#معذبتي
🙈❤على خاطر حبايبي❤
❤البارت 7❤
أنس....
كنت في داري ومعصب لدرجة الجنون... كسرت الدار كلها عشان ضاع مني كل شي.... وكل هذا بمساعدة اخويا عادل
لا... مش حنمشيها بالساهل... مانكون أنس لو خليتك بحالك يبدر
خشت باللحظه هذي نوره ووقفت تبتسم بوجهي وقالت:.. كنت جايه نباركلك... بس المفروض نمشي نبارك لولد عمك
قلتلها بكل غضب:.. نوره لو ماتختفي من وجهي... مش حتشوفي صبح بكرا
واعطتني ظهرها وطلعت بدون كلام
وأنا قعدت نفكر كيف بندير
♡
♡♡♡♡♡♡♡♡
شروق....
كنت فرحانه بخبر إني مش مرات أنس وبس... كنت طايره من الفرح يعني الكبوس خلاص راح
مابين كنت في سعادتي... حسيت بلمسات بدر على جسمي.. فتحت عيوني فجأة ولقيت روحي متمسكه برقبة بدر وتذكرت أنه أنا يلي نطيت بحضنه
حاولت نبعد روحي عنه وحسيت بحشمه الصراحه
بس هوا ماخلاني
فقلتله:.. بدر بعد
همسلي:.. أنا ماصدقت وصلتلك
تحشمت أكثر وحاولت نفك يديه عني:.. بس فهمني... شن صار
ابتسم وبعد يديه:.. عندك استعداد تسمعي للنهاية
قعدت كويس وقلتله:.. إيه.. قولي
لف جسمه ورفع رجليه للسرير ربعهم وقال:.. لما قفلتي الباب بوجهي ماعرفت في الأول شن اندير... مشيت لولد عمي عادل وقلتله أنا نبيها البنت وخليتها تبكي في الدار ومش قادرة تقولي شي... فقلت لولد عمي نبيك تشهد معايا أنه أنا نبيه البنت وهي مترددة... وأنها رافضه أنس بس خايفه من زعل جدي
وهذا يلي صار... والشياب أصحاب جدي وقفو معايا وقالو مايصير تاخذ البنت واحد ماتبيه... ولحسن الحظ أنا كنت مجهز الأوراق تبع الزواج وقعدات بسيارتي
كنت نسمع فيه ومصدومه... بعدها صغرت عيوني وقلتله:.. ليش مجهز اوراق زواج ليك
ابتسم وقالي:.. لانه يستي حسيت بغيره لما كنتي بالمستشفى اديري تحليل زواجك... حبيت نحس بشعور إني أنا بنكون زوجك... ودرتهم وبس... يعني كراحه نفسيه ليا
سكتت شوي وتذكرت حلا:.. شن بتكون ردت فعل حلا... توا أكيد بينكسر خاطرها
عقد حواجبه وقالي:.. شن دخل حلا
قلتله:.. ماهي خطيبتك
سكت شوي وبعدها انفجر ضحك:.. ههههه من قاله ليك ههههه
استغربت ليش يضحك:.. ماقلت أنا شي يضحك
سكت واخذت نفس:.. معليش... بس أول شي من قاله ليك
نزلت رأسي وقلتله:.. أنس
تغير صوته وواضح تضايق:.. أمته شفتيه وحكيتيه
قلتله:.. يوم كنا بالمستشفى... مش سبقتكم للسيارة... وقتها جاء للسيارة وقالي لو رفضتيني بنقول إنك على علاقه ببدر... وهوا خاطب حلا... ووقتها بتخسري بنت عمك
أبتسم بدر وقال:.. لهسبب ماكنتي بتقولي إنك رافضاته
قلتله:.. إيه
قال بدر:.. ليش ما سألتيني
قعدت نلعب بأصابع يدي وقلتله:.. ماكنت نبي نسمعها منك
شفته مد يده ليا ومبتسملي:.. تعالي
استغربت فيه... بس تلقائيا اعطيته يدي
سحبني لعنده لغاية ما وليت قاعده على فخذت رجله وقريبه منه واجد مايفصل بينا إلا كم سانتي
وقالي:.. أولا أنا مانعرف حلا إلا أنها بنت عمتي وحبيبة عادل السرية... وأنس مايدري بالشي هذا لهسبب قالك... وبعدين ماشفتي اهتمامي بيك وقربي منك وخوفي عليك شي
قلتله بعد ما نزلت رأسي:.. عادي إهتمام زي ما تهتم بجدي
رفعلي راسي بأطراف أصابعه وقالي:.. نحبك
تفاجاة من اعترافه ليا وقعدت ساكته
ابتسملي وقال:.. مابتردي عليا بشي
حاولت نتكلم بس عجزت نقول شي
قالي:.. تعرفي شكلي غلطت لما قلتها.. وواضح إنك ماتحبيني و
قاطعته بكلامه:.. حته أنا نحبك والله أنا
ماكملت جملتي لأنه سحبني لحضنه وباسني
كنت مستسلمه بين يديه... لأنه هذا الشخص يلي قلبي اختاره
♡
♡♡♡♡♡♡♡♡
عادل....
أنا عارف إني بوقفتي مع بدر بنخسر أنس... بس أنا سمعت أبوي وأنس اليوم بالصدفه يتكلمو بدون ما يشوفوني
سمعتهم يتكلمو عن أملاك شروق وأنه يبي يحولهم باسمه ومن الكلام هذا عرفت أنه مايبيها
وتكلمت مع ثوريا وقالتلي أنها البنت تكرها مش بس رافضته... فأستغربت ليش وافقت
ولما شفت تصرفات بدر شكيت فيه واختبرته وتاكدت
وصلت متاخر للحوش متقصد عشان لا نتقابل مع أنس
نزلت وكانت الساعه بعد نص الليل
خشيت للحوش ولقيت ثوريا سهرانه على التلفزيون
قلتلها:.. ليش سهرانه للوقت هذا
رفعت راسها وشافتلي:.. نشوف في فيلم رجال الإكس... هذا اخر جزء
قعدت بجنبها على الصالون:.. وين واصل
ثوريا:.. زاد نص ساعه عليه بس
حسيت بخيبه لما عرفت... وقفت:.. شوفيلي أمته الاعادة تبعه
قالتلي:.. به.. بنسألك شن صار على العقد... تقبلت نصيبها خلاص
ضحكت وقلتها:.. هههه انتي وين عايشه
تقعدت كويس:.. ليش شن صار
قلتلها:.. ماتزوجت من أنس... بس بدر تزوجها
شفتها فتحت فمها مصدومه من يلي سمعاته وقالت:.. بالحق... كيف صار
اعطيتها ظهري وقلتلها:.. أنا بنمشي نرقد توا.. غدوا الصبح نحكيلي... Good night
وقفت بتلحقني ومتمسكه فيا:.. شن بيصبرني للصبح أنا... تعال قولي توا
ضحكت وطنشتها... وصلت داري ولفيت عليه:... موتي بفضولك
وصكرت عليها وأنا نضحك وقفلتها
مشيت لسرير وانطرحت عليه طلعت تلفوني واتصلت على حب حياتي:.. هلا بروحي
ردت بصوتها يلي نعشقه:.. أهلين حبيبي
قلتلها:.. حلا بصدق... كنتي فايقه أو راقده
قالت:.. كنت نراجي في اتصالك
ضحكت وقلتلها:.. كويس معناها... لأنه في موضوع نبي نقوله ليك
حلا:.. شن هوا
ابتسمت وقلتلها:.. أنا تعبت من الغربه لوحدي... وانتي تخرجتي السنه هذي... يعني يروحي خلينا نحدد فرحنا ونعلن علاقتنا
سكتت ولا ردت
قلتلها:.. غيرتي رايك وماتبيني صح
تكلمت بسرعه:.. أنا نموت بدونك... كيف مانبيك
هذي الجمله يلي كنت نبيها
قلتلها:.. معناها الفرح بيكون بعد شهر... لأني بنرجع بعد شهر ونص نسافر
♡
♡♡♡♡♡♡♡♡
بدر....
ماكنت مصدق إني مع شروق وهي بين يديا... شعور مانرف كيف نوصفها
سمعت طق على الباب وخافت شروق وقالت:.. يفضيحتنا... من بيكون هذا
استغربت فيها:.. فضيحت شن تقولي.. راجلك أنا
نزلت من السرير وماشي نفتح الباب قالتلي:.. بدر ألبس قميصك به
ههههه... انتبهت إني بلا قميصي ورجعت لبسته ومشيت للباب وفتحته
كان جدي شاف فيا ورفع حاجبه وقالي:.. شن الادير يولد هنا
ضحكت وقلتله:.. والله حرام عليك يجدي.. شن ولد هذي... وهذا توا متزوج أنا
ابتسم جدي وقال:.. كنت جاي عشان نشوفها راضيا عليا أو لا
حكيت راسي وابتسمتله:.. يعني ضروري توا يجدي
ضحك جدي وقال:. أصلا المفروض انت تطلع... يعني لغاية ما ادير الفرح
قلتله:.. تبصر معايا صح... تعرف يجدي الوقت تأخر توا... عدي ارقد أحسن
ضحك جدي وواضح أنه يأس مني وهوا ماشي قال:.. بس قوللها إني كنت نبي مصلحتها
ومشا جدي وأنا صكرت الباب ورجعت قفلته
خشيت ولقيتها قعده سرحانه
استغليت الفرصه وقربت لعنده واخذتها بحضني:.. في شن تفكري
قالت:.. نفكر أمته بتمشي ترقد بدارك
بعدت شوي عنها وعقدت حواجبي:.. هذي لزه أو شن
نزلت راسها وقالت:.. بدر ليش شن متوقع يصير... أصلا لهنا وخطا يلي يصير
ابتسمت وقلتلها:.. ليش شن صار... قعده متحفظها مني ومش مسلمتني روحك بالكامل
تحشمت وتورد وجها:.. لأنه مايصير
قربت لعندها وطبعت بوسه على خذها:.. تعرفي إنك شهية لما تتحشم هكي
بعدتني ونزلت من السرير:.. بدر اسمع كلمت جدي وأطلع
يعني القصه عناد ... طرحت جسمي بالكامل على السرير وحطيت رجل على رجل ويديا تحت رأسي وقعدت مبتسم ليها
قالت بعد ما حطت يديها على وسطها:... بدر بلا عناد
غمزتلها بعيني:.. بس تعالي... أنا عارف إنك تبيني
لفت واعطتني ظهرها
ابتسمت على حركتها الطفولية يعني زعلت او تحشمت... قعدت نتامل فيها حبيت نحشمها اكثر:.. هذا لبسك الخفيف تبع أول يوم خشيتلك هنا صح
لفت بسرعه وفعلا حشمتها زي ما توقعت:... ههههه سؤال بس
كتفت يديها وعصبت مني:.. اااف... لا مش هوا
ابتسمت على جنب وقلتها:.. بس أنا شفته يومتها... نفس الشورت لحد الركبة والفنيلية بلا اكمام... حته القلب الاحمر من ظهرك نفسه
فتحت فمها مصدومه وقربت لعندي... وبدت تضرب فيا على صدري وأنا نضحك وهي تقول:.. وأنا نحسابك مغمض عيونك وأنت تشوف فيا... كيف ادير فيا هكي
وأنا ميت ضحك على صدمتها... مسكتها بالقوة وطيحتها على السرير وحاولت نتبتها.... هديت من ضحكتي وقربت منها نبي نبوسها... مشتاقلها وهي تبعد فيا عنها
قالت بارتباك:.. بدر... والوقت متاخر... ارجع لدارك وارقد
أما أنا في عالم ثاني:.. اششش
وبستها
و
و
و
♡
♡
♡♡♡♡♡♡♡♡
أنس....
طلعت الصبح بدري وأنا نبي نحرق دمه لبدر... مانبيه يرتاح نهائيا... حقدت عليه وعلي الكل... وانتقامي بيكون واعر
ركبت بسيارتي وطلعت بسرعه... أول شي خطر في بالي المشروع الزراعي يلي مشترك فيه جدي وبدر
بعد ساعه وصلت بس خليت سيارتي بعيده... لأنه العمال يعرفوها... لفيت وجهي ونزلت معايا برميل قاز
مشيت مسافه لغاية الحضيره... كانت تحتوي على المحصود يلي انحصد السنه هذي
حاليا قلبي أسود عليهم... ونبي نشغلهم بخسارتهم... صبيت القاز حول الحضيرة ولحسن الحظ كانو العمال بالجيها الثانيا
صكيت البرميل وطلعت الوقيد وولعت الحضيرة
شفتها كيف بدت تولع وتاكل كل شي
ابتسمت براحه وهذي حاجه بسيطه يبدر... والجاي أكثر
ورجعت طريقي للسيارة... ركبتها ونشوف في النار تولع أكثر وأكثر والدخان يتصاعد لفوق... والناس تجري تبي تطفيها... ههههه هذا لو قدرو عليها
♡
♡♡♡♡♡♡♡♡
حلا....
قعدت على صفرت الفطور مع أمي... وبابا طلع من بدري
قلتلها:.. ماما نبي نقولك حاجه
خذت ماما زيتونه وكلتها:.. نسمع فيك
أخذت نفس وغمضت عيوني وقلتلها:.. عادل يبي يجي يخطبني وقال يبي العرس في خلال شهر... وبنسافر معاها إيطاليا
سمعت الطاسه طاحت من يدها وفتحت عيوني شفتها تبكي
وقفت وقعدت بجنها:.. ماما لو رافضه نرفضها... بس مانبي شي يضايقك
مسكتني من خدودي وقالت مع دمعتها تنزل:.. أنا عارفه أنه بيجي يوم وتتزوجي فيه... بس مش إنك تسافري عني... لو اشتقتلك ونبي نشوفك... وكم بتغيبي عني... إنتي وحيدتي وربي ماعطاني غيرك
حضنتها وقلتلها:.. نرفضوه خلاص... أو نقوله يرجع بعد ما يكمل... وإني بنرجاه
قالتلي:.. لا يبنتي... لو أنه مايبيك ماكان يبي يعجل بالعرس وياخذك معاه... وأنا مش انانية عشان نفرق بينكم
بعدتني عنها وشافت بوجهي:.. وبعدين تبي تفهميني إنك تقدري على بعده
ضحكت من بين دموعي:.. لا مانقدر... وكنت بنقنعك مع الوقت
ضحكت وخضنتي:.. هههه مبروك يبنتي... وعقبال ما نشوف صغارك
ابتسمت وأنا بحضن امي... هيا صاحبتي واختي وكل شي
♡
♡♡♡♡♡♡♡♡
بدر....
فتحت عيوني وأنا نحس براحه وسعاده... حسيت بتقل على صدري وشفت شروق بحضني
ابتسمت على الصبح الحلو هذا
حولتها بشوي عشان بنطلع... تاخرت على موعد تسليم المحصود اليوم
نزلت ولبست دباشي... نزلت بستها وطلعت
مريت من جنب الصاله وكنت بنرقا لفوق... ونسمع جدي ينادي عليا:.. بدر
ماتوقعت بيكون قايم... مشيت للصاله ولقيت حته أبوي معاه... أول مرا نحس بالحشمه الحق
خشيت:.. صباح الخير
أبتسم أبوي وقال:.. صباح النور يعريس
ضحكت وأنا عارف روحي مكشوف قدامهم:.. هههه... كيف اصبحتم
قال جدي:.. وهذا أنا موصيك تطلع وتخليها
حطيت يدي في جيوب السروال واحترت بشن نجواب
قال ابوي:.. عدي دوش وصلي وارجع عشان نحددو الفرح امته
ورفع طاست القهوة وشرب منها شوي وقال:.. مع أنه مافي داعي للفرح توا
أنا خلاص... هذوم متقصديني... قلتلهم:.. في شي ثاني أو نمشي لأني بنطلع للمشروع
ضحك جدي وقال:.. لو بنطلب بتفذ يعني
قلتله:.. أكيد
أبتسم جدي على جنب وقال :.. مانبيك تقرب من شروق من اليوم لغاية الفرح
فتحت عيوني مصدوم من طلبه فقلت:.. تعرف يجدي.. فيه في بعض الدول قانون يقول مافي داعي تنفذ كل ما يطلب منك... أنا بنمشي مع القانون هذا
واعطيتهم ظهري مشيت ونسمع فيهم يضحكو عليا
حلوا هذي مايبيني نقربلها... وبعد ماصارت مراتي يقول نبعد
ركبت الدرج وكنت بنخش لداري ونادتني امي:.. بدر
لفيت عليها وبابتسامه:.. صباح الخير
قربت لعندي:.. وين كنت أمس.. جيت نشوفك ماحصلتك بدارك
احترت نقوللها أو لا... بس يمكن تستلمني زي أبوي وجدي
شفتها مبتسمه وقالت:.. مبروك عليك شروق
رديتلها الابتسامه:.. الله يبارك فيك... يعني فرحتيلي
قالت:.. البنت ماشفت منها شي... ما شاء الله عليها
ارتحت وفرحت بتقبل امي
قالت امي:.. أنا خبرت خواتك... وأمته مايحصلن فرصه بيجن يباركن
قلتلها:.. تمام.. بنخش أنا نجهز روحي وبنطلع عندي شغل
قالت أمي:.. إنتبه لروحك.... ربي يحفظك
ابتسمتلها وخشيت للدار
دوشت وصليت ولبست على السريع ونزلت تحت مستعجل
مريت الصاله وقلت:.. توصوني على شي
قال ابوي:.. فكر ماتمشي على قانون هذيك الدوله بس
ضحكت وطلعت للسيارة... مش حنسلم منهم
ركبت ورفعت تلفوني لأني كنت ناسيه بالسيارة أمس
وانصدمت من كمية المكلامات
فتحت السجل ولقيت فوق 10 مكالمات من شروق
ابتسم... أكيد وقتها كانت بتقول برفضها.. الحمد لله تصرفت من عندي
ولقيت مكلامت فوق 10 حته هي وهذي حديثه من العمال بالمشروع
كنت بندير اتصال بس هوا ضرب عليا
فتحت عليه:.. الو.. شن فيه كامل
انصدمت:.. كيف انحرق.... شن تقول انت... عارف اليوم التسليم صح... لا حول الله... خلاص يكامل توا نجي... فيه حد تضرر... كويس والحمد لله... تمام
قفلت الخط وضربت المقود من عصبيتي... مش وقتها الموضوع هذا... كيف انحرق... هذا بيسبب خساره كبيره لينا توا
شغلت سيارتي ومشيت للمشروع وأنا معصب
يتبع....
الأجزاء السابقه موجوده على صفحتي
