مي حست انه احتمال ده اخر يوم تشوف فيه مالك وانه مزاجها اتغير شديد بكلام ابوها واضافه لسفر مالك لسه ما شبعت منه ومن جنونه ومن مغامراته .. حست انه حبه في ال ٣ سنين دي زي المرض سيطر على جسمها وعقلها وقلبها من غير ما تحس ابدا ما هدا وزعلها منه كان حب اصلا 😞 قفلت تلفونها ورقدت نامت ..
هناك اهل مالك لمن مشى البيت لقاهم قلقانيييين بس ما انفعلو فيه ..
قاسم عرف انه دكتور حمزه ولد نوريه جاينهم بكرة عشان يخطبو مي لانه حينزلو معاهم في البيت .. وكلهم عرفو بالخبر الا مالك .. دسو منه الخبر عشان ما يتاثر ويزعل بالذات دي اول اجازه ليه للسودان بعد ٣ سنوات .. ولقوه بقى مفرفش ومبسوط زي اول واحسن بكتير .. ماف داعي يجيبو سيرة مي قدامه .. واتحمدلو السلامه انه مسافر الصباح وهم جايين الظهر في نفس اليوم الخميس ..
صحت مي الساعه ١٠ صباحا راقده مسافه فتحت موبايلها لقت اتصالات ما سنجر و واتس ورسائل من ترتيل(مالك) ومكالمات فائته .. هي كده امها سعاد خبطت الباب و جات داخله عليها قالت ليها قومي يا كسلانه مها جات بره يله اتروشي واتجهزي عشان تفكري وتمشو للكوفير تعملي تنضيف بشره وتظبطي شعرك .. من امبارح شكلك متغير وشعرك منكش يله قومي ..
مي ختت تلفونها وقامت .. بقت عاملاه كاتم صوت عشان اتصالات ترتيل كتيرة 😂😂😂
مها جات داخله لمي قالت ليها : لحد هسه انا ما فاهمه شي امبارح ما قلتي كلمه عديتيها بكى .. يا بت انتي حمزه ده ما دايره ما تعملي جو التعاسه ده .. ده ما اول عريس تطفشيه 😅
مي قالت ليها اتروش ولمن نطلع للكوفير بحكي ليك 😑
مي وصلهم هشام للكوفير ومشي دخلو مي حكت لمها بالحصل كله من طق طق لسلام عليكم بالتفاصيل الممله 🤗
مها اتخلعت وما صدقت ابدا ده كلو حصل في ظرف اسبوع او اقل ٥ يوم 🤨 الوصلتو ليه عاقدين على بعض ما عملتوه قلتي لي بوس عديل لقيتك عينك قويه 😏 وتلقاه طفشك بوتسودان عشان ماف وحده من ملاقيفه الهنا تلقاك في ملف ويحصل نفس الحصل في المطعم .😏 ما تفرحي شديد كده
مي : حرام عليك ما تقولي عنه كده .. وحسيته مشتهي الحاجه دي بعاين لي في شفايفي عيونه فاضحاه ومتردد و خايفني ازعل عشان كده سهلت ليه المهمه 🤣🤣
مها ما عاجبه الحصل بايي حال من الاحوال لانها عاشت مع مي لحظه بلحظه كل الحصل زمان 😏
المغرب جاء و الجماعه وصلو .. ومي طلعت قابلتهم عشان ابوها بس ما يتحرج قعدت وخلفت رجلها ولا قالت كلمه .. شويه كده وقامت دخلت .. قالو حلاتها خجلانه 🤗 حمزه حاسي بشي غريب انهم مرتبكين وحاسي انه مي دي ما عايزاه اصلا هو معجب ايوه لكن ما ممكن يرمي نفسه لبت هو ما يعني ليها شي ..
ادوهم موافقه اوليه وانه يتعرفو على بعض .. وجابو ليهم هدايا طبعا حلاوة و تانج وخاتم دهب هديه لمي .. مي حلفت ما تلبسه امها هاجت اقلعي العواليق الفي ايدك دي (( خاتم مالك )) والبسي ده دهب 😍 مي قالت ليها لو عاجبك يا ماما شيليه انا ما عاجبني وده ما ذوقي اصلا وما حلبسه .. ما تحاولي معاي 😏 وحلاوتكم وعصيركم ده اكلوها واشربوها براكم 🙄 ما عايزا منها نقطه 😏
