أريج : دخلت على دكتور حيدر وكنت مرتبكة وخايفة من علي لان شافني وماعرف شنو أسوي بس ردت اتخلص منه ماريد اشوفه كبال عيني . كرهته صح هو عقد عليه محكمة وشيخ بس اعتبر نفسي مغتصبة . اي اغتصبني وهانني . لامثل الناس تحضرت وتهيأت لعرسي او فرحت او امي فرحت . وتالي عافني . اووف شنو هالبلوة ياربي . لو اعرف ابطل بس فترة على مااخلص منه .
دكتور حيدر : أريج كم مراجع بقى عدنا .
أريج. دكتور عدنا ٤ مراجعين جدد (طبعا من ضمنهم علي ). واثنين جلسات ليزر شعر . واربعه تقشير كاربوني وحده من المراجعات عدهات هايدرافيشال جلسة ثالثة .
الدكتور : ماشي اريج . يالله
أريج : طلعت من الغرفه وهذا علي بعده مارايح توقعته راح واكف ولاعبالك
علي : حسيت بأريج بس تريد تتهرب مني ومن خليت عيني بعينها . حسيت بنزف جرحها واللي سويته . بس اختطافي لها ماكان نزوه او غريزة جنسية . كنت بحالة عصبية ولان بعد اللي صار ماخلتها سكته وراحت كبرت الموضوع وتفاجات من شفت امها بيت عمي وظل عمي جواد يهينني كدام امها . انا تخبلت وصرت اعصاب . ياربي انا صح غلطت بحقها بس انا احبها والله احبها . ماعرف صح شوي كنت صلف وقح وياها وقسيت وياها بالكلام . بس شلون اصلح غلطتي وشلون اخليها ترجع لي وتثق بيه .
أريج : كنت منزلة راسي اكتب بالسجل واتقرب علي من يمي وكال لي كنت ناوي اجيب الوالدة هي محتاجه الطبيب . بس انا هسه احتاج لطبيب التجميل اكثر من امي .
اريج : تفضل ادخل عالدكتور اخي رقمك بعد المريض اللي هيه يم الدكتور بس يطلع انت تدخل .
علي : ههههه موحلوة اخي . اخي مرة وحده . بس احنا صار بيننا فراش مايصير تكولين اخي . الافضل كولي زوجي سابقا
أريج: عدنا مراجعين وماحب هذا التصرف تتقرب من يم ذاني وتحجي ابعد عني رجاءا اما تكعد بمكانك وتنتظر دورك او ......
علي : او شنو حبي ... حبي تدرين انا ليش اجيت لطبيب لان عندي مشكلة كانت لساني موحلو وهو خسرني اغلى اروج . فقررت اسوي للساني تجميل .
أريج عفته ومشيت وفعلا تنرفزت بس شيخلصه هاليوم وقررت اقدم رقمه وادخله بس حتى يروح . ودخلته عالطبيب
علي : اريج صاحت برقمي ومتاكد انا قدمت رقمي على المراجعين بس حتى تتخلص مني .
علي : دخلت عالطبيب واحتاريت شاكوله . فسالني الطبيب تفضل
علي : دكتور بشرتي تتحسس من الشمس واريد علاج
الطبيب : حاليا بشرتك هادئة . وراح اكتب لك على علاج من تصير عندك حساسية تاخذه .
علي : كتب لي الطبيب على علاج وطلعت . بس چذب ماشتريت العلاج وسلمت على اريج ورحت
أريج: فكه راح . كريه . وبهالاثناء اتصلت زينب وكنت احجي وياها وكالت باجر جمعه ونريد الصبح نطلع للمول .
أنت تقرأ
ارحمني الجزء الثاني
Romanceتكملة لقصة ارحمني لجين وعلي بعد ماتوقفت من قبل الكاتبة . علي يقرر يتزوج لجين بعد ماتخلص الامتحانات وهي ماكانت راضية . وتضطر تقبل بالقرار بعد ماتعرف بان علي يهدهها .
