#معذبتي
🙈❤ شكرا لتشجيعكم ليا❤
❤البارت 2❤
طلعت من الدار أول ماصكرت عليها ومشيت للصالة... شفت جدي قاعد وسلمت عليه:.. السلام عليكم
جدي:.. وعليك السلام... على وين مستعجل
قعدت بجنبه ومسكت يده:.. يجدي الحياة هذي عباره عن استراحه ونطلعو منها... وأنت علمتني الكلام هذا
قال جدي:.. من مات
قلتله وأنا خايف من ردت فعله:.. أشرف ولد عمي محمد
غمض جدي عيونه وشفت دمعته نزلت:.. إن لله وأن إليه راجعون... أمته
قلتله:.. من شهرين
فتحه عيونه والتفت ليا بسرعه:.. من شهرين ولد ولدي ميت وأنا مانعرف عنا
قلتله:.. يجدي توا أنا عرفت... اتصلت عليا شروق... شكله اشرف عاطيها رقمي في حالت صار شي... وربي خذاه
وقف جدي واتكى على عكازه ووضحت العصبية بصوته:.. امشي جيبها... مستحيل نخليها تعيش بعيد عني... خسرت ولدي وماشفته... وتوا حفيدي ولا شفته... أسمع يبدر .... غدوا نبي شروق تكون عندي
وقفت ومسكت بجدي:.. أصلا أنا كنت توا طالع نجيبها... بس خبر ابوي وامي بسفرتي... حنوصل قبل المغرب... وبكرا الصبح إن شاء لله نرجع بيها
قال جدي بعد ما تنهد بحزن:.. ربي يكون معاك
طلعت وركبت سيارتي ومشيت بطريق السفر
♡
♡♡♡♡♡♡♡♡
سمعت نقالي يضرب وكنت قعده مع خالتي صفاء وراجلها ومروة
شفت رقم الراجل يلي كلمته الظهر... وقفت ومشيت لدار مروة ورديت عليه:.. الو
قالي:.. السلام عليكم... أنا وصلت وتوا واقف قدام حوشكم... تقدري تجي للحوش... لأنه مانعرف أي جار تقصديه
خفت الصراحه كيف يبيني نجي لوحدي لعنده:.. به توا نبعت عمي يجيك
قالي:.. من عمك هذا... اني جيتلك إنتي مش حد ثاني
خفت زياده:.. به شوي
وقفلت عليه وطلعت لعمي أبو مروة:.. عمي فيه واحد واقف قدام حوشنا... أنا ما نعرفه بس لقيت أشرف كاتبلي رقمه يبيني نتصل بيه... وتوا خايفه
وقف عمي وقال:.. تعالى نمشي معاك ونشوفو شن يبي
خشيت لبست عبايتي وطلعت مع عمي... المسافه مش بعيده طبعا لأنه الفرق حوشين بس
وصلنا ولقينا سيارة واقفه... مشاله عمي وخبط على نافذة السيارة ونزل منها واحد
قال عمي:.. السلام عليكم... تفضل من تبي
قال الشاب بعد ما شاف فيا:.. وعليك السلام يعمي... أنا بدر ولد عم شروق
أنا دوروني وين... كان شكله جنان وكله روجوله وشخصية وواضح عليه العقل والرزانه... تحشمت من روحي كيف نوصف فيه ونزلت عيوني بسرعه
المهم قال عمي:.. تفضل لعندنا ونتفاهمو
قال بدر:.. تمام
ورجعنا لحوش عمي وخش للمربوعه وأنا خشيت نجيب ضيافه ليه
♡
♡♡♡♡♡♡♡♡
الحق عصبت ليش مدخله راجل غريب بينا... بس أكيد بتكون خايفه وهذا من حقها
خشيت للمربوعه وقعدت... فكرتها بتكون معانا بس اختفت... يعني أنا جاي عشانها وهي تختفي... يربي صبرني بس
قال العم:.. ماكنت نعرف أنه لأشرف الله يرحمه اعمام... لأنه أبوه ولا مرا حكالي... وحته أشرف ما حكالي
قلتله:.. كان فيه مشاكل عائلية
قال:.. به توا ليش جاي يعني
استغربت من سؤاله... يعني شن دخله في النص ليش جاي
كنت بنرد بس خشت شروق بعد ما خبطت على الباب وكانت رافعه سفرة
مدتها ليا وقالت:.. تفضل
شفت طاستين قهوة وكيك
رفعت منها:.. شكرا يبنت عمي
ردت عليا:.. العفو
ومشت اعطت العم وقعدت بعيد شوي
شربت منها شوي وكان وقتها بصراحه... لأنه مسافت الطريق تعبتني
بعد فتره قلت:.. أنا جيت عشان نرفعك معايا يبنت عمي... توا إنتي بنت وصعب تقعد بروحك... وجدي قالي مانرجع بدونك
شفتها متوتره وخايفه
قال العم:.. من حقكم تاخذوها بس شن ياكد إنك ولد عمها
ماقدرت نشد روحي وضحكت الحق:... هههه عندك الحق تشك
دخلت يدي بالجيب وطلعت بطاقتي:.. هذي بطاقت اثباب الهوية... وعلي ما اعتقد أنه هذا خير دليل
قال العم وهوا مبتسم:.. معليش لأني شكيت فيك... بس لازم أنه نتاكدو يعني
اخذت بطاقتي:.. معاك حق... وأنا لو مكانك درت نفس الشي
رفعت راسي نشوف في شروق منزله راسها ومتوتره:.. بكرا الصبح بدري بنطلعو
رفعت راسها بسرعه وقالت:.. ليش مستعجل هكي... وبعدين من بيكون معانا
قلتلها:.. أنا جيت بروحي... لأني ماخبرت غير جدي... وطلعت بسرعه عشان نوصل قبل الليل
شروق:.. عمي ممكن تمشي معانا
عقدت حواجبي وأنا مستغرب من طلبها... شكلها خايفه مني واجد
فقلتلها:.. أنا مش حناكلك يبنت... وأنا نخاف ربي قبل كل شي... وأنتي بنت عمي يعني مني وأي شي يضرك بيضرني
بس هي ما ردت عليا ورجعت سألت العم:.. ممكن يعمي تمشي معانا
قال العم:.. عادي يبنتي... ولما نطمأن عليك نرجع... ماتخافي
شفتها ابتسمت واسترخت براحه... يعني شكلي يخوف أو شن
وقفت وأنا معصب بس ما بينت وقلتلها:.. ممكن تفتحيلي الحوش عشان نرتاح... ماعندي طاقه ندور على شقه ناجرها لليله وحده... طبعا لو ما عندك مانع
وقفت وقالت:.. شوي توا نجيبلك المفتاح
وقف العم وقال:.. خليك يولدي عندنا... توا أنت ضيفي ولازم تتعشا عندنا
قلتله:.. معلش يعم.. بس أنا مرهق وتعبان... وتوي واكل والحمد لله... نبي نرقد الحق ومانبي نديرلك احراجات... ويريت يشروق تعجلي بالمفتاح
قال العم:.. خذ راحتك
وخشت شروق تجيبه ليا
♡
♡♡♡♡♡♡♡
يربي شكله عصبي ويخوف... تعمدت نطلب من عمي يمشي معانا... شن عرفني مايطلع كذاب أو نيته مش كويسه
خشيت بسرعه نجيب المفتاح تبع الحوش... ليا فترة مش خاشتله ومش عارفه شن شكله
رجعت للمربوعه ومديتله المفتاح
بدر:.. يريت مع الساعه 7 تكونو جاهزين... خليت اشغالي بدون ما نعطي خبر... لذلك نبي نرجع بسرعه
قال عمي:.. إن شاء لله
وطلع بدر وأنا خشيت لمروة
