سعاد اول اول ما رجعت السودان .. تشكر في مالك لي احمد عمه عمل وفعل و سوا وكان ما هو وفسحنا وطلعنا والحاجات دي كلها على حسابه وجاب لي هديه قيمه .. لكن بتك فقرة النسرة ما دايرة ايي زول صارة وشها داخله وطالعه ول بتستهبل 😏 طيرت منها عريس ..
احمد قال لسعاد و دكتور حمزه .. سعاد ردت ليه حمزة شنو الزول ده مالي مركزه وزول حارة وشيال التقيله يعني لو عرس مي دي بكون مطمنه عليها ..
حمزه ده سمعت بيه تحت تحت قالو جلده وجبااااار بعدين بتعبها وانت عارف بتك مدلعه كيف يمين خدامه ما يجيبها ليها ..
لكن ديل في دبي الشغالين بجو كل صباح ينضفو البيت زي المستشفى تقول .. يحكحكو كل شي وصيانه لاي شي .. هو مااا بيت لكن 😍
جات مخلوعه شديد ..
مي كلمت مالك انه امها خلاص موافقه فضل امك انت .. قال ليها امي خليها علي اديني مهله بس
مالك رسل لامه زيارة جابها الامارات وقع فيها نقه برضو وافقت بسرعه لانه لمن مي وامها سافرو دبي ومشو بيت مالك .. قعدت تطنطن بس قاسم قال ليها مرض الاولاد الاتنين ديل لانه بحبو بعض .. لاحظي لمالك في شندي لما شاف مي اتغير وبقى كيف ولمن اتخطبت بقى كيف .. وانا حاسي بيه وعارفه ما قدر ينساها .. ولا هي شوفي متعبه اهلها كيف كم عريس وعريس طفشته . 🙄
احمد اعتذر لحمزه واهله انه مي راجلها داير يردها وهي موافقه ..
اصلا حمزه ما كان على قدر كده لمي عاجبه شكلها لكن ما نوعه المفضل .. ايامات ما كان نازل مع ناس خاله قاسم .. اتعرف على ولاء
((نضارات 👩🏫 قابلت نضارات 👨🏫)) لايقين ببعض و اصلا ولاء مياله ليه .. حول حمزه سكته طوالي لولاء
وما صدق مي حترجع لمالك قال احسن ..
واتقدم لولاء بطريقه رسميه .. وخطبو .. وبعد كم شهر كده العرس
مالك حزم امرة وخلى امه وابوه يتقدمو لمي تاني من اول جديد ..
عقدو ليهم طوالي لكن مالك ما جاء العقد (( سعاد نفضته 😂خليه يشتغل يعوض البزار البعمل فيه ده ))
العقد كان في الجامع بس . . كده مالك ومي بقو عيانا بيانا متزوجين منتظرين العرس و الدخله ..
طبعا مي ما تحصل مناسبه الاتعمل ليه حفله تفتح الكام وترقص عربي وافرنجي وسوداني ما بتخلي شي حتى البيلي دانس 💃
مالك خلاص شده ما اتكسر عايز يعمل العرس بدري بدري .. 😍
في زول بسال منهم كل مره ومليان حقد عليهم ((قمر)).. رغم سفرها لامريكا بس راجلها طلع ماسورة كبيرة منجضه نجاض للضرب بضربها لو طلعت ول نزلت .. ولو عملت ايي شي يقول ليها حرام 😡 رغم انه معحب بيها شدييييييد وبحبها بس ما قادر يتجاوز انها كان عندها علاقه قباله
ما بثق فيها نهائيا .. وانها تحمد ربها وتبوس يدها وش وظهر سترها وما فضحها ..
تقول ليه الجابرك شنو ؟طلقني
يقول ليها انا جيت ليك في القدر عشان اربيك انتي امك وابوك ما ربوك .😡
كان قاسي جدا معاها وما قادر يتجاوز نقطه انها عرفت زول قبله.. رغم انه معجب بيها بس كان ضاغط عليها ويا حرام حاولت تصبر بس ما قادره تعبت شديد المقعداها اولا امها غصب عنها .. قالت ليها اوعك تجي مطلقه وتقعدي زيي كده والناس تتكلم عنك تبقى انا وانتي مطلقات ..
وطبعا متابعه اخبار مالك من الواتس و الفيس ومن الاء اخته متواصله لسه معاها لمن اعلن في الفيس انه متزوج .. واصحابه بدو يهنوه النااااار ولعت فيها وبقت تدعي على مي وكل حقدها ومشاكلها دي صاباها لمي ومفروض هي التستاهل مالك لو ما مي ظهرت يوم الحفله داك ..
