قضى مي و مالك الاسبوع القبل الخطوبه كله في الاتصالات ما اتقابلو ابدا مالك بالنهار بكون مشغول شديد ما عنده فرقه يطلعو حتى الاتصال بمي الا سريع ولمن يرجع البيت طول الوقت بتكلم مع اهله في التجهيزات والعايزنه وزي كده الا من ٩ مساءا بكون فاضي تقريبا يبدا يتواصل معاها .
كبار العائله قررو عقد بدل خطوبه وده الحصل بالفعل واتختت ام مي و ام مالك امام الامر الواقع 🤗 كانت حفله خييااال واتبسطو شديييد بالذات مالك ما مصدق انه مي بقت زوجته رسمي .. طبعا معازيم أشكال و ألوان أصحاب خالد و مالك هججو الحفله واكيد أصحاب ابوهم وعمه ومعارفه والأهل وناس البلد كانت صاله فخمه جدا و الترتيب رهيب ومي كانت طالعه خرافيه. رغم شعرها المقصوص لكن غيرت شكلها الخبيره رجعته كللله لورا وعملت ليها مكياج دخاني للعيون و الروج باهت. وفستانها كان على الجسم. و مالك كان جنتل مان بالفل سوت دارك بلو وقميص اوفوايت ..
بعد الحفله خلصت و الناس بدت تمشي مالك كلم عمه انه هو حيرجع مي البيت ابوها ضحك قال ليه خلاص بدينا 😅 مالك قال لعمه مي امانه في رقبتي يا عمي في الحفظ و الصون ..عمه ساق سعاد و هشام ورجعو البيت ومالك ومي وراهم على طول مالك من ركبها العربيه ماسك يدها اول ما العربيه اتحركت ومي خجلانه شديد .. ماشي براحه مالك وبتمنى السكه ما تخلص فاتح اغاني سودانيه بصوت هااادي
الليله لاقيتو
وملا السرور قلبي
و باسمه ناديته😍
مي تتضحك وتخجل و تدنقر راسها وهو معجب بحياءها ..
وصلو لبيت مي وقف العربيه وقال ليها يا مدام مالك وصلنا البيت تحبي تطلعي ول نستنة شويه هم كده ابوها اتصل عليه قال ليه اطلعو فوق 🤨ْطلع مالك معاها و دخل البيت وقعدو يتونسو ويضحكو عن الحفلة و الحصل فيها الا ام مي دخلت غرفتها شويه كده وابوها استاذن مالك انه بكرة عنده قومه للفجر وعندهم شغل كتير ما حيقدر يساهر قال لمالك اخد راحتك البيت بيتك و مشى غرفته فضل مي و هشام و مالك مي قالت جعانه استاذنت مالك تمشي تغير فستان الحفله ، دخلت غرفتها وطلعت بجامه برمودا بمبي و جزمه شتويه ارنوب رمادي ومسحت المكياج كله وبقت طبيعية كانت باريحيه في بيتها وطلعت ختت فواكه مشكله في طبق و ساندوتشين وكباية مويه ختتهم في الطربيزه حقت الصالون وقالت لمالك تعال جوه دخل معاها ومستغرب في جزمه الارنوب ابو ضنب دي 😂😅 معلق عيونه على الارنوب وعلى رجلين مي وهي لابسه حجل جميله اتفتن فيها شديد يعاين وين ول وين كلها جمال وهي زوجته حلاله لكن ما يقدر يلمس فيها شعره 🙁 لما ظهر في شكله انه متوتر ، مي قالت ليه مالك سكتا فجأه كده قال ليها بفكر فيك 😐 مي فكتها ضحكه وقهقهه كيف تفكر فيني وانا معاك قال ليها ايوه ما هي هنا الوجعه زاااتها مرتي ومعاي وما قادر اقرب منك مي بكل بساطه قالت ليه يازول قرب ما تقرب ليه 😊 مالك ما صدق خبر قام طوالي قعد جمبها ومسك يدها ختاها في صدرة و قال ليها شوفي الجوطه الحاصله هنا بسببك 😍 وبقى عيونه في عيونها..
مي حست انهم امتزجو وبقو واحد وغرقت في عيونه وحست انه بتمعن مفاتن وشها بعيونه وركز على شايفها.. في اللحظه دي فجأه هشام جاء داخل انه جعان عايز ياكل معاهم فواكه مي نطت وسحبت يدها بسرعه وقامت من جمب مالك مشت غرفتها قفلت الباب وراها بالمفتاح وحاولت تستجمع انفاسها لانه هم بالوضع ده و حاول يقرب منها اكتر وعينه على شفايفها وهي كانها صنم خايفه ومتوترة شديييد اول مرة زول يقرب منها للدرجه دي ، مالك لو لا دخول هشام كان قبلها 🤗 .
هشام حسه انه في شي ما طبيعي كان حاصل المهم قعد ياكل من الفواكه ،مالك عاين لهشام شافه ما على بعضه ومي اتاخرت و الوقت متاخر شديد وقف وقال لهشام انا ماشي يله مع السلامه هشام مد ليه يدة بس عايز يقوم يقدمه مالك قال ليه خليك قاعد ، طلع مالك عاين لقى غرفة مي مقفوله مشى عليها دق الباب براحه قال لمي انا ماشي البيت وهي جوه الغرفة قالت ليه مع السلامه ْمالك اتغاز منها شديد قال ليها مع السلامه من وراء الباب 😑 ْ،مي سكتت هشام طلع مالك هنا خلاص طالع مي سمعت صوت هشام حتى فتحت الباب ولوحت لمالك بيدها باااي مالك عاين ليها واتبسم يله بااااي.
ركبة مالك العربيه اتصل بمي وقال ليها ما قادر امشي كانه روحي معاكم ما عارف كيف حقدر اصبر الوقت ده كله ده عذاب شديد بالنسبة لي 🤨 مي ضحكت وقالت ليه وانا برضو .. مالك : انتي اضحكي بس وزيدي الفيني اكتر . اثناء ما بتكلم مع مي دخل اتصال لما مالك شاف لقاها امه هنا ودع مي وقفل منها وفتح لامه ، طبعا سالته انت وين ؟ ما تكون مع العروس لحد هسه! 🤨 قال ليها مالك انا في السكه راجع ، طبعا ضحك براه في امه انه زمان بتاخر ما حصل تتصل معاك منو ولا انت وين الجد شنو ول ده شغل نسايب لانه الموضوع بقى جد ههههه قفل منها وشغل العربيه ومشى ، مي بالشباك واقفه متابعه عربيته لحد ما مشى .
تاني يوم مالك اول ما فتح عيونه اتصل على مي يصبح على العروسه ويشاغلها ومي كانت صاحيه بدري مالك فتح الكاميرا عشان يتصبح بيها ويومه يكون حلوو 😊 قال ليها انتي لسه لابسه البجامه الارنوبية 🤣🤣🤣 مي اتغاااظت قال ليه انت لابس شنو يعني 🤨 مالك ما صدق خبر زح البطانيه ظهر جسمه وقال ليها بلا ولا شي 🤗 الا شورت 😜 وهنا مي فصلت ما عرفت تعمل شنو غمدت عيونها 😣 واتخلعت من انه ما لابس فوق حاجه، مالك فك الضحكه بهيستيريا قال ليها انتي جاده ؟ المفروض ده يكون صباحي معاك لقيتك صعبه لكن حتتعبيني بعدين 😎 مي قاطعته قالت ليه لكل حادث حديث ما تستعجل ساي 😏 حبت تبرر موقفها وتظهر الوضع عادي يعني 😐 . ومالك يشاغل فيها ويكاويها وهي مصرة انه يتغطى منها ويحترمها وهو مصر انه عادي 🤨 لحد ما امها جات داخله غرفتها مي قفلت الماسنجر بسرعه .. امها قالت ليها بطلي كسل وقومي يله استحمي وغيري بجونا الضيوف بعد شويه يباركو ليك البسي كويس .
مالك قام يستحمى ويغير ونزل للشاي و الفطور ابوه اتصل عليه شنو يا عريس انت مصدق تعال الشغل يله الليله عندنا مشاكل كتيرة ..
