد نيتكم واضحه وياريت الاب الي يبي يااخد روبين غغصب ماياخدهاش ع طريقك لانه مش ح تتطلع من هنا 😒
نادية :: انتي مش اختها صح ؟!
اسماء :: كلنا هنا خوات روبين ،،، مافيش اختلاف مدام ناديه 😒
روبين :: كلام اسماء صح ،، يقدر يجي هوا هنا ويشوفني
نادية :: ماكنتش متوقعه انك تكوني قليلة تربية بشكل هذا
احمد :: هيييي بالشويه علينا 🤚💪
،،
( هنا طُلعت نوريه باش توصل الحدث للي ف الحي )
،،
{ عندما يزول الهم من على الكِتف لي يُصبح القلب مُرتاح والبال مُطمئن وشعور الأمان هوا ضيف الحظور ، هگذا هيا دخلـة احمد ع العيلة ،♥️💪}
،،
( توجهت الانظار لي احمد ،، والابتسامه ع وجوههم ) 💓
،،
احمد :: ( وقف قدامها ) سلام عليكم 
نادية :: ( شبحت لي فوزية ) من هذا !
احمد :: وعليكم سلااام ،، شوفي رد روبين واااضح من الاول ، الي يبي يزور والي يبي يطمن حوشنا مفتوح ونستقبلوه ب صدر رحب ، غير هكي كلامنا برا الباب هذا 💪
روبين :: ( وكأنه صمت حل موقف ، وحروفي طارت وكلماتي تبعثرت وكأنه حظور حل مشكلتي ،، خوفي كان واضح من بابا،، الاب الي مليون شعور ف شعور خلاني نعيشه ،،خوف حب رعب انانيه احتياج صمت امتلاك فراق عذاب حزن ،، حتى سعادتي معاه كانت كذبه 💔🤚، ورغم شي هذا كنت بنوافق نمشي معاه ، حسيت انه مهما صار هذا بابا مش ح نخلي يمشي هوا تاني من غير مانشوفه}
نااديه :: شن فوزيه ،، قلة الادب بدت عندكم وراثة 😅
احمد :: ( شاد اعصابه بسيف بس لانها مراءة )
احلام :: فعلاً،،، ماشاء الله ذكائك بدي ع مستوى 😒
روبين :: ( خفت تصير مشكله بسببي ) خلاص ،، انا ممكن نمشي معاها ، وف الاخير راجعه يعني 💔
سالمة :: حتى انا هكي كنت بنقول ،، يعني بنتي هيا كلها كلها زيارة وتعالي 😅
فوزية :: بنتي روبين لو تبي تمشي ، بري ف الاخير مرجوعك لينا ياروحي ♥️
احمد :: ( بصوت واطي ) توبة استغفر الله ،، امشي بنننتي امشي
( شدها من ايدها وطلع بيها قدام الكُل )
—-
روبين :: احممد شن ادير ،، هذا غلط
احمد :: ( عطاها جاكيتها الي محطوط جنب الباب ) اسكتي افضل مايصير غلط تاني ونرتكب فيك جريمة،، امشي 😒💪
روبين :: احمد !
احمد :: روووبين
( طلعو برا لقوو نص شارع واقف يتفرج ، ونورية واقف ع جارة لي مقابله والي هيا ام رحمة )
روبين :: ( الخوف ،، ف لحظة رجعلي الخوف ، عيونها كانت مسلطة عليه ومافهمتش شي لقيت روحي منزله راسي ،، بس الغريب انه شديت ع ايده ماسيبتهاش وكأنه ملجأي وثقتي فيه عمياء ♥️)
احمد :: سبحااان الله ؛ ( قالها وهوا يشبح لي ناس ،، فتحت باب سيارة لي روبين ) اركبي
روبين :: ( نشبحله وكنت نحاول نوصله كلامي ولو بنظرة)
احمد :: روبين ،، اركبي والا نركبك انا وشارع تاني يجي يحظر مش هاذم بس 😠
روبين :: تمام تمام 😳، ( ركبت بسرعة )
احمد :: ( يتكلم وماشي لي باب سيارة ) تممم العرس الكل لي خدمته ،، ( شبح لي نورية ) نوورية دوريلك خدمه تانيه هاذي ماتأكلش ف عيش ( وركب )
..
(فِ طريق )
روبين :: ( بعد سكوت دام فترة ) اااحمد خلينا نرجعو ، هذا غلط ،، انت ماشفتش ناس كيف كانو يشبحو ؟ 💔
احمد :: خير يعني ؟ شن بيقول ؟
روبين :: ( استغرابي من بروده كان كبير ، برغم من عيشته ف نص هذا المجتمع الا انه تفكيره مختلف )
احمد :: بيقولو حبيبتي ؟!
روبين :: ( نتمتم بصوت واطي وشبحت لي روشن ) ربي استغفر الله 🤦🏼‍♀️
احمد :: روبينن !
روبين :: ( شبحتله )
احمد :: خلي يقولو ،، مش ح نكرهه شي زي هذا♥️
.،
{ لي نعود لي تِلگ الالحان الي تكُمل مُلتقى العُشاق ،، حاضره بي شغف العشق ،، صادفة لي تِلگ الارواح ♥️
{ الاُغنية تُركية ،، خذ عمري لگ
،.
( ودامت ،، دامت نظرات العِشق ،، مع كُل لحن نخلط نظرة ، نخلط ابتسامة ، نخلط روحاً بين هاتين الانفاس العاشقه ♥️ دامت دامت گ حبات الغرام المُخبئة بين اصوات مكتومه داخل قلبين ينبض كل واحد لي للاخر ♥️ متى نعلم ذاك الحب ي عزيزي ♥️ متى نرى نار حباً المجنونه تِلكْ ♥️!؟ )
،،