علي . : يوم اريد احجي وياچ بموضوع زواجي .
ام علي : يمه باي وقت تكوله اني حاضرة وبكيفك اذا انت تربد بعد الامتحانات مالتكم تخلص انت وياها
علي : اي والله خوش فكرة بعد الامتحانات مباشرة اريد اتزوج .
نور : اي علاوي عفية خلي عرسك بالعطلة حتى اسيطر عالوضع هههههه ارتب وضعي ملابسي مو تخليها بعز الامتحانات .
اريج: كعدت ااصبح وكالعادة بدلت اريد اروح للدوام .وكنت جاي اتريك واتصل علي كال حضري نفسك راح اجي . اخذك
اريج : ماعندي شي صار جاي اتريك .
علي: وصلت يم باب بيتهم وبعدها اريج خشمها يابس وتحجي بمثاقيل وياي حتى من رحنا للمحكمة وعقدنا ماحسها فرحانه . بس انا لج يالجين لو ماكسر اخشمك واذبك . انا علي اللي البنات تحسب لي مية حساب .هاي تبقى هيج تحاجيني ولاكاني خطيبها وصارلنا مخطوبين شهرين .
اريج: صعدت السيارة وسلمت عليه صباح الخير علي بابتسامه . رد من ورا خشمه صباح النور وسكت
ظلينا ساكتين لاهو يسولف ولاأني بادلته الحديث .
وصلنا للكلية ونزلنا سوية وهو بعدها واحنا نمشي واتصل على سدرة وسمعته يحجي وياها .
علي : صباحوو سدرتي شلونك . هلا بصوت الكناري . اكول سدورة متريكة بعدك اني مامتريك واريد ناس رايقه تفتح المزاج .حتى اعزمج على لفات بركر . يالله انا وصلت باي . ههههههه
أريج : انا امشي وياه وسمعته هيچ يحچي وانا كلش انقهرت . ادري
هذا شبي ليش هيج محتقرني . عيوني دمعت وكفت وباوعت له كلت له انت ماتخجل من نفسك . شنوو انت ماتحترمني ولاتقدرني . وثانيا اذا انت عاجبتك سدرة وتحب تاكل وياها كان خطبتها . ليش لزكت لي لزكه . علي انا ماريد استمر وياك . عوفني . واخذ اللي تريحك ومزاجك يروق وياها وتفتح نفسك . ماتصير هاي مو حالة وياك بالكلية وتخابر وتتصل وانا وياك .
علي : خلصتي كلامج هسه وانتي ليش من خطبتك لهذا يومنا حاولتي تتصلين مرة من غير رسميات كلفتي نفسك يوم وحجيتي وياي . انتي حتى بعقدنا ماحسيتك فرحانه . ولاحاسبالك انا احبك واموت عليج وخطبتك . لاياعيني انت وحده فكر وماشايفه خير ولاتتوقعيين انا متت عليج واتقدمت لك . لا بس انا حبيت اكسر راسج وخشمك وغرورك . ماتكولين لي على شنو شايفه نفسك . ياكحيانه .... مو علي االي ينذل او ينزل مستواه .فهمتي ياروحي
اريج : تدري ليش ماحبيتك ولااشتهيك . لان صح عندك فلوس يازنكين وعندك شكل بس الاخلاق مفتقرها .
انت انسان مريض نفسيا . شتريدني مثلا اسوي . اولا شوهت سمعت يم صاحبك وانت سبب خليتني اعوف شغلي. واستهزأت بيه كدام الطلاب بالكلية وعيرتني . بس مانهزيت تدري ليش لان اللي عيرتني بي الفقر والفقر موعيب بس عيب لو انا ابيع شرفي واركض وراك واخذ منك مقابل . انت نسيت كنت خاطفني ومأذيني وهددتني لو اقبل بيك لو تطردنا من البيت واذا مانفذت تشوه سمعتي . كل هذا وتكولي انا خطبتج وانتي ماناطيتني وجه لو مسمعتني كلمه حفوة اي صح صارت خطبتنا ليش انا فكرت بهاي الخطبة او انطيتني مجال حتى اتخذ قرار كل ماهنالك انت مافكرت بيه كانسانه فكرت على اني شيء او نزوة تريد تاخذه بثمن .
أنت تقرأ
ارحمني الجزء الثاني
Romanceتكملة لقصة ارحمني لجين وعلي بعد ماتوقفت من قبل الكاتبة . علي يقرر يتزوج لجين بعد ماتخلص الامتحانات وهي ماكانت راضية . وتضطر تقبل بالقرار بعد ماتعرف بان علي يهدهها .
