خالد في بين الفاصلين في الحفله. اتصل بمي. سلم عليها وعاش من شافك والذي منه اخر مره قابلها قبل قريب سنه بالصدفه لكن بسال منها. بالتلفون علاقته بيها كانت كويسه شويه
قال لمي :اسمعيني دايرك في موضوع مهم شديد حياة او موت 🧐 انا جادي اطلعي لي بره الصيوان ده بستناك في عربيتي. اسرعي الله يرضي عليك
سعاد دايرة تدخل جوه تسلم علي باقي اهلهم. قالت لي مي تعالي اتعرفي علي اهلك ،،
مي قالت ليها يا ماما نحن حنقعد معاهم ٣ يوم يعني حتعرف عليهم. خليني براحتي. .
دكتور حمزه علق عيونه متابع مي كل حركه تعملها هي تعاين ليه وتتبسم بسيط نظام مالك انت 😠؟
قامت مي لمن لقت ماف مفر من حمزه يشوفها. طلعت. اتلفتت و اتاكدت انه ماف زول منتبة ليها الا حمزه ده ..
خالد. بره عمل ليها فلاشر وفتح نور طويل عرفته مشت عليه اشر ليها تركب. وهو كان مستعدل طلع بالعربيه طوالي
ده كلو حمزه مصوره و مستغرب في ناس الخرطوم بعملو حركات غريبه ليه مي مشت تتلفت ما دايره زول يشوفها 🤔.. يا دوب خالد طلع مشى بالعربيه
فجأه شاف مالك طلع بسرعه لدرجه ما انتبه لحمزه برضو ركب عربيته مستعجل ومشي بسرعه 😯
حمزه فصل وقعد يفكر يا ربي في شنو ؟
مي : خالد في شنو قلقتني خير ان شاء الله
خالد :🤐 ساااكت ولا كلمه بردها
مي : ماشين وين ؟وين نحن ؟ خالد رد علي 🤔
خالد: اصبري يا بت الناس هسه بقول ليك. انتي خايفه مالك الدنيا نهار الشمس قدر الكتله .. ما تقلقي. دقايق و حتعرفي
خالد طلع الشارع ومشي بعيد شويه من الحفله نزل من الشارع في محل فااااضي كده جمبه شجره كبييييره ظليله وقف تحتها العربيه وبقى ويعاين لمي بطريقه غريبه وزي الداير يقول كلام ..
فجأه مي سمعت صوت عربيه بوراهم اتلفتت لقت لاند كروزر مالك. رجعت عاينت لخالد عين كانها خايفه وانه خالد غشاها 😒
مالك دق قزاز الشباك لخالد ،
خالد عايز يفتح الباب مي مسكته من يدينه وتقاويه تقول ليه لا لا لا يا خالد ما تعمل فيني كده ..
خالد فتح الباب ونزل بسرعه مالك ركب وحاولت مي تنزل مالك قفل التامين بسرعه وما عاين ليها بعاين قدامه ما اتلفت ليها ابدا ..
عايت ليه لقته عرقاااان ومسخن فتح التكييف عالي وشكلو الجلد حق البطان مضايقه في الضهر يرفع الجلابيه من قفاه ومي تعاين ليه 👀 حنت عليه لانها شافت قبيل كيف كان وضعه ..
هدت شويه وسكنت
بعد صمت حسته مي كانه سنه
اول كلمه قالها مالك : آسف ..
انا آسف يا مي لكل الم سببته ليك ..
آسف لكل دمعه نزلت من عيونك انا سببها ..
حتى اتلفت عليها يعاين ليها بعمق 😐 واتمعن ملامحها شرب بعيونه يروي في عطش شوفتها سنين
مي هدت شويه هي زاتها مشتاقه لشوفته مشتاقه لصوته فيها شي جوة ما مات ..
مالك :العدسات حلوه عليك لكن عيونك من غيرهم احلى
مي سكتت شويه ونزلت عينها منه وقالت ليه خلصتا خلاص ؟ افتح لي الباب ده يله 🤨 عايزه انزل ..
