مي كانه مالك ارسل كهربا لجسمها من لمسة يده ونظرة عينه شتت روحها وقسمتها اجزاء وعطرة الرجالي اخترقها لمن قلبها بضرب بسرعه ..ما فهمت زاته الحصل ده شنو وليه حصل معاها كده اشمعنا ده ،
مالك شاب اسممممر بزياده شعره ناعم مختم .. طويل وسيم جد النوع العيونه وحواجبه طلتهم حاده وجسمه صدرة عريض وباين عليه بمشي نادي مهتم باناقته جدا عنده دقن وشنب محددين بترتيب
بدخل القلب من غير استأذان وده المكسر بنات حواء فيه وغير اسلوبه الراقي ومعاملته الحلوه وكلامه المعسول .. حتى زعله وغضبه بتحب ..
مي من فكت يدها ماشه زي الطايرة ما حاسه رجلينها مودياها لوين و كان مالك متابعها بنظراته ..
وهي بس مشت لقت نفسها ماشه بس .. الا وفاء نادتها تقعد جمبها وقالت ليها مالك يدينك متلجه كده ووشك مختوف ☺ قالت ليها مي لا مافي شي بس حسيت اني بردانه الصاله دي تكييفها عالي شديد
يا زوله بقت قاعده كل مرة تسرق النظره لمالك تلقاه بعاين اتجاه طربيزتهم تقوم تغير نظرتها وتتلفت لمكان تاني ما عايزه تحسسه بشي
اهااا الفنان جاء وبدا يغني والجماعه يقومو يبشرو ويرقصو طبعا وفاء و ولاء ما حركو ساكن قاعدين وامهم جمبهم طبعا شويه كده غنو اغاني حماس قام عمك قاسم طوالي يبشر للعريس ويحمسه وطبعا قوم معاه مالك وخالد وعمو احمد وهشام كانت جوطه كده حركات تراثيه وعرضه شويه كده .. الا تظهر قمر في الساحه وقفت طوالي لصق مالك وتضحك وتسلم عليه وكانه بينهم معرفه يا زول مالك يعاين لقمر ويتبسم وقمر دي بس فضل تقول ليه ....... عديييل عاش معاها الجو العملته برقيصها المغري قدامه امها جات وقفت تصفق ومبسوطه على خفة بتها 😑 😈
هشام واقف معاهم ومبسوط من انه اتعرف على عيال عمه من قريب ويعاين لمي انها تجي يعني ومي عامله التقيله مع انه الموسيقى هازاها لكن مركزه مع مالك وقمر المهم شدت حيلها وقامت قالت هو الرقيص عملوه ليهم بس
قامت وامها قاعده تعاااين ليها المهم بس جيتها الاغنيه انتهت مالك استاذن قمر دقيقه كده وجا علي مي بطريقه وااااضحه
قال ليها ما تكوني جايه الساحه هنا ترقصي وكده 🤨ما بتخجلي شايفه نفسك انتي بت قدرك لابسه ليها فستان قصير كده ورجلينك كلها بره من قبيل بعاين ليك وحاولت انبهك لكن ما فهمتي نظرتي شكلك .. شااااذ عشان كده امشي احترمي نفسك واقعدي جمب امك يله
وكان جادي وبصوت فيه نهرة كده مي اتحررررقت منو😠
قالت ليه انت الدخلك شنو ؟ و بتعرفني من متين ؟ قالت في سرها شوف زي ده بالله 😏
قرب منها شديد وقال ليها بصوت جادي انتي بت عمي وعرضي شنو الدخلك شنو دي؟ ما ملاحظه الناس دي بتعاين ليك كيف 🤨وما ح اكتر كلام معاك و خليك واقفه هنا شوفي البحصل شنو ما ممكن اشوف واحد بعاين ليك واسكت كانه الموضوع ما يخصني ..
مي غرقت حاسه انه مسيطر عليها هو سلام ساي تعبها خلي يكون قدامها قريب لما تعاين ليه الا ترفع راسها لفوق وعطره غمرها وتانيا اتزكرت كلام ولاء و وفاء القبيل خافت عديييييل انه مالك ده عصبي وصعب وممكن يرتكب حماقه من غير ما يحس بشي ولا في زول بغلطه ولا براجعه حتى امه و ابوه
زول واثق من نفسه ما بطلق احكام سااااي الا يكون معاه الحق المهم مي وسط زحمه مشاعرها دي انسحبت ومشت جمب امها وشها مخطوف 😒 ومخنوقه من الموقف السخيف ده وهي ليه سمعت كلامه هو ما اخوها ولا ابوها ..
ابوها قاعد و حاضر وهي مي البت العنيده كيف يكسر عندها و غرورها بنفسها بالبساطه دي كيف هي زاتها ما مصدقه انها اتجاوبت مع كلامه وغصبا عنها حصل انها رجعت جمب امها لمن امها استغربت قالت ليها مالك ميويه وشك متغير كده .. وده مالو معاك 😠 قال ليك شنو ..
