الفصل التاسع (مفاجاة)
ادم بخضة/ايه يا سالي في ايه
سالي بعصبية/روح شوف صاحبك اللي انا زهقت من عمايله
ادم/مين جاسر
سالي بضجر/هيكون مين غيره يعني
زفر بضيق ثم قال من بين اسنانه/عمل ليكي ايه
سالي/مش طايقلي كلمه خالص
ادم باختصار /الشغل بقي يا سالي
نظرت له بترقب ثم قالت باستنكار/الشغل ولا البت اللي شقلبت كيانه
وقف ادم وقال بضيق/انا رايحله
ثم تركها وغادر الغرفه
خرجت سالي وهي تجري وراؤه وتهتف/ادم يا ادم
ماشي انا هعرف كل حاجه بطريقتي
************
دلف ادم مكتب جاسر وعلي وجهه الضيق متن سالي وافعالها وجده يجلس علي الاريكة يضع يده علي راسه
توجه اليه بقلق من شكله واردف/ايه يا امبراطور مالك في ايه
جاسر بتنهيده/متشوش ياادم خالص
توجه ادم اليه وجلس بجانبه واردف/حياة؟؟
جاسر/جالها انهيار عصبي بسببي
انتفض ادم من مكانه وقال/يخريبيتك عملتلها ايه
نظر له جاسر بانكسار وقال/غصب عني مش قادر انسي اللي ابوها عمله
ادم /خف عليها شويه يا جاسر حياة...
قاطع حديث ادم دخول سالي المفاجئ وقفت ووضعت يديها علي خصرها واردفت/مين بقي حياة مين ست الحسن اللي مغيراك الامبراطور جاسر الانصاري
جاسر بعصبيه/انتي ازاي تجيلك الجراه وتتجسسي علينا لا وكمان تدخلي المكتب من غير اذن
نظرت له بعصبية ولم تبالي بحديثه ولا بغضبه واردفت/متغيرش الموضوع مين البنت دي اللي مخلياك مش طايقني ولا طايق نفسك
تدخل ادم مهدا الامور خوفا من بطش وعصبية صديقه واردف /اهدي يا سالي انا هقولك نظر له جاسر بترقب فغمز له/اقعدي يا سالي
توجهت الي الاريكة وجلست عليها بضيق واردفت/قعد مين بقي دي
صمت ادم قليلا محاولا تجميع الكلام ثم قال /ااا دي بنت رجل الاعمال رياض الخولي اللي مراته قريبه جاسر من بعيد جاية تكمل دراستها هنا اسهل لها بنت صغيره عندها 17 سنه يعني مش كبيرة
سالي باستنكار /وهو في واحده محترمة تقعد مع راجل لوحدها في قصر طويل وعريض كده
تدخل جاسر قائلا بضيق/لوحدنا ازاي يعني يا سالي ما البيت مليان خدم
سالي/اممم هحاول اصدقكو بس مراقباكو برضه
ثم خرجت من المكتب زفر ادم وقال/اوووف فظيعه
جاسر/علي رايك بس مش عايزين نامنلها لو عرفت هتبهدل الدنيا
انا لو ماكنتش عارف انا ممكن تعمل مصيبه كنت عرفتها مقامها كويس وازاي تتكلم كده مع الامبراطور
ادم/ايه يا عمي بلاش تنفش ريشك كده
رفع جاسر حاجبه ثم قال/ريشك عارف لو ماكنتش مشغول كنت دفنتك مكانك بس الصبر عليا
ثم تابع/يلا انا ماشي
وخرج من المكتب بل من الشركة كلها
***************
وصل جاسر القصر ثم وجد زهره تنزل من الاعلي
جاسر/الهانم عامله ايه يا زهره
مصمصت زهره شفتيها وقالت/دي يا حبة عيني قاعده تعيط ومش بتتكلم
اوما لها جاسر وقال بحده/طيب بطلي قر وشوفي شغلك
اومات مسرعه بخوف من نبرة صوته ورحلت
صعد الي غرفته بدل ملابسه وارتدي بنطال قطني و تيشرت بنصف كم بني ثم ذهب لها طرق الباب ودخل وجدها تنظر امامها للفراغ شارده لا تعي لشئ من حولها ملامحها شاحبة ومحطمه
اقترب منها ثم جلس امامها علي الفراش نظرت له ثم ادارت وجهها مره اخري
لا تطيقه لا تطيق النظر اليه حتي تكرهه بشده
تنهد جاسر ثم قال /احسن دلوقتي
لم ترد عليه
اقترب منها ثم ضمها اليه فجاة وقال بمزاح/خلاص بقي ميبقاش قلبك اسود وجدها تشدد من احضتنانه وتبكي بشده اخذ يمسح علي شعرها ويهدؤها وهي تبكي وشهقاتها ترتفع تركها حتي هدات تماما حتي شعرت بالوضع الذي هي فيه ف ابتعدت عنه بسرعه ووجهها احمر من الخجل والبكاء
جاسر بمرح/ينفع كده بهدلتيلي التيشيرت
نظرت له ولم تعلق
جاسر/خلاص بقي يلا عشان ناكل
نظرت له ثم قالت بصوت مبحوح/مش عايزه اكل
جاسر /لا انا كده هزعل يلا غيري هدومك وانزلي
اومات له بهدوء
تركها وخرج وهو ينوي بشئ ف داخله لقد شعر تجاهها بالشفقه علي حالها ولكن هل سيتنازل عن مخططه ام لا
دلف الي الصالون وقام امر زهره بتجهيز السفره
****************
في غرفة حياة وقفت وذهب الي الحمام ثم خرجت وهي تؤنب نفسها علي احتضانه كانت منذ لحظه تقول انا تكرهه وتحتضنه الان(هبلة اقول ايه يعني) ولكن شعرت بانها بحاجه الي هذا الحضن (قلب اختك يا بنتي) شعرت بانها بحاجه لان تبكي باحضان احد حتي تفرغ كل الطاقه السلبية التي تجتاحها
اتجهت الي خزانتها وارتدت ملابسها التي عبارة عن بنطلون جينز اسود وتيشرت بكم بينك ثم رفعت شعرها علي هيئة ذيل حصان نعم فمنذ وقت ان حذرها الا ترتدي حجاب في القصر وكانت نبرته تحذيريه وهي لا ترتديه(منك لله يا مفتري) نزلت الي الاسفل وجدته ينتظرها علي السفرة اتجهت اليه وجلست بجواره
جاسر بدهشه/ايه الحلاوه دي
نظرت ارضا من خجلها
ثم قامت بتناول طعامها بصمت ولا ترفع عينيها من علي طبقها من الخجل
انتهوا من طعامهم ثم ذهبو ليشاهدوا التلفاز وجلسا علي احدي المقاعد
اثناء مشاهدتهم وجدو احد يطرق علي الباب اتجهت احدي الخادمات لفتحه
**********
جالسين ومندمجين في فيلم قديم رومانسي وجدو احد يدلف عليهم وويلقي التحيه عليهم رفعت حياة نظرها اليها وجدتها تنظر لها بغرور وقف جاسر ونظر تجاهها بصدمه ثم هتف /سالي
سالي بابتسامه مصطنعه وهي تنظر تجاه حياة /هاي جاسر عامل ايه
ثم تابعت/
ايه رايك في المفاجاة دي
نظر لها بتوعد ثم قال من بين اسنانه/تحفه يا سالي مفاجاة حلوه
نظرت سالي له ثم لحياة وقالت/طبعا لازم تكون حلوه برضه مش انا سالي
ثم نظرت لحياة وقالت/هاي يا حلوه اخبارك
حياة بهدوء/تمام كويسه
سالي بسخريه/انتي بقي قريبه جاسر اللي جايه من امريكا
نظرت حياة لجاسر فاوما لها بخفوت ثم رجعت ببصرها واردفت/اها انا حياة
سالي بتعالي/سالي البدراوي سكرتيره جاسر وصديقته وقريب هبقي خطيبته...؟
نظر جاسر لها بصدمه ثم لحياة المصدومه ايضا ثم تابعت سالي قائله/مش كده يا جاسر ولا ايه..
يتبع....
ليه سالي قالت كده لحياة؟
وايه رد فعل جاسر علي كلامها؟
وايه رد حياة علي اللي بتقول خطبية جوزها؟؟؟
كل ده هنعرفه بعدين في رواية#عشق_منتقم
بقلمي منة ممدوح
انا كدة عملت اللي عليا وعوضتكم اهو عشان محدش يكون زعلان
