مالك سافر دبي نزل مع خاله مقيم هناك. و متزوج ..وبدا في اجراءات فتح مكتب استيراد و تصدير اول ما نزل لانه زوجه خاله لا تطاق بالذات بعد الاخبار بدت تفحفح انه مي هي الطلبت الطلاق بعد ما ظبطته مع وحده .. ماف تفاصيل. ولا زول بساله. ولو سالوه. بقول ليهم ربنا ما كتب . قدر الله وما شاء فعل
مالك قعد في بيت خاله اسبوع . اجر شقه و طلع طوالي. من معامله المرة السيئه .. لو عنده مشاوير ول جري. خاله بمشي معاه ..
طبعا صفيه اكتر زول قلقانه عليه وما كانت راضيه السفر وهسه لو لا سمح الله اتعرض لنوبه تاني البحصله منو. .. وهي عارفه ولدها مشي مكسور ومي دي خلي عشانها البلد كلها. شدة ما اتاثر بالحصل و دخلت عليه دخله شديده .. ياما عرف بنات وياما مر بمشاكل بس دي الكسرته لانه حباها .. و الحصل ده مجرد ساعة شيطان ونزوه عشان كده اليوم كله. لابسه سماعاتها وتتكلم معاه وتفرق عليه .. وتدعي ليه ربنا يوفقه ..
طبعا احمد عرف انه مالك سافر. الامارات وكلم. مي ..كانت قايلاها زي سفره تركيا. ابوها قال ليها لا باع الشقه حقته هنا و اخد جزء كبير من رصيده حوله لهناك. لدرجه اشتري شقه وحيستقر هناك. خلاص. وحيفتح خط استيراد و تصدير. بين الامارات و السودان .. هنا محلات ابوه و شركاته حيمدهم باحتياجاتهم كلها من انحاء العالم. عن طريق مكتبه في الامارات يعني الشغل الفتحه مشغل نفسه. ..
مي حست قلبها وجعها. انه. طلقها بسهوله. وبعد عنها بسهوله خلا البلد كلها .. وما حاول يصلح العمله ول. يحنسها ول يصبر عليها لحد ما تروق. ويرجع تاني وتالت. لحد ما تنسي وتقتنع. ما قاتل عشانها. .. استسلم ببساطه. كانه اصلا ما عايزها. احتمال مشي لقمر لانها عبت عينه وعجبته .. هي زوجته ليه. ما عمل معاها نفس الشي الشافته مع قمر .. تاهت مي وتوهت نفسها لانها ما فاهمه ايي شي غير انه خانها وثقتها في نفسها اتهزت .. وبتدت تشك في ايي زول. يحاول يقرب منها ول تحس مجرد احساس انه معجب ول بحبها. .. بعدت بعيد عن الاجواء دي. ركزت كل جهدها في قرايتها. ومع اصحاب مقربين جدا منها ما زي زمان ..
بعد ما مالك ضبط وضعه. وبدا. يشتغل امه و ابوه اقرب اجازه ليهم مشو ليه. هنوه وباركو ليه بالشغل و الشقه الجديده . و اتطمنو عليه وعلي وضعه و كانو مبسوطين عملو ليه جوووو. و قعدو معاه 3 شهور كامله و رجعو ..
مالك ما قعد بس علي شغل المكتب لانه بخلص المغرب تقريبا عنده وقت طويل في اليوم يقضيه كيف من غير ما ينجرف في حياة مدينه دبي الصاخبه. .. بدا يدرس لغه صينيه. لانه معظم تعاملاته مع الصين و تايوان. . .
وطبعا اكيد نشاطه لسه ما حيكون خلص علي كده وين تمشي الطاقه الزايدة دي سجل في نادي رياضي. يتمرن. ساعتين علي اقل تقدير يرجع شقته اخر الليل خلاص خلصان يا دوب شاور و يغير. ويا تلفزيون ول. يتابع الشحنات و شغله بالابتوب. وطبعا اهله ما بخلوه ساعتين علي بعض. يتصلو عليه ماسنجر شي بكاميرا وشي من غير كاميرا. كانه قاعد معاهم في الصاله. خالد مره وابوه مره
