البارت الخامس. ..
.........................للكاتبه رزان. .
شهلاء .. مدام ابوي موافق ماعدي مانع .
حسين. ها عل بركه نقره الفاتحه .
شهلاء. قرينة الفاتحه وكمت جبت الكيك والعصير وكلنه كعدنه نسولف وبويه ارتاح الهم خطيه شكد صارله مكاعد وحاجي ويه ناس تعرفت على زوجة حسين جانت كلش حبابه. وره ساعه راحو أهلي فرحولي كلش امي وبويه ضلو طول الليل يسولفون بيهم اني هم تفاجئت متوقعت حسن يأخذ أهلي ويانه يعيشون من نتزوج صدك فرحني بكلامه.
حسن. من شفت شهلاء متضايقه وماشفت الفرحه بعيونهه شكيت كل ضني رافضتني بس من فهمني ابوهه كبرت بعيني وحبيتهه أكثر. حتى حسين تفاجأ من قراري .
حسين. حسن شنو تأخذهم وياك يعيشون.
حسن. انته شفتهم همه كبار بالسن وضريرين شي اكيد متكدر تعوفهم وشكو بيهه لوجبتهم وياي يعيشون وبالإضافة شهلاء هيه التصرف عليهم لوزوجت منو يصرف عليهم .
حسين. عادي اصرف عليهم انته ولبي حاجتهم بس مو تخليهم يعيشون وياك.
حسن . القرار قراري وتخذته راح اشتري بيت جبير ونعيش بي لاتخاف مراح اضايقكم ونكعد وياكم.
حسين . انت شتحجي هذا البيت بيتنه ثنينه شنو تعوفه وتشتري غيره .
حسن. أصلا اني مقرر بس ازوج أستقر ابيت وحدي.
حسين. لاتزعل مني بس المصلحتك احجي مااريد تصير مشاكل وتدخل من اهلهه بينكم.
حسن. انت متعرف شهلاء عقلهه أكبر من عمرهه.
حسين. الله يوفقك حبيبي أهم شي عندي راحتك.
حسن. تسلم حبيبي.
رحت اتصلت على شهلاء الووو
شهلاء. الوو
حسن. شلونج شهلاء بس لا نايمه.
شهلاء. لا كاعده اني زينه انت شلونك.
حسن. اني هسه أسعد شخص بالعالم اروع امرأة راح تصير زوجتي .
شهلاء. بالمناسبة اشكرك لأن راح تخلي أهلي يعيشون ويانه همه مالهم غيري وجنت متردده اوافق بسببهم المن اعوفهم .
حسن. مدام انتي وياي لاتشيلين هم شي حبيبتي.
شهلاء. سكتت.
حسن. ليش ساكته.
شهلاء. أول مره دكلي حبيبتي.
حسن . انتي حبيبتي وحياتي وكلشي الي بالدنيه بس انتي متحبيني .
شهلاء. منو كلك مااحبك.
حسن. انتي كلتي بس أصدقاء.
شهلاء. وليش الأصدقاء ميحبون بعضهم.
حسن. بس حب عن حب يختلف إني احبج حب حبيب الحبيبته .
شهلاء. يعني بس اني حبيبتك.
حسن . بس انتي بالكلب .
شهلاء. يسلملي كلبك ح. . وسكتت.
حسن. كوليهه ليش سكتي.
شهلاء . شاكول .
حسن. ح. . لو متحبيني...
شهلاء. أحبك طبعاً .
حسن. شنوو اشو عيديهه.
شهلاء. أحبك أحبك.
حسن . اخخ يابه وأخيراً كلتيهه
شهلاء. كلتهه من زمان بس مسمعتهه.
حسن. اني قريتهه بس مسمعتهه قريتهه بعيونج .
شهلاء. وهسه سمعتهه ارتاحيت.
حسن. افييش شنو كلمه ارتاحيت قليله .
شهلاء. يجي يوم وتمل منهه.
حسن. أمل روحي ولا ملج ولا املهه.
شهلاء. بس حسن لاتخليني اتندم بيوم لأن كلتهه . حسن. عمرج مراح تتندمين على حبج الي اذا حبيتيني قاط احبج قاطات .
شهلاء. حبيبي باجر تمر عليه ..
حسن. اكيد حبي من الصبح يمج.
شهلاء. اوكي حياتي روح نام وباجر تلتقي.
حسن. اوك حبي تصبحي على خير.
شهلاء. ونت من أهل الخير.
نمت وكعدت الصبح جهزت نفسي وحضرت الريوك الاهلي اجه حسن دخل سلم على اهلي وطلعنه للشركه طول الطريق يتغزل بيه ولازم أيدي أبد متركهه دخلنه للشركه حسين عالن خطوبتنه للموضفين باركولنه وقدمولنه ورد دزيت الفراش على علبه حلويات وزعتهه على الموضفين الكل جان فرحالنه بس ساره تخزر بيه حتى ماباركتلي ولا باركت الحسن حسن راح المكتبه وإني رحت المكتبي وره شويه اجتني ساره.
ساره. لاتفرحين شهلاء حسن مو الج ولا عمره حيكون الج.
شهلاء. ونتي شنو علاقتج افرح أو لا شي ميخصج.
ساره. حسن ميحبج بس يأخذ الي يريده منج ويتركج.
شهلاء. مو انتي الي تحكمين يحبني أو لا شي ميخصج. ساره. اني اراهنج حسن راح يتركج ويرجعلي .
شهلاء. اراهنج ميرجعلج لأن بعمره مكان الج هوه اصلآ.
