#معذبتي
🙈❤شكرا حبيبات قلبي❤
❤❤ البارت 4❤❤
نزلت يدي يلي ماسكه التلفون مع نزلت دموعي... علاش ديما يمشي قبل لا يفهم القصه صح... علاش يبني في أفكار كلها غلط في غلط عني
مشيت لداخل ولا سمعت لأنس
هوا الوحيد يلي ماكنت نبيه يشوفني بشكل غلط
دفعت الباب ومريت من الصاله وعلى طول لدار ثوريا
فتحتها وخشيت قعدة على السرير نراجي شن يلي بيصير بعدها
بعد فتره خشت ثوريا للدار وقالتلي:.. توينك جدي يدور فيك
خذيت نفس وقلتها:.. عمي ناصر جا؟
قربت لعندي وقعدت جنبي ومسكت يدي:.. شروق كنك تبكي... صارلك شي... حد ضايقك؟
تعبن الدموع بعيوني وهزيت راسي لا
ضغطت اكثر على يدي ونزلت دموعي... وكانه كانن يراجن ضغطت زر
قالتلي:.. كل الدموع هذي ولا... قوليلي الصراحه
وقالت بارتباك:.. أنس تعرضلك؟
شهقت وزاد وجعي... يريته ضايقني بس ولا شافنا بدر
حضنتي وهمستلي:.. هوا خويا بس نعرفه كويس... صاحباتي مانعزم فيهم بالحوش بسببه... نبيك كل ما تشوفيه في مكان اطلعي منه لو كنتي لوحدك
قلتلها بين دموعي:.. ولو مانتبهتله ووقتها قرب مني
ضغطت عليا وقالت:.. اضربيه حته لو تسببتيله بجرح
بعدتني عنها ومسحت دموعي:.. قومي غسلي وجهك واطلعي لجدي... يدور فيك وخايف تضيع شكله... هههه كل شوي يقول جيبولي شروق
ابتسمت ووقفت وهي وقفت معايا:.. إنتي اسبقيني وتوا نلحقك
طلعت ثوريا ومشيت للحمام عشان نغسل وجهي
ثوريا البنت الوحيدة في عيلة عمي خالد... وهي تكون أخت أنس... وسمعت أنه عندهم اخ ثالث... تقريبا عادل
طبعا ليها دار بروحها وبيها حمامها... هههه ناقص المطبخ بس
طلعت ومشيت لطاولت المزين وشفت وجهي في المرايا... عيوني حمرن من بكي... أكيد بيلاحظو عليا حطيت كحل ومسحته عشان لو سألوني نقول كنت نجرب في أدوات ثوريا
طلعت من دارها ومشيت للمربوعه لأنه جدي فيها
وقفت جنب الباب لما شفت أنس بجنب جدي... وعمي خالد يسأل فيه:.. من كاسرك خشمك
أنس شافني وابتسم على جنب:.. كنت نجري في قطوسة شرسه ولا انتبهت للنافذة مفتوحه
ضحك جدي:.. هههه بطولك وعرضك تجري فيها... هههه شن خليت لصغارك
حسيت بخنقه من وقفتي في مكان يجمعني بيه... فقلت:.. جدي امته بنمشو للحوش
قال عمي خالد:.. وعلاش تمشو... خلوكم للعشاء
رجعت قلت لجدي:.. توا نتصل بعمي ناصر يجي
وطلعت عشان يكون واضح أنه هذا القرار النهائي
♡
♡♡♡♡♡♡♡♡
وصلت لاستراحه تبع جدي... درست بالساحه ورجعت براسي لورا وغمضت عيوني نفكر بيلي صار اليوم
الصبح قعدت معايا وهدرزنا... والعصر شفتها بحضن أنس... اااخ يالقهر بس
علاش ما واجهتها... عشان لا تقولي شي كذب بعدين
نزلت من السيارة وأنا جوفي والع نار... علاش الشعور هذا... شن معناه
طلعت المفتاح من بين الزرع وخشيت لداخل
استراحه من صاله تتوسط كل شي... المطبخ ودارين للنوم وحمام وكانت مفروشه... وفيها بابا لخلف الحوش فيه مسبح بس نعبوه ميه وقت نخططو لعطله هنا
رميت جسمي على الصلون وحطيت ذراعي على عيوني... وعقلي راح يفكر فيها... ليش هكي صار
♡
♡♡♡♡♡♡♡♡
رجعنا عمي ناصر للحوش وخشيت على طول لداري
نحيت العباية والوشاح وفردت شعري يلي يوصل لنص ظهري... سندت روحي على طاولت المزين وبكيت بصمت
وينك يأشرف... انت الوحيد يلي تعرفني كويس... متاكده لو شفتني بالمنظر هذا كنت هجمت عليه على طول... ولا تشك فيا للحظه وحده
مشيت لدلاب حقي وطلعت توته بسروال طويل وقميص نص كم سوده... لأني نحس حالتي بنفس اللون
بدلت ومشيت للسرير وقعدت نفكر
لفيت يمين وتذكرت صندوق رسايل اخويا أشرف... هذا وقت نقرا وحده منهن
مديت يدي لدرج وفتحته.. خذيت الصندوق قدامي وفتحته
شفتهم مرقمات زي ما قالي
ورفعت رقم1 وفتحتها ومكتوب
