مي اخدوها لاقرب مستشفى وعملو ليها اللازم لانه حالتها كانت صعبه ... ما عندها ايي اثبات شخصيه ..
الشرطه فتشو العربيه لقو اوراق الملكيه ورخصة مالك السودانيه ..
الصباح الساعه ٩ جاء اتصال لقاسم سالوة من مالك قاسم صاحب العربيه وانه العربية دي عملت حادث والشخص الراكبها احتمال يكون سارقها وما عنده اوراق ثبوتيه 👮♂️ وروة في ياتو مستشفى
قاسم قفل اتصل على احمد طوالي كلمه بموضوع العربيه المسروقه 🤨
احمد قال ليه ومي مفقوده 😭
الاسرتين جرو على طوارئ المستشفى الوصفها ليهم البلاغ
ونتيجه الفحص الاولي للحاله خسرت مي دم كتير وكسر في الجمجمه و الضلع 😢 ولازم عمليه فوريه .. و تتحول لمستشفى فيها امكانيات 😟 ما بقدرو يعملو شي الا يدوها قزايز دم ويحاولو يوقفو النزيف وتكون حالتها مستقره
ابوها قعد في اقرب كرسي منهاااار وهشام يبكي قدرته وقاسم مخلوع ويبكي برضو عزايين نعايين
خالد كان سيد الموقف رغم زعله و وخلعته لكن ماف زول بتصرف والوقت ما وقت بكاء وقت تصرف
طلب اسعاف بدكاترته انه يتابعوها لحد ما يودوها مستشفى عليا و وقف هشام وثبته وقال ليه اختك كويسه شد حيلك وقومه قال ليه ده ما وقت بكا محتاجين ليك قوي وشادي حيلك امك حتكون قلقانه ومن قبيل بتتصل ما تكلمها احسن تمشي تجيبها
لمن طلعو مي من الطوارئ عشان يركبوها الاسعاف و شافوها شكلها متغير تماما ما الفراشه ديك و لا الورده النديانه .. وشها بنفسجي و وارم ملامحها مختفيه ومغمضه وقناع الاوكسجين والدم طالع من خشمها منظر رهيب بين الموت و الحياه الناس ديل بقو في عالم تاني ابوها و هشام وخالد و قاسم
في دبي مالك صحى من النوم متأخر مسك جواله يتصفح فيه واتصل على مي لقى منها مكالمه الساعه ٢ ونص بالليل .. استغرب ؟ رجع ليها ماف ايي اتصال بالنت 🤔 اتصل تلفون مغلق .. قال مي مجنونه امكن جايه دبي فجأه هههههههه(ده النفسه فيه ) دخلته فرحه كده وخيال انها تكون في الطيارة 🤗🤩
قطع احلامه دي خالد اتصل عليه .. وكلمه انه مي عملت حادث بالعربيه وحالتها خطرة شديد شق في الجمجمه واحتمال نزيف في المخ متوقع وكسر في الضلع .. قالها ليه كده من دون مقدمات طخ
مالك بقى يكورك زي المجنون 😟 لا لا لا مي لا 😱 لافي في الغرفه ويصرخ .. قمر و امها سمعو صوته فتحو الباب و دخلو توووش رجاء ام قمر مخلوعه في شنو ؟
لقت نفسها من شكل مالك و جرسته علي مي بقت تبكي على حالته وتحضن فيه وتسال فيه خير يا ولدي مي مالها ان شاء الله خير
يقول ليها من وين الخير ما كان اسيبها وراي لحظه انا خايف عليها خايف ربنا ياخد مني فرحه عمري خايف ربنا يعاقبني علي ايي شي عملته بحرماني منها
رجاء بقت تهدي فيه وتحضنه وتقول ان شاء الله خير امكن شي بسيط وقدر اخف من قدر الحمد لله هي حيه يا ولدي اهدى شويه واتصل تاني اسال منها
وقمر واقفه جمب الباب وخاته يدها في خشمها 🤔 مذهوله من مالك جن بسبب مي للدرجه دي بحبها ...راسمه شكل متأثرة 😯 وما ختت في بالها انها ممكن تعمل حادث ول تموت اكتر شي اتخيلته انهم يتشاكلو
