يالا شويه مع ربنا
ما هى مفاتيح الجنه ؟
ما هى عروس القران و قلب القران ؟
الفصل الثاني و العشرون
بقلمى / هدير خليل على
فى مطار القاهرة
وصل الكل مطار القاهرة فادهم بص لحازم وقال ليه
أدهم :- يالا يا حازم مع السلامه و الله هتوحشنا
حازم :- ليه مع السلامه ما انا جاى معاكم
أدهم :- لا يا حبيبى مش عايز اشوف وشك تانى يالا غور بقى
حازم :- لا
أدهم :- حازم امشى من قدامى و لو حصل حاجه هنقولك يالا امشى و متعصبنيش
حازم :- ماشى يا أدهم انا مشى دلوقتى بس انا هرجع معاكم
حازم مشى و مستناش رد أدهم
ساره :- ليه عملت معاه كده
أدهم :- انتى لسه دلوقتى اللى افتكرتى تسالى و بعدين متدخليش فى اى حاجه تخص حازم تمام
ساره سكتت وراحت لليلى و آدم قرب من أدهم
آدم :- مكنش ليه لازمه اللى عملته مع حازم هو مكنش يعرف انه هيعمل كده و بعدين انت عارف ساره بنسبة لحازم ايه
أدهم :- مش عارف اغفره انه هو السبب و كل ما اشوفه بتعصب و ليله ان جدى ساب موضوع ساره ليه كان زمانها ماتت انت عارف ان فى الصعيد اللى يحصل معاها كده بمزاجها او غصب عنها بتجلب العار لناسها فموتها هو الحل بس ده محصلش مع ساره علشان كان فى زوج تقبل ده لكن غيرها مبيكونش معاها حد فبيموتوها
آدم :- انا عارف ده يا صاحبى انسى علشان تعرفوا تكملوا
بقلمى / هدير خليل على
أدهم :- ان شاء الله يالا بقى خلينا نشوف موضوعك
آدم :- أدهم يا حبيبى ممكن طلب
أدهم :- ايه الادب ده معرفتكش و بعدين انا مش معايه اكل قول عايز ايه
آدم :- سيبنى اربيها شويه
أدهم :- لا و الله
آدم :- آه و الله شويه صغيرة
أدهم :- انت مش علمتها الادب مخلص بقى
آدم :- لا لسه شويه
أدهم :- ماشى بس معاك يومين بس علشان لازم نرجع
آدم :- ايه ده يومين بس هى الجوازه دى ملهاش شهر عسل
أدهم :- يالا يا آدم يا حبيبى قال شهر عسل قال ده لو جدك سمعك هينفخك يالا
آدم :- ايه الافترى ده يالا يا اخويه
بقلمى / هدير خليل على
راحوا كلهم للشقه ما عدا حازم و آدم قال ليهم انه رايح مشوا وراجع تانى بعد ساعة رجع آدم و معاه سالى و شنطة هدومها اول ما ليلى تنحت
ليلى :- دى ايه اللى جابها هنا
آدم :- انا
ليلى :- ليه
آدم :- يعنى مراتى و انتى عارفه اننا جاين علشان نحل موضوعنا اللى اتاجل بسبب الظروف اللى عدينا بيها
ليلى :- انا كنت فاهمه انك جاى تطلقها ده ان كنت متجوزها اصلا
آدم :- ليلى انتى تقبلتى الموضوع وخلصنا ايه لزمته اللى بتعمليه ده دلوقتى
بقلمى / هدير خليل على
ليلى :- ماشى يا آدم
ليلى سابت آدم و دخلت اوضتها و هى بتبكى
سالى :- قاسية عليها
آدم :- لو بتحبنى هتستحمل زى ما انا استحملت انها ضحت بيه
سالى :- بس انت قولت ليه انها عملت كده غصب عنها
آدم :- لو كانت بتحبينى كانت دافعت على الحب ده مش تضحى بيه كده عادى يالا تعالى اعرفك هتقعدى فين
راح آدم ودى سالى اوضتها و راح اوضته دخل الاوضة من غير ما يكلم ليلى وراح نام عدى الليل عادى من غير اى احداث على الكل فى الصبح صحيوا وراح آدم و أدهم يجيبوا اكل علشان الشقة مكنش فيها اكل و لما رجعوا البنات هما اخدوا منيهم اللى جابوه وحضروا الاكل
بقلمى / هدير خليل على
سالى :- خد يا حبيبى كل دى من ايدى
آدم :- هاتى يا روحى
ليلى :- طلعت روحك يا بعيد
آدم :- كح كح كح حرام عليكى يا مفتريه
سالى :- الف سلامه عليك يا روحى ان شاء الله عدوينك
ليلى :- امين يا اختى امين
أدهم :- جهزى نفسك علشان نزلين انا و انتى نجيب اللى انتى كنتى عايزه
ساره :- تمام بس هما ليلى و آدم معانا
آدم :- لا احنا مش هنروح معاكم علشان انا معايه كم حاجه عايز اعملهم قبل ما نرجع
ساره :- ماشى انا هروح البس علشان نمشى
أدهم :- لا الاول خلصى اكل بعدين روحى البسى
ساره :- لا خلاص انا كلت
أدهم خد سارة وراحوا يشتروا كل اللى عايزه سارة بس طبعا أدهم كان بيرفض اى لبس ضيق أدهم شاف فستان شكله جميل جدا كان لونه اسود بس كب و ضيق من الصدر لغاية الوسط و بعدين يبتدى يوسع
أدهم :- استنى هنا هشوف واحد صاحبى و جاى
ساره :- ماشى ان هدخل المحل ده لغاية ما تخلص
أدهم :- تمام
أدهم ساب سارة و هى دخلت المحل اللى قالت عليه و ادهم بعد ما تاكد انها مش هتشوفه راح جاب الفستان و هو راجع شاف محل فضى عجبته سلسله رقيقة نص وردة لما تتفتح بتكون وردة كاملة و تتحط جواها صورتين
بقلمى / هدير خليل على
أدهم :- يا رب تعجبها
ساره شافت أدهم جه فطلع من المحل
ادهم :- خلصتى
ساره :- ايوه يالا بينا
أدهم :- يالا
ساره :- أدهم
أدهم :- نعم
ساره :- ايه اللى معاك ده
أدهم :- ها....ده قميص عجبنى فشتريته
ساره :- هات اشوفه
أدهم :- لا اقصد فى البيت هخليكى تشوفيه
ساره :- ماشى
فى الشقة
آدم ساب الشقة و نزل راح يقابل صاحبه و ساب ليلى و سالى فى الشقة فسالى حبيت تتسلى شويه فراحت لبست فستان احمر كان طالع عليها حلو اوى و فردة شعرها و عملت مكياج خفيف وراحت تتفرج على التلفزيون ليلى لما شافت شكلها مقدرتش تمسك نفسها
ليلى :- ايه اللى عمله فى نفسك ده
سالى عمله ايه
ليلى لبسك و مكياجك
سالى :- ابدا قالت بما انى عروسة فلازم اكون جهزه و حلوه دايما قدام حبيبى آدم بدل ميزهق و يروح يشوف واحده تانى و بعدين اللى زى آدم ده لازم يدلع
ليلى :- و انتى بقى اللى هدلعيه بالوانك دى
سالى :- طبعا والوان ايه اللى بتتكلمى عليها قصدك الاحمر ده آدم بيعشقه و بعدين انتى مضيقة ليه مش انتى سابتيه و قولتى مش عايزه ليه مولعه
ليلى :- اولا آدم مش بيحب الاحمر هو ابليس و انا معرفش ثانيا هولع ليه يعني ده انا قمر و الف من يتمننى و بعدين يا روحى على رأي المثل اللى خدته القرعة تاخده ام الشعور
سالى :- اوه مكنتش اعرف انك قرعة
ليلى :- بت انتى مين دى اللى قرعة ليه يا حبيبتى مش شايفى شعرى انا اقصدك انتى القرعة
سالى :- oh my God انا مش قرعة و بعدين لو حتى انا قرعة زى ما بتقولى كفايه ان آدم اختارنى انا و سابك انتى ليلى تصحيح لعلوماتك انا اللى رفضت مش هو و بعدين هو يتمنى ليه رضى ارضى
سالى :- لو زى ما بتقولى ليه زقة فيه لغاية دلوقتى ليه قاعدة معاه و هو متجوز واحدة تانى و لا هو حلى فى عينك بعد ما راح لغيرك
ليلى ( و هى خلاص بتحارب دموعها ):- خلاص يا حبيبتى سيبهولك ما هو اللى سابته الهانم تاخده مساحة السلالم
آدم كنت و صل الشقة لما ابتدت الخنقة بس حب يسمع ليلى هدافع على حبهم و لا لا بس بعد ما سمع ردها الاخير قرر يدخل
آدم:-(بعصبيه)لا فعلا ونعمه الزوجات
ليلى وسالى:-آدم
آدم:-ايوه زفت اللى شغلين ترموه على بعض
سالى:-انت هنا من إمتى
آدم:- من اول ما الهانم شيفانى مشط لغايه ما وصلت لخيشه (قطعه من الملابس قديمه تستخدم فى التنظيف)
ليلى:-انا مش قصدى
آدم:- ده كله ومش قصدك اما لوقصدك كنتى قولتى ايه تانى
بقلمى/هدير خليل
أدهم وساره دخلوا الشقه وسمعوا صوتهم العالى
أدهم:-فى إيه مال صوتكم عالى
آدم:-مفيش
وسابهم آدم وطلع من الشقه
أدهم:-هو حصل إيه مخلى آدم عصبى كده
ليلى مردتش عليه وسابته ودخلت اوضيتها وهى بتبكى أدهم بص لسالى
سالى :-آدم معجبوش رد ليلى على حبه
أدهم:-ازى
سالى:-لما ياجى اساله
سابته ومشيت فساره خدته وراحوا اوضتهم يستنوا آدم يرجع علشان يفهموا ايه الحكايه
يا ترى ايه هيحصل تانى مع آدم و ليلى ؟
يا ترى ايه رد ساره على هدية أدهم ؟
بقلمى/هدير خليل
إنتظروا الفصل الجاى
يتبع
