#معذبتي
❤❤البارت 14❤❤
❤ماقبل الاخر❤
شروق...
رجعت للدار وأنا متضايقه... نسيت أنه تلفوني مش عندي... كان أكيد كلمني رائد قبل لا يجي اليوم
بس غريبه قالي خالي مانخش عليه
بعد كم دقائق خش خالي للصالة وقعد وهوا مبتسم
قلتله:.. رائد طلع
قالي خالي:.. إيه طلع
قلتله:.. به يخالي اعطيني تلفونك... نبي نتصل بمروة
قالي:.. ضروري اليوم يعني
قلتله:.. مانا من يومين مش شايفتها... على الأقل تونسني شوي... اختنقت بروحي هنا
قالي:.. به فهمت
وطلع تلفونه وخذيته واتصلت عليها
ردت عليا:.. الوو
ابتسمت وقلتلها:.. وينك اليوم... المفروض تكوني عندي... عودتيني كل يومين تجي
ضحكت وقالت:.. ههههه شوي بس... أصلا أنا جايتك بالطريق... بس إنتي ماتعرفي تصبري
ارتحت وقلتها:.. به نراجي فيك
قفلت الخط واعطيت التلفون لخالي وقلتله:.. ماتفكر ترفعنا للبحر مازال
ضحك وقال:.. هههه من حقكم طبعا... شن رايك غدوا... اهو منها عطله للصغار.. ونطلعو من الصبح
قلتله:.. تمام معناها
وقعدت نشوف في التلفزيون وفاتت ربع ساعة وكانت مروة معايا بالدار
مروة:.. كيف يعني
قلتلها:.. جا خالي من بدري وقالي رائد يبي يسمع إنك موافقه عليه... ومشيت معاه... وزي ما قالي رائد عشان ما يشكو نقول موافقه عليه
مروة:.. لو يسمعك بدر يقتلك
خفت من مجرد تفكير يسمعني بس:.. أن شاء الله ما يصير... وبعدين بدر عارفني نحبه
قالتلي مروة:.. به هذا رائد كيف بيساعدك... على الأقل كان عطيتيه رقمي
تضايقت وقلتلها:.. تي نسيت أنه تلفوني مش معايا... وقتها من فرحتي كتبتله رقمي... يعني ماصدقت حد بيساعدني
مروة:.. به ماتفكري تتصلي ببدر
ابتسمت وقلتلها:.. وليش تحسابي مكلمتك... عشان ناخذ تلفونك ونكلمه... نخاف نتصل من تلفون خالي أو مراته
طلعت مروة تلفونها وقالت:.. كلميه... بس بتعبيلي ضعف الرصيد يلي بتستخدميه
خذيته منها:.. ههههه عادي ولا يهمك
وضربت على بدر... رن... رن... رن
بس مافي مجيب
عاودت... ونفس الشي مافي مجيب
نزلته من اذني وانا مستغربه:.. مش قلتيلي أنه إتصل عليك من قبل... خيره مايرد
مروة:.. يمكن مشغول
حطيت التفلون بجنبي:.. يمكن
قالت مروة بحماس:.. ماتحسي باعراض الحمل او مازال
ابتسمت وحطيت يدي على بطني وقلتها:.. نفسيتي مشتاقه لبدر وبس... ومافي شي ثاني
♡
♡♡♡♡♡♡♡♡
رائد...
مافهمت شي غير بدر من فوقي ونازل ضرب فيا... هوا فاجأني لذلك ماعرفت ندافع عن نفسي بالأول
وحسيت به يحول عني بس شفته يتضارب مع سليم ولد خالي قاسم
لفيت على بطني نحاول نقوم... بس بصعوبه
وقفت اخيرا وشديت روحي وقلت:.. سليم بعد عنه
طبعا بعد ما كل واحد حسها بعدو عن بعض
قلت:.. تفضل يبدر داخل خلنا نتفاهمو
كان معصب ويتنفس بسرعه:.. مافي تفاهم بينا واضح... ومراتي تبعد عنها
شبحت في سليم مركز معانا... فقلتله:.. تعال داخل واشرحلي شن مشكلتك
قرب لعندي وبهمس من بين اسنانه:.. والله لو قربتلها... ماتلوم إلا روحك... وأنا حذرتك
عطاني ظهره بيمشي بس مسكته بسرعه:.. يبدر اهدا وتعال نفهمك... حاولت من فتره نتصل عليك بس أنت ماترد عليا
نفض يدي منه وطلع
قرب سليم وقال:.. شن المشكله... من هذا
قلتله:.. مافي شي... تفضل لداخل
قال سليم:.. جيت عشان أبوي باعتني لعمتي... كلمها ليا نعطيها امانتها
خشيت لدخال كلمتله أمي... وطبعا لما شافت شكلي ونزلت فيا أسألها... بس قلتلها عن ولد خالي ومشيت لداري
طلعت تلفوني... ونضرب على شروق مقفل زي كل يوم... معقوله تكون اعطتني رقم غلط
حاولت نتصل ببدر... بس مارد عليا... توا كيف نوصله هذا بس
طلعت من الحوش وركبت سيارتي ومشيت حوش خالي منصور... نكلمها ونفهمها شن صار وأنه بدر ما سمعلي
بس بالأول خشيت لعياده عشان جروحي وطلعت كملت طريقي
ربع ساعة وأنا قدام حوش خالي... المشكله مانبي خالي يعرف
بس لحظه... كانها هذي سيارة صاحبت شروق... خليني نرجاها أحسن
وقعدت قرابت الساعه واخيرا شفتها طلعت... نزلت بسرعه ومشيتلها:.. معليش ياخوتي
انتبهتلي وقالت:.. أهلا
عقدت حواجبها:.. سلامتك... منين طالع... شكلك متعارك
تنهدت وقلتها:.. انتي صاحبت شروق صح
قالتلي:.. إيه
قلتلها:.. أنا رائد ولد خالتها
قالت:.. اها... أنت يلي خاطبها على أساس
عقدت حواجبي:.. يعني مخبرتك بكل شي
قالتلي:.. إيه... وحته انك جيت الصبح اليوم... بس كان المفروض خبرتها بجيتك قبل
استغربت:.. بس أنا الصبح ماجيت لعدنها
استغربت هيا اكثر:.. كيف ماجيت... قالت انك جيت عشان تسمع موافقتها عليك
مافهمت شي
قلتها:.. الموضوع شكله معقد... ممكن تقابلني في مكان ونحكو
ردت عليا:.. لالا مش ممكن... مانعرفك عشان نقعد معاك
قلتلها:.. به... اكتبي رقمي ونحاكيك بعدين... لازم نفهم منك شن صار
طلعت تلفونها ومليت رقمي عليها... وضربت ووصلي
قلتلها:.. تمام... عندي مشوار ولما نكمله نتصل بيك
قالت:.. تمام
كنت بنمشي... لفيت سألتها:.. شن أسمك
ابتسمت وقالت:.. مروة
رديتلها الابتسامه:.. عاشت الاسامي
ورجعت لسيارتي... ورجعت ضربت على بدر بس مافي فايده... مايرد عليا
♡
♡♡♡♡♡♡♡♡
أنس....
وصلت وأنا عارف أنه مافي شي يفصلني عن شروق إلا كم دقائق... نبيها تتبهدل من واحد لواحد... وبنسببلها المشاكل في كل مكان... نبيها تندم أنها قبلت ببدر ورفضتني
ضرب تلفوني ورديت عليه:.. نعم... وينك توا... به شوي ونمرك
قفلت التلفون ومشيت للقهوة يلي اتفقت فيها معاه
نزلت ولقيته قاعد على طاوله
قعدت بالمقابل ليه وابتسمت على جنب:.. سلامات... شن فيه وجهك
قال بتعصب:.. وتسأل شن فيه... كله من ولد عمك الهمجي... ماقلتلي أنه متوحش للدرجه هذي
قلتله:.. قلتلك من الأول بتاكلها صح
مدلي يده وقال:.. اعطيني حق العلاج... لقيت القطرة غالية الحق
ضحكت وطلعتله فلوس ومديتهم ليه:.. شن صار بالتحديد
قالي:.. كنت ماشي لحوش عمتي... وبالصدفه نشوف رائد متشابك مع حد فساعدت رائد... في الأول ماعرفته... بس بعد ما بعدنا عن بعض عرفته... ومع قاله بعد عن مراتي وحاجه هكي
وقفت وقلته:.. مدام أنه هنا... خلني نمشي أحسن... يمكن يصادفنا بالغلط
قال سليم:.. تمام معناها... سلام
لفيت بنمشي مع طلع واحد بوجهي... بس وجه كلامه لسليم وقال:.. سليم ماشحبت الراجل يلي لقيته عندي بالحوش
قال سليم:.. ماتقول تعني يلي تعاركت معاه
قاله:.. إيه هوا... أنا ندور فيه
قال سليم:.. يرائد شن تبي فيه... خله في حاله... أو عجبك الضرب يلي حصلته منه
انصدمت أنه هذا رائد... كويس أنه مايعرفني
مشيت من جنبهم وطلعت لسيارتي... لازم نكمل شغلي ونرجع لمنطقتي
♡
♡♡♡♡♡♡♡
بدر...
مش قادر نقعد دقيقه وحده بالمنطقه هذي.... شديت طريق السفر ومشيت... متضايق بشكل مش معقول... انا ينلعب عليا هكي
ويلي معصبني أكثر أنه شروق موافقه... كيف تفكر هذي... معقوله خوف من خوالها وافقت... وأنا شن موقعي به
بعد ساعات وصلت وكان الوقت عصر... الحمد لله ماقلبت السيارة
رفعت تلفوني وانصدمت بكمية الاتصلات
كنت حاطه على الصامت... كم إتصال من مروة والعشرات من رائد... شن يبي هذا
ولقيت رساله باسم رائد
كنت بنفتحها بس ضرب التلفون بيدي وكان رائد
كنت بنقفل بس رديت عليه:.. نعم
قالي:.. اخيرا... اسمعني بالأول... أنا نص ساعه ونكون عندك بالحوش... بنفهمك كل شي... انا مانبي شروق... بس يلي صار سوء تفاهم... وهي قالت إنها موافقه عليا عشان خالها وبس
كنت نسمع فيه ومش فاهم:.. يعني انت تعرف إني راجلها
رائد:.. إيه نعرف... وتقدر تتصل بمروة توا... وهي قعده عندها وتشرحلك شن صار اليوم
قلتله:.. يعني انت وين
قالي:.. لحقتك لما يأست إنك ترد عليا... وقلت أحسن شي نواجهك وجه لوجه
هديت شوي وقلتله:.. تمام... تعرف الحوش
قالي:.. لما نوصل لشارعكم نتصل بيك
رديت عليه:.. تمام
قفلت الخط وحطيت رقم مروة واتصلت عليه
شوي وردت عليا شروق وهي تبكي:.. بدر... ماكنت نعرف إنك اجيت الصبح... لغاية ما خبرني أحمد وسمعت من رائد... صدقني أنا مانبيه بس قلتها لأنه خالي قال هذا رائد... صدقني حبيبي أنا مانبي غيرك... الو بدر... بدر تسمعني
كنت نسمع فيها بدون ما نتكلم... ونسمع فيها تبكي... لدرجه هذي مايبونا نكونو لبعض... يعني الأفضل إني نخليها في حالها
تنهدت وقلت:.. شروق الأفضل أنه كل حد يمشي بطريقه
صرخت وهي تتكلم بسرعه:.. لالالالا بدر حبيبي اسمعني... أنا مانبي غيرك
ورجعت تبكي اكثر:.. بدر أنا حامل سمعتني... بتكون أب يبدر... ولدك يكبر في داخلي... تبي تتخلا عني وعنه يعني
انصدمت من يلي قالته:.. ولدي
ضحكت وهي تبكي في نفس الوقت:.. هههه إيه ولدك... يوم شبحتني بالمستشفى... درت تحليل وطلعت حامل... وكان عندي هبوط... واحتجت للمحلول هذا
حاس بفرحه مش عادية... هههه كل الطرق تخليها ليا... يعني هيا مراتي... وولدي يبيني نتمسك بيها
كنت بتكلم بس سمعت رنت مكالمة انتظار... شفته رائد
قلتلها:.. بنقفل توا
بكت وقالت:.. بدر... قلتلك ماكنت نعرف
قلتها:.. فهمتك بس عندي خط ثاني... بعدين نكلمك
هدت وقالت:.. أحلف
ضحكت عليها:.. ههههه مش مصدقتني بلا حلف
قالت:.. دامك ضحكت خلاص معناها... ماتعطل عليا
قلتلها:.. ماشي
قفلت عليها ورديت على رائد... وصفتله الحوش
توا وضحت الصورة عندي... وأنا ضربته بلا سبب
كم دقائق وكان واقف برا الحوش
طلعتله وخشيت بسيارته
قالي:.. كيفك توا
قلتله:.. الحمد لله... ساحمني على يلي درته فيك
ضحك وقال:.. هههه مردوده ليك أن شاء الله
ابتسمت وقلتله:.. أنا حكم فهمت القصه... بس نبي نعرف شن الصدفه هذي... شن جمعني بيك أنت من غيرك يعني
قلتله:.. أنا كلمني قريبي وقالي عليك... واكدلي نختارك وأنه شغلك تمام
قلتله:.. وقريبك منين يعرفني
رد عليا:.. مانعرف
سكت شوي وقلتله:.. وقصة زواجك من شروق
قالي:.. انا تلاقيت معاها صدفه وعرفت أنها ماعندها العلم... وأنها تبي ترجعلك... فقلتلها نساعدك بس ماتخلي خوالي يعرفو شي
تنهدت براحه وقلتله:.. أنا رجعتها لذمتي... بس خوالها مايعرفو... وخفت نقول وياخذوها مكان ثاني
قال رائد:.. خير مادرت
قلتله:.. تفضل... مستحيل ترجع اليوم.... الوقت تاخر
قالي:.. عندي عمي هنا بنمشيله... وغدوا الصبح بنطلع
ابتسمت وقلتله:.. معليش ثاني على الضرب
ضحك وقالي:.. هههه أنا عادي... بس قريبي المسكين يلي ماليه ذنب شن بيعوضه
ابتسمت وقلتله:.. حنمشيله ونتأسف منه... وأن شاء الله يقبل بس
ضحك وكان بيتكلم بس سكت
بعدها اشر بيده وقالي:.. هذا الراجل من
شبحت وين يأشر
ولقيته يقصد أنس:.. هذا أنس ولد عمي
قالي وهوا مستغرب:.. تصدق شفته اليوم بعد ما طلعت مني مع ولد خالتي... نفسه يلي ضربته
استغرب وقلتله:.. وشن جابه ليه
سكت شوي وقال:.. معناها هذا كيف وصلتلي
ابتسم رائد وقال:.. سليم ولد خالتلي وصاني عليك... وأكيد أنه صاحب أنس وحب يساعدك في الشغل.. ومنها طرف موثوق بينا
شحبتله وأنا متأكد أنه أنس مستحيل يديرلي خير... مستحيل
قلتله:.. أكيد... بارك الله فيه
قالي:.. شروق اعطتني رقمها بس هوا مقفل يطلعلي... كنت بنتفق معاها على خطه
قلتله:.. تلفونها عندي... نساته يوم خذاها خالها
رد عليا:.. مش مشكله... أنا متواصل مع مروة ونشوف طريقه
ابتسمت وقلتله:.. ما شاء الله... كونت معرفه سريعه مع البنت
ابتسم وقال:.. تبي الحق... البنت عجبتني... من فتره شفتها مرا... وتوا ناوي نخطبها... بس بعد ما تتم من موضوعك
قلتله بابتسامه:.. ربي يتمملك على خير
نزلت من السيارة وقلتله:.. نشوفك على خير
ومشى وأنا خشيت لداخل
في راسي سؤال... شن جاب أنس لرائد
وصلت للصاله ولقيته قاعد مع جدي
سلمت وكنت بنكمل لداخل... فسمعته قال:.. كيف صار في طليقتك... سمعت أنها انخطبت... ما شاء الله قبل لا تكمل حته العده... شكله واجدين يطالبو بيها
حسيت بدمي يغلي من كلامه... لفيت وأنا ناوي الشر عليه
بس قال جدي:.. بنتي حترجع لعندي... وهي مرات بدر... الموضوع هذا منتهي... وأنت يبدر من غدوا تمشي ترجعها
قلت لجدي وعيوني في أنس:.. من غير ما توصي يجدي هيا بترجع
ولفيت عشان نمشي لداري
♡
♡♡♡♡♡♡♡♡
رائد...
خشيت بالليل شقه اجرتها بعد ما تعشيت بمطعم ولفيت كم لفه... ماحبيت نضايق عمي بالوقت هذا
وانطرحت بفراشي وأنا نفكر بيلي خذت تفكيري
ابتسمت ورفعت تلفوني بنتصل بيها... مع أنه الوقت تأخر
شبحت بالشاشه وضربت رقمها
طلع انتظار
تقعدت... معقوله يكون عندها حبيب... به مع من انتظار... وأنا يلي بنيت احلام عليها
حطيت تلفوني وحسيت بخيبة أمل مش عادية
يعني ليش حظي هكي... كل مابنرتبط بي وحده يطلع في حياتها حد
شوي ضرب تلفوني وكان بدر
رديت عليه باحباط:.. الووو
ضحك وقالي:.. هههه شن النغمه هذي... كأنك يأس من شي
قلتله:.. توا شن تبي مني... متصل عشان تسمع صوتي يعني
ضحك ثاني وقال:.. هههه بس بنقولك أنه تلفون مروة عند شروق... وأنا كنت نكلم فيها وقالتلي أنت خشيت انتظار... يعني مروة مخلية تلفونها عند شروق
ضحكت وقلتله:.. هههه بالحق... اااه ريحتني
ضحك وقالي:.. هههه وتقولك شروق حافظ عليها... لأنه ماعندها حد... يعني لو تبي استعجل بالخطبه طول
قلتله وأنا فرحان:.. بدون ماتوصي... من غدوا
قالي:.. تمام ... حبيت نوضح الصوره زي ما وضحتلي صوره... سلام
ابتسمت على جنب وقلته:.. مستعجل للخط الثاني
قال:.. ويبيلها سؤال... طبعا
ابتسمت وقلتله:.. سلام
قفلت الخط ورجعت انطرحت براحه... استعجلت بشكي.... بس وضحت الحقيقه والحمد لله
يتبع....
