قصتنا بتحكي عن بت اسمها مي ، مي دي بتدرس في ٣ ثانوي من اسرة ميسورة الحال .
امها سعاد مرة طيوووبه ما كبيرة اتزوجت صغيرة مي دي بتها الكبيره وعندها هشام في تامن مي وهشام ديل علاقتهم حلوة مع بعض وزي الاصحاب ،
يله طبعا الاتنين ممتحنين شهاده وواقعين قرايه شديده ودروس و كورسات ،
ابوهم أحمد , مدلع اولاده ديل شدييييد وبالذات مي تلبس العايزاه تعمل العايزاه بس بحدود وهي عارفه كده وعمرها ما غلطت ولا زعلت ابوها منها ومحترمه مساحة الحريه المديها ليها دي وثقته فيها يله تمشي ايي محل بس بشرط يوديها هو ويجيبها هو معهد صحباتها مرقات مع صحباتها بيوتهم بجو لبعض مواصلات وترحال ده في قاموسه ماف لمن تحس انها تعبته يقول ليها انا عندي كم بت وكم مي 😍 تفرح شديد وهو فعلا زول حبوب ..
احمد ده شغال مع اخوه الكبير اسمه قاسم رجل اعمال كبيييير 💵 عنده تجارة في كل شي ومحلات في السوق وشركات المهم عم احمد ده شغال معاه وبساعده لكن ما شريك قاسم
زوجته اسمها صفيه مرة متعاليه ومفلهمه شايفه الناس دي كوم وهم دوت كوم 😏 باخلاقها دي خلت الناس بحسبو ليها الف حساب وللاسف اثرت الحاجه دي في تربيتها لاودلادها خلتهم ما داخلين في الناس شديد واول زول اتاثر بكده قاسم زوجها زاته خلت علاقته باخوانه مضطربه شويه ماف زيارت ماف تواصل عائلي بينه وبين اخته في شندي
ودي بحكم بعدها ولا باخوه احمد العايش في الخرطوم وشغال معاه وزياده على كده شغله ماخد كل وقته لكن رغم كده انه كبير العايله وبساعد الناس العيان كله من البلد بنزل بيته ويقيف معاه الداير يعرس يتم ليه العنده عزاء بستره يده واااااصله الناس القريب و البعيد وسمعته زي الجنيه الدهب يقولو ليك قاسم الجعلي الكلام انتهى
قاسم ده عنده اولاد اتنين مالك وخالد ماشاء الله واقفين معاه قنا في الشغل بالذات مالك معتمد عليه اعتماد شديد ومعلمهم في ارقى الجامعات الاوروبيه ورغم كده محافظين على تقاليدهم القبليه واصولهم كل شي تمام الا عندهم نقطة ضعف واااااحده اسمها(( الجكس)) 👩هههههههه ما بتلفتو .،
برضو عنده بتنين ولاء و وفاء، ولاء دي خريجه و وفاء في ٣ ثانوي
الناس ديل عندهم فيلا كبييييره في حي الطائف تدخلي تقولي مربوع من الكبر حدايق ومسبح وبيت حدادي مدادي وخدم وحشم يعني عايشين جوهم
الا انه بناتهم ديل عاملين عليهم حظر شديد ما تطلع البت الا مع اخوها ولبسهم حجاب مبالغ فيه و حركات البنات دي ما عندهم مكياج وكحل وكده يعني لمن يتشافو تقولي النعمه دي اصلها ما حقتهم و الكلام ده من اخوانهم شديدين معاهم شديد 👿 والبنات مسكينات بالذات وفاء نفسها تكون زي البنات عادي حياتها من غير عقد لكن تقولي شنو
اما ولاء دي شايله من امها صفات كتيرة وشايفه باسلوب اخوانها ده انها حاجه مهمه 😂
لكن ده ما يمنع انه عندهم صداقات من عايلتهم بفرقو معاهم شويه وما يصدقو وحده تتكلم معاهم ول تعبرهم لانهم بقو زي الهبل من الحبسه 😶.
