Nakatagong Himig

Himig#04 - Mahal kong Ina

Mahal kong Ina

Ni derl028

Kagandahang taglay mo ay parang bulaklak,

Gaya ng pagmamahal mong walang kasing busilak.

Labis kang natataranta kapag ako'y umiiyak.

Masilayan lang aking ngiti ikaw ay nagagalak.

Ikaw ang nagsisilbing ilaw sa aking buhay,

Mga turo mo'y naging aking gabay.

Ikaw ang aking lakas sa tuwing nalulumbay,

Mga yakap mo sa'kin ay umagapay.

Salamat sa'yo aking mahal na ina,

Sa walang sawa mong pagkalinga.

Salamat sa'yo aking mahal na ina,

Sa walang pagod mong pag-aaruga.

Ang mga oras ay ating susulitin

Panahong nasayang ay ating babawiin

Lahat ng kulang ay ating kukumpletuhin.

Aking ina, pagmamahal ko sa'yo ay iyong damhin.