في السكه مي ما فتحت خشمها بكلمه .. وفاء حاولت تعمل جو شويه شغلت اغاني مالك خفض الصوت شديييد وساكت بس لحد ما وصل مي للبيت وطلع معاها لحد شقتهم فوق قبل ما يدق الباب وقف شويه معاها قال ليها انا اسف انه الطلعه الاولى لينا انتهت بالشكل ده و ان شاء الله اعوضك ليها فيما بعد وبعتذر مره تانيه ..مي دقت الجرس اخوها هشام فتح الباب مي دخلت طوالي البيت من غير حتى ما تقول مع السلامه ..هشام استغرب من تصرفها وقال لمالك اتفضل ادخل شويه مالك اعتذر وقال ليه وفاء تحت في العربيه معليش مرة تانيه ان شاء الله ..
ام مي و ابوها قاعدين في الصاله جوه استغربو مي طلعت مبسوطه وفرحانه زي الفراشه جات راجعه بوش تاني وزي هموم الدنيا و العالمين في راسها 😔 ودخلت غرفتها وقفلت الباب ?سعاد قالت لابوها قلت ليك ما بنفع معاها ظي اول مرقه ما تمو ساعه جات راجعه ماده بوزها و زعلانه ..
ابوها مشى دق ليها الباب و دخل ليها للقاها قظام التواليت قاعده وبتحاول تخفي دموعها منه . سألها مالك في شنو ؟
قالت ليه ما ممكن نأجل نوضوع الخطوبه دي شويه؟ ابوها قال ليها وليه نأجلها ؟ قالت ليه حصل موقف وخفت علي نفسي معاه وبقيت اخاف منه رغم اني ما غلطتا اصلا عشان اخاف .. بحس العصبيه بتسيطر عليه .. ابوها قعد يضحك وضماها قال ليها : هي الخطوبه اصلا معموله للتعارف يعني ما قلنا ليك اتزوجيه الخطوبه للتعارف بتحبو شنو وبتكرهو شنو وتلقى نقاط مشتركه تضمكم والخلافات تحاولو تتجنبوها المهم سالها عن الحصل مي سكتت ما جاوبت عليه خافت تظهر مالك انه كعب زي كلام امها البتقوله ليها ابوها احترم سكاتها و ما الح عليها شديد ..
مالك مشى البيت نزل وفاء جمب الباب وانتظرها تدخل وطلع طوالي بالعربيه وفاء جات داخله لقتها امها اجي متين مشيتو وجيتو سرعه كده 😏
وفاء طوالي قعدت فتت الشمار لامها و لولاء وخالد كان قاعد طبعا كلهم شمتو في مي و الحصل ليها وامهم تضحك بس وفاء قالت ليهم حرام عليكم مالك زعل شديد واتحرج قدام مي لدرجه ما قال ولا كلمه وانتو تضحكو 🙄 .
مالك طلع مشي للبنات اللقاهم في المطعم وحده فيهم سهى الكان بعرفها وعلاقته بيه قويه شديد اول ما عرف مي قطع منها وكانت قلقانه انه ماله وحصل شنو وهي السبب ول ما فاهمه شي الا سمعت من حاتم صديق مالك المقرب انه مالك خطب بت عمه 🤗 وتاني خلاص قرر ما عايز يعرف وحده غيرها ..
مشى مالك وفي باله يقابل البنات ديل سهى ومعاها البتين الكانو معاها مالك عارف ومتاكد وين حيلقاهم اتصل بحاتم صحبه ساله قال ليه وين انت حاتم قال ليه في الشقه مالك طوالي مشى عليه و زي ما اتوقع عربية سهى واقفه بره اول ما دخل لقاهم قاعدين شلة الانس طبعا ساد الصمت مالك طوالي بدا يهيج فيهن حاتم قال ليه سلم يا زول مالك قال ليه لا سلام ولا كلام ولو ما الش...... ديل ما كان جيت هنا اصلا كيييف تحرجيني كده المعاي ديل اختي و بت عمي وحتى لو ما من العايله انتي الدخلك شنو تحددي اعرف منو و اخلي منو انتي مجرد وحده ........... البينا خلاص انتهى لملمي نفسك ول اقسم بمن انزل سبع ورفع سبع تعرفي ممكن اوصل الموضوع لوين .. و لمعلوميتك حتى لو ما بت عمي دي انا ما كان اتزوجتك انتي مصدقه نفسك ؟ 😠قال القاله و طلع طوالي ما قعد ولا دقيقه معاهم رغم الحاح حاتم وانه برواقه ممكن يصلحو الموقف رفض مالك تماما يتعاطى معاهم ..
رجع البيت طلع غرفته وحاول طوالي يتكلم مع مي ولحسن حظه لقاها اونلاين اتصل عليها ماسنجر فيديو كول .. اول ما ردت تعاين للاتصال وما مصدقه انه اتصل فيديو وكيف جاته جرأه انه يتصل عليها بعد الحصل 😑 لكن لقت نفسها متشوقه تعرف الحصل شنو اول عاينت في المرايه صلحت شعرها وختت قلوس وروقت عشان ما يبين انها زعلت وفتحت الكاميرا 🤗 مالك لمن شافها قلبه فررر😍 وحس انها رغم الحصل و زعلها ما كسرت بخاطرة بس ساكت ويعاين ليها الا رددت تاني الوووو حتى رد كيفك ؟ بقيتي كيف ؟ روقتي شويه ؟
مي قالت ليه whaaàt انا برضو الروقته ؟ انت الكيفك ؟ رغم اني ما فهمت شي لحد الان لكن لقيت ٣ بنات قدرو يطلعو اسواء ما فيك 😏 وخربتا اول موعد بيننا وعاقبتني انا بدون ذنب 🤨 كان يكون رد فعلك معاهم هم ولا نخليهم يوصلو لهدفهم انه يوترونا ويطلعونا من المطعم 😏 لكن اقول شنو الدنيا اصلها كده دايما بالمقلوب .. والشي التاني انا خفت منك ! ايوه خفتا لاني ما سالتك ترضاها لي اخاف من زوج المستقبل ؟ مالك ساكت بس و يسمع فيها ولا قاطعها ويبتسم 🙂 لمن مي سكتت قعد يشاغل فيها حتى زعلك حلو 😘 حبيته ♥️ مي فصلت 😮 في الزول الشال قلبها ده في اسواء حالاتها يقدر بكلمتين يهديها ويقلب اللعبه لصالحه 🤔 وباين انها خجلت زحت الكاميرا منها 😊 مالك يناديها حبيبو حبيبووو مي خلاص ما اقدر اوصف شعورها لمن سمعت الكلمه دي اول مره تسمعها وتحسها وتتقال ليها في حياتها☺ ما عرفت تمشي وين سدت الخط وقفلت النت وعملت وضع طيران 🤣🤣🤣 دايرة تجمع اشتات روحها وتفهم نفسها لانها مشتته تزعل ول تفرح بتحبه ول بتخاف منه وبتكره تصرفاته ول بتعجبها
دقيقه ودق باب غرفتها لقت هشام شايل تلفون ابوها ويشاغل فيها يقول ليها مالك عايزك 😁 مي اتفصمت اكتر 😂 ردت الوو ، مالك قال ليها : مالك قفلتي ؟ قلقت عليك ، وترتني ردة فعلك في قفل الخط ده ! مي ردت عليه انه لا عادي بالعكس لكن التفعيل حقها خلص ☺ وحتجيب رصيد هسه حترسل هشام .. مالك قال ليها خليه هشام بجيب ليك الرصيد انا برسله ليك هسه ، الليله عايز اساهر معاك لو عندك رغبة ول لو نعسانه اوكي ما مشكله مرة تانيه ..
مي قالت ليه ما تتعب نفسك تطلع برسل هشام ، مالك قال ليها شريحتي خط لكن بعرف واحد شغال معانا في الشركه بحول رصيد دقايق بس برسل ليك الرصيد sms هسه يعني ما طالع دقايق بس ، قال ليها سي يو .
مي بعد قفلت قالت هي كلمه حبيبو لفت بي الارض كيف حساهر معاه شكلو كلامه كباااار كبااار و انا ما حعرف ارد عليه ولا كلمه بخجل ☺
شويه كده و الرصيد وصلها مبلغ كبير لمن اتخلعت ده كلو 😯 فتحت النت مسااااافه شديه كده واتصل عليها مالك لقته غير ملابسه لبس بجامة قال ليها معليش اتاخرتا بس مسافة غيرتا هدومي .. مي قالت لااا ما مشكله عادي مالك بدا يحكي ليها اعجابه بيها الاول وانه بقى اهتمام وبعده بقى حب بعدين حب شديد وما بتخيل ايي حاجه في حياته من غيرها .. مي ارتاحت للكلام شديد .. وبرضو حكى ليها انه غير اسلوب حياته كله وقلبه راسا على عقب عشان علاقتهم تستمر ووعد نفسه انه ما يزعلها والحصل الليله زاده اصرار ... مي قاطعته بسيرة الحصل الليله البنات ديل منو ؟ وعلاقتك بيهم شنو ؟ وليه قابلوني ؟
مالك سكت مسااافه ورد عليها انه كانو اصحاب طبعا ما فسر لمي درجة الصحوبيه دي لوين 😑 وقال انه قطع منهم فترة طويله اول ما اتعرف على مي وده كان عنده سبب وجيه وهم زعلو وخلينا من ديل و الموقف ده يله نطلع منه لينا نحن حبيبو 😎 .
الكلام يجرجر بعض كله وكل موضع عنده مذاق خاص لمي اكتر شي اتكلم مالك وقال ليها انه ابوه وخيلانه واهلهم الكبار قالو ما دام حنعمل الاحتفال ده كله ليه ما يكون عقد عديل وانه هو جاهز لكل الالتزامات المترتبه لكده 😍 وهو موافق والدخله زي ما مي واهلها عايزين ما عايز يطول المسافه لانه مشتاق يكون معاها يضمهم سقف واحد 😎
