#معذبتي
🙈❤ نتمنى روايتي تعجبكم... لأنه تفاعلكم يشجعني نكمل ❤
البارت 1
كنت نجري ونضحك ونلعب مع اخويا في مزرعتنا
بدا اخويا يستف صفت علب البيبسي على طاولة ورجع وهوا يحسب في مساحة معينه وناداني:.. شروق تعالي لعندي
مشيتله وأنا مستغربه:.. شن قاعد أدير
ابتسملي وقالي:.. بنعلمك كيف تصوبي بالسلاح
كشرت بوجهي ومديت بوزي:.. بس هذي تبع شباب شن دخلني فيه
قالي:.. شروق بلا عناد ودلع... هذي حاجه تتعلميها وتلقيها بعدين... صح أنا معاك بس ماتعرفي... الحياة مش دايمه... والواحد ما يضمن عمره
زعلت حق منه:.. بعد عمر طويل... تعرف ماعندي غيرك
قالي:.. وعشان خطري تعالى نعلمك
ابتسمتله على جنب:.. امري لله... هيا علمني كيف
وبدا يعلم فيا ويضحك مرا على طريقة وقفتي ومرا على طريقت مسكتي للمسدس ومرا لما مانجيبها صح على الهدف
خليته ومشيت للسيارة وأنا متغششه منه
لحقني:.. شروق خيرك... والله أنها حاجه ساهله
فقلته:.. أشرف مافي حاجه ساهل بالسلاح... انت تعرفله لأنك من سنين متدرب بيه وواخذ رتب ملازم أول... وجاي تقولي ساهل... أصلا أنت ماتعلمتها بيوم
ضحك أشرف عليا:.. هههه به يستي ويمدللا إنتي... شن تبي نعلمك به
حطيت يدي على خذي نفكر يعني:.. علمني نسوق وعلمني حركاتك تبع الدفاع عن النفس
ونزلت من السيارة وأنا كلي حماس:.. وبالذات هذيك الحركة يلي قلبت بيها ولد الجيران
ضحك أشرف:.. ههههه مانسيتيها
قلتله:.. كيف ننساها.... والمسكين انضرب وهوا مادخله بيلي صار
أشرف:.. هههه والله فهمت خطأ... ويلي يشوفه كيف ماسكك فيك يفكر أنه كان بيخطفك أو شن بيدير... شن عرفني أنه في عقرب قريبه منك وانتي يلي تمسكتي فيه
ابتسمت على الذكرى هذي يلي كانت من خمس سنوات
وهذا حالنا... وقت الفراغ يجيبني للمزرعة ويعلمني كل شي... عمري 22 سنه بدون أم وأب.... كان عندي اخت أكبر مني بي 4 سنين بس توفت مع أبوي وأمي لأنه صار حادث ليهم وزادلي أخوي أشرف عمره 30 ضابط بالشرطه برتبت ملازم وعلى الرغم من عمره صغير بالمنصب والرتبه إلا أنه استحقها بسبب التزامه
من كبرت ماعرفت ليا اعمام أو خوال.... وكل مانسأل أشرف يقولي حته أنا مانعرفهم
ورجعنا للحوش بوقت المغرب
قالي أشرف:.. بتحطي عشاء أو نجيب من المطعم
ضحكت وقلتله:.. ههه لو فلوسك زايدات عليك عادي
أشرف:.. هههه شكلي دلعتك ونسيتي كيف تحطي العشاء
رديت عليه:.. إيه نسيت
أشرف:.. شكلي بنكلم خالتي صفاء ترجع تعلمك من جديد
ابتسمت على جنب:.. لالا... توا نقول لي مروة تجي تعلمني بالحوش احسن
شفت ابتسامت أشرف واسعه:.. هههه بشوي لا تنفجر من الفرح
لف عليا وهوا مبتسم:.. عشان خاطر مروة عادي
وانتبهت لسيارة قدامنا وصرخت:.. أشراااااف
رجلي مجبسه ورأسي يوجع ودموعي.... دموعي ما وقفن عن النزول من أسبوع كامل... أسبوع واخويا أشرف مدفون بجنب بابا وماما واختي منار
جتني مروة وحضنتي:.. خلاص يشروق... إنتي تعذبي فيه في قبرة... ادعيله وترحمي عليا
مسكت فيها اكثر وأنا نبكي بحرقه:.. اخويا يمروة... اخويا كل سندي وحياتي راح... ماعاد ليا حد من بعده... نبي أشرف يمروة
رجع حزن مروة ثاني:.. حته أنا نبيه... بس هذي الحياة... خليك قوية
